‘போரின் அழிவுகள், அவலங்களைப் பொருட்படுத்தாமல் கல்வியிலும் விளையாட்டிலும் முன்னிலை அடையவும்’ – வடக்கு மாகாண முதலமைச்சர் அழைப்பு

(யாழ்ப்பாணத்திலிருந்து நெவில் அன்தனி)

போரின் அழி­வு­க­ளையும் அவ­லங்­க­ளையும் பொருட்­ப­டுத்­தாமல் எதிர்­கா­லத்தில் கல்­வி­யிலும் விளை­யாட்­டுத்­து­றை­யிலும் முன்­ன­ணியில் உள்ள மாகா­ண­மாக வடக்கு மாகாணம் திக­ழ­வேண்டும் என வடக்கு மாகாண முத­ல­மைச்சர் சி. வி. விக்­னேஸ்­வரன் கூறினார்.
கல்வி அமைச்சு, அமைச்சின் விளை­யாட்­டுத்­துறைப் பிரிவு ஆகி­யன நெஸ்ட்லே லங்கா நிறு­வ­னத்­துடன் இணைந்து நடத்­திய அகில இலங்கை பாட­சா­லைகள் விளை­யாட்டு விழாவின் ஓர் அம்­ச­மான நெஸ்­டமோல்ட் அரை மரதன் ஓட்டப் போட்­டியில் பிர­தம விருந்­தி­ன­ராகக் கலந்­து­கொண்டு பேசி­ய­போதே முத­ல­மைச்சர் மேற்­கண்­ட­வாறு கூறினார்.

முத­ல­மைச்சர் சி. வி. விக்­னேஸ்­வரன் தொடர்ந்து பேசு­கையில், ஜப்பான் எவ்­வாறு போரில் நிர்­மூ­ல­மாக்­கப்­பட்ட ஒரு நிலை­யி­லி­ருந்து இன்று விலகி உலகில் பல­முள்ள முன்­னேற்ற நாடு­களில் ஒன்­றாக மாறி­யுள்­ளதோ, நாமும் போரின் அழி­வு­க­ளையும் அவ­லங்­க­ளையும் பொருட்­ப­டுத்­தாது எதிர்­கா­லத்தில் கல்­வி­யிலும் விளை­யாட்­டிலும் முன்­ன­ணியில் உள்ள மாகா­ண­மாகத் திக­ழ­வேண்டும்.

இன்­றைய தோல்­விகள் யாவும் நாளைய வெற்­றிக்கு படி­க­ளாக அமை­ய­வேண்டும். விளை­யாட்­டுத்­து­றையில் எமது  மாண­வர்கள் வேக­மாக முன்­னே­றி­வரும் இன்­றைய ஆரோக்­கி­ய­மான நிலை தொட­ர­வேண்டும். விளை­யாட்டுப் போட்­டி­ களில் மட்­டு­மன்றி கல்­வி­யிலும் சிறந்து விளங்கி எதிர்­கா­லத்தில் கல்­வியில் உய­ரிய நிலையை அடை­வ­துடன் பண்­பட்ட ஒரு சமூ­கத்­தையும் உரு­வாக்­கு­வ­தற்கு நாம் அனை­வரும் ஒன்­றாக இணைந்து­ பாடு­ப­ட­வேண்டும் என வாழ்த்­து­கின் றேன்'' என்றார்.

எமது வீர, வீராங்­க­னைகள் விளை­யாட்டு நிகழ்­வு­களில் காட்­டு­கின்ற ஆர்வம் மற்றும் ஈடு­பாடு என்­ப­வற்றை வடக்கு மாகாண பாட­சாலை மாணவ, மாண­வி­ய­ரது விளை­யாட்டுப் போட்­டி­க­ளின்­போது எம்மால் கவ­னிக்கக் கூடி­ய­தாக இருந்­தது. சில நாட்­க­ளுக்கு முன்னர் மாகாண தட­கள போட்­டிகள் இங்­குதான் (துரை­யப்பா) நடை­பெற்­றது. இந்த வருடம் நடை­பெற்ற போட்­டி­களில் கடந்த காலங்­களில் வழ­மையில் இருந்த 15, 17, 19  வய­துக்­குட்­பட்­ட­வர்கள் என்ற பிரி­வுகள் 12, 14, 16, 18, 20 என ஐந்து வயதுப் பிரி­வு­க­ளாக தேசிய ரீதியில் மாற்­றப்­பட்­டுள்­ளது. 

இதனால் குறிப்­பிட்ட இந்த பிரி­வி­ன­ருக்­கான அடைவு மட்­டங்­களும் திருத்­தப்­பட்­டுள்­ளன. ஓட்டப் பந்­த­யங்­களில் எதிர்­பார்த்த நேர அள­வுகள் மிகக் குறை­வா­கவும் கள நிகழ்ச்­சி­களில் எதிர்­பார்த்த உயர, தூர அள­வுகள் மிகக் கூடு­த­லா­கவும் இளை­ஞர்கள் வெளிப்­ப­டுத்­தி­யதை அடுத்து அவர்­க­ளுக்­கான வர்ண சான்­றி­தழ்கள் மேல­தி­க­மாக வழங்­கப்­பட்­டன.

இதற்­காக வர்ண சான்­றி­தழ்கள் 300 வரை போது­மா­ன­தாக இருக்கும் என திணைக்­களம் தீர்­மானித்த­ போ­திலும் போட்­டி­க­ளின்­போது 350 சான்­றி­தழ்­கள்­வரை அச்­ச­டிக்கும் தேவை ஏற்­பட்­டது. 

இதன் மூலம் எமது வீரர்கள் எமது எதிர்­பார்ப்பை விஞ்­சி­விட்­டார்கள் என்ற உண்மை தெரி­ய­வ­ரு­கின்­றது. இவ்­வா­றான எதிர்­பார்ப்பை விஞ்­சிய சாத­னை­களை நாம் இளைஞர், யுவ­தி­க­ளி­ட­மி­ருந்து தொடர்ந்தும் எதிர் பார்க்கின்றோம்'' எனவும் முதல மைச்சர் சி. வி. விக்னேஸ்வரன் தெரிவித்தார்.

அரை மரதன் மற்றும் 5 கிலோ மீற்றர் தூர ஓட்டப் போட்டிகளுக்கான பரிசளிப்பு வைபவத்தின் ஆரம்பத்தில் சுன்னாகம் ஸ்கந்தவரோதயா கல்லூரி மாணவிகளின் கண்கவர் நடனங்கள் அரங்கேற்றப்பட்டன.