2020 வரை நீடிக்குமா கூட்டு அரசு?

 Share

•  
•  
•  
•  
•  

அரச தலை­வர் தேர்­த­லில் மகிந்­த­வின் அரசு கவிழ்க்­கப்­பட்டு மைத்­திரி-– ரணில் தலை­மை­யி­லான கூட்டு அரசு உரு­வா­ன­போது, இந்த நாட்டு மக்­கள் மத்­தி­யில் ஒரு புதுவித­ உற்­சா­க­மும் நம்­பிக்­கை­யும் பிறந்­தன.

இத்­தோடு ஊழல்,மோச­டி­கள் ஒழிந்து விடும்; வாழ்க்­கைச் செல­வி­னம் குறைந்­து­வி­டும்; பொரு­ளா­தார ரீதி­யில் நாடு அபி­வி­ருத்தி அடையப் போகிறது என்­றெல்­லாம் மக்­கள் கனவு காணத் தொடங்­கி­னர்.போர் முடி­ வுக்கு வந்த வேளை­யில் கண்ட கனவு போன்றதே அதுவும்.

வீழ்ச்சி காண ஆரம்பித்துள்ள
ஐ.தே.கட்சியின் மதிப்பு

ஐக்­கிய தேசி­யக் கட்சி ஆட்­சிக்கு வந்­தாலே மக்­க­ளின் கைக­ளில் பணப்­பு­ழக்­கம் அதி­க­ரித்­து­வி­டும்;திருட்­டுக்­கள் குறைந்­து ­வி­டும் என்ற நம்­பிக்கை காலா­தி­கா­ல­மாக பொது­மக்­கள் மத்­தி­யில் இருந்து வரு­கின்­றது. ஐக்­கிய தேசி­யக் கட்­சி­யின் தலை­வர் ரணில் விக்­ர­ம­சிங்­க­வின் கை சுத்­த­மா­னது.ஏனைய அர­சி­யல்­வா­தி­க­ளைப்­போல் திருட்­டில் ஈடு­ப­டா­த­வர். நாட்டை மேற்கு நாடு­கள்­போல் அபி­வி­ருத்தி செய்­யக்­கூ­டி­ய­வர்.

ஏனைய தலை­வர்­க­ளை­விட பன்­னாட்­டுத் தொடர்­பு­களை அதி­கம்­கொண்­ட­வர் என்­றெல்­லாம் ரணில் பற்­றிப் பதி­வு­கள் உள்­ளன.அந்த அடிப்­ப­டை­யில்­தான் அவர் ‘மிஸ்­டர் கிளீன்’ என்று அழைக்­கப்­ப­டு­கின்­றார்.

இவ்­வா­றான பதி­வு­கள் ஏற்­ப­டு­வ­தற்கு ஐக்­கிய தேசி­யக் கட்­சி­யின் கடந்­த­கால வர­லா­று­கள்­தான் கார­ணம்.ஆனால்,அந்த நிலை இப்­போது மாறி­விட்­டது என்­றும், மகிந்­த­வின் அர­சு­டன் ஒப்­பி­டு­கை­யில், ஐக்­கிய தேசிய கட்சி அரசு எந்­த­வ­கை­யி­லும் வேறு­பட்­ட­தல்ல என்­றும் மக்­கள் நினைக்­கும் அள­வுக்கு இப்­போது நிலைமை மாறி­யுள்­ளது என்றே கொள்ள வேண்­டி­யுள்­ளது. ஆட்­சியைப் பொறுப் பேற்று ஒரு மாதத்­தி­லேயே இடம்­பெற்ற மத்­திய வங்கி பிணை­முறி ஊழலே இதற்கு முக்கிய காரணமாக அமைந் தது. ஐக்­கிய தேசி­யக் கட்­சி­மீது மக்­கள் வைத்­தி­ருந்த நல்­லெண்­ணத்தை அந்த ஊழல் விவ­கா­ரம் சிதைக்­கத் தொடங்­கி­யது.அத­னோடு இணைந்­த­தாக மேலும் பல ஊழல்­கள் குறித்த விவ­ரங்­கள் ஒன்­றன்­பின் ஒன்­றாக வெளி­வ­ரத் தொடங்­கின.

