பிரதான வழி நடத்தல் குழுவின் அறிக்கை வந்ததும் எவ்வாறான தீர்வு என்பதனை அறிந்துகொள்ள முடியும்

பிர­தான வழி நடத்தல் குழுவின் அறிக்கை வந்­ததும் எவ்­வா­றான தீர்வு என்­ப­தனை அறிந்­து­கொள்ள முடியும்

 

மிக­ வி­ரைவில் உப­கு­ழுக்கள் மற்றும் வழி­ந­டத்தல் குழு ஆகி­ய­வற்றின் இடைக்­கால அறிக்­கைகள் பாரா­ளு­மன்றில் சமர்ப்­பிக்­கப்­ப­ட­வி­ருக்­கின்­றன. அவ்­வ­றிக்­கையில் உள்ள விட­யங்கள் பகி­ரங்­கப்­ப­டுத்­தப்­ப­டு­கின்­ற­போது தமிழ்­ மக்­க­ளுக்கு எத்­த­கைய அதி­கா­ரப்­ப­கிர்வு வழங்­கப்­பட விருக்­கின்­ற­தென்று தமிழ் மக்­களும் தென்­னி­லங்­கை­யரும் அறிந்து­கொள்ள முடியும் என்று யாழ் மாவட்ட பாரா­ளு­மன்ற உறுப்­பினர் எம்.ஏ. சுமந்­திரன் தெரி­வித்தார்.

இலங்கை இந்­திய மீனவர் விவ­காரம் தொடர்பில் பேச்­சு­வார்த்தை நடத்­து­வ­தற்கு புது­டில்லி சென்று திரும்­பிய அவ­ரிடம் இலங்கை இந்­திய மீனவர் பிரச்­சினை தொடர்­பிலும் விரைவில் வெளி­வ­ர­வுள்ள இடைக்­கால அறிக்கை பற்­றியும் வின­விய போதே அவர் மேற்­கண்­ட­வாறு கூறினார்.

அவர் இது தொடர்பில் மேலும் தெரி­விக்­கையில்,

எதிர்­வரும் நவம்பர் 19 ஆம் திகதி உப­குழுக்­களின் இடைக்­கால அறிக்­கையும் டிசெம்பர் முதல் வாரத்தில் வழி­ந­டத்தல் குழுவின் அறிக்­கையும் பாரா­ளு­மன்றில் சமர்ப்­பிக்­கப்­ப­ட­வுள்­ளன. தமிழ் மக்கள் எத்­த­கைய அர­சியல் தீர்வைப் பெற­வுள்­ளனர் என்­பதை தமிழ் மக்­களும் அதி­கா­ரப்­ப­கிர்வு எவ்­வ­கை­யா­னது என்­பதை தென்­னி­லங்­கை­யரும் பகி­ரங்­க­மாக அறிந்து கொள்ள முடியும்.

13 ஆவது சரத்­துக்கு அப்பால் சென்று அர்த்­த­முள்ள அதி­காரப் பகிர்வை வழங்­க வேண்டும் என இந்­தி­யா­வுக்கு வாக்­கு­று­தி­ய­ளித்த முன்னாள் ஜனா­தி­பதி மஹிந்த ராஜ

பக் ஷ இந்த அதி­காரப் பகிர்வை எதிர்க்­கவோ நிரா­க­ரிக்­கவோ முடி­யாது.

மீனவர் விவ­கார பேச்­சு­வார்த்தை

பேச்­சு­வார்த்­தையின் போது மூன்று விட­யங்கள் தீர்­வு­க­ளாக எடுக்­கப்­பட்­டன. முத­லா­வது மடி­ வ­லையை உப­யோ­கித்து மீன் பிடிக்கும் இழு­வைப் ­ப­ட­குகள் நிறுத்­தப்­பட வேண்டும். இது குறித்து துரி­த­மான நட­வ­டிக்கை எடுக்­கப்­பட வேண்டும். இரண்­டா­வது இரு­நா­டு­களும் சேர்ந்து ரோந்து நட­வ­டிக்­கையில் ஈடு­ப­டு­வது பற்றி ஆராய வேண்டும். மூன்­றா­வது இரு நாட்டு மீன­வர்­களும் தங்கள் நாட்­டுக்­கு­ரிய எல்லை தாண்டிச் செல்­கி­ன்ற­போது கைது செய்­யப்­ப­டு­கின்ற வேளை­களில் அவர்­களை துரி­த­மாக விடு­விப்­ப­தற்­கான நட­வ­டிக்­கை ­முறை பற்றி ஆராய வேண்டும்.

