தனித்து ஆட்சியமைக்கும் திட்டத்துடன் அடுத்த தேர்தலில் மைத்திரிபால தரப்பு களமிறங்கும்

 

விஜே­தாச ராஜ­பக்ச ஐ.தே.கட்­சி­யின் உறுப்­பி­னர். அவர் தொடர்­பில் முடி­வெ­டுக் கும் உரிமை ஐ.தே.கட்­சிக்கே உண்டு. விஜே­தாச ராஜ­பக்ச தொடர்­பான பிரச்­சினையை முடி­வுக்­குக் கொண்டு வரு­வ­தற்கு அரச தலை­வ­ரும் கடும் முயற்சி எடுத்­தார்’’ எனத் தெரி­வி­த்துள்­ளார் அமைச்­ச­ரும் ஐ.ம.சு. கூட்­ட­மைப்­பின் செய­லா­ள­ரு­மான மகிந்த அம­ர­வீர. சிங்­க­ளத் தொலைக்­காட்­சி­யொன்­றுக்கு அவர் வழங்­கிய செவ்வி கீழே தரப்­ப­டு­கின்­றது.

கேள்வி:சிறி­லங்கா சுதந்­தி­ரக் கட்­சி­யின் 66ஆவது மாநாட்­டுக்­கான ஏற்­பா­டு­கள் எந்­தக் கட்­டத்­தில் உள்­ளன?

பதில்:இரண்டு முதன்மை கட்­சி­கள் ஒன்­றி­ணைந்து தேசிய அரசு ஒன்றை அமைத்­துள்ள ஒரு மாறு­பட்ட சூழ­லில், – சுதந்­தி­ரக் கட்­சி­யின் இந்த 66ஆவது மாநாட்டுக்கான அனைத்து ஏற்­பா­டு­க­ளும் பூர்த்­தி­யா­கி­ யுள்­ளன.

கேள்வி:இந்­தச் சந்­தர்ப்­பத்­தில் சுதந்­தி­ரக் கட்­சி­யின் உறுப்­பி­னர்­கள் பலர் கட்­சியை விட்­டுச் சென்­று­விட்­டார்­கள் என்­பதை உண­ரு­கி­றீர்­களா?

பதில்:அப்­படி இல்லை.தற்­கா­லி­க­மாக சில பின்­ன­டை­வு­ கள் ஏற்­ப­டு­வது சாதா­ரண விட­யம்.நாம் இரண்டு தேர்­தல்­க­ளில் தோல்­வி­ய­டைந்து இருக்­கின்­றோம்.

சுதந்­தி­ரக் கட்­சி­யின் தலை­வ­ராக இருந்­து­கொண்டு மகிந்த அரச தலைவர் தேர்தலில் போட்­டி­யிட்டு தோல்­வி­ய­டைந்­தார்.அடுத்த நாடா­ளு­மன்­றத் தேர்­த­லி­லும் சுதந்­தி­ரக் கட்சி தோல்­வி­ய­டைந்­தது.இருந்­தும் நாம் ஐக்­கிய தேசிய கட்­சி­யு­டன் இணைந்தே ஆட்சி அமைத்­தோம்.

கட்­சி­யின் மாநாட்­டுக்­கான அழைப்பை நிரா­க­ரித்­து­ விட்டது மகிந்த தரப்பு

கேள்வி:இந்த மாநாட்­டில் கலந்­து­கொள்­வ­தற்­காக மகிந்த ராஜ­பக்­ச­வுக்கு அழைப்பு விடுத்­துள்­ளீர் களா?

பதில்:ஆம்… அவ­ருக்கு மாத்­தி­ர­மன்றி சுதந்­தி­ரக் கட்சி உறுப்­பி­னர்­கள் அனை­வ­ருக்­கும் அழைப்பு விடுத்­துள்­ளோம்.ஆனால்,அந்த அழைப்பை நிரா­க­ரிக்­கப் போவ­தாக மகிந்த அணி­யி­னர் கூறி­விட்­ட ­னர்.

