டோக்கியோ: பொருளாதாரரீதியில் தடுமாறி வரும் அமெரிக்காவின் ஃபோர்டு நிறுவனம் விரும்பினால், அந்த நிறுவனத்துடன் வர்த்தக ரீதியாக இணைந்து செயல்பட தாங்கள் தயாராக இருப்பதாக ஜப்பானின் டொயட்டோ நிறுவன தலைவர் கடாசுகி வட்டனாபே கூறியுள்ளார்.

டொயட்டோ நிறுவனம் ஜெனரல் மோட்டார்ஸ் நிறுவனத்தையும் கையகப்படுத்தவுள்ளது.

நிக்கி பிசினஸ் இதழுக்கு வட்டனாபே அளித்துள்ள பேட்டியில் இதைத் தெரிவித்துள்ளார். அவர் கூறுகையில், இரு ஆட்டோமொபைல் நிறுவனங்களும் வர்த்தக தொடர்புகளை ஏற்படுத்திக் கொண்டால், தொழில்நுட்ப வளர்ச்சிக்கு அது மிகப் பெரிய முன்னேற்றத்தைக் கொண்டு வரும்.

இருப்பினும் இது தொடர்பாக முடிவெடுக்க வேண்டியது ஃபோர்டுதான். கூட்டுச் செயல்பாடு குறித்து இதுவரை பேச்சுவார்த்தை ஏதும் நடக்கவில்லை என்றார்.

ஆனால் இரு நிறுவனங்களும் இணைந்து செயல்பட உத்தேசித்துள்ளதாகவே கூறப்படுகிறது. இதற்கான முதல் கட்டமாக இரு நிறுவனங்களின் தலைவர்களும் சந்தித்துப் பேசியுள்ளதாகவும் நிக்கி இதழ் தெரிவிக்கிறது.

தற்போது டொயட்டோ நிறுவனத்தின் எஸ்கேப், மரைனர் ஆகிய வாகனங்களின் என்ஜினுக்கான உதிரி பாகங்கள் சிலவற்றின் தொழில்நுட்ப உரிமத்தை ஃபோர்டு வைத்துள்ளது என்பது குறிப்பிடத்தக்கது.

ஃபோர்டு பொருளாதார ரீதியாக தற்போது தடுமாற்றத்தில் உள்ளது. டொயட்டோவுடன் இணைந்து செயல்பட்டால்தான் பேரிழப்பிலிருந்து அது மீள முடியும் என மோட்டார் வாகனத் துறை நிபுணர்கள் கூறுகிறார்கள்.

டொயோ வசமாகும் ஜெனரல் மோட்டர்ஸ்:

இதற்கிடையே, உலகின் முன்னணி மோட்டார் நிறுவனமான அமெரிக்காவின் ஜெனரல் மோட்டார் நிறுவனத்தை டொயட்டோ கையகப்படுத்தவுள்ளது. ஜெனரல் மோட்டார்ஸை கையகப்படுத்தி விட்டால் உலகிலேயே மிகப் பெரிய மோட்டார் வாகன நிறுவனமாக டொயட்டோ உருவெடுக்கும்.

இது ஒரு புறம் இருக்க மலேசிய அரசுக்குச் சொந்தமான புரோட்டான் கார் நிறுவனத்தின் பங்குகளை வாங்க ஜெனரல் மோட்டார்ஸ் நிறுவனம் முயன்று வருகிறது.

இதுதொடர்பாக இரு நிறுவனங்களுக்கிடையே பேச்சுக்கள் நடந்து வருகின்றன.

இதேபோல, பிரான்ஸின் பிஎஸ்ஏ பியூஜியட் சிட்ரோன் மற்றும் ஜெர்மனியின் வாக்ஸ்வோகன் நிறுவனங்களும் புரோட்டானின் பங்குகளை வாங்க ஆர்வம் காட்டியுள்ளதாக மலேசிய நிதியமைச்சர் நூர் முகம்மது யாக்கூப் தெரிவித்துள்ளார்.