இம்­மூன்று விட­யங்­களை அமுல்­ப­டுத்­து­வ­தற்­காக கூட்டு நட­வ­டிக்கை குழு­வொன்று ஏற்­ப­டுத்­தப்­பட்­டி­ருக்­கி­றது. மேற்­படி நட­வ­டிக்­கைக்­குழு இரு­நாட்டு அமைச்­சுக்­களின் செய­லாளர் மட்­டத்தில் மூன்று மாதத்­துக்­கொரு முறை சந்­திப்­பார்கள் என்றும் இணக்­கப்­பாடு காணப்­பட்­டுள்­ளது.

மேற்­படி பிரச்­சினை பூதா­க­ர­மாக வெடிப்­ப­தற்குக் காரணம் மடி­வலை என்ற வலையைப் பயன்­ப­டுத்தி இழுவைப் பட­குகள் மீன்­பி­டிப்­ப­தாகும். இன்­றைய சூழ்­நி­லையில் 90 சதவீதத்­துக்கு மேலான பிரச்­சினை மடி­வ­லையைப் பயன்­ப­டுத்­து­வ­தனால் ஏற்­படும் பிரச்­சி­னை­யாகும். இப்­பி­ரச்­சினை கடல் எல்­லையைத் தாண்டும் பிரச்­சி­னையால் வரு­வ­தல்ல. நீரியல் வளத்தை முற்­றாக அழிக்கும் மீன்­பி­டி­முறை சார்ந்­தது. ஆக­வே தான் அம்­முறை நிறுத்­தப்­பட்டால் இப்­பி­ரச்­சி­னையின் முக்­கி­மான பங்கு இல்­லாமல் போகும் என்ற நம்­பிக்கை எமக்­குண்டு. அத­னால்தான் இந்­திய அர­சாங்கம் முதல் முறை­யாக மடி­வலை பாவித்து மீன்­பி­டிக்கும் முறை நிறுத்­தப்­பட வேண்டும் அதுவும் துரி­த­மாக நிறுத்­தப்­பட வேண்­டு­மென்­பதை ஒத்­துக்­கொண்டு இணங்­கி­யி­ருப்­பதை முக்­கி­ய­மான படிக்­கல்­லாக நாம் நினைக்­கின்றோம்.

மடி­வலை முறை மீன்­பி­டிப்பு நிறுத்­தப்­பட்­டாலும் ஒரு நாட்டு மீனவர் எல்­லை­தாண்டிச் செல்­வது நடக்­கலாம். ஆனால் இந்த விவ­காரம் இன்று நேற்று உரு­வா­கிய பிரச்­சி­னை­யல்ல. இப்­பி­ரச்­சினை நூற்­றாண்டு கால­மாக தொட­ரு­கின்ற பிரச்­சினை.

ஆகை­யி­னால்தான் இரு நாடு­களால் உரு­வாக்­கப்­பட்­டி­ருக்­கின்ற கூட்டு நட­வ­டிக்­கைக்­குழு இதனை எப்­படிச் சுமு­க­மாகக் கையாள்­வது அதிலும் குறிப்­பாக நவீன தொழில்­நுட்பக் கரு­வி­களைப் பயன்­ப­டுத்தி எவ்­வாறு மீன­வர்­க­ளுக்கு அறி­வித்தல் கொடுப்­பது, எச்­ச­ரிக்கை செய்­வது, ரோந்து நட­வ­டிக்கை மூலம் எல்லை தாண்­டாமல் பார்த்துக் கொள்­வது என்ற முறை­யையும் உபா­யத்­தையும் ஆராயும்.