குறிப்­பாக,முன்­னாள் நிதி அமைச்­சர் ரவி கரு­ணா­நா­யக்கவால் மேற்­கொள்­ளப்­பட்ட பல ஊழல்­கள் அம்­ப­லப்­ப­டுத்­தப்­பட்­டன.வாகன இறக்­கு­ம­தி­யின்­போது 1000 கோடி ரூபா வரி விலக்­க­ளிக்­கப்­பட்ட சம்­ப­வம், அதே­போன்று கார்­கள் இறக்­கு­ம­தி­யில் 650 கோடி ரூபா வரி விலக்கு,ரவி­யின் மனைவி மற்­றும் மக­ளது பெயர்­க­ளில் உள்ள நிறு­வ­னங்­கள் புரிந்த ஊழல்­கள் மற்­றும் ‘பெர்­பேச்­சு­வல்’ நிறு­வன உரி­மை­யா­ளர் அர்­ஜுன அலோ­சி­ய­ஸி­டம் லஞ்­ச­மாக வீடு வாட­கைக்­குப் பெற்­றமை போன்ற ரவி கரு­ணா­நா­யக்கவு­டன் தொடர்­பு­பட்ட பல ஊழல்­கள் அம்­ப­லப்­ப­டுத்­தப்­பட்­டன.

கூட்டு அரசின்
ஊழல்களை அம்பலப்படுத்தும்
மகிந்த தரப்பு

மகிந்த அணி­யி­னர் ‘டொப் 10’ என்ற பெய­ரில் இந்த ஊழல்­களை அம்­ப­லப்­ப­டுத்­தத் தொடங்­கி­னர்.மத்­திய வங்கி ஊழ­லைத் தவிர்த்து இரண்டு வரு­டங்­க­ளுக்­குள் இடம்­பெற்ற ஏனைய ஊழல்­க­ளால் 13 ஆயி­ரம் கோடி ரூபா இந்த நாட்­டுக்கு நட்­டம் ஏற்­பட்­டுள்­ளது என்று மகிந்த தரப்­பி­னர் கூறு­கின்­ற­ னர்.மத்­திய வங்கி ஊழ­லால் ஒரு லட்­சம் கோடி ரூபா நட்­டம் ஏற்­பட்­டுள்­ளது என்று அமைச்­சர் லக்ஸ்­மன் யாப்பா அப­ய­வர்­தன தெரி­வித்­துள்­ளார்.

இந்த நிலை­யில் அர்­ஜுன அலோ­சி­ய­ஸி­டம் ரவி கருணா நாயக்க வீடு வாட­கைக்­குப் பெற்ற குற்­றச்­சாட்­டின் கீழ் மகிந்த அணி­யி­னர் ரவிக்கு எதி­ரான நம்­பிக்கை இல்­லாப் பிரே­ர­ணை­ யைக் கொண்டு வந்­த­தும், அவர் தமது அமைச்­சுப் பத­வி­யைத் தாமாக முன்­வந்து துறந்­தார். இந்த விவ­கா­ரம் ஐக்­கிய தேசி­யக் கட்­சிக்­குப் பலத்த அவ­மா­னத்தை ஏற்­ப­டுத்தி விட்டி­ருந்­தது. கட்­சிக்கு இருந்த நல்ல பெயர் அற்­றுப் போனது.ஐக்­கிய தேசி­யக் கட்­சி­யும் ஊழல்­வா­தி­கள் உள்ள கட்­சி­தான் என்று மக்­கள் கணக்­குப்­போ­டும் நிலை தோன்­றி­யது.அது கட்­சிக்­குப் பின்­ன­டை­வைக் கொடுத்­துள்­ளது.

கூட்டு அரசின் மீது
அதன் ஆதரவாளர்களே
அதிருப்தி அடையும் நிலை

ஊழல்,மோச­டி­கள் தொடர்­பில் மக்­கள் அதி­ருப்தி அடைந்­தமை போதா­தென்று, போது­மான அபி­வி­ருத்­தி­யின்மை, முத­லீடு இன்மை, விலை­வாசி அதி­க­ரிப்பு மற்­றும் நாட்­டின் சொத்­துக்­களை வெளி­நா­டு­க­ளுக்கு விற்­றல் போன்­ற­வற்­றால் மக்­கள் இந்த அர­சின்­மீது மேலும் அதி­ருப்­தி­ய­டை­யத் தொடங்­கி­விட்­ட­னர்.

