தமிழிசை பின்னால் பிணம் கூடப்போகாது நரகல் நடையில் தரங்கெட்ட தமிழில் பேசிய ந(ா)ஞ்சில் சம்பத்

தமிழிசை பின்னால் பிணம் கூடப்போகாது

நரகல் நடையில் தரங்கெட்ட தமிழில் பேசிய ந(ா)ஞ்சில் சம்பத்

அனல் தெறிக்கும் பேச்சால் எதி­ரா­ளியைத் துவம்சம் செய்­ப­வர்தான் அ.தி.மு.க. துணைக் கொள்கை பரப்புச் செய­லாளர் நாஞ்சில் சம்பத். தன் வழக்­க­மான பாணியில் தமி­ழக பா.ஜ.க. தலைவர் தமி­ழி­சையை அர்ச்­சனை செய்ய, பா.ஜ.க. தொண்­டர்கள் வெகுண்­டெ­ழுந்து நாஞ்­சி­லாரைச் சில மணி நேரத்­திற்கு வியர்க்க வைத்­து­விட்­டார்கள். இந்த கல­வ­ரங்­க­ளுக்கு மத்­தியில், பல­ரது புரு­வத்­தையும் உயரச் செய்­தது நாஞ்­சிலார் பய­ணித்த ‘ஆடி’ கார்தான்!

டி.டி.வி. தின­கரன் அணியைச் சேர்ந்த நாஞ்சில் சம்பத், தனது ஒவ்­வொரு பேட்­டி­யிலும் பா.ஜ.க. மீதும் எடப்­பாடி பழ­னிச்­சாமி, ஓ. பன்­னீர்­செல்வம் மீதும் கடு­மை­யான விமர்­ச­னங்­களை முன்­வைத்து வரு­கிறார். அடுக்­கு­மொழி கடந்து வரும் இந்த விமர்­ச­னங்கள், பல நேரங்­களில் தனி நபர் தாக்­கு­த­லாக உரு­வெ­டுத்து விடு­வதும் உண்டு.

சமீ­பத்­திய பேட்டி ஒன்றில் தமி­ழிசை சவுந்­த­ர­ராஜன் பற்றி நாஞ்சில் சம்பத் குறிப்­பிட்டுப் பேசிய சில வார்த்­தைகள், பா.ஜ.க. வட்­டா­ரத்தில் கடும் கொந்­த­ளிப்பை ஏற்­ப­டுத்­தி­யது. இதை­ய­டுத்து பா.ஜ.க. சார்பில் சென்னை, பல்­லா­வரம், பம்மல், அம்­பத்தூர் எஸ்டேட், பட்­டி­னப்­பாக்கம் காவல் நிலை­யங்­களில் நாஞ்சில் சம்பத் மீது உரிய நட­வ­டிக்கை எடுக்­கக்­கோரி புகார் அளித்­தனர். இந்­நி­லையில் பட்­டினப்பாக்­கத்தில் உள்ள நாஞ்சில் சம்பத் வீட்டை தென் சென்னை பா.ஜ.க. மாவட்டத் தலைவர் டால்பின் ஸ்ரீதர் தலை­மையில் பா.ஜ.க. வினர் முற்­று­கை­யிட்டுப் போராட்டம் நடத்­தினர். அச் சம­யத்தில் நாஞ்சில் சம்பத் வீட்டில் இல்லை. டி.டி.வி. தின­க­ரனின் அடை­யாறு இல்­லத்­திற்கு சென்­று­விட்டு பட்­டினப் பாக்­கத்­தி­லுள்ள சங்­கீதா உண­வ­கத்தில் உண­வ­ருந்திக் கொண்­டி­ருந்தார். அவர் அங்கே இருப்­பதை அறிந்து கொண்ட பா.ஜ.க. வினர் ஹோட்­ட­லுக்குச் சென்று முற்­று­கை­யிட்­டனர்.

தொண்டைக் குழிக்குள் சூடான இட்லி இறங் கும் போதே பா.ஜ.க. வினர் சூழ்ந்து கொண்­டதால் நாஞ்சில் சம்­பத்தால் இட்­லியை விழுங்­கவும் முடி­ய­வில்லை. ஹோட்­டலை விட்டு வெளியே வரவும் முடி­ய­வில்லை. கார­சா­ர­மாக பேசு­ப­வரின் இன்­னோவா காரைத் தேடினர். ஹோட்டல் வாசலில் அவர் வந்து இறங்­கி­யது ஆடி காரில். அதில்தான் வந்தார் என்று ஹோட்டல் காவ­லாளி போட்டுக் கொடுக்க, ஆடி கார் டயரில் இருந்த காற்றைப் பிடுங்­கி­விட்­டார்கள்.