இதில் சுட்­டிக்­காட்டக் கூடிய விட­ய­மென்ன வென்றால் மடி­வ­லையைப் பாவித்து மீன்­பி­டிக்கும் பிரச்­சினை தீர்க்­கப்­ப­டு­மானால் இலங்கை இந்­திய மீனவர் பிரச்­சி­னையில் முக்கால் பங்கு பிரச்­சினை தீர்ந்து விட்­ட­தாக நாங்கள் கரு­தலாம். இது நிறுத்­தப்­பட்டு மாற்றுத் தொழி­லுக்கு மீன­வர்கள் பழக்­கப்­படுத்­தப்­ப­டு­வார்­க­ளாக இருந்தால் மிகவும் இல­கு­வான முறையில் இவ்­வி­ட­யத்தை கையாள முடியும்.

கேள்வி: புதிய அர­சியல் யாப்பு முயற்­சிகள் எவ்வாறு முன்­னெ­டுக்­கப்­ப­டு­கின்­றன?

பதில்: இவ்­வ­ருடம் ஜன­வரி 9 ஆம் திகதி அர­சியல் அமைப்பு சபை­யொன்றை உரு­வாக்­கு­வ­தற்­கான பிரே­ரணை இலங்கைப் பாரா­ளு­மன்றில் கொண்­டு­வ­ரப்­பட்­டது. இப்­பி­ரே­ரணை மார்ச் மாதம் 9 ஆம் திகதி நிறை­வேறி வழி­ந­டத்தல் குழு­வொன்று அமைக்­கப்­பட்­டது. அத்தோடு இணைந்த வகையில் ஆறு உப­கு­ழுக்கள் நிய­மிக்­கப்­பட்­டன. இக்­கு­ழுக்கள் அனைத்தும் கடந்த சில மாதங்­க­ளாக மிகவும் மும்­மு­ர­மாக இயங்கி வரு­கின்­றன. நான் வழி­ந­டத்தல் குழுவில் . சம்­பந்­த­னுடன் கூட்­ட­மைப்பை பிர­தி­நி­தித்­து­வப்­ப­டுத்தும் வகையில் அங்கம் வகிக்­கின்றேன். உப­கு­ழுக்கள் தமது வேலை­களை முடித்து குறித்த அறிக்­கை­களை வழி­ந­டத்தல் குழு­விடம் சமர்ப்­பித்­து­ விட்­டன. வழி­ந­டத்தல் குழு முக்­கி­ய­மான விட­யங்­களை தானாக ஆராய்ந்து சில தீர்­மா­னங்­களை எடுத்­தி­ருக்­கி­றது. இன்னும் ஒரு சில விட­யங்கள் கலந்­து­ரை­யா­டப்­ப­ட­வுள்­ளன.

இந்­நி­லையில் விட­யங்கள் எல்­லா­வற்­றையும் இரண்டு பகு­தி­யாக இடைக்­கால அறிக்­கை­க­ளாக அர­சியல் அமைப்பு சபைக்கு சமர்­ப்பிக்க முடி­வெ­டுக்­கப்­பட்­டுள்­ளது. இது எவ்­வ­ளவு தூரம் முன்­னேற்றம் கண்­டுள்­ளது என்­பது பற்­றிய விப­ரங்கள் இது­வரை வெளி­யி­டப்­ப­ட­வில்லை. பல விட­யங்கள் குறித்து இணக்­கப்­பா­டுகள் காணப்­பட்­டி­ருக்­கின்ற போதும் இவை குறித்து பகி­ரங்­கப்­ப­டுத்­தினால் ஒவ்­வொரு கட்­சியும் தமது நிலைப்­பாடு குறித்து விமர்­சிப்­பார்கள். கட்­சிகள் தமது கருத்­துக்­களை வெளி­யிடத் தொடங்­கினால் அதன் பின்பு மேசை­யிலே இணக்­கப்­பாடு எய்­து­வது கடி­ன­மாக இருக்­கு­மென்று அனை­வரும் சேர்ந்து ஒரு தீர்­மானம் எடுத்­தி­ருந்தோம். இந்த தீர்­மா­னத்தை மஹிந்த ராஜபக் ஷவின் ஆத­ரவு அணியும் ஏற்றுக் கொண்டு எது­வித விப­ரங்­க­ளையும் தெரி­விக்­காமல் அமை­தி­யாக இருக்­கி­றார்கள்.

