வடக்கு மாகாண சபையின் வாதப் பிரதிவாதங்கள் நிறைந்த 90 ஆவது அமர்வு

வடக்கு மாகா­ணத்­தில் உள்ள பாட­சா­லை­க­ளுக்கு நிய­மிக்­கப்­ப­டும் ஆசி­ரி­யர்­கள் மற்­றும் அதி­பர்­கள் நிய­ம­னங்­க­ளில் உள்ள பிரச்­சி­னை­கள் தொடர்­பாக மாகாண சபை ஆரம்­பிக்­கப்­பட்­ட­தி­லி­ருந்து இன்­று­வரை உறுப்­பி­னர்­கள் கதைத்­துக்­கொண்டு இருக்­கின்ற போதி­லும் அவற்­றுக்கு ஒரு தீர்க்­க­மான தீர்­வைக் கண்­ட­தாக இல்லை.

 

வடக்கு மாகாண சபை­யின் ஒவ்­வொரு அமர்­வி­லும் ஏதோ­வொரு வகை­யில் நிய­ம­னங்­கள் தொடர்­பா­கக் பேசப்­ப­டு­கின்ற போதி­லும் அதில் அக்­கறை செலுத்தி தீர்­வைக் காணமுடி­யாத நிலையே காணப்­ப­டு­கின்­றது.

 

சுகிர்­த­னின் கோரிக்கை

 

நேற்று முன்­தி­னம்­ இ­டம்­பெற்ற வடக்கு மாகாண சபை­யின் 90ஆவது அமர்­வி­லும் ஆசி­ரி­யர் மற்­றும் அதி­பர்­க­ளின் நிய­ம­னங்­கள் தொடர்­பான பிரச்­சி­னை­கள்  பேசப்­பட்­டன.

 

வடக்கு மாகாண சபை உறுப்­பி­னர் சுகிர்­தன் வடக்கு மாகா­ணத்­தில் உள்ள வேலை­யில்­லாப் பட்­ட­தா­ரி­களை மாகாண சபை­யின் ஊடாக இருக்­கின்ற வெற்­றி­டங்­க­ளுக்கு உள்­வாங்கி அவர்­க­ளின் பிரச்­சி­னை­க­ளுக்­குத் தீர்வு காண­வேண்­டும் என்ற கோரிக்­கையை முன்­வைத்­தார். இந்த விட­யம் பேசப்­ப­டும்­போது மாகா­ணத்­தின் கல்வி நிலைமை மற்­றும் நிய­ம­னங்­கள் தொடர்­பா­க­வும் கதைக்­க­பட்­டது.

 

“யாழ்ப்­பா­ணத்­தில் நீண்­ட­கா­ல­மா­கப் பணி­யாற்­றிய ஆசி­ரி­யர்­க­ளுக்கு இட­மாற்­றம் வழங்­கி­னா­லும் அவர்­கள் அதை ஏற்­றுக்­கொள்­வ­தில்லை. எவ­ரை­யா­வது பிடித்­துத் தங்­க­ளுக்கு ஏற்ற இடங்­க­ளைத் தெரிவு செய்து கொள்­கின்­ற­னர்.பிள்­ளை­க­ளின் எதிர்­கா­லத்­தைப் பார்த்தே நிய­ம­னங்­களை வழங்க வேண்­டும். 

 

புவி­யி­யல் பாடத்­தில் சிறப்­புப் பட்­ட­தா­ரி­யாக இருக்­கும் ஒரு ஆசி­ரி­ய­ருக்கு அந்­தத் துறை சார்ந்த பாடத்தை கொடுக்­கா­மல் வேறு பாடம் வழங்­கப்­பட்­டுள்­ளது. இவ்­வா­றான நிலை­மை­தான்  தற்­போது காணப்­ப­டு­கின்­றது என்­றார் சுகிர்­தான். 

 

“மாவட்ட ரீதி­யாக ஆசி­ரி­யர்­களை நிய­மனம் செய்­யுங்­கள் அப்­போ­து­தான் நிய­மிக்­கப்­ப­டும் ஆசி­ரி­யர்­கள் எந்­த­ வி­த­மான பிரச்சினை­க­ளு­மின்­றிக் கட­மைக்­குச் செல்­வார்­கள். வெட்­டுப்­புள்­ளி­களை மாவட்ட ரீதி­யா­கக் கணித்து நிய­ம­னங்­களை வழங்­குங்­கள். 

