தமிழ்த் தேசி­யக் கூட்­ட­மைப்பு தனது கடைசி ஆயு­தத்­தைக் கையில் எடுத்­துள்­ளது. சிங்­கள அர­சு­கள் தாமா­கத் தீர்­வைத் தரப்­போ­வ­தில்லை என்­ப­தால் உலக நாடு­கள் மற்­றும் ஐக்­கிய நாடு­கள் போன்ற உலக அமைப்­பு­கள் தலை­யிட்டு தமி­ழர்­க­ளுக்­கும் சிங்­க­ள­வர்­க­ளுக்­கும் இடை­யில் நடு­நிலை வகிக்­க­வேண்­டும் என்­பதே அந்த ஆயு­தம்.

2015ஆம் ஆண்டு மைத்­தி­ரி­பால சிறி­சேன மற்­றும் ரணில் விக்­கி­ர­ம­சிங்­க­வு­டன் கூட்­ட­மைப்­பின் தலை­வர் இரா.சம்­பந்­தன் ஒரு
கூட்டு இணக்­கத்தை ஏற்­ப­டுத்­தி­னார். அரச தலைவருக்கான தேர்­த­லில் மைத்­தி­ரி­பால சிறி­சே­னவை ஆத­ரிப்­பது என்­பது அந்த இணக்­கம். முன்­னாள் அரச தலை­வர் மகிந்த ராஜ­பக்­ச­வைப் பத­வி­யி­லி­ருந்து அகற்றி ரணி­லின் ஆத­ர­வு­டன் மைத்­தி­ரி­பா­லவை அரி­யணை ஏற்­று­வ­தற்­குப் பதிலீடாக தமி­ழர்­க­ளுக்கு என்ன கிடைக்­கப்­போ­கி­ றது என்­கிற கேள்வி அப்­போதே எழுப்­பப்­பட்­டது.

தமி­ழர்­க­ளுக்­குக் கிடைக்­கப்­போ­கும் நன்­மையை உறு­திப்­ப­டுத்­தும் விதத்­தில் மைத்­திரி மற்றும் ரணி­லு­டன் எழுத்து மூல உடன் ப­டிக்கை ஒன்றை ஏற்­ப­டுத்த வேண்­டும் என்று வலி­யு­றுத்­தப்­பட்­டது. கூட்­ட­மைப்­புக்கு உள்­ளே­யும் வெளி­யே­யும் இது தொடர்­பில் சம்­பந்­த­ருக்கு அதிக அழுத்­தங்­கள் கொடுக்­கப்­பட்­டன.

ஆனால் அவற்றை ஒதுக்கி வைத்­து­விட்டு எழுத்து மூல உடன்­ப­டிக்கை ஒன்று இல்­லா­ம­லேயே சம்­பந்­தர் ஆத­ரவு வழங்­கி­னார். தமிழ் மக்­க­ளின் ஆத­ர­வை­யும் திரட்­டிக்­கொ­டுத்­தார். இது இத­யங்­கள் இடை­யி­லான ஒப்­பந்­தம் என்று அதனை அவர் வரை­வி­லக்­க­ணப்­ப­டுத்­தி­னார்.

எழுத்து மூல ஒப்­பந்­தத்­தையே மதிக்­காத வர­லாற்­றைக் கொண்ட சிங்­க­ளத் தலை­மை­கள், இத­யங்­க­ளின் இணைப்­பையா மதிக்­கப்­போ­கின்­றன என்­கிற விமர்­ச­னங்­கள் அப்­போதே எழுந்திருந்தன. என்­றா­லும் மைத்­தி­ரிக்­குப் பல­வீ­ன­மா­க­வும், மகிந்­த­வுக்­குப் பல­மா­க­வும் மாறி­வி­டக்­கூ­டி­ய­தான ஓர் எழுத்து மூல ஒப்­பந்­தத்தை சம்­பந்­தர் ஒரு­போ­தும் வலி­யு­றுத்­த­வில்லை.

அதற்­கான கார­ணம், இலங்­கை­யில் ஆட்சி மாற்­றம் உல­கின் சக்­தி­மிக்க நாடு­க­ளி­ன­தும் தேவை­யாக இருந்­த­தால், அத­னோடு ஒத்­தோ­டு­ வ­தன் மூலம் உலக நாடு­களை தனக்­குப் பக்­கத்­து­ணை­யாக, பக்­க­ப­ல­மாக மாற்­றிக்­கொள்­வ­து­தான்.

போருக்­குப் பின்­ன­ரான காலத்­தில் உலக நாடு­கள் தமி­ழர்­க­ளோடு நிற்­கின்­றன என்­பதை உறு­தி­யாக நம்­பிய கூட்­ட­மைப்­புத் தலை­வர்­கள், சிங்­களத் தலை­வர்­களை நம்­பா­விட்­டா­லும் பலம்­மிக்க உலக நாடு ­களை நம்­பித்­தான் இத­யங்­க­ளின் ஒப்­பந்­தத்­திற்­குள் கால் வைத்­தனர்.