உப­கு­ழுக்­களின் அறிக்­கை­யா­னது இடைக்­கால அறிக்­கை­யாக இம்­மாதம் 19 ஆம் திகதி பாரா­ளு­மன்றில் சமர்ப்­பிக்­கப்­ப­ட­வி­ருக்­கி­றது. அன்­றைய தினமே அது பகி­ரங்­கப்­ப­டுத்­தப்­படும். நவம்பர் இறுதி வாரத்தில் அல்­லது டிசெம்பர் முதலாம் வாரத்தில் வழி­ந­டத்­தல்­குழு கையாண்ட மிக முக்­கி­ய­மான விட­யங்கள் தொடர்­பான இடைக்­கால அறிக்கை வெளி­யி­டப்­படும்.

அப்­பொ­ழுது எந்­த­ள­வுக்கு இணக்­கப்­பாடு காணப்­பட்­டுள்­ளது இணக்­கப்­பாடு காணப்­படாத விட­யங்கள் புதிய அர­சியல் அமைப்புச் சட்­டத்தில் சேர்க்க முடி­யு­மென்­ப­தற்கு வெவ்­வேறு மாற்று வழிகள் கண்டுபிடிக்­கப்­பட்டு அது முன்­வைக்­கப்­படும் என தீர்­மா­னித்­தி­ருக்­கிறோம். ஆகையால் வெகு­வி­ரைவில் மேற்­படி இடைக்­கால அறிக்­கைகள் வரு­கின்றபோது மக்கள் தெரிந்து கொள்­வார்கள். எவ்­வித அர­சியல் சாசனம் உரு­வாக்­கப்­பட விருக்­கி­றது என்ற செய்தி தெளி­வாக தெரி­ய­வரும்.

கேள்வி: தென்­னி­லங்­கையைப் பொறுத்­த­வரை அதி­கா­ரப்­ப­கிர்வு என்று கூறி­ய­வு­டனேயே ஒரு ஒவ்­வாமை காணப்­ப­டு­கி­றது. ஆனால் இனப்­பி­ரச்­சி­னையின் அடித்­தீர்வே அதி­காரப் பகிர்வு தானே-?

பதில்: அதி­கா­ரப்­ப­ரவல் அதி­கா­ரப்­ப­கிர்வு என்ற இரண்டும் வேறு­பட்ட கருத்­துக் ­கொண்­டவை. அதி­காரப் பகிர்வு சம்­பந்­த­மாக அர­சாங்­கத்­துடன் நேர­டி­யா­கவே பேச்­சு­வார்த்தை நடத்­தி­யி­ருக்­கிறோம். உப­கு­ழுக்­களில் ஒன்று மத்­திய அர­சாங்­கத்­துக்கும் மாகாண சபை­க­ளுக்கும் இடை­யி­லான உறவு சம்­பந்­த­மாக ஆராயும் ஒரு உப­கு­ழு­வாகும். இக்­கு­ழுவின் தலை­வ­ராக த.தே.கூ. அமைப்பின் பாரா­ளு­மன்ற உறுப்­பினர் தர்­ம­லிங்கம் சித்­தார்த்தன் இருந்­துள்ளார். அவ­ரு­டைய பரிந்­து­ரையும் அதி­லுள்­ளது.