தற்­போ­தைய தலை­வர் மைத்­தி­ரி­பால சிறி­சேன அந்த ஜன­நா­ய­க உரிமையை எமக்கு வழங்­கியுள்­ளார். அந்த வகை­யில் மகிந்த அணி­யி­னர் மாநாட்­டில் கலந்­து­கொள்­வ­தும் அதைப் புறக்­க­ணிப்­ப­தும் அவர்­க­ளது உரிமை.

கேள்வி:சுதந்­தி­ரக் கட்­சி­யின் 64 ஆவது மாநாட்­டில் மஹிந்­த­வும் கலந்­து­கொண்­டார்.பின்­னர் அவ­ரது குடும் பத்தை விசா­ர­ணைக்கு அழைத்து அவ­மா­னப்­ப­டுத்­தி­னீர்­கள்.இப்போதும் விசா­ர­ணைக்கு அழைக்­கப்­ப­டு­கின்­ற­னர்.இந்த நிலை­யில் மீண்­டும் மகிந்த இந்த மாநாட்­டில் கலந்­து­கொள்­வார் என்று நீங்­கள் நம்­பு­கி­றீர்­களா?

பதில்:மகிந்­த­வின் குடும்­பமோ, சுதந்­தி­ரக் கட்­சி­யின் உறுப்­பி­னர்­களோ இவ்­வாறு விசா­ர­ணைக்கு உட்­ப­டுத்­தப்­ப­டு­வ­து, ஊழல்­வா­தி­கள் தண்­டிக்­கப்­ப­டு­வர் என்று தேர்­த­லில் நாம் மக்­க­ளுக்கு வழங்­கிய வாக்­கு­று­தி­யின் அடிப்­ப­டை­யில்­தான் இடம்­பெ­று­கின்­றது.

இது அர­சி­யல் பழி­வாங்­கல் அல்ல.ஊழல்­வா­தி­கள் தண்­டிக்­கப்­ப­டு­வது பிழை என்று சொல்ல முடி­யாது.இந்த ஆட்­சி­யில் ஊழ­லில் ஈடு­பட்ட அமைச்­சர்­கள்­கூட தண்­டிக்­கப்­ப­டு­வ­தை­யும் அமைச்­சுப் பத­வி­க­ளில் இருந்து நீக்­கப்­ப­டு­வ­தை­யும் நீங்­கள் அறி­வீர்­கள்..

கேள்வி:தானே சுதந்­தி­ரக் கட்­சி­யின் தலை­வர் என்று மகிந்த கூறு­கின்­றாரே?

பதில்:சுதந்­தி­ரக் கட்­சி­யின் 64 ஆவது மாநாட்­டில் கலந்­து­கொண்டு மகிந்த ஆற்­றிய உரை, மைத்­திரி சுதந்­தி­ரக் கட்­சி­யின் தலை­மைத்­து­வப் பத­வியை ஏற்­ற­மைக்கு மகிந்த அனுப்­பிய வாழ்த்­துச் செய்தி மற்­றும் தலை­வர் பத­வியை மைத்­தி­ரி­யி­டம் கொடுத்­து­விட்டு மகிந்த நிகழ்த்­திய உரை போன்­ற­வற்­றைக் கேட்­டுப் பார்த்­தால் உண்மை புரி­யும்.எவரோ சிலரது பேச்­சைக் கேட்­டுக்­கொண்­டு­தான் மகிந்த இப்­போது இவ்­வாறு கூறு­கின் றார்.

மகிந்த இந்த நாட்­டுக்­குச் செய்த சேவையை நாம் மறக்­க­வில்லை.போரை நிறைவு செய்து இந்த நாட்­டுக்கு நிரந்­தர சுதந்­தி­ரத்­தைப் பெற்­றுக் கொடுத்­த­வர் அவர். அவ­ரு­டன் நாங்­கள் நீண்ட காலம் அர­சி­யல் செய்­த­வர்­கள்.ஆனால், அவ­ரால் கட்சி இரண்­டா­கப் பிள­வு­பட்­டி­ருப்­பது கவ­லைக் கு­ரிய விட­ய­மா­கும்.