இப்­போது இத­யங்­க­ளின் ஒப்­பந்­தம் பல­வீ­ன­மாகி நொந்து நூலா­கி­வி­டும் நிலையை எட்­டி­விட்­டது தெளி­வா­கின்­றது. கடந்த இரண்டு வரு­டங்­க­ளில் நல்­லி­ணக்க நோக்­கில் தமி­ழர்­கள் தொடர்­பான நட­வ­டிக்­கை­க­ளில் கொஞ்­ச­மா­வது முன்­னே­றி­வந்த கூட்டு அர­சும் அதன் தலை­வர்­க­ளும் தற்­போது அதனை அனே­க­மா­கக் கைவிட்­டு­விட்­டார்­கள். காணி விடு­விப்பு, அர­சி­யல் கைதி­க­ளின் விடு­விப்பு, காணா­மற்­போ­னோ­ரின் விவ­கா­ரம் என்று எந்த முனை­யி­லும் முன்­னேற்­றம் ஏது­மில்­லாத நிலையே ஏற்­பட்­டுள்­ளது.

வடக்கு கிழக்கு மாகா­ணங்­க­ளில் எரி­யும் பிரச்­சி­னை­யாக இருக்­கக்­கூ­டிய இந்த விவ­கா­ரங்­க­ளுக்கே தீர்வு காணப்­ப­டாத நிலை­யில், அது­வும் அர­சோடு இத­யங்­க­ளின் இணைப்­பா­கப் பய­ணித்­தும் பய­னற்ற நிலை­யில் இந்த விவ­கா­ரத்­தில் தான் மலை­ய­ளவு நம்­பி­யி­ருந்த உலக நாடு­க­ளின் தலை­யீட்டை கோரி­யி­ருக்­கி­றார் கூட்­ட­மைப்­பின் தலை­வர் இரா.சம்­பந்­தன்.

கேப்­பாப்­பி­லவு விவ­கா­ரத்­தில் ஐக்­கிய நாடு­க­ளின் செய­லா­ளர் நாய­கம் மற்­றும் ஐ.நா. மனித உரி­மை­கள் ஆணை­யா­ளர் ஆகி­யோ­ருக்­கும் உலக நாடு­க­ளின் தூது­வர்­க­ளுக்­கும் அவர் கடி­தம் எழு­தி­யி­ருக்­கி­றார். நல்­லி­ணக்­கத்தை நோக்­கிய பாதை­யில் அரசு தேங்­கிக் கிடப்­பதை ஆதா­ர­பூர்­வ­மாக அதில் அவர் சுட்­டிக்­காட்­டி­யி­ருக்­கி­றார். எனவே சிங்­க­ள­வர்­க­ளுக்­கும் தமி­ழர்­க­ளுக்­கும் இடை­யி­லான பிணக்­கில் உல­கம் தலை­யி­ட­வேண்­டிய நேரம் வந்­து­விட்­டது என்று அவர் சுட்­டிக்­காட்­டி­யி­ருக்­கி­றார்.

அவர் நம்­பி­யி­ருந்­த­தைப் போலவே உலக நாடு­கள் இந்த விட­யத்­தில் கொழும்­புக்கு அழுத்­தம் கொடுத்து நில­மை­யைத் தமி­ழர்­க­ளுக்­குச் சாத­க­மா­கத் திருப்ப முடி­யுமா என்­பது கேள்­விக்­கு­றியே. ஏனெ­னில் இரா­ஜ­தந்­தி­ரத்­தில் உலக நாடு­களை வளைத்­துப்­போ­டு­வ­தில் தமி­ழர்­க­ளை­விட சிங்­க­ளத் தலை­வர்­கள் திற­மை­சா­லி­கள் என்­பதை வர­லாற்­றில் பல தட­வை­கள் அவர்­கள் நிரூ­பித்­தி­ருக்­கி­றார்­கள்.

கொழும்­பின் தற்­போ­தைய ஆட்­சி­யைத் தக்­க­வைப்­ப­தற்­கான தேவை உல­கத்­திற்­கும் இருக்­கும் நிலை­யில், ஓர­ள­வுக்கு மேல் உலக நாடு­கள் கொழும்­புக்கு அழு­த்தங்­க­ளைக் கொடுக்­கும் என்று எதிர்­பார்ப்­பது யதார்த்­தத்துக்கு அப்­பாற்­பட்­டது.

அத்­த­கைய நிலை­யில், ஐக்­கிய நாடு­க­ளின் செய­லா­ளர் நாய­கம் பான்கீமூனிடம் சம்­பந்­தர் யாழ்ப்­பா­ணத்­தில் வைத்து, அரசு இந்­தத் தட­வை­யும் ஏமாற்­றி­னால் தமி­ழர்­களை ஆள்வதற்கு கொழும்பை ஒரு­போ­தும் அனு­ம­திக்­கப்­போ­வ­தில்லை என்று சொன்­ன­தற்கு ஏற்ப, அடுத்த கட்­டப் போராட்­டத்தை முன்­னெ­டுத்­தா­க­வேண்­டும்.

அதற்கு இப்­போதே தமிழ் மக்­க­ளைத் தயார்ப்­ப­டுத்­தும் பணி­களை அது ஆரம்­பிக்­க­வேண்­டும். அதி­லேயே தமிழ் மக்­க­ளின் எதிர்­கா­லம் தங்­கி­யி­ருக்­கி­றது.