எவ்வளவு காலத்துக்கு பொறுத்துப் போவது?

நடந்து முடிந்த போர்க் குற்­றங்­கள், மனித உரிமை மீறல்­கள், நீதி மறுப்­புக்­கள் போன்ற விட­யங்­க­ளில் இலங்கை அரசு தனது பொறுப்­பி­லி­ருந்து அதா­வது பொறுப்­புக்­கூ­ற­வேண்­டிய தனது கடப்­பாட்­டில் இருந்து பின்­வாங்­கி­வி­டப்­போ­வ­தில்லை என்று கூறி­யி­ருக்­கும் அரச தலை­வர் மைத்­தி­ரி­பால சிறி­சேன, ஆனால் அவை­யெல்­லாம் இலங்­கைக்கே உரிய பாணி­யில் மிக மெது­வா­கவே நிறை­வேற்­றப்­ப­டும் என்று தெரி­வித்­தி­ருக்­கி­றார்.

புதிய அர­ச­மைப்­புக்­கான முயற்­சி­கள் மந்­த­மா­கி­யி­ருக்­கை­யில், ஐக்­கிய நாடு­கள் மனித உரி­மை­கள் சபை­யின் தீர்­மா­னத்­தில் சொல்­லப்­பட்ட பல விட­யங்­கள் நிறை­வேற்­றப்­ப­டா­ம­லேயே இருக்­கும் நிலை­யில், அர­சின் மீது நம்­பிக்­கை­யி­ழந்து மக்­கள் வீதி­க­ளுக்கு இறங்­கிப் பல மாதக் கணக்­கா­கப் போராட்­டங்­களை நடத்தி வரு­கை­யில் நாட்­டின் தலை­வர் சாவ­கா­ச­மாக எல்­லாம் மிக மெது­வாக, பொறு­மை­யாக நிறை­வேற்­றப்­ப­டும் என்று தெரி­வித்­தி­ருக்­கி­றார்.

தமி­ழர்­க­ளின் வாக்­கு­க­ளை­யும் ஒட்­டு­மொத்த சிறு­பான்மை மக்­க­ளின் வாக்­கு­க­ளை­யும் பெற்று அரச தலை­வ­ராக வந்­தா­லும்­கூட அவர்­க­ளின் பிரச்­சி­னை­க­ளுக்கு கொழும்­பின் அர­சி­யல் பீடம் கொடுக்­கும் முக்­கி­யத்­து­வத்­திற்­கும், எப்­படி இந்­தப் பிரச்­சி­ னையை அது அணு­கு­கி­றது என்­ப­தற்­கும் மிகச் சிறந்த உதா­ர­ணம் அரச தலை­வ­ரின் இந்­தக் கூற்று.

இந்­தப் பிரச்­சி­னை­கள் எல்­லா­வற்­றை­யும் ஒரே இர­வில் தீர்த்­து­வி­ட­மு­டி­யாது என்­பதை ஒரு பல்­ல­வி­யா­கவே இலங்­கைத் தலை­ வர்­கள் எல்­லோ­ரும் பாடி வரு­கின்­ற­னர். இவர்­கள் மட்­டும் அல் லர், உலக நாடு­க­ளின் பிர­தி­நி­தி­க­ளி­ட­மும்­கூட அந்த எண்­ணம் இருக்­கி­றது. திடீ­ரென எல்­லா­வற்­றை­யும் தீர்த்­து­விட முடி­யாது, மெல்ல மெல்­லத்­தான் தீர்க்க முடி­யும் என்­ப­தைத்­தான் அவர் களும் சொல்­லி­வ­ரு­கி­றார்­கள்.

இது தொடர்­பில் தமி­ழர்­க­ளி­டம் உள்ள கேள்வி எல்­லாம், இப்­ப­டியே சொல்­லிக்­கொண்டு காலத்தை நீங்­கள் கடத்­து­வீர்­க­ளா­னால் எப்­போ­து­தான் தீர்வு வரும்? எப்­போ­து­தான் நீதி கிடைக்­கும்? அரச தலை­வர் சொன்ன மாதி­ரியே இலங்­கை­யின் பாணி மிக மெது­வாக நகர்­வ­து­தான்.