கேள்வி:துமிந்த திஸா­நா­யக்க கட்­சி­யின் செய­லா­ளர் பத­வி­யில் இருந்து விலக வேண்­டும் என்று அமைச்­சர் டிலான் பெரேரா அடிக்­கடி கூறி வரு­கி்ன்­றார்.கட்­சி­யின் 66 ஆவது மாநாட்­டில் இது தொடர்­பில் ஏதா­வது முடிவு எடுக்­கப்­ப­டுமா?

பதில்:அப்­படி எது­வும் நடக்­காது.அதற்­கான தேவை இல்லை. பண்­டா­ர­நா­யக்க எந்த நோக்­கத்­தில் இந்­தக் கட்­சி­யைத் தொடங்­கி­னாரோ அந்த நோக்­கத்­தின் அடிப்­ப­டை­யில் கட்சி இப்­போது பய­ணிக்­கின்­றது.கட்­சி­யின் முத­லாம், இரண் டாம், மூன்­றாம் நிலைத் தலை­வர்­கள் உரு­வா­கிக்­கொண் டி­ருக்­கும் சந்­தர்ப்­பம் இது.

துமிந்த திஸா­நா­யக்க செய­லா­ளர் என்ற அடிப்­ப­டை­யில் அவ­ருக்கு வழங்­கப்­பட்­டி­ருக்­கும் பத­வியை சரி­யான முறை­யில் பயன்­ப­டுத்­திக்­கொண்டு செல்­கின்­றார். முன்­னேற்­றத்தை நோக்கி கட்­சியை நகர்த்­திக் செல்­லும் திறமை அவ­ரி­டம் உண்டு.அதை அவர் சரி­யா­கச் செய்து வரு­கின்­றார்.அவ­ரி­டம் ஏதும் குறை­பா­டு­கள் இருந்­தால் அது பற்­றிப் பேசி அதைத் தீர்த்­துக் கொள்­ள­லாம்.

கட்­சிக்கு எதி­ரா­கச் செயற்­பட்­ட­தால் அமைப்­பா­ளர்­கள்  கட்­சி­யில் இருந்து நீக்­கம்

கேள்வி:கட்­சி­யின் பல அமைப்­பா­ளர்­களை நீக்­கி­யமை அர­சி­யல் பழிவாங்­க­லின் அடிப்­ப­டை­யிலா?

பதில்:பல அமைப்­பா­ளர்­கள் மகிந்த தரப்­பு­டன் சேர்ந்து கொண்டு கட்­சிக்கு எதி­ரா­கச் செயற்­பட்­ட­னர்.கட்­சி­யின் மே தினக் கூட்­டத்­துக்கு மக்­களை அழைத்து வராது மகிந்த அணி­யின் கூட்­டத்­துக்கு அழைத்­துச் சென்­ற­னர்.

இவ்­வா­றா­ன­வர்­களை வைத்து எப்­ப­டிக் கட்­சியை வளர்ப்­பது? அவ்­வா­றா­ன­வர்­களை நீக்­கி­விட்டு புதிய அமைப்­பா­ளர்­களை நிய­மித்­தோம்.அவர்­க­ளின் தொகு­தி­க­ளில் இருந்­து­தான் எமது மாநாட்­டுக்கு அதிக மக்­கள் வர­வி­ருக்­கின்­ற­னர்.

கேள்வி:அமைச்­சர்­கள் டிலான் பெரேரா, லக்ஸ்­மன் யாப்பா அப­ய­வர்­தன மற்­றும் சுசில் பிரே­மச்­சந்­திர ஆகி­யோ­ருக்கு எதி­ராக நம்­பிக்கை இல்லாப் பிரே­ர­ணை­யைக் கொண்­டு­வ­ர­வுள்­ள­தாக ஐக்­கிய தேசிய கட்சி தெரி­வித்­துள்­ளது.அப்­படி நடந்­தால் உங்­க­ளின் நிலைப்­பாடு என்­ன­வாக இருக்­கும்?

