பௌத்த பீடங்களின் நிலைப்பாடும் சு.கவின் சூழ்ச்சியும்

 

தேசியப் பிரச்­சி­ னைக்கு அர­சி­யல் தீர்வு என்­றொரு வேலைத் திட்­டம் என்று தொடங்­கப்­பட்­டதோ, அன்­றி­லி­ருந்தே அதற்­கான எதிர்ப்­பும் சமாந்­த­ர­மா­கத் தொடங்­கப்­பட்­டு­விட்­டது.அந்த இரண்­டும் இன்­று­வரை சமாந்­த­ர­மா­கவே பய­ணித்­துக்­கொண்டு இருக்­கின்­றன.இத­னால் அந்த எதிர்ப்பை இல­கு­வில் முறி­ய­டிப்­ப­தற்கோ அல்­லது அர­சி­யல் தீர்வை உட­ன­டி­யாக வழங்­கு­வ­தற்கோ முடி­யா­மல் இருக்­கின்­றது.

ஆட்­சிக்கு வரு­கின்ற அர­சு­கள் அர­சி­யல் தீர்வை வழங்­கு­வ­தற்கு நட­வ­டிக்கை எடுப்­ப­தும், அந்த நட­வ­டிக்­கை­க­ளுக்கு எதிர்க்­கட்­சி­கள்-­­,பே­ரி­ன­வா­தி­கள் முட்­டுக்­கட்­டை­க­ளாக இருப்­ப­தும் இன்று வரை தொட­ரவே செய்­கின்­றன.அதி­லும் அர­சு­கள் அதி­க­மாக அர­சி­யல் தீர்வை வழங்­கு­வ­தா­கக் கூறி­னா­லும், மறை­மு­க­மாக அதைத் தடுப்­ப­தற்கு நட­வ­டிக்கை எடுத்து வந்த வர­லா­று­களே அதி­கம்.

முன்­னால் வந்து ஆத­ரிப்­ப­தும், பின்­னால் சென்­று-­­ம­றைந்­தி­ருந்து அதை எதிர்ப்­ப­தும், எதிர்ப்­ப­வர்­க­ளுக்கு ஒத்­து­ழைப்பு வழங்­கு­வ­தும் காலா­திகா­ல­மாக அர­சு­கள் பின்­பற்றி வரும் இரா­ஜ­தந்­தி­ர­மா­கும்.இத­னால் ஒட்­டு­மொத்­த­மா­கப் பார்க்­கும்­போது அர­சி­யல் தீர்­வுக்­கான ஆத­ரவு என்­பதை விட­வும், எதிர்ப்­பும் காலை வாரு­த­லுமே அதி­கம்.இத­னால்­தான் இன்­று­வரை அர­சி­யல் தீர்வு என்ற ஒன்று எட்டப்படாமல் உள்­ளது.

அர­சு­கள் ஆட்­சிக்கு வந்த புதி­தில் அர­சி­யல் தீர்வு வழங்­கப்­ப­டும் என்று வாக்­கு­றுதி வழங்­கு­வ­தும்-­­,அ­தற்­காக நட­வ­டிக்கை எடுப்­ப­தும்-­­, பின்­னர் அதற்கு எதி­ராகக் கிளம்­பும் எதிர்ப்­புக்­களை அடிப்­ப­டை­யாக வைத்து தீர்வு முயற்­சியை இழுத்­த­டிப்­ப­தும்-­­பிற்­போ­டு­வ­தும், நாம் கண்டு கண்டு பழ­கிப்­போன செயற்­பா­டு­க­ளா­கும்.

சந்­தி­ரி­கா­வின் ஆட்­சி­யில் தீர்­வுத் திட்­டம் ஒன்று நாடா­ளு­மன்­றத்­துக்­குக் கொண்­டு­வ­ரப்­பட்­ட­போது இப்­போது அர­ச தரப்பாக இருக்­கும் அப்­போ­தைய எதிர்க்­கட்­சி­யான ஐக்­கிய தேசியக் கட்சி, அதைக் கிழித்து வீசித் தீ மூட்டி எதிர்ப்­புத் தெரி­வித்­தது.அந்­தக் கட்­சி­தான் இன்று அர­சி­யல் தீர்வு தொடர்­பில் அர்ப்­ப­ணிப்­பு­டன் செயற்­ப­டு­வ­தாகக் காட்­டிக்­கொள்­கி­றது.

