வடக்கில் இராணுவ முகாமகள் அகற்றப்படாது என அமைச்சர் மஹிந்த சமரசிங்க தெரிவித்துள்ளார்.

கண்டி அஸ்கிரி மகாநயக்கரை சந்தித்தது ஆசி பெற்றுக்கொண்ட போது நேற்று அவர் இதனைக் குறிப்பிட்டுள்ளார்.

அவர் மேலும் கூறுகையில்…

வடக்கில் சிவில் நிர்வாக நடவடிக்கைகளை மாவட்டச் செயலாளர் மேற்கொண்டு வருகின்றார்.

இராணுவ முகாம்கள் தொடர்ச்சியாக பேணப்படும்.

தமிழீழ விடுதலைப் புலிகளின் பயங்கரவாத நடவடிக்கைகளுக்கு முன்னதாக வடக்கில் சிங்கள, முஸ்லிம்கள் வர்த்தக நடவடிக்கைகளில் ஈடுபட்டிருந்தனர்.

தமிழீழ விடுதலைப் புலிகள் இந்த மக்களை விரட்டியடித்தனர். தற்போது வடக்கில் அமைதியான சூழ்நிலை ஏற்பட்டுள்ளது.

ஜெர்மன் உதவியுடன் வடக்கில் தொழில்நுட்ப பயிற்சி நிறுவனமொன்று நிறுவப்பட உள்ளது, மஹிந்த ராஜபக்ச ஆட்சிக் காலத்தில் இந்த உதவிக்கான அனுமதி கிடைத்தது.

சாலாவ ஆயுதக் களஞ்சிய வெடிப்புச் சம்பவத்தில் பாதிக்கப்பட்ட அனைவருக்கும் அனைத்து வசதிகளும் செய்து கொடுக்கப்படும்.

ஜனாதிபதி மைத்திரிபால சிறிசேன பிரதமர் ரணில் விக்ரமசிங்க தொடர்பில் சர்வதேச ரீதியில் நன்மதிப்பு ஏற்பட்டுள்ளது.

ஐரோப்பாவிற்கு மீன்களை ஏற்றுமதி செய்வது குறித்து விதிக்கப்பட்டிருந்த தடை நீக்கப்பட்டுள்ளதுடன், ஜீ.எஸ்.பி பிளஸ் சலுகைத் திட்டம் மீளவும் கிடைக்கக்கூடிய சாத்தியம் காணப்படுகின்றது என அவர் தெரிவித்துள்ளார்.

http://www.tamilwin.com/security/01/107475

1950கள் முதல் சிங்கள-பௌத்த இனமதவெறி அரசுகள் வாக்குறிதிகளை வழங்குவது, பாதிக்கப்பட்ட தமிழருக்கு கிடைக்க வேண்டிய நீதிகளை நிவாரணங்களை இழுத்தடிப்பது, தமிழின அழிப்பை தொடர்ந்து மேற்கொள்ளுவது, என்று சிங்கள பௌத்த இனமதவெறி அரச பயங்கரவாதத்தை தொடர்ந்த வண்ணம் உள்ளன.

காலத்துக்கு காலம் சிங்கள பௌத்த இனமதவெறிப் பயங்கரவாதத்துக்கு முட்டுக் கொடுக்க, சர்வதேச ஆதரவை தக்க வைத்துக்கொள்ள  பொன்னம்பலம், அமிர்தலிங்கம், ஆனந்தசங்கரி, டக்லஸ், கதிர்காமர், சம்பந்தன்,  சுமந்திரன், சுவாமிநாதன் போன்ற சில எட்டப்ப அரசியல்வாதிகளும், இவர்களுக்கு வால் பிடிக்கும்  எட்டபர்களும் இருந்துகொண்டுதான் உள்ளனர்.

தந்தை செல்வநாயகம், மேதகு பிரபாகரன் இன் பின்னர் தற்போது முதலமைச்சர் சி.வி. விக்னேஷ்வரன் போன்றவர்களின் உறுதியை ஏனையவர்கள் கற்றுக்கொள்ள வேண்டும். குறிப்பாக தன்னிகர் இல்லாத மாபெரும் தலைவன் பிரபாகரனைப் பெற்ற தமிழர் அவரின் ஆளுமைத்திறன், தீர்க்கதரிசனம் போன்ற உயரிய பண்புகளில் இருந்து பலவற்றை கற்றிருந்தால் சிங்கள-பௌத்த இனமதவெறி முத்திய அரச பயங்கரவாதத்தை வீழ்த்துவது பெரிய காரியமாக இருக்கப் போவதில்லை.  

சர்வதேசத்துக்கு 68 வருட சிங்கள-பௌத்த இனமதவெறி முத்திய அரச பயங்கரவாதத்தின் சுயரூபத்தை விளங்கவைத்து போர்க் குற்றவாளிகளான சிங்கள-பௌத்த இனமதவெறி இராணுவத்தினர் தமிழ் மண்ணில் இருந்து எந்தவொரு வழியிலாவது முற்றாக அகற்றப்பட வேண்டும் என்பதை உணர்த்துவது மக்களால் தேர்ந்தெடுக்கப்பட்ட தமிழ் அரசியல்வாதிகளின் கடமை.