பதில்:முழு­மை­யா­கத் தோற்­க­டிப்­போம்.இந்த மூவ­ரும் ஊழல் புரிந்­த­ வர்­கள் அல்­லர்.ஒரு­வேளை இவர்­கள் ஊழ­லு­டன் தொடர்­பு­பட்­டி­ருந்­தால் எங்­க­ளது கட்­சிக்­கா­ரர்­கள் என்­று­கூ­டப் பார்க்­கா­மல் அவர்­க­ளுக்கு எதி­ராக நான் வாக்­க­ளிப்­பேன்.ஆனால்,இவர்­கள் அரசை விமர்­சித்­தார்­கள் என்ற குற்­றச்­சாட்­டின் கீழ்­தான் நம்­பிக்கை இல்­லாப் பிரே­ர­ணை­யைக் கொண்­டு­வ­ர­வுள்­ளார்­க­ளாம்.

இது­வொரு குற்­றச்­சாட்டா?அரசை விமர்­சிப்­பது ஜன­நா­யக உரி­மை­யா­கும்.நான்­கூட பல தட­வை­கள் அரசை விமர்­சித்­தி­ருக்­கின்­றேன்.மத்­திய வங்கி ஊழலை நான்­தான் முத­லில் வெளியே கொண்டு வந்­தேன்.

அர்­ஜுன மகேந்­தி­ரனை மத்­திய வங்கி ஆளு­நர் பத­வி­யில் இருந்து நீக்­கும் போராட்­டத்தை நானே முன்­னெ­ டுத்­தேன்.அவ­ரைப் பாது­காப்­ப­தற்கு ஐக்­கிய தேசிய கட்சி முயற்சி செய்­த­போது நாம் போராடி வெற்றி பெற்­றோம்;அவரை நீக்­கி­னோம்.இதற்­காக எனக்கு எதி­ராக நம்­பிக்கை இல்லாப் பிரே­ர­ணை­யைக் கொண்­டு­வந்­தால் நாட்டு மக்­கள் அதைச் சரியென எடுத்­துக்­கொள்­வார்­களா?

கேள்வி:மத்­திய வங்கி பிணை­முறி ஊழல் தொடர்­பில் விசா­ரித்து வரும் அரச தலைவர் விசா­ர­ணைக் குழு­வுக்கு என்ன நடக்­கும்?அது கலைக்­கப்­ப­டுமா?

பதில்:எது­வும் நடக்­காது. அந்­தக் குழு தனது பணி­யைச் சிறப்­பா­கச் செய்து வரு­கின்­றது.அத­னால்­தான் ரவியை பதவி விலக்க முடிந்­தது.இன்­னும் பலர் ரவி­யைப்­போல் அடை­யா­ளம் காணப்­ப­டு­வர்.இந்­தக் குழு அமைக்­கப்­பட்­ட­போது மத்­திய வங்கி ஊழலை மூடி மறைப்­ப­தற்­கான ஏற்­பா­டு­தான் இந்­தக் குழு அமைப்பு என்று மகிந்த அணி­யும், ஜேவி­பி­யும் கூறின.இப்­போது அவர்­க­ளால் எந்த விமர்­ச­ன­மும் மேற்­கொள்ள முடி­யாது. அந்­தக் குழு சுயா­தீ­ன­மாக இயங்­கு­கின்­றது.

கேள்வி: சட்­டமா அதி­பர் திணைக் க­ளத்தை அரச தலைவர் கையேற்­பாரா?

பதில்:இல்லை.அதை சுயா­தீ­ன­மாக இயங்­கு­வ­தற்கு இடங்­கொ­டுக்­கு­மா­றும், அதை விமர்­சிக்க வேண்­டாம் என்­றும் அரச தலை­வர் எங்­க­ளி­டம் கூறி­யுள்­ளார்.

கேள்வி:அமைச்­சர் ராஜி­த­வுக்கு எதி­ரா­க­வும் நம்­பிக்கை இல்­லாப் பிரே­ரணை சமர்ப்­பிக்­கப்­பட்­டுள்­ளது.இது தொடர்­பில் சுதந்­தி­ரக் கட்­சி­யின் நிலைப்­பாடு என்ன?

பதில்:இது­வரை நாம் அது குறித்து எந்­த­வொரு முடி­வை­யும் எடுக்­க­வில்லை.எப்­ப­டி­யும் அவ­ருக்கு எதி­ரான நிலைப்­பாட்டை எடுப்­ப­தற்கு வாய்ப்­பில்லை.ஆனால்,அந்­தப் பிரே­ரணை தொடர்­பில் கட்சி விரை­வில் கூடி ஒரு முடிவை எடுக்­கும்.