மகிந்த காட்­டிய படம்
2005இல் ஆட்­சி­யைக் கைப்­பற்­றிய மகிந்­த­வும் தீர்வு முயற்­சி­யில் இறங்­கி­னார்.புலி­க­ளு ­டன் பேச்­சுக்­க­ளில் ஈட்­டுட்­டார்.அவை எல்­லாம் தோல்­வி­யில் முடிந்து போர் தொடங்­கப்­பட்­ட­தும், அந்தப் போர் அர­சின் பக்­கம் வெற்­றி­யைக் கொண்­டு­வ­ரத் தொடங்­கி­ய­தும் அர­சி­யல் தீர்வை மகிந்த மறக்­கத் தொடங் கி­னார்.

போர் முடிந்து பன்­னாட்டு அழுத் தம் கார­ண­மா­க­வும், தமிழ் மக்­க­ளின் பிரச்­சி­னை­க ளைத் தீர்ப்­ப­தில் அக்­க­றை­யுள்­ள­வர்­போல் காட்­டிக்­கொள்­வ­தற்­கா­க­வும், மகிந்த மீண்­டும் தீர்வு முயற்­சி­யைத் தொடங்­கி­னார்.ஆனால் இதய சுத்­தி­யு­டன் அந்த முயற்சி இருக்­க ­வில்லை. தீர்வு ஒன்றை வழங் கும் திட்­டம் ஒன்று அவ­ரி­டம் இருக்­கவே இல்லை.

தீர்வு முயற்சி என்ற பெய­ரில் வெறும் படத்­தையே மகிந்த காட்­டி­னார். காலத்தை இழுத்­த­டித்­துக்­கொண்டு சென்­றார்.சர்வகட்­சிக் குழு­வொன்றை அமைத்து, அந்­தக் குழு முன்­வைக்­கும் யோச­னை­க­ளின் அடிப்­ப­டை­யி­லேயே தீர்வு முன்­வைக்­கப்­ப­டும் என்­றார்.

இலங்கை அர­சி­ய­லில் ஈடு­பட்­டி­ருக்­கும் அனைத்­துக் கட்­சி­க­ளும் அந்­தக் குழு­வில் இருந்­த­தால் அந்­தக் குழு­வின் வழி­யாக வரும் யோச­னை­கள் அனை­வ­ரும் ஏற்­றுக்­கொண்­ட­தா­கவே இருக்­கும்.அவற்­றுக்கு எதிர்ப்பு எது­வும் இருக்­காது.மிக இல­கு­வாக- எதிர்ப்­பு­கள் எவை­யு­மின்றி அர­சி­யல் தீர்­வைத் தயா­ரித்­து­விட முடி­யும் என்ற நம்­பிக்கை அப்­போது எல்­லோ­ருக்­கும் ஏற்­பட்­டது.

ஆனால் நடந்­ததோ வேறு.சர்வ கட்சி பிர­தி­நி­தி­கள் குழு­வின் தலை ­வர் திஸ்ஸ விதா­ர­ண­வி­டம் இருந்து இறுதி அறிக்­கை­யை,-­­மு­ழு­மை­யான யோச­னை­களைப் பெற்­றுக்­கொண்ட மகிந்த, அந்த அறிக்­கையை முழு­மை­யாக வாசித்­துக்­கூ­டப் பார்க்­கா­மல் தூக்கி வீசி­னார் அவர் வழங்­கி­யி­ருந்த வாக்­கு­று­தியை மீறி­னார்.

மூன்று வரு­டங்­களை வீணாக்­கி­ விட்டு மீண்­டும் முத­லில் இருந்து வேறு வழி­யின் ஊடா­கத் தீர்வு முயற்­சி­யைத் தொடங்­கி­னார். அது­தான் நாடா­ளு­மன்­றத் தெரி­வுக் குழு.அர­சி­யல் தீர்வு தொடர்­பாக ஆராய்ந்து அந்­தக் குழு வெளி­யி­டும் யோச­னை­க­ளின் அடிப்­ப­டை­யில்­தான், இறு­தித் தீர்வு தயா­ரிக்­கப்­ப­டும் என்று மகிந்த கூறி­னார்.