திரும்­பும் பக்­க­மெல்­லாம் அர­சுக்கு எதி­ராக ஆர்ப்­பாட்­டங்­கள் மற்­றும் வேலை நிறுத்­தப் போராட்­டங்­கள்.இவை மக்­களை மேலும் அசௌ­க­ரி­ய­கத்­துக்­குத் தள்­ளி­யுள்­ளன.இந்த அரசை உரு­வாக்­கு­வ­தற்கு வாக்­க­ளித்த மக்­க­ளில் அதி­க­மா­ன­வர்­கள் இப்­போது இந்த அர­சுக்கு எதி­ரான மனோ­நி­லை­யி­லேயே இருக்­கின்­ற­னர்.

இந்த நிலை தொடர்ந்­தால், கூட்டு அரசை நடத்­திச் செல்­கின்ற ஐக்­கிய தேசிய கட்­சிக்­கும் சுதந்­தி­ரக் கட்­சிக்­கும் தேர்­தல்­களை எதிர்­நோக்­கு­வது சிர­ம­மா­கப் போய்­வி­டும். மகிந்த தரப்­பின் செல்­வாக்கு அதி­க­ரித்­து­வி­டும்.

இரண்டு முதன்மைக் கட்­சி­க­ளும் கூட்டு அர­சைத் தக்­க­வைப்­ப­தன் மூலம்­தான் மகிந்­த­வின் எழுச்­சி­யைத் தடுக்க முடி­யும். கடந்த நாடா­ளு­மன்­றத் தேர்­த­லில் ஐக்­கிய தேசி­யக் கட்­சிக்­கும் சுதந்­தி­ரக் கட்­சிக்­கும் மக்­கள் மத்­தி­யில் நல்­லெண்­ணம்நில­வி­ய­போ­தி­லும்,அந்­தக் கட்­சி­கள் எவை­யும் தனித்து ஆட்சி அமைப்­ப­தற்கு மக்­கள் ஆணை கிட்டியிருக்கவில்லை.

தனித்தனியாக பயணிக்க 
முயன்றால் 
இரு தரப்புகளுக்கும்
சிக்கல்

கடந்த பொதுத் தேர்தலில் ஐக்­கிய தேசிய கட்­சிக்கு 106 ஆச­னங்­க­ளும், சுதந்­தி­ரக் கட்­சிக்கு 95 ஆச­னங்­க­ளும் கிடைத்­தன.ஆனால்,இதே செல்­வாக்கு மக்­கள் மத்­தி­யில் இப்­போ­தும் உண்டு என்று சொல்ல முடி­யாது.இந்த இரு கட்­சி­க­ளின் செல்­வாக்­கும் சரிந்து மகிந்த அணி­யின் செல்­வாக்கு உயர்ந்தே உள்­ளது.மேற்­கு­றிப்­பி­டப்­பட்­டுள்ள ஊழல்,மோச­டி­கள்­தான் இதற்­குக் கார­ணம்.

இந்த நிலை­யில் தேர்­தல் ஒன்றை எதிர்­கொண்­டாலோ அல்­லது கூட்டு அரசை கவிழ்த்­து­விட்டு தனித்­த­னியே பய­ணிக்க முற்­பட்­டாலோ இரண்டு கட்­சி­க­ளும் சிக்­க­லையே எதிர்­நோக்­கும்.குறிப்­பாக,மைத்­திரி தரப்­பின் நிலை­தான் மிக மோச­மா­கி­வி­டும்.