 

நான் கதைத்­துக்­கொண்­டி­ருக்­கி­றேன். ஆனால் கல்வி அமைச்­சர் அதைக் கவ­னிக்­கா­மல்  இருக்­கி­றார். கல்வி அமைச்­சரே! உங்­க­ளின்  கவ­னத்­துக்கு இது வர­வேண்­டும் என்­ப­தற்­கா­கவே இதைக் கூறு­கி­றேன். அமைச்­சர் இந்த விட­யத்தைக் கருத்­தில் எடுக்க வேண்­டும் என உறுப்­பி­னர் தியா­க­ராசா அமைச்­சரை அழைத்­தார். அதன்­பின்­னர் அமைச்­சர் அவ­ரது கருத்­தைச் செவி­ம­டுத்­தார்.

 

இங்­கி­ருக்­கின்ற அமைச்­சர்­கள் அவர்­கள் சார்ந்த அமைச்­சுக்­க­ளின் ஊடாக இருக்­கின்ற பிரச்­சி­னை­க­ளைச் சுட்­டிக்­காட்டி அத­னைத் தீர்க்க வேண்­டும் என நாங்­கள் சபை­யில் கதைக்­கும் போது அவர்­கள் ஏதோ தங்­க­ளுக்கு தொடர்பில்லாதது போல் நடந்து கொள்­கின்­ற­னர். என்­று­கூ­றி ­விட்­டுத் தியா­க­ராஜா  அமர்ந்­தார்.

 

“முல்­லைத்­தீவு மாவட்­டத்தை வறு­மை­யான மாவட்­டம் என்று பேர­ள­வில் சொல்­லிக்­கொண்டு அந்த மாவட்­டத்தை ஒதுக்கி வைக்­கின்ற நிலை­மை­தான் காணப்­ப­டு­கி­றது என ரவி­க­ர­னும் தனது மாவட்ட நிலை­மையை சொல்லி ஆதங்­கப்­ப­டார்.

 

உறுப்­பி­னர் கஜ­தீ­பன் ரவி­க­ர­னின் கருத்­துக்கு அப்­பால் சென்று “வலி­கா­மத்­தி­ல்­தான் அதி­க­ள­வான வெற்­றி­டங்­கள் காணப்­ப­டு­கின்­றன. அது இன்­றை­வ­ரைக்கும்  நிரப்­பப்­ப­ட­வில்லை.முன்­னைய காலத்­தில் இருந்த ஒரு­சில அர­சி­யல்­வா­தி­கள் தங்­க­ளுக்கு ஏற்­ற­மா­திரி ஆசி­ரி­யர்­களை நிய­மித்­த­னர்” என்று சொல்­லிக்­கொண்­டி­ருக்க, அதற்­கும் எமது கட்­சி­யி­னர்­தான்  காரணம் என்றா கூறு­கி­றீர்­கள் என்று தவ­நா­தன் முணு­மு­ணுக்க, “நான் அப்­ப­டிச் சொல்­ல­வில்லை ஆனா­லும் ஈ.பி.டி.பி தான் செய்­தவை என்று சொல்­வ­தற்­கும் இந்த இடத்­தில் ஒரு துணிவு வேண்­டும்” என்­றார்.

 

இப்­ப­டிச் சிறிது நேரம் இரண்டு பகு­தி­யும் தங்­க­ளுக்­குள் கருத்­து­களை கூறிக்­கொண்டு இருக்க உறுப்­பி­னர் சிவா­ஜி­லிங்­கம் சடு­தி­யாக எழும்பி அந்த ஆட்­க­ளைப் பற்­றிக் கதைக்க எங்­க­ளுக்கு ஒரு நாள் போதாது என்­றார்.

“என்­னைய்யா இங்கே என்ன நடக்­கி­றது? ஒரு நிகழ்ச்சி நிர­லுக்கு அப்­பால் கதைத்­துக்­கொண்டு இருந்­தால் மற்­றைய விட­யங்­க­ளைப் பற்றி பேசு­ற­தில்­லையா?” எனச் சடு­தி­யாக தவ­ராசா எழுந்து சி.வி.கேயை பார்த்து கேட்க, “ஓம் ஓம் தவ­ராசா இன்று நீங்­கள் முத­ல­மைச்­ச­ரிட்ட கேட்க இருக்­கின்ற கேள்வி தொடர்­பான விட­யம் நிச்­ச­ய­மாக எடுக்­கப்­ப­டும்.முத­ல­மைச்­ச­ரு­ட­னும் கதைத்­துள்­ளேன் என்­றார் சீ.வி.கே. 

 

எனது கேள்­விக்­கா­கச் சொல்­ல­வில்லை நிகழ்ச்சி நிர­லில் இருக்­கின்ற விட­யங்­களை மட்­டும் கதை­யுங்­கள் என்­று­தான் சொல்­கி­றேன்” என்­றார் தவ­ராசா.

