சொட்டு நீரும் எங்கள் சொத்தே! யாழில் நடைபவனி

தேசிய நீர்வழங்கல் வடிகாலமைப்பு சபையின் யாழ். மாவட்ட பிராந்திய அலுலகத்தின் ஏற்பாட்டில் சுத்தமான குடிநீருக்கான மக்களின் நலன் என்னும் கருப்பொருளில் உலக நீர் தின நிகழ்வின் மாபெரும் நடைபவனி  இன்று யாழ். பண்ணையில் அமைந்துள்ள தேசிய நீர்வழங்கல் வடிகாலமைப்பு சபையின் யாழ். மாவட்ட அலுலகத்தில் இருந்து யாழ். மாவட்ட செயலகம் வரை சென்றடைந்து. 

 

நிலத்தடி நீரை பாதுகாப்போம், சுத்தமாக இருக்கும் நீருக்கு புத்துயிர் அளிப்போம், இன்று மழை நீர் சேகரிப்பு நாளை குடிநீர் பாதுகாப்பு,  சொட்டு நீரும் எங்கள் சொத்தே, பொதுமக்கள் விழிப்படையுங்கள், என்ற கோட்பாட்டுக்கு அமைவாக பதாதைகள் ஏந்தியவாறு மக்கள் நடைபவனியில் கலந்து கொண்டனர்.

 

இந்நிகழ்வுக்கு பிரதம அதிதியாக வடமாகாண தேசிய நீர்வழங்கல் வடிகாலமைப்பு சபையின் பிரதிப்பணிப்பாளர் பாரதிதாசன், யாழ். மாவட்ட மேலதிக அரசாங்க அதிபர் பா.செந்தில்நந்தனன், ஆகியோர் கலந்து கொண்டு இந்த மாபெரும் நடைபவனியை ஆரம்பித்து வைத்தனர்.

 

மேலும் இந்த நடைபவனி யாழ். ஆஸ்பத்திரி வீதியூடாக, வேம்படி சந்தியூடாக சென்று யாழ். மாவட்ட செயலக வரை சென்று அங்கு சுத்தமான குடிநீர் தொடர்பிலான மக்களுக்கு தெளிவுபடுத்தும் வகையிலான விழிப்புணர்வு நாடகம் ஒன்றும் இடம்பெற்றது.

 

                                                         

 

                                                         

 

                                                         

 

                                                         

 

                                                         

 

                                                         

http://onlineuthayan.com/news/11303