அதி­கா­ரப்­ப­கிர்வு எப்­ப­டி­யாக இருக்க வேண்­டு­மென்­பது வழி­ந­டத்­தல்­குழு தனக்­கென்று கொண்­டுள்ள ஆறு விட­யங்­களில் ஒரு விட­ய­மாகும். அது பற்றி கலந்­து­ரை­யாடி தீர்­மா­னங்கள் எடுக்­கப்­பட்­டுள்­ளன. ஆகையால் உரு­வா­க­வி­ருக்கும் அர­சியல் அமைப்பு சாச­னத்தில் அதி­காரப் பகிர்வு என்ற விடயம் மிக மிக முக்­கி­ய­மான ஒரு அம்­ச­மா­கத்தான் அணு­கப்­பட்­டி­ருக்­கி­றது. இது சம்­பந்­த­மான முரண்­பா­டுகள் குறிப்­பாக கட்­சி­களின் மத்­தியில் ஏற்­ப­ட­வில்லை. ஆகையால் புதிய அர­சியல் சாசன வரைவில் அர்த்­த­முள்ள ஒரு அதி­கா­ரப்­ப­கிர்­வு­முறை வெளி­வரும் என்ற நம்­பிக்­கை­யி­ருக்­கி­றது.

இதைத்தான் முன்னாள் ஜனா­தி­பதி மஹிந்த ராஜபக் ஷ தனது ஆட்­சிக்­கா­லத்தில் அடிக்­கடி கூறிக் கொண்­டி­ருந்தார். அது யாதெனில் 13 வது திருத்தச் சட்­டத்தை முழு­மை­யாக அமுல்­ப­டுத்தி அதற்கு அப்­பாலும் சென்று அதி­கா­ரப்­ப­கிர்வை அர்த்­த­முள்­ள­தாக்­குவேன் என்ற சொற்­றொ­டரை தொடர்ச்­சி­யாக குறைந்­தது மூன்று தட­வை­யா­வது இந்­திய அர­சுடன் கூட்­ட­றிக்­கையில் கூறி­யி­ருந்தார். ஆகவே அதி­கா­ரப்­ப­கிர்வு என்­பது எவரும் மறு­த­லிக்கும் ஒரு விட­ய­மாக இருக்க முடி­யாது.

கேள்வி: மஹிந்த ராஜபக் ஷ பின்­னாளில் அது விடயம் தொடர்பில் பின்­வாங்­கி­யி­ருந்தார். கடும் போக்கைக் காட்­டினார். 13ஆவது திருத்தச் சட்டத்­துக்கு பௌத்த வாதிகள் எதிர்ப்புக் காட்­டி­னார்­களே?

பதில்: 13 ஆவது திருத்­தத்தை அடி­யொட்டி புதிய அர­சியல் சாசனம் உரு­வாக்­கப்­ப­ட­வில்லை. 13 வது திருத்­தத்­துக்கு அப்பால் செல்வேன் என்று வாக்­கு­று­தி­ய­ளித்த மஹிந்த புதிய அர­சியல் சாச­னத்தை எதிர்க்க முடி­யாது. இருந்­தாலும் நம்­பிக்­கை­ வைக்க முடி­யாது.

தான் வாக்­கு­று­தி­ய­ளித்­ததை நிறை­வேற்­றாமல் விட்­டமை அவரின் தோல்­விக்கு ஒரு கார­ண­மாக அமைந்­தது. நீண்­ட­கால இனப்­பி­ரச்­சி­னைக்குத் தீர்வைக் காணாமல் அதை தட்டிக் கழித்து காலம் கடத்­தி­யதும் தமிழ் மக்கள் அவ­ருக்கு எதி­ராக வாக்­க­ளிக்க வேண்­டிய நிலையை உரு­வாக்­கி­யது. ஆகையால் தற்­பொ­ழு­துள்ள சூழ்­நி­லையில் புதிய அர­சியல் சாசனம் உரு­வாக்­கப்­ப­டு­கி­றது. இதற்கு இந்­தியா உட்­பட எந்த நாடு­களின் தலை­யீடும் கிடை­யாது.

