கேட்கவேண்டிய கேள்விகள்

கொழும்­பில் கடத்­தப்­பட்ட 11 தமி­ழர்­கள் தொடர்­பான வழக்கு விசா­ர­ணை­கள் முக்­கி­ய­மான கட்­டத்தை அடைந்­துள்­ளன. இந்­தக் கடத்­தல்­கள் மற்­றும் கொலை­கள் குறித்து கடற்­ப­டை­யின் முன்­னாள் தள­பதி ரியர் அட்­மி­ரல் வசந்த கர­ன­கொ­ட­வுக்­குத் தெரிந்தே இருந்­தது என்று வழக்கை விசா­ரித்து வரும் குற்­றப் புல­னாய்­வுப் பொலி­ஸார் நீதி­மன்­றில் அறிக்­கை­யிட்­டுள்­ள­னர்.

கடத்தப்­பட்­ட­வர்­க­ளில் 5 பேர் மாண­வர்­கள். 2008ஆம் ஆண்டு ஓகஸ்ட் மாதம் 8ஆம் திக­திக்­கும் செப்­ரெம்­பர் மாதம் 11ஆம் திக­திக்­கும் இடையே இவர்­கள் கடத்­தப்­பட்­டார்­கள். கொழும்பு நகர் மற்­றும் புற­ந­கர் பகு­தி­க­ளில் இவர்­கள் கடத்­தப்­பட்­டார்­கள். பின்­னர் காணா­மற்­போய்­விட்­டார்­கள்.

இந்த வழக்கு தற்­போ­தைக்கு ஒரு குற்­ற­வி­யல் வழக்­கா­கவே முன்­னெ­டுக்­கப்­பட்டு வரு­கி­றது. இந்­த 11 தமி­ழர்­க­ளும் கப்­பம் பெறு­வ­தற்­கா­கக் கடத்­தப்­பட்­டுப் பின்­னர் கொல்­லப்­பட்­டார்­கள் என்ற ரீதி­யி­லேயே வழக்கு விசா­ர­ணை­கள் முன்­னெ­டுக்­கப்­ப­டு­ கின்­றன. இது தொடர்­பில் கடற்­ப­டை­யைச் சேர்ந்த ஓர் அதி­காரி உட்­பட 7 பேர் கைது செய்­யப்­பட்­டுள்­ள­னர்.

சிப்­பாய்­கள், இள­நிலை அதி­கா­ரி­கள் மட்­டு­மன்றி மூத்த தள­ப­தி­ க­ளும் ஏதோ ஒரு விதத்­தில் இந்­தக் கடத்­தல் மற்­றும் கொலை­ க­ளு­டன் தொடர்­பு­பட்­டி­ருந்­த­னர் அல்­லது அது பற்­றித் தெரிந்­தும் அதன் மீது நட­வ­டிக்கை எடுக்­கா­மல் இருந்­த­னர் என்­பது விசா­ர­ணை­க­ளின் மூலம் நீதி­மன்­றத்­தின் முன் வைக்­கப்­பட்டு வரு­கின்­றது.

இந்த இடத்­தில்­தான் இந்த வழக்கு ஒரு குற்­ற­வி­யல் வழக்கு என்ற நிலைக்கு அப்­பா­லும் பெரும் பரி­மா­ணத்­தைக் கொண்­டி­ருக்­கி­றது. தமி­ழர்­க­ளின் அர­சி­ய­லைப் பொறுத்­த­வ­ரை­யில் அது கூர்ந்து அணு­கப்­ப­ட­வேண்­டி­யது. அதை­யொட்­டிச் சில கேள்­வி­கள் எழு­கின்­றன.

1. இது ஒரு கடத்­தல் மற்­றும் கொலைக் குற்ற வழக்கு என்­றா­லும் கடத்­தப்­பட்­ட­வர்­கள் அனை­வ­ரும் தமி­ழர்­கள். அவர்­கள் தமி­ழர்­கள் என்­ப­தற்­கா­கவே இவ்­வாறு கேட்­டுக் கேள்­வி­யின்றி, இல­ கு­வா­கக் கடத்­தப்­பட்­டுக் கொல்­லப்­பட்­டார்­கள் என்­பதை மறுக்க முடி­யுமா? ஏனெ­னில் இந்­தக் காலப் பகு­தி­யில் எந்­த­வொரு படை­யி­ன­ரா­லும் சிங்­க­ள­வர்­கள் எவ­ரும் கடத்­திக் கொல்­லப்­பட்­ட­னர் என்­கிற குற்­றச்­சாட்­டுக்­கள் இல்லை.

