தற்கொலை குண்டுதாரி என சந்தேகிக்கப்பட்டவர் சிங்களப் பெண்-லங்காதீப

அண்மையில் அக்குறுகல கொடகம பிரதேசத்தில் பஸ் ஒன்று குண்டுவெடிப்புக்குள்ளாகிய சம்பவத்தில் உயிரிழந்த 11 நபர்களின் இறந்த உடல்களில் பெண்ணொருவரின் உடற்பகுதிகள் அடையாளம் காணப்படாத நிலையில் அதனைத் தற்கொலைக் குண்டுதாரிப் பெண்ணின் இறந்த உடல் என புலனாய்வுப் பிரிவு பொலிஸ் தரப்பில் சந்தேகம் தெரிவிக்கப்பட்டிருந்தது.

ஆயினும் கடந்த 8 ஆம் திகதி மேற்படி பெண்ணின் இறந்த உடல் தெவிநுவர ரஸ்ஸன்தெரிய பிரதேசத்தைச் சேர்ந்த பறகஹவத்தேகெதர பகுதியில் வசித்து வந்த டெய்ஸி ஜயசிங்க எனப்படும் பெண்ணின் உடல் என அவருடைய உறவினர்களால் உடல் வைக்கப்பட்டிருந்த கறாப்பிட்டிய வைத்தியசாலையில் வைத்து அடையாளம் காட்டப்பட்டுள்ளது. மேலும் இந்தப் பெண் 69 வயதுடையவர் எனவும் இவருடைய உடலையே தற்கொலைக் குண்டுதாரிப் பெண் என முன்னர் சந்தேகிக்கப்பட்டது எனவும் தற்போது தெரியவந்துள்ளது.

மேற்படி கொடகமவில் பஸ்ஸில் நடத்தப்பட்ட குண்டுவெடிப்பு புலிகள் இயக்கத்தின் தற்கொலைப் படையைச் சேர்ந்த குண்டுதாரிப் பெண் ஒருவராலே நடத்தப்பட்டதாக முன்னர் கருதப்பட்ட நிலையிலேயே குறித்த 69 வயதுடைய பெண்ணின் உடல் தற்கொலைக் குண்டுதாரிப் பெண்ணின் உடற்பகுதிகள் என அனுமானிக்கப்பட்டிருந்தது. டெய்ஸி ஜயசிங்க எனப்படும் இந்தப் பெண் பேரப்பிள்ளை முறையான நுவர ரத்நாயக்க எனப்படும் நபருடன் கொழும்பிலிருந்து வீடுநோக்கி மேற்படி பஸ்ஸில் சென்று கொண்டிருக்கும் போதே இந்தக் குண்டுவெடிப்பு நிகழ்ந்துள்ளது.

-லங்காதீப : 09.01.2007-

http://www.thinakkural.com/news/2007/1/11/...s_page18963.htm