மீன்பிடிமூலம் நாட்டை முன்னேற்ற மயிலிட்டிக்கு விடுங்கள் -இராணுவத்திடம் கோரிக்கை

மூதாதையர் சொல்லித் தந்த முறையில் நாம் இப்போதும் மீன் பிடிக்கத் தயாராக இருக்கி ன்றோம்.எங்கள் மயிலிட்டித் துறைமுகத்தை முதலில் விடுங்கள். நாம் மயிலிட்டிக்குச் செல்வதற்காகக் கேட்டோமா அல்லது மீன்பிடியில் நாட்டை உயர்த்துவதற்குக் கேட்டோமா என்பது பின்னர் உங்களுக்குப் புரியும். இவ்வாறு மயிலிட்டி மீள்குடி யேற்றக் குழுவின் தலைவரும் வலி. வடக்குமீள்குடியேற்றப் புனர்வாழ்வுச் சங்கத்தின் தலைவருமான அ.குண பாலசிங்கம்தெரிவித்தார்.

 

மயிலிட்டி துறைமுகத்தை விடுவிக்குமாறு கோரும் தற்போதைய தலைமுறையினருக்கு ஆரம்பகால மீன்பிடி முறைகள் தெரியாது என்றும், மயிலிட்டியை விடுவிப்பதற்காகவே அவர்கள் அவ்வாறு கோருவதாகவும், யாழ். மாவட்ட இராணுவத் தளபதி மகேஸ் சேன நாயக்க தெரிவித்திருந்தார்.

 

இராணுவத் தளபதியின் கருத்துக்கு மறுப்புத் தெரிவித்து வெளியிட்டுள்ளஅறிக்கையிலேயே குணபாலசிங்கம் மேற்கண்டவாறு குறிப்பிட்டுள்ளார்.அவர் அதில் தெரிவித்துள்ளதாவது:-

 

வலி. வடக்கு மக்களை மீள்குடியமர்த்துவதில் அரசும் இராணுவமும் ஏமாற்றுவித்தையையே காண்பித்துக் கொண்டு இருக்கின்றன. விடப் போகின்றோம் வாருங்கள்என்று அழைத்துப் படம் போட்டுக் காட்டினார்கள். படத்தில் காட்டியதில் ஒருபகுதியை வாகனத்தை நிறுத்தாது ஊர்வலமாகக் கொண்டு சென்று காட்டினார்கள்.

 

ஐ.நா. பொதுச் செயலர் பான் கீ - மூனின் வருகைக்காகவே இராணுவத்தினரும்,அரசும் இவ்வாறு படம் போடுவதாக மக்கள் அப்போதே கூறினார்கள். அது உண்மையாகியுள்ளது.

 

மயிலிட்டி மக்களுடனும் என்னுடனும் இராணுவத் தளபதி இருமுறை உரையாடினார். இப்பொழுது விடப்படும் நிலம் விடுவிக்கப்பட்டதும் அடுத்த கட்டமாக மயிலிட்டி கடற்கரை யோரமும் மீன்பிடித் துறைமுகமும் விடுவிக்கப்படும் என்று தெரிவித்தி ருந்தார்.

 

உங்கள் இடங்களில் இடையிடையே இராணுவ முகாம்களும் இருக்கும்என்று கூறி னார்.இடையிடையே இராணுவ முகாம்கள் இருப்பதால் பிரச்சினை இல்லை. எமது நில த்தில்எம்மைக் குடியமர்த்துங்கள் என்று கூறி சம்மதித்தோம். ஒரு வாரத்தின் பின்பு எமக்கு விடப்படும் இடத்தை வாகனத்தில் கூட்டிச் சென்று காண்பித்தார்.

 

பொன்னாலை- பருத்தித்துறை வீதிக்கு வடக்கே மயிலிட்டி தொடங்கி ஊறணி வரை காண்பித்தார்கள்.வீதிக்கு தெற்கே உடனடியாக விடும் சாத்தியமில்லை என்று தெரிவித்தார்.

 

யாழ். வந்த தென்னிலங்கை ஊடகவியலாளர்களுக்கு இராணுவத் தளபதி கூறிய செய்தி எம்மைக் கவலைக்கும் விசனத்துக்கும் உள்ளாக்குகின்றது. நாங்கள் எங்கள்  நிலத்தைத்தான் கேட்கின்றோம். வேறு எவரது நிலத்தையும் கேட்கவில்லை.துறைமுகம் என்பது, படகுகளைப் பாதுகாப்பாகக் கட்டுவதற்கும், மீன்களை இறக்குவதற்கும், தொழில் உபகரண ங்களை ஏற்றுவதற்குமாகும்.

 

மீன்பிடிப்பதுஆழ்கடலில்தான். இந்திய இழுவைப் படகுகளின் ஆக்கிரமிப்பால் நாம் ஆழ்கடல்மீன்பிடியை நிறுத்தியிருக்கின்றோம்.இந்திய இழுவைப் படகுகளின் ஆக்கிரமிப்பை நிறுத்த உங்களால் முடியவில்லை.எங்களுக்கு மீன்பிடி முறை தெரியாது என்று கூறுவது எந்த வகையில் நியாயம்.

 

தென்பகுதியில் இந்திய மீனவர்கள் அத்துமீறியிருந்தால் இவ்வாறு பொறுமையாகப்பார்த்துக் கொண்டிருந்திருப்பீர்களா ?தற்போது எதிலும் நவீனம் வந்து கொண்டிருக்கின்றது.

 

நாங்கள் நவீன முறைகளிலும்மீன்பிடிக்கத் தகுதியானவர்கள். எம்மை மயிலிட்டியில் குடியமர்த்தி எமதுமுயற்சியின் முன்னேற்றத்தைக் கண்டுகளிக்க ஆயத்தமாயிருங்கள் - என்றுள்ளது