மைத்­திரி அணியை விட மகிந்த அணி­யில்­தான் உறுப்­பி­னர்­கள் அதி­கம்.அது­போக மைத்­திரி அணி­யில் உள்­ளோ­ரில் 50 வீத­மா­ன­வர்­கள் மகிந்­த­வின் விசு­வா­சி­க­ளா­வர். மகிந்­தவை நாட்­டின் தலைமை அமைச்­ச­ராக நிய­மிக்க வேண்­டும் என்று மைத்­தி­ரிக்கு அழுத்­தங்­கொ­டுப்­ப­வர்­க­ளும் அவர்­கள்­தான்.

அர­சில் இருந்து வில­கப் போகி றோம் எனக் கூறு­ப­வர்­க­ளும் அவர்­கள்­தான். ஒப்பந்தத்தின்படி இந்த வரு­டம் டிெசம்­பர் மாதம் கூட்டு அர­சின் ஒப்பந்த காலம் முடி­வ­டைகி­றது.அவ்­வாறு முடி­வ­டைந்­தால் ஐக்­கிய தேசிய கட்­சியே தனித்து ஆட்சி அமைக்­கும்.ஆட்சி அமைப்­ப­தற்கு மகிந்த அணியே ஐக்­கிய தேசியக் கட்­சிக்கு உத­வும்.
அவ்­வி­தம் இடம்­பெற்­றால், மைத்­திரி தரப்­பின் நிலை­மை­தான் மோச­மா­கி­வி­டும்.எதிர்க்­கட்­சி­யில் அமர வேண்­டி­யேற்­ப­டும்.ஆனால், மகிந்­த­வு­டன் இணைந்து செல்­வ­தற்கு மைத்­திரி இணங்­க­மாட்­டார்.மகிந்­த­வும் இணங்­க­மாட்­டார்.

இத­னால் மைத்­திரி அணி தனி­யா­க­வும் மகிந்த அணி தனி­யா­க­வும் எதிர்க்­கட்சி வரி­சை­யில் அம­ரும்.அப்­படி நடந்­தால் மகிந்­தவை மைத்­தி­ரி­யால் பல­வீ­னப்­ப­டுத்த முடி­யா­மல் போகும். அரச தலை­வர் பத­வியை மாத்­தி­ரம் வைத்­துக்­கொண்டு மகிந்­தவை வீழ்த்­து­வ து கடி­னம்.அமைச்­சுக்­கள் அடங்­க­லான அரச அதி­கா­ரம் கையில் இருந்­தால்­தான் மைத்­திரி அணி­யால் எழுந்து நிற்க முடி­யும்.

கூட்டு அரசின் தேவை
சுதந்திரக் கட்சிக்கே
மிக அவசியம்

அது­போக,மைத்­திரி அணி எதிர்க்­கட்­சி­யில் அமர்ந்­தால் அவ­ரது அணி­யில் உள்ள மகிந்த விசு­வா­சி­கள் மகிந்­த­வு­டன் இணைந்­து­கொள்­வர்.அப்­போது சுதந்­தி­ரக் கட்­சி­யின் மூன்­றில் இரண்டு பெரும்­பான்மை மகிந்­த­வுக்­குக் கிடைத்­து­வி­டும்.

மூன்­றில் ஒரு பங்கை வைத்­துக்­கொண்டு மகிந்­தவை வீழ்த்­து­வது மைத்­தி­ரிக்குச் சாத்­தி­யப்­ப­டாது.அப்­படி மூன்­றில் ஒரு பங்­காக இருந்­தா­லும் அரச அதி­கா­ரத்­து­டன் இருக்க வேண்­டும்.அப்­போ­து­தான் மகிந்­தவை வீழ்த்­து­வ­தைப் பற்றி யோசிக்­க­லாம். அது­வும் கூட்டு அர­சாக இருக்க வேண்­டும்.

ஆகவே, கூட்டு அர­சின் தேவை, ஐக்­கிய தேசிய கட்­சியை விட­வும் சுதந்­தி­ரக் கட்­சிக்கே அதி­க­மாக உண்டு.இதன் கார­ண­மாக 2020 வரை மாத்­தி­ர­மல்ல அதற்கு அப்­பா­லும் தற்­போ­தைய கூட்டு அர­சைக் காப்­பாற்­று­வ­தற்கு மைத்­திரி நட­வ­டிக்கை எடுப்­பார் என்று நம்­ப­லாம்.

