முப்­பது வரு­ட­கா­லப் போரி­னால் 3 தலை­மு­றை­களை இழந்­தோம்

வடக்கு கல்­வி­ய­மைச்­சர் ஆதங்­கம்

முப்­ப­து­வ­ருட காலப் போரில் மூன்று தலை­முறைப் பிள்­ளை­களை இழந்­தோம். மாகாண ரீதி யில் பொரு­ளா­தா­ரம் மற்­றும் கல்­வி­யி­லும் பின் நிற்­கி­றோம் – என்று வடக்கு மாகாண கல்வி அமைச்­சர் தெரி­வித்­தார்.கடந்த ஞாயிற்றுக்கிழமை இடம்பெற்ற அக்கினிச் சிறகுகள் மாநாட்டில் கலந்துகொண்டு உரை யாற்றும்போதே அவர் இவ்வாறு தெரிவித்தார்.
இது­பற்றி மேலும் தெரி­வித்­த­தா­வது:

வடக்கு மாகா­ணம் அனைத்து விளை­யாட்­டுத் துறை­க­ளி­லும் சிறப்­பாக செயற்­பட வேண்­டும். அதற்­கான நட­வ­டிக்­கை­கள் எடுக்­கப்­பட்டு வரு­கின்­றன.
மாகாண கால்­பந்­தாட்ட அணி தற்­போது சிறப்­பாக உள்­ளது. தேசிய மட்­டப் போட்­டி­க­ளில் 3ஆம் இடத்தை பெற்­றுள்­ளது. கடந்த ஆண்டு 12 பதக்­கங்­க­ளை­யும், நடப்பு ஆண்­டில் இது­வரை 19 பதக்­கங்­க­ளை­யும் பெற்­றுள்­ளது. அத்­து­டன் தாச்சி மறித்­தல் எமது பாரம்­ப­ரிய விளை­யாட்டு. அது பாட­சாலைகளி­லும், ஏனைய விளை­யாட்டு நிகழ்­வு­க­ளி­லும் இடம்­பெற நட­வ­டிக்­கை­கள் எடுக்­கப்­ப­ட­வுள்­ளன. வடக்­கிலே 140க்கும் அதி­க­மான தாச்சி விளை­யாட்­டுக் குழுக்­கள் உள்­ளன. அவற்­றை­யும் வளர்த்­தெ­டுக்க நட­வ­டிக்கை எடுக்­கப்­ப­டும்.

இப்­போது அதி­க­ரித்­துள்ள சமூ­க­வி­ரோத செயல் க­ளுக்கு அக்­கி­னிச் சிற­கு­கள் நல்­ல­தொரு வழி­யைக் காட்­டும் என நம்­பு­கின்­றேன். 30 வரு­டங்­க­ளாக தனி­நாடு, தனித்­து­வம், எமது சமூ­கம் என்ற கோட்­பாட்டை வலி­யு­றுத்தி போரா­டி­ய­வர்­கள் நாம். இதனை இந்த நூல் தெளி­வாக வெளிப்­ப­டுத்­து­கின்­றது. ஆயு­தப் போராட்­டத்­தில் தோல்வி அடைந்­தா­லும் கூட எமது புகழ் இன்­ன­மும் சில விட­யங்­க­ளில் மங்­க­வில்லை. 70ஆம், 80ஆம் ஆண்டு காலப்­ப­கு­தி­யில் கல்­வி­யில் மேல்­மா­கா­ணத்துக்கு அடுத்­த­தாக நாம் இருந்­தோம். அத்­து­டன் பொரு­ளா­தா­ரம் என்று பார்க்­கும்­போது எமது விவ­சா­யம், மீன்­பிடி மற்­றும் அரச தொழி­லில் நாம் முத ன் மை­யாக இருந்­தோம்.

