முல்லைத்தீவு மாவட்டத்திற்கான நெற்களஞ்சியம் அமைக்கும் பணிகள் ஆரம்பம்

முல்லைத்தீவு மாவட்டத்திற்கான நெற்களஞ்சியம் அமைக்கும் பணிகள் நாளை மறுதினம்(26) ஒட்டுச்சுட்டானில் ஆரம்பித்து வைக்கப்படவுள்ளது. இது தொடர்பில் கருத்துத் தெரிவிக்கையிலேயே அவர் இவ்வாறு தெரிவித்துள்ளார்.

இங்கு தொடர்ந்தும் கருத்துத் தெரிவித்த அவர்,

முன்னதாக 2015ஆம் ஆண்டில் முல்லைத்தீவில் நெற்களஞ்சியம் அமைப்பதற்காக சுமார் 35 மில்லியன் ரூபா ஒதுக்கீடு செய்யப்பட்டிருந்தது.

எனினும், அதிகாரிகள் நெற்களஞ்சியம் அமைப்பதற்கு உகந்த இடத்தைத் தெரிவு செய்வதில் காட்டிய அசமந்தம் காரணமாக அந்த நிதி மீண்டும் திரும்பிச் செல்லும் நிலை ஏற்பட்டது.

இதன் காரணமாக தமது நீண்டகால கோரிக்கை நிறைவேறும் என எதிர்பார்த்திருந்த விவசாயிகள் பெரும் ஏமாற்றமடைந்தனர்.

இவ்வாறான நிலையில் நாளை மறுதினம் நெற்களஞ்சியத்திற்கான அடிக்கல் நாட்டும் நிகழ்வு ஒட்டுச்சுட்டானில் இடம்பெறவுள்ளது.

இந்த நெற்களஞ்சியத்தை மிகப் பெரியளவில் அமைக்கத் திட்டமிடப்பட்டுள்ளது, அதற்கான நிலமும் தெரிவு செய்யப்பட்டு, நெல் சந்தைப்படுத்தல் அதிகார சபையின் ஊடாக கட்டுமானப் பணிகள் முன்னெடுக்கப்படவுள்ளன.

ஒட்டுச்சுட்டான், வித்தியாபுரம் பகுதியில் 35 மில்லியன் ரூபா செலவில் அமைக்கப்படவுள்ள குறித்த நெற்களஞ்சியத்தின் கட்டுமானப் பணிகள் அடுத்த வருடம் நடுப் பகுதிக்குள் நிறைவு செய்யப்படும் என எதிர்பார்க்கப்படுகின்றது என அவர் மேலும் தெரிவித்துள்ளார்.