கூட்டு அரசின் நிர்வாகம் தொடருமானால் மகிந்த அணி தலைதூக்க இயலாது

2020இல் தனித்து ஆட்சி அமைத்­தல் என்ற திட்­டத்­தோடு ஐக்­கிய தேசி­யக் கட்­சி­யும், சுதந்­திர கட்­சி­யும் இருக்­கின்­ற­போ­தி­லும்,அப்­போ­தைய தேர்­த­லில் கிடைக்­கும் முடி­வு­கள் இந்­தத் திட்­டத்­தில் மாற்­றத்தை ஏற்­ப­டுத்­தும்.

நாங்­கள் 2025 வரை­யும் கூட்டு அர­சைப் பாது­காப்­ப­தற்கு விரும்­பு­கி­ றோம் என்று ஐக்­கிய தேசி­யக் கட்­சி­யின் பொதுச் செய­லா­ளர் கபீர் ஹாசிம் கூறி­யமை இதை மன­தில் வைத்­துக்­கொண்­டு­தான்­போ­லும். அவ்­வாறு 2025 வரை இந்­தக் கூட்டு அரசு இருக்­கு­மாக இருந்­தால் மகிந்த அணி தலை தூக்­கு­வது கஷ்­டம்­தான்.ஐக்­கிய தேசியக் கட்­சி­யி­ன­தும் சுதந்­தி ­ரக் கட்­சி­யி­ன­தும், வாக்கு வங்­கி­யைத் தாண்­டிய ஒரு வாக்கு வங்­கியை மகிந்­த­வால் ஒரு­போ­தும் கட்­டி­யெ­ழுப்ப முடி­யாது.

சுதந்­தி­ரக் கட்­சி­யும், ஐக்­கிய தேசி­யக் கட்­சி­யும் இணைந்து ஆட்சி அமைத்­தால்,-அந்­தத் தேர்­த­லில் மகிந்த அணி தனித்­துப் போட்­டி­யிட்­டால் முக்கிய எதிர்க்­கட்­சி­யாக வரு­வ­தற்கு அதற்கு வாய்ப்பு உண்டு.

கூட்டு அரசைக் கவிழ்க்கும் தேவை
மகிந்தவுக்கு அவசியமாகியுள்ளது

இந்த உண்­மையை உணர்ந்­த­மை­யால்­தான் கூட்டு அர­சில் இருந்து விலகி எதிர்க்­கட்சி வரி­சை­யில் அம­ரு­மாறு மைத்­திரி அணி­யில் உள்ள மகிந்த விசு­வா­சிகள் மைத்­தி­ரிக்கு அழுத்­தம் கொடுத்து வரு­கின்­ற­னர்.

கூட்டு அர­சைக் கலைத்து ஆட்­சியை ஐக்­கிய தேசிய கட்­சி­யி­டம் ஒப்­ப­டைத்­தால் மைத்­திரி அணி எதிர்க்­கட்­சி­யாக மாறி­வி­டும்.அந்த எதிர்க்­கட்­சி­யில் உள்ள மகிந்­த­வின் விசு­வா­சி­கள் மகிந்­த­வு­டன் போய் இணைந்­து­கொள்­வர்.பல­மான ஓர் எதிர்க்­கட்­சி­யாக இருந்து இனி­வ­ரும் தேர்­தல்­க­ளில் போட்­டி­யிட்டு ஆட்­சி­யைப் பிடிக்க முடி­யும் என்று இவர்­கள் கணக்­குப் போடு­கின்­ற­னர். கூட்டு அரசு தொடர்ந்­தால் இவர்­க­ளின் வெற்றி சாத்­தி­யப்­ப­டாது என்று அவர்­க­ளுக்­குத் தெரி­யும்.

கூட்டு அர­சின் இருப்பு மைத்­தி­ரிக்­கும் அதன் கவிழ்ப்பு மகிந்­த­வுக்­கும் தேவைப்­ப­டு­கின்­றது.இத­னால் 2020 வரை தேசிய அரசை தக்­க­வைப்­ப­தற்கு மைத்­திரி நட­வ­டிக்கை எடுப்­பார் என்று சொல்­ல­லாம்.