 

“வேலை­யில்­லாப்­பட்­ட­தா­ரி­க­ளுக்கு வடக்கு மாகாண அமைச்சு மற்­றும் திணைக்­க­ளங்­க­ளில் என்­னென்ன வெற்­றி­டங்­கள் இருக்­கின்­றன என்­பதை ஆளு­ந­ருக்கு அனுப்பி உட­ன­டி­யாக அதனை நிரப்ப நட­வ­டிக்கை எடுக்க வேண்­டும்” என்று அவைத்­ த­லை­வர் கூறி, “முத­ல­மைச்­ச­ரி­டம் கேட்­க­வேண்­டிய கேள்­வி­க­ளைத் தவ­ராசா கேளுங்­கள்” என்­றார்.

 

முத­ல­மைச்­ச­ரி­டம் கேள்­வி­கள்

 

முத­ல­மைச்­ச­ரி­டம் தவ­ராசா வரி­சை­யா­கக் கேள்­வி­க­ளைக் கேட்­டார்.அதற்கு முத­ல­மைச்­சர் பரிந்­துரை செய்­ய­வில்லை, எனக்கு அறி­யத்­த­ரப்­ப­ட­வில்லை எனச் சர்­வ­சா­த­ர­ண­மா­கப் பதில்­களை வழங்­கி­னார்.

 

இங்கே என்ன நடக்­கின்­றது? ஒரு கேள்­வியை கேட்க முன்னர் முத­ல­மைச்­சர் ஐயா­வும் இல்லை,அறி­யத்­த­ர­வில்லை என்று சொல்ல தவ­ரா­சா­வும் பேசாம இருக்­கி­றார். இப்­படி இரண்டு பேருக்­கும் இடை­யில் மட்­டும் விளங்­கக்­கூ­டிய வகையில் கதைத்­தால் எங்­க­ளுக்கு ஒன்­றும் தெரி­யக்­கூ­டாதா? 

 

அப்­ப­டி­யென்­றால் இரண்டு பேரும் சபைக்கு வெளி­யில சந்­தித்­துக் கதைத்­தி­ருக்­க­லாம். காலை­யில் இருந்து இதற்­கா­கவா இவ்­வ­ளவு பில்­டப் கொடுத்­துக்­கொண்டு இருந்­த­வர்? என்று லிங்­க­நா­தன் கேள்­வி­யெ­ழுப்­பி­னார். “இந்­திய அர­சின் உத­வி­யு­டன் ஒட்­டு­சுட்­டா­னில் பயிற்­சிப் பாட­சாலை ஒன்றை அமைப்­பது தொடர்­பா­கக் கதைக்­கப்­பட்ட சம்­ப­வம் உண்மை. 

 

இது முத­ல­மைச்­ச­ருக்­குத் தெரி­யா­மல் இருக்­க­லாம். ஆனால் நம்­பத்த­குந்த வட்­டா­ரங்களால்  எனக்­கும் சொல்­லப்­பட்­டது.” என்று சிவாஜி கூற அதன் பின்­னர் அவைத்­த­லை­வர் இந்த விட­யத்­துக்கு ஏன் இந்­தக் கருத்து மோதல் கள்? மாகாண சபை­யின் ஊடாக இந்­திய துனைத்­தூ­து­வ­ருக்கு இது தொடர்­பா­கக் கடி­தம் ஒன்றை அனுப்­பு­வோம் அவர்­கள் பதி­ல­ளிக்­கட்­டும் என கூறி­ய­வாறு, ஏனைய உறுப்­பி­ன­ரான அஸ்­மி­னின் பொது­முக்கி­ய­து­வம் வாய்ந்த பிரே­ர­ணைக்குச்  சென்­றார். 

 

இதன்­போது அவைத்­த­லை­வர், இதைப் பிரே­ரணை என்று சொல்ல இய­லாது. பொது­முக்­கி­ய­த்து­வம் என இழுக்க, “அப்ப இதனை என்­ன­வென்று சொல்­லப்­போ­கி­றீர்­கள்? என அஸ்­மின் கேள்வி கேட்க சரி என்­னவோ பிரே­ர­ணையாகச் சரி சபை­யில் முன்­மொழி­யுங்கோ என்று கூற சபை­யில் வர்த்­த­மானி அறி­வித்­தலை மீளப் பெறுமாறு கோரும்  பிரே­ரணை நிறை­வேற்­றப்­பட்டு சபை அடுத்த அமர்­வுக்கு ஒத்­தி­வைக்­கப்­பட்­டது. 

 

மன்­னா­ரில் முச­லிப் பிர­தே­சத் தின் பல பகு­தி­க­ளை­யும்  பாது­காப்­புப் பிர­தே­ச­ மா­க­ அ­றி­விக்­கும் அர­ச­த­லை­வ­ரின் வர்த்­த­மா­னிப் பத்­தி­ரத்தை மீளப் பெறு­மாறு கோரி­ய­தாக அந்­தப் பிரே­ரணை அமைந்­தி­ருந்­தது.