ஓ.பன்னீர்செல்வம் 1951ம் ஆண்டு ஜனவரி 14ம் தேதி தேனி மாவட்டம் பெரியகுளத்தில் பிறந்தார். இவரது அப்பா ஓட்டக்காரத்தேவர். அம்மா பழனியம்மாள். ஓ.பன்னீர்செல்வம் உள்பட ஐந்து சகோதரர்கள், நான்கு சகோதரிகள். முதல்வர் ஓ.பன்னீர்செல்வம் வாழ்க்கை வரலாறு மிகுந்த ஏற்றங்கள் கொண்ட ஒரு பயணம்தான்.

பன்னீர்செல்வத்திற்கு அவரது அப்பா தனது குல தெய்வமான பேச்சியம்மன் பெயரை நினைவில் கொண்டு 'பேச்சிமுத்து' என பெயரிட்டார். பின்னர் பன்னீர்செல்வம் என பெயர் மாற்றப்பட்டது.

தமிழ் முதல்வர் (ஓ.பன்னீர்செல்வம்)'க்கு பிறந்த நாள் வாழ்த்துக்கள்

தமிழ்நாட்டில் முதலமைச்சருக்கு பிறந்த நாள் என்றால் மாநிலத்தையே அல்லோலகல்லோ படுத்தி விடுவார்கள் திராவிட கட்சிகளின் தொண்டர்கள்.

ஆனால் முதன்முறையாக தமிழகத்தின் முதலமைச்சர் பிறந்த நாள் விழா எந்த அமர்களமும் இன்றி அவரது குடும்பத்தினரால் மட்டும் கொண்டாடப்படுகிறது.

பொங்கல் மற்றும் பிறந்தநாளை கொண்டாட ஓ.பன்னீர் செல்வம் நேற்று சொந்த ஊரான பெரிய குளம் சென்றார்.

 

பிறந்தநாளில் களத்தில் இறங்கிய முதல்வர் ஓபிஎஸ் (வீடியோ)

பிறந்தநாளையொட்டி தனது தொகுதி மக்களிடம் மனுக்களை பெற்றுக்கொண்டார் முதல்வர் ஓ.பன்னீர்செல்வம். பொதுமக்கள் முதல்வருக்கு கைகொடுத்து வாழ்த்து கூறினர்.

தமிழக முதல்வர் ஓ.பன்னீர்செல்வத்துக்கு இன்று 66வது பிறந்தநாள். பிறந்தநாளையொட்டி சொந்த ஊரான பெரியகுளத்துக்கு சென்ற முதல்வர் ஓ.பன்னீர்செல்வம், மிக எளிமையாக தனது வீட்டில் பிறந்தநாளை கொண்டாடினார். இதில் குடும்பத்தினர், நெருங்கிய நண்பர்கள் மட்டும் பங்கேற்றனர்.

 

 

இதைத் தொடர்ந்து, தனது தொகுதியான போடிநாயக்கனூருக்கு சென்ற முதல்வர் ஓபிஎஸ், அங்கு எம்எல்ஏ அலுவலகத்தில் மக்களிடம் குறைகளை கேட்டறிந்ததோடு, அவரிகளிடம் இருந்து மனுக்களை பெற்றுக் கொண்டார். இந்த மனுக்களை அவர் படித்து பார்த்தார். பலர் முதல்வரின் காலில் விழுந்து ஆசி பெற்றதோடு, சிலர் கைகுலுக்கு வாழ்த்து தெரிவித்தனர். முதல்வர் வருகையால் அந்த பகுதி பரபரப்புடன் காணப்பட்டது.

http://www.vikatan.com/news/tamilnadu/77802-ops-celebrates-his-birthday-in-his-constituency.art

முதல்வர் ஓ.பி.எஸ்.க்கு இன்று 66வது பிறந்த நாள்! பிரதமர், மு.க.ஸ்டாலின் வாழ்த்து

தமிழக முதல்வர் ஓ.பன்னீர்செல்வத்துக்கு இன்று 66வது பிறந்தநாளையொட்டி அவருக்கு, பிரதமர் நரேந்திர மோடி, தமிழக ஆளுநர் வித்யாசாகர் ராவ் ஆகியோர் வாழ்த்து தெரிவித்துள்ளனர்.

சொந்த ஊர் சென்ற முதல்வர் ஓ.பன்னீர்செல்வம், மிக எளிமையாக தேனியிலுள்ள தனது வீட்டில் பிறந்தநாள் கொண்டாடினார். இதில் குடும்பத்தினர், நெருங்கிய நண்பர்கள் மட்டும் கலந்துகொண்டனர்.

பிறந்தநாளையொட்டி முதல்வர் ஓ.பன்னீர்செல்வத்துக்கு, பிரதமர் மோடி தொலைபேசி மூலம் வாழ்த்து தெரிவித்துள்ளார். அப்போது, தமிழக மக்கள் சார்பில் பிரதமருக்கு சங்கராந்தி வாழ்த்தை முதல்வர் தெரிவித்தார். மேலும், எம்.ஜி.ஆர் நூற்றாண்டை முன்னிட்டு, தபால் தலை வெளியிட ஒப்புக் கொண்டதற்கு மோடிக்கு, பன்னீர்செல்வம் நன்றி தெரிவித்தார்.

எதிர்க்கட்சித் தலைவர் மு.க.ஸ்டாலின், முதல்வர் ஓ.பன்னீர்செல்வத்தை தொலைபேசியில் தொடர்பு கொண்டு பிறந்தநாள் வாழ்த்து தெரிவித்தார். இதனை ஃபேஸ்புக்கில் பதிவிட்டுள்ள மு.க.ஸ்டாலின், 66வது பிறந்த நாள் காணும் தமிழக முதலமைச்சர் ஒ.பன்னீர்செல்வம் அவர்களுக்கு எனது மனமார்ந்த பிறந்த நாள் வாழ்த்துகளும், பொங்கல் திருநாள் மற்றும் தமிழ்ப் புத்தாண்டு வாழ்த்துகளையும் தொலைபேசியில் தெரிவித்தேன். அவருடைய பொது வாழ்வு சிறக்கவும், நீண்ட ஆயுளுடன் மக்கள் பணியாற்றவும் வாழ்த்தினேன்" என்று கூறியுள்ளார்.

இதனிடையே, முதல்வர் ஓ.பன்னீர்செல்வம், பொங்கல் திருநாளை முன்னிட்டு தமிழக ஆளுநர் வித்யாசாகர் ராவுக்கு இன்று மலர்க்கொத்துடன் வாழ்த்துக் கடிதம் அனுப்பி வைத்தார். மேலும், தனக்கு பொங்கல் திருநாள் வாழ்த்துக் கடிதம் அனுப்பிய முதல்வருக்கு, ஆளுநரும் மலர்கொத்துடன் வாழ்த்துக் கடிதம் அனுப்பி, தனது பொங்கல் திருநாள் நல்வாழ்த்துகளைத் தெரிவித்துக் கொண்டார்.

http://www.vikatan.com/news/tamilnadu/77786-cm-opanneer-selvam-birthday-modi-wishes.art