இனப்­பி­ரச்­சி­னைக்­கான தீர்வு விட­யத்­தில் மட்­டும் அது உண்­மை­தான். சிறு­பான்மை இனங்­க­ளுக்கு எதி­ராக என்­றால் மிக விரை­வில் அவர்­க­ளால் இரு அர­ச­மைப்­பு­களை (1972, 1978) உரு­வாக்­கி­விட முடி­யும். ஆனால் அதே சிறு­பான்மை மக்­க­ளுக்­கான தீர்வு விட­யத்­தில் மிக மெது­வா­கத்­தான் செயற்­ப­டு­வார்­கள்.

அது மட்­டும் இலங்­கை­யின் பாணி­யல்ல. மிக மெது­வா­கச் செயற்­பட்டு கடை­சி­யில் எந்த அடை­வுமே இன்றி அத­னைக் குப்­பை­யில் தூக்கி வீசி­வி­டு­வ­து­டன் தமது ஆட்­சிக் காலத்தை முடித்­து­வி­டு­வார்­கள் என்­ப­தும் இலங்­கை­யின் பாணி­தான்.

கடந்த 69 வருட கால­மாக இத­னைத்­தான் தமி­ழர்­கள் பார்க்­கி­றார்­கள். தமி­ழர்­க­ளின் விட­யங்­க­ளில் மட்­டும் மிக மெது­வாக இயங்­கிப் பின்­னர் அதனை முற்­றா­கக் கைவி­டு­வ­து­தான் இலங்­கை­யின் பாணி என்­பது அவர்­க­ளுக்­கும் தெரிந்­தே­தான் இருக்­கி­றது.

இத­னால்­தான் சிங்­கள அர­சு­கள் ஒரு­போ­தும் தாமா­கத் தமி­ழர்­க­ளுக்­குத் தீர்­வைத் தரப்­போ­வ­தில்லை என்­பதை தமி­ழீழ விடு­த­லைப் புலி­க­ளின் தலை­வர் வேலுப்­பிள்ளை பிர­பா­க­ரன் மிக உறு­தி­யாக நம்­பி­னார். பேச்சு மேசை­க­ளில் அந்த அவ­நம்­பிக்­கை­யு­ட­னேயே செயற்­பட்­டார்.

வர­லாறு அவ­ரது நம்­பிக்­கை­யையே உண்­மை­யா­னது என்­ப­தைத் தொடர்ந்­தும் நிரூ­பித்து வரு­கி­றது. இப்­போது மைத்­திரி சொல்­லி­யி­ருப்­ப­தும் அத­னையே நிரூ­பிக்­கி­றது. பொறுக்­கூ­றல் இல்­லா­மல் நிலை­யான நீடித்த அமை­தி­யும் இலங்­கை­யில் ஏற் ப­டப்­போ­வ­தில்லை.

என்ற நிலை­யில் மிக மெது­வா­கச் செயற்­பட்டு ஆட்சி முடி­யும்­போது அதைக் கைவிட்டு அல்­லது அடுத்த ஆட்­சிக்­கும் நீடித்­துச் செல்­வ­தைத் தவிர வேறு எது­வும் உருப் ப­டி­யாக நடக்­கப் போவ­தில்லை என்­கிற அவ­நம்­பிக்­கை­யைத்­தான் மைத்­தி­ரி­யின் கருத்து தந்து நிற்­கி­றது.

ஆங்­கி­லே­யர்­கள் இலங்­கை­யில் இருந்து வெளி­யே­றி­யது முதற்­கொண்டு இந்த நாட்­டில் நீதி­கா­கத் தமிழ் இனம் காத்­துக் கிடக்­கி­றது. அன்று முதல் கொழும்பு தனது பொறுப்­புக்­கூ­றலை நிறை­வேற்­றா­த­தன் கார­ண­மா­கத்­தான் இடை­யில் போரும் பெரும் அழி­வு­க­ளும் வந்து சேர்ந்­தன. அதன் மூலம் மேலும் பொறுப்­கூ­றல்­க­ளைச் சொல்ல வேண்­டிய நில­மைக்கு கொழும்பு அரசு தள்­ளப்­பட்­டது.

இப்­போது கேள்­வி­யெல்­லாம் 69 ஆண்­டு­கள் காத்­தி­ருந்த தமி­ழர்­கள் இன்­னும் எத்­தனை காலம் காத்­தி­ருக்­க­வேண்­டும் இலங்­கை­யின் மிக மெது­வான பாணி­யில் தீர்வை எட்­டு­வ­தற்­காக? மைத்­தி­ரி­பால சிறி­சேன பதில் சொல்­வாரா?