ஆனால் இன்று மிக­வும் பின்­தங்­கிய நிலை­யில் உள்­ளோம். விவ­சா­யம் இல்­லா­மல் போகின்­றது. விவ­சா­யம் செய்­த­வர்­கள் இடம்­பெ­யர்ந்­துள்­ள­னர் அல்­லது தொடர்ந்து விவ­சா­யம் செய்ய முடி­யாத நிலைக்­குத் தள்­ளப்­பட்­டுள்­ள­னர். அதி­க­மான காய்­க­றி­களை தந்த நிலங்­கள் இன்று கட்­ட­டங்­களைச் சுமந்து நிற்­கின்­றன. மீன்­பி­டி­யா­ னது இந்­திய மீனவர்களின் செயற்பாட்டினாலும், தென்­னி­லங்கை மீன வர்­க­ளின் ஆக்­கி­ர­மிப்­பி­னா­லும் பிரச்­சி­னை­க­ளுக்கு மத்­தி­யில் உள்­ளது.

ஆசி­ரி­யர் சேவை தவிர்ந்த ஏனைய அர­ச­வே­லை­க­ளில் 30 சத­வீ­த­மா­ன­வர்­கள் தமி­ழர்­கள் இருக்­கின்­றார்­கள். அவர்­க­ளில் அநே­கர் வேறு மாவட்­டங்­க­ளில் பணி புரி­கின்­றார்­கள்.

இத­னால் வடக்­கில் சிறிய வேலைக்­குக்­கூட தமி­ழர்­கள் இல்­லா­த­நிலை காணப்­ப­டு­கி­றது. வடக்கு மாகா­ணத்­தில் அதி­க­ள­வான வெற்­றி­டங்­கள் இருக்­கின்­றன. ஆனால் தகுதி வாய்ந்­த­வர்­கள் இல்லை. இத­னால் முக்­கி­ய­மான இடங்­க­ளில் பெரும்­பான்­மை­யி­னர் பணி­யில் உள்­ள­னர்.

எமது மாகா­ணத்­தில் 5 அமைச்­சு­க­ளின் ஊடாக 37 விடயங்களின் செயற்பாடு கள் நடை­பெற்று வரு­கின்­றன. கல்­வி­யிலே நாம் வெற்­றி­பெற வேண்­டும். அதற்­காக நாம் விசேட திட்­டம் ஒன்றை பாட­சா­லை­க­ளில் நடத்தி வரு­கின்­றோம். பாட­சா­லை­யில் உயர்­த­ரத்­திற்கு எத்­தனை மாண­வர்­கள் தகுதி பெறு­வார்­கள், தகு­தி­பெ­றா­த­வர்­கள் எந்த மட்­டத்­தில் உள்­ளார்­கள் போன்ற 12 விட­யங்­களை ஆராய்ந்து வரு­கின்­றோம். நாட்­டிலே ஏற்­பட்ட போர் கார­ண­மாக மக்­கள் பெரும் பொரு­ளா­தார இழப்­பு­களை சந்­தித்­த­னர். இடம் பெயர்ந்­தி­ருக்­கி­றார்­கள், பலர் கொல்­லப்­பட்­டார்­கள்.

போரின் போது எமது இனத்­தினை விருத்தி செய்­யும் 18- தொடக்கம் 45 வய­துப் பிரி­வி­னரை இழந்­தி­ருக்­கின்­றோம். இத­னால் எமது 3 தலை­மு­றையை இழந்­துள்­ளோம். கல்­வி­யில் 35 மாண­வர்­க­ளுக்கு ஒரு ஆசி­ரி­யர் என்று இருந்த காலத்­தில் எமது கல்வி 2ஆம் இடத்­தில் இருந்­தது. ஆனால் இப்­போது 14 மாணவர்­க­ளுக்கு ஒரு ஆசி­ரி­யர் என்ற நிலை உண்டு. ஆனால் நாம் பின்­தள்­ளப்­ப ட்­டுள்­ளோம். இதற்கு என்ன கார­ணம். ஆகவே எல்­லா­வற்­றி­லும் நாம் முன்­னுக்கு வரு­வ­தற்கு அனைத்து முயற்­சி­க­ளும் எடுக்­கப்­பட்டு வரு­கின்­றன – என்­றார்.