2. தமி­ழர்­கள் கடத்­தப்­பட்­டார்­கள் என்­பது கடற்­ப­டை­யின் உயர் அதி­கா­ரி­க­ளுக்­குத் தெரிந்­தி­ருந்­தும் அவர்­க­ளைக் காப்­பாற்ற எந்த நட­வ­டிக்­கை­யும் எடுக்­கப்­ப­ட­வில்லை. கடத்­தப்­பட்­ட­வர்­கள் கொல்­லப்­பட்­டார்­கள் என்று தெரிய வந்­த­போ­து­கூட குற்­ற­வா­ளி­கள் மீது நட­வ­டிக்கை எடுக்­கப்­ப­ட­வில்லை. அப்­ப­டி­யா­னால் உயர் அதி­கா­ரி­க­ளின் மறை­முக ஆத­ர­வு­டன் நடத்­தப்­பட்ட கடத்­தல் கொலை­கள்­தான் இவை. அந்த மறை­முக ஆத­ரவு என்­பது தமிழ் இனப்­ப­டு­கொ­லை­யின் ஒரு பகுதி இல்­லையா?

3. தமி­ழர்­கள் கடத்­தப்­பட்­ட­தும் கொல்­லப்­பட்­ட­தும் கடற்­ப­டை­யின் தள­பதி வரைக்­கும் தெரிந்­தி­ருந்­தும் அதன் மீது அவர் நட­ வ­டிக்கை எடுக்­கத் தவ­றி­ய­தும் குற்­ற­வா­ளி­கள் மேலோட்­ட­மான விசா­ர­ணை­யின் பின்­னர் சுதந்­தி­ர­மாக உலாவ விடப்­பட்­ட­தும், தமிழ் இனப்­ப­டு­கொலை ஒரு நிறு­வ­ன­ம­யப்­பட்ட நன்கு திட்­ட­மிட்ட வகை­யில் முன்­னெ­டுக்­கப்­பட்­டது என்­ப­தற்­கான சான்று இல்­லையா?

4. கடற்­ப­டை­யின் தள­பதி தமி­ழர்­கள் படு­கொலை செய்­யப்­ப­டு­வதை அனு­ம­திக்­கி­றார், கடத்­தப்­பட்ட தமி­ழர்­களை விடு­விக்­கும்­படி அர­சி­யல்­வாதி ஒரு­வர் கடற்­ப­டை­யி­ன­ரி­டம் கோரிக்கை முன்­வைக்­கி­றார் என்­றால் இந்­தப் படு­கொ­லை­ க­ளுக்கு அர­சி­யல் தலை­மைத்­து­வ­மும் இருந்­தது என்று அர்த்­தம் இல்­லையா?

5. அரசை வழி­ந­டத்­தி­ய­வர்­க­ளின் ஆசி, அனு­மதி இருந்­த­மை­யால்­தான் இத்­த­கைய குற்­றங்­கள் எந்­த­வி­தத் தயக்­க­மும் இன்றி நடந்­தன என்­பதை நிரா­க­ரிக்க முடி­யாது. அப்­ப­டி­யா­னால் தமிழ் இனப் ப­டு­கொலை திட்­ட­மி­டப்­பட்ட ஒரு பொறி­மு­றை­யின் ஊடாக முன்­னெ­டுக்­கப்­பட்­டது என்­பதை நிரா­க­ரிக்க முடி­யுமா?

6. இந்­தக் கோணங்­களை எல்­லாம் நிரா­க­ரித்து இந்த வழக்கு ஏன் வெறும் குற்­ற­வி­யல் வழக்­காக மட்­டுமே முன்­னெ­டுத்­துச் செல்­லப்­ப­டு­கி­றது? தமி­ழர்­கள் நிச்­ச­யம் கேட்டு ஆராய வேண்­டி­ய­தும் கவ­னம் செலுத்த வேண்­டி­ய­து­மான கேள்­வி­கள் இவை. போர்க் குற்­றங்­கள் நடக்­க­வில்லை என்­றும் இனப்­ப­டு­கொலை நடக்­க­வில்லை என்­றும் மறுத்­து­வ­ரும் ஓர் ஆட்­சி­யின் கீழ் இந்­தக் கேள்­வி­ க­ளுக்கு விடை தேடப்­ப­டு­வது மிக முக்­கி­யம்.