அவர் ஆட்­சி­யில் இருக்­கும்­வரை அர­சி­யல் தீர்வு முயற்சி என்ற பெய­ரில் இவ்­வாறு காலத்தை இழுத்­த­டித்­த­துக்­கொண்டே போகப்­போ­கின்­றார்.அவ­ரி­டம் தீர்வு வழங்­கும் திட்­டம் அறவே இல்லை. பன்னாட் டுச் சமூகத்தையும் தமி­ழர்­க­ளை­யும் ஏமாற்­றப் போகின்­றார்.

இறு­தி­யில் எதை­யும் வழங்­காது அவ­ரது ஆட்­சிக் காலத்தை நிறைவு செய்து சென்­று­வி­டு­வார்.அப்­போது அர­சி­யல் தீர்வு தொடர்­பில் சாத­கா­மான விட­யங்­கள் எவை­யும் நடந்­தி­ருக்­காது என்ற உண்­மையை விளங்கி கூட்­ட­மைப்பு மகிந்த அமைத்த நாடா­ளு­மன்­றத் தெரி­வுக் குழுவை நிரா­க­ரித்­தது.மகிந்­த­வால் பல அழைப்­பு­கள் விடுக்­கப்ப­ட்டும் கூட்­ட­மைப்பு அதில் அங்­கம் வகிக்­க­வில்லை. இது மகிந்த அர­சுக்கு மேலும் சாத­க­மா­கிப் போனது.

கூட்­ட­மைப்­பின்­மீது குற்­றச்­சாட்­டைச் சுமத்­தி­விட்டு தொடர்ந்தும் காலத்தை இழுத்­த­டிப்­ப­தற்கு மகிந்­த­வுக்கு மேலும் வாய்ப்­புக் கிடைத்­தது.அவ்­வாறே நடந்­தது.கூட்­ட­ மைப்பு தெரி­வுக் குழு­வைப் புறக்­க­ணிப்­ப­ தால் எம்­மால் அர­சி­யல் தீர்­வைத் தயா­ரிக்க முடி­யா­மல் போயுள்­ளது என்று கூறிக்­கொண்டே எதி­ரி­பார்த்­த­து­போல் மகிந்த காலத்தை இழுத்­த­டித்­தார்.

இத­னால் கூட்­ட­மைப்பு மாற்று வழியை நாடி­யது.அது­தான் பன்னாடு கள் தரப்பின் உதவி.கூட்­ட­ மைப்பு பன்னாடுகளது ஒத்­து­ழைப்­பு­டன் தீர்­வைப் பெற்­றுக்­கொள்­ளும் முயற்­சி­யில் இறங்­கி­யி­ருக்­க,-­­ம­று­பு­றம் தீர்வு தாம­த­மா­வ­தற்­கான கார­ணத்தை கூட்­ட­ மைப்­பு­ மீது போட்­டு­விட்டு மகிந்த அவர் பாட்­டில் இருக்க ஆட்சி மாற்­ற­மும் வந்து சேர்ந்­தது.

புதிய ஆட்­சி­யின்
தில்­லு­முல்லு
மகிந்­த­வின் ஆட்­சி­யைக் கவிழ்த்து ஆட்­சி­யைக் கைப்­பற்­றிய புதிய ஆட்­சி­யா­ளர்­கள், வேறு வழி­க­ளில் தீர்வு முயற்­சி­யைத் தொடங்­கி­னர்.தற்­போ­தைய அர­ச­மைப்பு முற்­றாக நீக்­கப்­பட்டு புதிய அர­ச­மைப்பு கொண்டு வரப்­ப­டும் என்­றும், அத­னூ­டாக அனைத்து இன மக்­க­ளின் பிரச்­சி­னை­க­ளும் தீர்க்­கப்­ப­ டும் என்­றும், அதற்­காக அதி­கா­ரப் பகிர்வு வழங்­கப்­ப­டும் என்­றும், நிறை­வேற்று அதி­கா­ர­மிக்க அரச தலை­வர் முறைமை நீக்­கப்­ப­டும் என்­றும் இந்த ஆட்­சி­யா­ளர்­கள் தேர்­த­லுக்கு முன் மக்­க­ளுக்கு வாக்­கு­று­தி­ய­ளித்­த­ னர்.