கடந்த அர­சுத் தலை­வர் தேர்­த­லில் மைத்­தி­ரி­பா­ல­வுக்­காக உழைத்­த­வர் விஜே­தாச

கேள்வி: விஜே­தாச ராஜ­பக்­சவை அர­ச தலை­வர் விரை­வாக நீக்­கி­ விட்­டாரே.அவர் கடந்த அர­சுத் தலை­வர் தேர்­த­லின்­போது மைத்­தி­ரி­பா­ல­வின் வெற்­றிக்­குக் கடு­மை­யாக உழைத்­த­வர் அல்­லவா?.

பதில்:அவர் ஐக்­கிய தேசிய க்கட்சி உறுப்­பி­னர்.அவர் தொடர்­பில் முடி­வெ­ டுக்­கும் உரிமை ஐக்­கிய தேசிய கட்­சிக்கே உண்டு.இந்­தப் பிரச்­சி­னையை முடி­வுக்கு கொண்டு வரு­வ­தற்கு அரச தலை­வ­ரும் கடும் முயற்சி எடுத்­தார்.இவரை அமைச்­சுப் பத­வி­யில் இருந்து நீக்­கு­மாறு ஐக்­கிய தேசிய கட்­சி­யால் அரச தலை­வ­ரி­டம் கோரிக்கை முன்­வைக் கப்­பட்­ட­து.

விஜே­தாச மீண்­டும் ஒரு தடவை தலைமை அமைச்­ச­ரு­டன் பேசி இருந்­தால் அவர் தப்பி இருப்­பார்.ஆனால், அவர் பின்­னால் செல்­ல­வில்லை.ஒரு­வரை அமைச்­சுப் பத­வி­யில் இருந்து நீக்­கு­மாறு ஐக்­கிய தேசிய கட்­சி­யால் எழுத்­து­மூ­லம் கோரப்பட்டால் அதை அரச தலை­வ­ரால் மீற முடி­யாது.

கேள்வி:2020 ஆம் ஆண்­டின் அரச தலை­வர் தேர்­த­லில் சுதந்­தி­ரக் கட்­சி­யின் பொது வேட்­பா­ள­ராக நிறுத்­தப்­ப­ட­ வி­ருப்­ப­வர் விஜே­தாச ராஜ­பக்­சவா?

பதில்:அப்­ப­டி­யா­னால் சுதந்­தி­ரக் கட்­சி­யின் பொது­வேட்­பா­ளர் யார்?

கேள்வி:அவ்வாறெனின் வேட்­பா­ளர் யார்?

பதில்:தற்­போ­தைய ஜனா­தி­பதி மைத்­திரி என்­ப­து­தான் எங்­க­ளது திட்­டம்.

கேள்வி:இரண்­டா­வது தடவை போட்­டி­யி­டு­வ­தில்லை என்று அவர் கூறி­யுள்­ளாரே?

பதில்:ஆம்.இருந்­தா­லும்,கட்­சி­யின் தலை­வ­ராக இருந்­து­கொண்டு தனித்து முடிவு எடுக்க முடி­யாது.கட்­சி­யின் தீர்­மா­னத்­துக்கு கட்­டுப்­பட வேண்­டும்.

கடந்த நாடா­ளு­மன்­றத் தேர்­த­லில் போட்­டி­யி­டு­வ­தற்கு மகிந்­த­வுக்கு அனு­மதி வழங்க முடி­யாது என்று ஆரம்­பத்­தில் மைத்­திரி கூறி­ய­போ­தி­லும்,அதற்­குக் கட்சி எதிர்ப்­புத் தெரி­வித்­த­தால் அவ­ருக்கு அனு­மதி வழங்­கி­னார்.

அதே­போல்,இந்த விட­யத்­தி­லும் கட்­சி­யின் கோரிக்­கைக்கு அவர் இணங்க வேண்­டும்.அவரை விட்­டால் பொருத்­த­மான வேட்­பா­ளர் ஒரு­வர் சுதந்­தி­ரக் கட்­சி­யில் இல்லை.