கடும்­போக்­கு­வா­தி­களும் இன­வா­தி­களும் எல்லாச் சமூ­கத்­திலும் இருக்­கத்தான் செய்­வார்கள். ஆனால் இலங்­கையில் வாழும் அனைத்து இனத்­த­வரும் இந்த புதிய முயற்­சிக்கு பூரண ஆத­ரவை தரு­வார்கள் என்று நம்­பு­கின்றோம்.

வினா: போர்க்­குற்றம் தொடர்பில் எடுக்­கப்­பட்டு வரும் முயற்­சிகள்?

பதில்: இலங்­கையில் பல­ வி­ட­யங்கள் தொடர்பில் முன்­னேற்றம் காணப்­ப­டு­வதில் தாம­தங்கள் காணப்­ப­டு­கின்­றன. மக்கள் நில மீட்பு, அர­சி­யல்­கை­திகள் விவ­காரம் போன்ற இன்­னோ­ரன்ன விட­யங்கள் மிக­மிக மந்த கதி­யி­லேயே இடம்பெற்றுக் கொண்­டி­ருக்­கின்­றன. நிலை­மா­று­கின்ற நீதி­யென்­கின்ற பாரிய வேலைத்­திட்­டத்தில் காணாமல் போன­வர்­களை கண்டுபிடித்­த­லுக்கு ஒரு பொறி­முறை சட்­டத்தின் மூலம் உரு­வாக்­கப்­பட்­டி­ருக்­கி­றது. ஆனால் அதுவும் இன்னும் நடை­மு­றைப்­ப­டுத்­தப்­ப­ட­வில்லை. எனவே தாம­த­மா­கி­றது என்­பது அனை­வ­ருக்கும் தெரிந்த உண்மை. தாம­த­மா­கின்ற கார­ணத்­தினால் அது நடை­பெ­ற­வில்­லை­யென்று கூற ­மு­டி­யாது. வேகம் குறைந்த தன்மை காணப்­ப­டு­கின்­றது.

கேள்வி: சில விட­யங்­களில் தாம­த­மாக இருப்­ப­தற்கு அப்பால் திரு­கோ­ண­மலை 5 மாணவர் படு­கொலை, மூதூர் அ­க் ஷன்பாம் தொண்டர் படு­கொலை போன்­ற­வற்றில் கூட முன்­னேற்றம் ஏன் காணப்­ப­ட­வில்லை?

பதில்: இது விடயம் தொடர்பில் ஒரு சில நட­வ­டிக்­கைகள் எடுக்­கப்­பட்­டி­ருக்­கி­ன­றன. இது தொடர்பில் எமது நியா­ய­மான ஆட்­சேப­னை­களை வெளிப்­ப­டுத்­தி­யி­ருக்­கிறோம். ஒன்றும் நடை­பெ­ற­வில்­லை­யென்று கூற­முடியாது. மந்­த­க­தியில் நடந்­தாலும் அது முழு­மை­யாக நடை­பெற வேண்டும்.

எந்த அர­சாங்கம் ஆட்­சிக்கு வந்­தாலும் இவற்றைத் தட்­டிக்­க­ழிக்க முடி­யாது. பொறுப்­புக்­கூறும் விடயம் தொடர்பில் இலங்கை அர­சாங்கம் பொறுப்­புக்­கூ­றித்தான் ஆக வேண்டும். அதற்­கான அழுத்­தங்­களை நாங்கள் எமது மக்கள் சார்பில் தொடர்ந்து கொடுத்துக் கொண்­டே­யி­ருப்போம்.

கேள்வி: கூட்­ட­மைப்பு பொறுப்­புக்­கூறல் விட­யத்தில் இலங்கை அர­சுக்கு அழுத்தம் கொடுக்­க­வில்­லை­யென விமர்­சனம் தமிழ் மக்­களால் முன்­வைக்­கப்­ப­டு­கி­றதே?