அந்த வாக்­கு­று­தி­க­ளின் அடிப்­ப­டை­யில்தான் இந்த அர­சுக்கு மக்­கள் ஆணை­யும் கிடைத்­தது.ஆனால் ஆட்­சி­யின் இரு பெரும் பங்­கா­ளி­க­ளான ஐக்­கிய தேசிய கட்­சி­யும் சுதந்­தி­ரக் கட்­சி­யும், அந்த ஆணையை இரு வெவ்­வேறு வழி­க­ளில் பயன்­ப­டுத்­தத் தொடங்­கி­யுள்­ளதை எம்­மால் அவ­தா­னிக்க முடி­கின்­றது.

புதிய அர­ச­மைப்பை உரு­வாக்­கு­தல் மற்­றும் நிறை­வேற்று அதி­கா­ர­மிக்க அரச தலை­வர் முறை­மையை நீக்­கு­தல் என்ற இரண்டு முக்­கிய விட­யங்­க­ளுக்கு மக்­கள் ஆணை வழங்­கி­னர்.ஐக்­கிய தேசிய கட்­சியோ இந்த இரண்­டும் நிறை­வேற்­றப்­பட வேண்­டும் என்ற நிலைப்­பாட்­டில் உள்­ளது.

ஆனால் சுதந்­தி­ரக் கட்சி இந்த இரண்டு ஆணை­க­ளை­யும் மீறிச் செயற்­ப­டு­வ­தைக் காண­லாம்.புதிய அர­ச­மைப்பு தேவை இல்லை.இருக்­கின்ற அர­ச­மைப்பு தேவைக்கு ஏற்ப திருத்­தப் பட்டால் போதும் என்­றும் , நிறை­வேற்று அதி­கா­ர­மிக்க அரச தலை­வர் முறைமை நீக்­கப்­ப­டக்­கூ­டாது என்­றும் சுதந்திரக் கட்சி கூறு­கின் றது.

இது மக்­கள் ஆணையை நேர­டி­யா­க-­­ பச்­சை­யாக மீறும் செய­லா­கும்.இதற்­குப் பல்­வேறு கார­ணங்­க­ளைக் கூறி சுதந்தி ரக் கட்சி சமா­ளித்­தா­லும் அவற்­றை­யெல்­லாம் ஏற்க முடி­யாது.இந்த நிலைப்­பாடு மக்­கள் ஆணைக்கு எதி­ரா­ன­தா­கும்.

பௌத்த பீடங்­க­ளின் நிலைப்­பா­டும்
சு.கவின் பின்­ன­ணி­யும்
தாம் எடுத்­தி­ரு­க்கின்ற நிலைப்­பாடு மக்­கள் ஆணைக்கு எதி­ரா­னது என எல்­லோ­ரும் விளங்கி வைத்­தி­ருப்­ப­தால் அந்த நிலைப்­பாட்­டைச் சரி காண்­ப­தற்­கும் அதற்­காக மக்­கள் ஆணை­யைப் பின்­தள்ளி அதை­வி­டப் பெரிய ஆணை­யைக் கொண்டு வரு­வ­தற்­கு­மான தேவை சுதந்திரக் கட்சிக்கு ஏற்­பட்­டுள்­ளது. அந்­தத் தேவையை நிறை­வேற்­று­ வ­தற்­காக எழுந்­த­து­தான் புதிய அர­ச­மைப்­புக்­கான பௌத்த பீடங்­க­ளின் எதிர்ப்பு.பௌத்த மக்­க­ளால் பெரி­தும் மதிக்­கப்­ப­டு­கின்ற இந்த பீடங்­க­ளால் எடுக்­கப்­ப­டு­கின்ற முடி­வு­க­ளுக்கு மதிப்­ப­ளிக்­கும் தன்மை பௌத்த மக்­க­ளி­டம் உண்டு.அதைத் துருப்­புச் சீட்­டா­கக் கொண்டே சுதந்திரக் கட்சி இப்­போது காய் நகர்த்­தி­யுள்­ளது.