கேள்வி:ஏன் ..சிரேஷ்ட உறுப்­பி­னர் நிமல் சிறி­பா­லடி சில்வா உள்­ளார் தானே?

பதில்:மைத்­தி­ரி­பால மறுத்­தால் நிமல் சிறி­பா­லடி சில்வா இதற்­குப் பொருத்­த­மா­ன­வர்­தான்.கட்­சி­யின் வளர்ச்­சிக்­காக அவர் கடும் தியா­கங்­க­ளைச் செய்­துள்­ளார்.

கேள்வி: தற்­போ­தைய கூட்டு அர­சின் ஆயுள்­கா­லம் எது­வரை?

பதில்:இரண்டு தரப்புக்­க­ளும் அர்ப்­ப­ணிப்பு உணர்­வு­டன் தம்­மி­டை­யே­யான முரண்­பா­டு­களைக் களைந்து செயற்­பட்­டால் 2020 வரை பய­ணிக்க முடி­யும்.

கூட்டு ஆட்­சி­யில் பல விட­யங்­களை நிறை­வேற்­றி­னோம்

கேள்வி:அதற்கு அப்­பால் சாத்­தி­ய­மில்­லையா?

பதில்:2020 இல் தனி ஆட்சி அமைப்­ப­து­தான் சுதந்­தி­ரக் கட்­சி­யின் திட்­டம்.கடந்த நாடா­ளு­மன்­றத் தேர்­த­லில் தனித்து ஆட்சி அமைப்­ப­தற்கு மக்­கள் எந்­த­வொரு கட்­சிக்­கும் ஆணை வழங்­க­ வில்லை.இத­னால் இரண்டு கட்­சி­க­ளும் சேர்ந்து ஆட்சி அமைத்­தோம்.

கூட்டு அரசு முன்னெடுத்த முயற்சிகள் அனைத்­தும் வெற்­றி­பெற்­றன என்று சொல்­ல­மாட்­டோம்.ஓரிரு விட­யங்­களை எம்­மால் நிறை­வேற்ற முடிந்­தது.

தேசிய அரசு உரு­வா­கி­ய­தன் கார­ண­மா­கத்­தான் ஜெனி­வா­வில் இருந்த ஆபத்து நீக்­கப்­பட்­டது.இனி மின்­சா­ரக் கதி­ரை­யும் இல்லை; பன்னாட்டு நீதி­ப­தி­க­ளும் இல்லை;போர்க்குற்ற நீதி­மன்­றங்­க­ளும் இல்லை.அது­பற்­றிய கதையே இனி இல்லை.

அதே­போல்,ஜீஎஸ்பி பிளஸ் தடையை நீக்­கிக்­கொண்­டோம்.தேயிலை ஏற்­று­ம­திக்கு வர­வி­ருந்த தடையை இல்­லாது செய்­தோம்.தேசிய அர­சால் ஈட்­டப்­பட்ட வெற்­றி­கள்­தான் இவை.அதே­போல்,சில விட­யங்­க­ளில் முன்­னேற் றம் காணா­ம­லும் உள்­ளோம்.

கேள்வி:இரண்டு தரப்புக்களையும் ஒன்றிணைக்கும் திட்டத் தின்படி இரு தரப்­புக்­க­ளும் இணைந்­தால் நீங்­கள் வகிக்­கும் ஐக்­கிய மக்­கள் சுதந்­தி­ரக் கூட்­ட­மைப்பு செய­லா­ளர் பத­வியை விட்­டுக்­கொ­டுக்க வேண்டி வரும் என்று சிலர் கூறு­கின்­றார்­கள்.அதற்கு நீங்­கள் தயாரா?

பதில்: அதற்கு மட்­டு­மல்ல அமைச்­சுப் பத­வி­யைக்­கூட விட்­டுக்­கொ­டுக்க நான் தயார்.எனக்­குத் தேவை, இரண்டு தரப்­பு­க்க­ளும் ஒன்­றி­ணைத்து சுதந்­தி­ரக் கட்­சியை வெற்­றி­பெற்ற பல­மிக்க கட்­சி­யாக மாற்­று­வ­து­தான்–­என்­றார்.