பதில்: இவ்­வி­மர்­ச­னத்தில் நியாயம் கிடை­யாது. இது­வரை இலங்­கை­ய­ர­சாங்கம் பொறுப்­புக்­கூறல் விவ­கா­ரத்தில் உரிய பொறி­மு­றையை மேற்­கொள்­வோ­மென ஏற்றுக் கொண்­ட­தற்கு கூட்­ட­மைப்பின் அழுத்­தமும் நட­வ­டிக்­கை­யுந்தான் காரணம். கடந்த வருடம் மனித உரி­மைப்­ பே­ர­வையில் இலங்­கை­ய­ர­சாங்கம் இணங்கி தீர்­மா­னத்தை ஏற்­றுக்­கொண்­டது. எனவே இவைகள் நடை­பெற வேண்டும். இலங்­கை­ய­ரசு நடை­மு­றைப்­ப­டுத்த வேண்டும் என்­கிற நோக்­கத்­துடன் நாங்கள் அர­சுடன் இணைந்து அவர்­களை வழிக்கு கொண்­டு­வர முயற்­சிக்­கி­ன்றோமே தவிர எவ்­வ­கை­யிலும் அத­னு­டைய தாக்­கத்தைக் குறைப்­ப­தற்­காக நாங்கள் செயற்­ப­ட­மாட்டோம்.

இப்­பொ­ழு­துள்ள அர­சாங்­கத்தின் ஆயுட் காலத்­துக்குள் அனைத்­துப்­ பி­ரச்­சி­னை­க­ளுக்கும் தீர்வைக் காண்­போ­மென்ற நம்­பிக்கை எமக்­குண்டு. தற்­பொ­ழுது அர­சியல் சாசன உரு­வாக்கம் நடந்து கொண்­டி­ருக்­கி­றது. நாங்கள் எதிர்­பார்த்­ததை விட துரி­த­மாக நடை­பெ­று­கி­றது. எங்கள் மக்­க­ளு­டைய அபி­லா­ஷை­களை முழு­மை­யாக நிறைவு செய்­யக்­கூ­டிய வகையில் அர­சியல் யாப்பு உரு­வாக்க உதவி செய்வோம்.

கேள்வி: வட மாகாண முதல் அமைச்சர் விக்­கி­னேஸ்­வரன் தங்­க­ளை­ விட தீவி­ர­மாகக் காணப்­படு­கிறார். தமிழ் மக்கள் பேர­வை­யுடன் இணைந்து காணப்­ப­டு­கிறார். இதில் வேறு­பட்ட அர­சியல் நோக்கம் உள்­ளதா?

பதில்: மக்கள் அதி­ருப்தி அடைந்­தி­ருப்­பது நியா­ய­மான விடயம். காரணம் இது­வரை எதுவும் நடை­பெ­ற­வில்லை. தீர்வு வரும் வரும் என்ற நாம் கூறி­னாலும் 70 வருடம் வராத தீர்வு நாளை வரப்­போ­கி­றதா என்று கேட்­பதில் நியா­ய­முள்­ளது. மக்­க­ளு­டைய கருத்­துக்­க­ளையும் அபி­லா­ஷை­க­ளையும் முத­ல­மைச்­சரும் மற்­ற­வரும் பிர­தி­ப­லிப்­பது நியா­ய­மான விட­யமே. ஆனால் நம்­பிக்கை குறை­வாக இருக்­கி­றது என்­ப­தற்­காக கிடைக்­கிற சந்­தர்ப்­பத்தை நாம் பயன்­ப­டுத்­தாமல் இருக்க முடி­யாது. வேகப்­ப­டுத்த வேண்­டு­மென்ற ரீதியில் நாங்கள் செயற்­ப­டு­கிறோம்.

கூட்­ட­மைப்பு என்­பது பல அர­சியல் கட்­சி­க­ளு­டைய கூட்­ட­மைப்பு. நான்கு கட்­சி­க­ளுடன் 5 ஆவது கட்­சி­யையும் இணைக்க வேண்­டு­மென்று நினைப்­பது தவறு. இவ்­வாறு சேர்க்­கப்­பட வேண்­டு­மாயின் எல்லா கட்­சி­களும் ஒன்று இணைந்து தீர்­மா­னிக்க வேண்டும்.