தாம் எதிர்க்­கின்ற ஒரு விட­யத்தை இன்­னோர் அமைப்­பும் எதிர்க்­கு­மாக இருந்­தால் நிச்­ச­ய­மாக தாம் அந்த அமைப்­பு­டன் நேர­டி­யா­கவோ மறை­மு­க­மாவோ கைகோத்தே ஆகு­வோம்.அது தமது நிலைப்­பாட் டுக்­கு-­­போ­ராட்­டத் துக்கு மேலும் வலுச் சேர்க்­கவே செய்­யும்.

அவ்­வா­று­தான் புதிய அர­ச­மைப்பு தொடர்­பி­லான பௌத்த பீடங்­க­ளின் நிலைப்­பாட்­டைப் பார்க்க வேண்­டும்.இது அர­சின் இரா­ஜ­தந்­தி­ரம் என்­பது சாதா­ரண மக்­க­ளுக்கு ஒரு­போ­தும் புலப்­ப­டாது.இந்த பௌத்த பீடங்­க­ளின் நிலைப் பாட்டை ஆத­ரிக்­கும் வகை­யில் இனி ஏனைய பிக்­கு­ க­ளும் களத்­தில் குதிப்­பர்.

பௌத்த மதத்­துக்­கான
முதன்மை ஸ்தானம் நீக்­கப்­ப­டல்
பௌத்த பீடங்­க­ளின் நிலைப்­பாட்­டுக்கு தேரர்­கள் அனை­வ­ரி­ன­தும் ஆத­ர­வைப் பெற்­றுக்­கொள்­வ­தற்கு பயன்­ப­டுத்­தப்­ப­டப் போகும் துருப்­புச் சீட்­டுத் தான், பௌத்த மதத்­துக்கு இருக்­கின்ற முதன்மை ஸ்தானம் நீக்­கப்­ப­டப் போகின்­றது என்ற பொய்ப் பிர­சா­ரம்.இது தேரர்­க­ளின் ஆத­ரவை பௌத்த பீடங்­க­ளின் நிலைப்­பாட்­டுக்­குப் பெற்­றுக் கொடுக்­கும்.

இறு­தி­யில் பௌத்த தேரர்­க­ளின் எதிர்ப்பை மீறித் தன்­னால் எதை­யும் செய்ய முடி­ய­வில்லை.இருக்­கின்ற யாப்­பில் திருத்­தத்தை மாத்­தி­ரமே செய்ய முடி­யும் என்ற நிலைப்­பாட்டை அரசு வெளி­ யி­ட­லாம்.அப்­படி இல்­லா­து­போ­னால், புதிய அர­ச­மைப்­பில் உறு­தி­யாக இருப்­ப­து­போல் காட்­டிக்­கொண்டு காலத்தை இழுத்­த­டிக்­க­லாம், மகிந்­த­வைப்­போல்.

மொத்­தத்­தில் இவ்­வா­றான குழப்­பம் ஏற்­ப­டு­கின்­ற­போது அந்­தக் குழப்­பத் தைத் தீர்த்­தல் என்ற பெய­ரில் காலத்தை இழுத்­த­டிப்­பது தவிர்க்க முடி­யா­தது.மகிந்­த­வைப்­போல் இந்த அர­சும் இருக்­கும் வரை காலத்­தைக் கடத்­தி­விட்டு எது­வுமே செய்­யா­மல் ஆட்­சியை விட்­டுச் சென்­றா­லும் அதி­ச­யப்­ப­டு­வ­தற்­கில்லை.அது­தான் நடக்­கப்­போ­கின்­றது.

தேசியப் பிரச்­சினை தீர்க்­கப்­பட வேண்­டும் என்­றும், அதற்­காக அர­சி­யல் தீர்வு வழங்­கப்­பட வேண்­டும் என்­றும் சிங்­க­ளத் தலை­வர்­கள் என்­ன­தான் வாய் கிழி­யக் கூறி­னா­லும் , அந்த விட­யத்­தில் அவர்­கள் இதய சுத்­தி­யு­டன் இல்லை என்­ப­து­தான் உண்மை.