யாழில் உணவகத்தை உரிமையாளரிடம் ஒப்படைக்க பொலிஸார் இணக்கம்

இதில், பொலிஸார் வசம் உள்ள ஒரு உணவகத்தினை குறுகிய காலத்திற்குள் அதன் உரிமையாளரிடம் ஒப்படைக்க பொலிஸார் இணங்கியுள்ளனர்.

யாழ்.மாவட்ட சிவில் பாதுகாப்பு குழுக் கூட்டம் இன்று யாழ்.மாவட்ட செயலக கேட்போர் கூடத்தில் நடைபெற்றிருந்தது. இதன்போதே மேற்படி கோரிக்கை விடுக்கப்பட்டுள்ளது.

உணவகம் மற்றும் காங்கேசன்துறையில் மக்களுடைய வீடுகள், பொதுமக்களின் காணிகள் போன்றன பொலிஸாருடைய பயன்பாட்டில் தொடர்ந்தும் இருக்கின்றன.

இந்த நிலையில், பொலிஸாரிடம் உள்ள உணவகங்கள், வீடுகளை உரிமையாளர்களிடம் மீள வழங்கப்படவேண்டும். என இன்றைய கூட்டத்தில் பொலிஸாரிடம் கோரிக்கை விடுக்கப்பட்டுள்ளது.

இதன்போது ஒரு உணவகத்தினை மிக குறுகிய காலத்திற்குள் உரிமையாளரிடம் வழங்குவதற்கு பொலிஸார் இணக்கம் தெரிவித்திருக்கும் அதேவேளை காங்கேசன்துறையில் பொலிஸாரின் பயன்பாட்டில் உள்ள வீடுகள் மற்றும் காணிகளை விடுவிக்க தொடர்ந்தும் கால அவகாசத்தை கோரியுள்ளனர்.

குறிப்பாக பொலிஸாருக்கான 5 மாடி கட்டடம் ஒன்றை அமைப்பதற்கு பொருத்தமான இடம் ஒன்று இல்லாமையினாலேயே மக்களுடைய வீடுகளை உடனடியாக வழங்க இயலாத நிலை காணப்படுவதாக பொலிஸார் கூறியுள்ளனர்.

மேலும், பொருத்தமான இடம் ஒன்று கிடைக்கும் பட்சத்தில் மக்களுடைய வீடுகள் மற்றும் காணிகள் உடனடியாக உரிமையாளர்களிடமே மீள வழங்கப்படும் எனவும் உறுதியளித்துள்ளனர்.