லசந்த கொலை தொடர்பில் எனக்கு தெரிந்த உண்மைகளை கூறியுள்ளேன் குற்றப்புலனாய்வுப் பிரிவின் விசாரணை தொடர்பில் பொன்சேகா

லசந்த கொலை தொடர்பில் எனக்கு தெரிந்த உண்­மை­களை கூறி­யுள்ளேன்

குற்­றப்­பு­ல­னாய்வுப் பிரிவின் விசா­ரணை தொடர்பில் பொன்சேகா
(ஆர்.யசி)

சண்டே லீடர் பத்­தி­ரிகை ஆசி­ரியர் லசந்த விக்­கி­ர­ம­துங்­க­விற்கும் இரா­ணு­வத்­திற்கும் தனிப்­பட்ட முரண்­பா­டுகள் இருக்­க­வில்லை. இரா­ணு­வத்தின் தனிப்­பட்ட நபர்கள் ஒரு­ சிலர் முரண்­பட்­டனர். லசந்த

விக்­கி­ர­ம­துங்க கொலை தொடர்பில் எனக்கு தெரிந்த உண்­மை­களை முழு­மை­யாக விசா­ர­ணை­களில் முன் ­வைத்­துள்ளேன்

என முன்னாள் இரா­ணுவ தள­ப­தியும் பிராந்­திய அபி­வி­ருத்தி அமைச்­ச­ரு­மான பீல்ட் மார்ஷல் சரத் பொன்­சேகா தெரி­வித்தார்.

லசந்த விக்­ர­ம­துங்க கொலை­யுடன் என்னை இணைப்­ப­தற்கு முன்னாள் ஆட்­சி­யாளர் மற்றும் அப்­போ­தைய பாது­காப்பு செய­லாளர் ஆகியோர் முயற்­சித்­தனர் எனவும் அவர் சுட்­டிக்­காட்­டினார்

சண்டே லீடர் பத்­தி­ரிகை ஆசி­ரியர் லசந்த விக்­கி­ரம துங்க கொலை விவ­காரம் தொடர்பில் முன்னாள் இரா­ணுவ தள­பதி சரத் பொன்­சேகாவிடம் வாக்­கு­மூலம் பெறும் வகையில் குற்­றப்­பு­ல­னாய்வு பிரிவு அவ­ருக்கு அழைப்பு விடுத்­தி­ருந்­தது. இத­னை­ய­டுத்து அவர் கடந்த வெள்ளிக்­கி­ழமை குற்­றப்­பு­ல­னாய்வுப் பிரி­வுக்குச் சென்று அவர் வாக்­கு­மூலம் அளித்­தி­ருந்தார். இந்­நி­லையில் நேற்று கொழும்பில் நடை­பெற்ற நிகழ்­வொன்றில் கலந்­து­கொண்ட பின்னர் அவர் ஊட­கங்­க­ளுக்கு கருத்துத் தெரி­விக்­கையிலேயே தன்மீதான விசாரணை தொடர்பில் மேற்­கண்­ட­வாறு குறிப்­பிட்டார். இது தொடர்பில் அவர் மேலும் கூறு­கையில்,

சண்டே லீடர் ஆசி­ரியர் லசந்த விக்­கி­ர­ம­துங்க கொலை தொடர்­பிலும் என்­னிடம் விசா­ர­ணை­களை நடத்த குற்­றப்­பு­ல­னாய்வு பிரி­வுக்கு அழைப்பு விடுத்­தனர். இதன் போது நான் அப்­போ­தைய இரா­ணுவ தள­பதி என்ற அடிப்­ப­டை­யிலும் அந்த கால­கட்­டத்தில் கொழும்பில் எம்மால் மேற்­கொள்­ளப்­பட்ட நகர்­வுகள் தொடர்பில் விசா­ர­ணை­களை நடத்­தினர். சுமார் ஐந்து மணித்­தி­யா­லங்கள் என்னை விசா­ரித்­தனர்.அதன்­போது என்­னிடம் கேட்­கப்­பட்ட கேள்­வி­க­ளுக்கு எனக்கு தெரிந்த அனைத்து தர­வு­க­ளையும் அவர்­க­ளிடம் முன்­வைத்தேன்.

நான் இரா­ணுவ தள­ப­தி­யாக இருந்­தாலும் நாட்டில் நடக்கும் குற்­றங்­க­ளுக்கு பொறுப்பு கூற­வேண்­டிய கட்­டா­யமும் பொறுப்பும் எமக்கு வழங்­கப்­ப­ட­வில்லை. புல­னாய்வு பிரிவு இந்த குற்­றங்­களின் பின்­ன­ணியில் உள்­ளது என கூறு­கின்­றனர்.எனினும் புல­னாய்வு பிரிவு நிர்­வாக ரீதியில் எதையும் செய்யும் நிலையில் அதற்கு இரா­ணுவ தள­பதி பொறுப்பு கூறி­யாக வேண்டும். ஆனால் வேறு விட­யங்­க­ளுக்கு பொறுப்பு கூற முடி­யாது.ஆகவே புல­னாய்வு விட­யங்­களில் என்­னு­டைய கட­மைகள் மற்றும் அப்­போது நான் எடுத்த நகர்­வுகள் தொடர்பில் விசா­ர­ணைகள் நடத்­தப்­பட்­டது.

மேலும் சண்டே லீடர் ஆசி­ரியர் லசந்த கொலை­யுடன் என்னை இணைத்து சிக்­க­வைக்க ஒரு­சிலர் கடின முயற்­சி­களை எடுத்­தனர். குறிப்­பாக முன்னாள் ஆட்­சி­யாளர் மற்றும் அப்­போ­தைய பாது­காப்பு செய­லாளர் ஆகியோர் என்னை சிக்­க­வைக்க முயற்­சித்­தனர்.ஆனால் உண்மை என்ன வென்­பதை மக்­க­ளுக்கு தெரி­விக்க வேண்டும் என்ற நிலைப்­பாட்டில் நான் இருந்தேன்.

அவ்­வா­றான நிலையில் குற்­றப்­பு­ல­னாய்வு பிரிவின் விசா­ர­ணைக்கு என்னை அழைத்­த­போது எனக்குத் தெரிந்த உண்­மை­களை நாம் முன்­வைத்தேன். சண்டே லீடர் ஆசி­ரியர் லசந்த விக்­கி­ர­ம­துங்க கொலை சம்­பவம் தொடர்பில் ஆரம்­பத்தில் இருந்தே நான் கருத்து முன்­வைத்­தி­ருந்தேன். ஆகவே அவ்­வாறு நான் கருத்­துக்­களை முன்­வைக்க காரணம் என்­ன­வெ­னவும் கொழும்பில் எனது இரா­ணுவ பணிகள் என்னவாக இருந்தது எனவும் என்னிடம் வினவினர்.அதற்கு நான் பதிலளித்தேன். உண்மையில் இராணுவத்தினருக்கு லசந்த விக்ரமதுங்கவுடன் முரண்பாடுகள் எவையும் இருக்கவில்லை. ஆனால் தனிப்பட்ட நபர்களின் முரண்பாடுகளை இராணுவ கட்டமைபினுள் கொண்டுவர முடியாது எனவும் அவர் குறிப்பிட்டார்.