யாழ். பண்ணைக் கடலில் படகு விபத்து! – ஒருவரின் உடல் மீட்பு

 

 

யாழ். பண்ணை கடல் பகுதியில் படகு கவிழ்ந்து விபத்துக்குள்ளானது. அதில் ஒருவர் நீரில் வீழ்ந்து உயிரிழந்துள்ளார். மற்றொருவரைக் காணவில்லை. அவரைத் தேடும் பணிகள் தீவிரப்படுத்தப்பட்டுள்ளன.

குருசடி தீவில் அமைந்துள்ள கிறிஸ்தவ தேவாலயத்துக்கு ஒரு படகில் நால்வர் சென்று கொண்டிருந்த போது, படகு கவிழ்ந்து விபத்துக்குள்ளாகியுள்ளனது என்று தெரிவிக்கப்படுகின்றது. அவர்களில் இருவர் காப்பாற்றப்பட இருவர் நீரில் மூழ்கினர் என்று தெரிவிக்கப்பட்டது. காப்பாற்றப்பட்டவர்கள் யாழ்ப்பாணம் போதனா மருத்துவமனையில் சேர்க்கப்பட்டனர்

நாவாந்துறையைச் சேர்ந்த 28 வயதுடைய குடும்பஸ்தரே உயிரிழந்துள்ளார்.

அதில் ஒருவர் கடலுக்குள் மூழ்கினார். அதையடுத்துக் கடும் தேடுதல் நடத்தப்பட்டது. அதில் நீரில் முழ்கியவர் சடலமாக மீட்கப்பட்டார் என்று தெரிவிக்கப்பட்டது.

இந்தச் சம்பவத்தை அடுத்து அந்தப் பகுதியில் பதற்ற நிலைமை ஏற்பட்டுள்ளது.

http://newuthayan.com/story/22614.html

யாழ்ப்பாணம் பண்ணை குருசடித்தீவு படகு விபத்து – ஒருவர் பலி

 

யாழ்ப்பாணம் பண்ணை குருசடித்தீவுக்கு சென்ற படகு விபத்திகுள்ளானதில் ஒருவர் உயிரிழந்துள்ளார்.

இன்று மாலை குறித்த சம்பவம்  இடம்பெற்றுள்ளது.

படகு ஒன்றில் குருசடி தீவு அந்தோனியார் ஆலயம் நோக்கி 4 பேர் ஒரு படகில் சென்றுள்ளார். அப்போது படகு கவிழ்ந்ததில் நான்கு பேரும் கடலில் மூழ்கியுள்ளனர்.

அதில் இருவர் காப்பாற்றப்பட்டுள்ளதுடன் மேலும் இருவரை அலை அடித்து செற்ற நிலையில் இருவர் நீரில் அடித்து செல்லப்பட்டனர்.

இந்நிலையில் காணாமல் போனதாக தேடப்பட்டவருடைய உடல் சிறிது நேரத்தின் பின குருசடி கடற்கரையில் மீட்கப்பட்டுள்ளது.

நாவாந்துறையை சேர்ந்த 28 வயதுடைய குயின்சன் தேவதாஸ் என்பவரே மேற்படி உயிரிழந்தவராவார்.

இவருக்கு கடந்த பெப்ரவரி மாதம் திருமணம் நடைபெற்றிருந்தமை குறிப்பிடத்தக்கது.

அவருடன் பயணித்த ஏனையவர்கள் மீட்கப்பட்டு யாழ் போதனா வைத்திய சாலையில் சிகிச்சைக்காக அனுமதிக்கப்பட்டுள்ளனர்.

https://news.ibctamil.com/ta/internal-affairs/boat-accident-in-jaffna-kurusaditheevu