புரோட்டான் நிறுவனத்தின் பங்கு ஒன்றுக்கு 2.85 டாலர்கள் (மலேசிய மதிப்பில் 10 ரிங்கிட்டுகள்) வரை தர ஜெனரல் மோட்டார்ஸ் முன் வந்துள்ளதாக மலேசியாவிலிருந்து வெளியாகும் பிசினஸ் டைம்ஸ் நாளிதழ் செய்தி வெளியிட்டுள்ளது.

போர்டைப் போலவே ஜெனரல் மோட்டார்ஸ் நிறுவனத்திற்கும் அமெரிக்க சந்தையில் இறங்கு முகம்தான். அதேசமயம், உலகின் பிற பகுதிகளில் இதன் மார்க்கெட் வலுவடைந்து வருகிறது என்பது குறிப்பிடத்தக்கது.

2006ம் ஆண்டில் ஜெனரல் மோட்டார்ஸ் நிறுவனத்தின் வெளிநாட்டு விற்பனை வருவாய் 55 சதவீதமாக இருந்தது. அதேசமயம் 2005ம் ஆண்டில் இதன் நஷ்டம் 10.6 பில்லியன் டாலராக இருந்தது. கடந்த ஆண்டின் முதல் மூன்று காலாண்டில் 4.8 பில்லியன் டாலர் அளவுக்கு நஷ்டத்தை சந்தித்தது.

அமெரிக்காவில் அடியை வாங்கிக் கொண்டிருந்தாலும் இந்தியா, சீனா, ரஷ்யா ஆகிய நாடுகளில் ஜெனரல் மோட்டார்ஸ் நிறுவனம் லாபம் சம்பாதிக்க ஆரம்பித்துள்ளது.

அமெரிக்காவின் நம்பர் ஒன் நிறுவனமான ஜெனரல் மோட்டார்ஸ், 2வது நிறுவனமான ஃபோர்டு ஆகியவற்றை விழுங்கக் காத்திருக்கும் ஜப்பானின் டொயட்டோ நிறுவனத்தின் அசைவுகளை உலக மோட்டார் வாகன நிபுணர்கள் கூர்ந்து கவனிக்க ஆரம்பித்துள்ளனர்.

http://thatstamil.oneindia.in/news/2007/01/17/toyato.html

ஜேர்மனிய நிறுவனங்களும் முளி கீழே விழாக்குறையாக முழிசிக்கொண்டு திரிகின்றன.ஆசிய நிறுவனங்களின் அதிவேக முன்னேற்றத்தால் மேலைத்தேய நாடுகளின் பொருளாதாரம் சற்று தடுமாறும் நிலையில் உள்ளது.

ஜேர்மனிய நிறுவனங்களும் முளி கீழே விழாக்குறையாக முழிசிக்கொண்டு திரிகின்றன.ஆசிய நிறுவனங்களின் அதிவேக முன்னேற்றத்தால் மேலைத்தேய நாடுகளின் பொருளாதாரம் சற்று தடுமாறும் நிலையில் உள்ளது.

என்ன சார் போயும் போயும் BMW, Mercedes benz, VW & Audi,,Porche போன்ற நிறுவனங்களுடன் ஜப்பானிய, அமெரிக்க நிறுவனங்களை ஒப்பிடுகிறீர்களே..... எது எப்படி இருந்தாலும் மலை மலை தான் மடு மடுத்தான்.

என்னதான் மலையாக இருந்தாலும் சாதாரண மக்களுக்கு மடுவைத்தான் இலகுவாக நாட முடியும் சந்தையை ஜப்பானிய கம்பனிகள் பிடித்துவிட்டன வியாபார ரீதியாக பார்த்தீர்கள் என்றால் அது விளங்கும்

மலை எண்டு கொன்டு நட்டத்தில போனால் அந்த மலையும் கரைந்து சமதரையாகிவிடும்