இரண்டு மணி­நேர முற்­று­கைக்குப் பிறகு சில அ.தி.மு.க. வினர் வந்து நாஞ்சில் சம்­பத்தை மீட்ட பின்­னர்தான் போராட்டம் முடி­வுக்கு வந்­தது. ஹோட்­டலை விட்டு சம்பத் தனி­யாக வெளி­யே­றி­யி­ருந்தால் அடி உதை அள­வுக்கு நிலைமை மாறி­யி­ருக்கும். நல்ல வேளை­யாக சம்பத் பா.ஜ.க. வின­ரிடம் இருந்து தப்­பித்­து­விட்டார்.

பெண்­களை அவ­தூ­றாகப் பேசி­ய­தாக நாஞ்சில் சம்பத் மீது பா.ஜ.க. வும் கொலை முயற்சி செய்­த­தாக பா.ஜ.க. வின் மீது நாஞ்சில் சம்­பத்தும் பரஸ்­பரம் காவல்­து­றையில் புகார் அளித்­துள்­ளனர்.

தென் சென்னை பா.ஜ.க. மாவட்டத் தலைவர் டால்பின் ஸ்ரீ தரிடம் பேசி­ய­போது, அர­சி­யலில் எதி­ரெதிர்க் கருத்­துகள் இருக்­கலாம். விமர்­சிக்­கலாம். தப்பே கிடை­யாது. ஒரு பெண் தலை­வரை நாயை விடக் கீழா­னவர், பிணம் கூட அவர் பின்னால் போகாது என்­றெல்லாம் தரங்­கெட்ட தமிழில் பேசு­வதை யாராலும் ஏற்­றுக்­கொள்ள முடி­யாது. ஒரு இன்­னோவா காருக்­காக கொள்­கை­களை மாற்றிக் கொண்­டவர். ஆயிரம் இரண்­டா­யிரம் பணத்­துக்­காக தன் தலை­வ­ரையே மாற்­றிக்­கொள்­பவர். அவ­ருக்கு எந்த மொழியில் சொன்னால் புரி­யுமோ, அதில் சொன்­னால்தான் புரியும். அத­னால்தான் முற்­று­கை­யிட்டோம். இதற்கு மேலும் அவர் தொடர்ந்து இவ்­வாறே பேசிக்­கொண்­டி­ருந்தால் எங்கள் போராட்டம் தீவி­ர­ம­டையும் என்றார் உஷ்­ண­மாக.

இவ்­வ­ளவு கல­வ­ரங்­க­ளுக்கு மத்­தியில் பல­ரது கவ­னத்தையும் ஈர்த்­தது நாஞ்சில் சம்பத் பய­ணித்த ஆடி ரக கார். ம.தி.மு.க. வில் இருந்து விலகி 2012 இல் அ.தி.மு.க.வில் அவர் இணைந்த பொழுது, இன்­னோவா கார் ஒன்றை அவ­ருக்கு ஜெய­ல­லிதா வழங்­கினார். அதன் பிறகு டொயாட்டா நிறு­வனம் தனக்கு ராயல்டி தர வேண்டும் என்னும் அள­விற்கு இன்­னோவா காரை பட்டி தொட்டி எங்கும் பிர­ப­லப்­ப­டுத்­தி­யவர் நாஞ்சில் சம்பத். ஜெயாவின் மறை­விற்குப் பின்னர் காரை கட்சி அலு­வ­ல­கத்தில் ஒப்­ப­டைத்து, மீண்டும் பெற்றார்.

இன்­னோவா சம்பத் என்று தனக்­கென்று அடை­மொ­ழியைக் கொண்­டவர். தற்­பொ­ழுது ஆடி ஏ 6 ரக காரில் பய­ணிப்­பது தான் பல­ரது புருவம் உயரக் காரணம். இக்­காரின் விலை 62.55 லட்­சமாம். இன்­னோ­வா­விற்கு டீசல் போடவே முடி­ய­வில்லை என்­ற­வ­ருக்கு அரைக் கோடியில் கார் வாங்கப் பணம் எப்­படி வந்­தது என்று பா.ஜ.க. வினர் கேள்வி எழுப்புகின்றனர்.

நாஞ்சிலாருக்கு நெருங்கிய வட்டாரங்கள் பேசுகையில்; அந்தக்கார் நாஞ்சில் சம்பத்தின் நண்பர் கார்த்திக் என்பவருக்குச் சொந்தமானது. அதில் பயணித்தாரே தவிர, கார் அவருடையதல்ல என்றும் அவர் யாரிடமும் அடியும் வாங்கவில்லை. ஆடிக் காரையும் வாங்கவில்லை என்றனர்.