புதிய அரசமைப்பு நிறைவேறாமல் தடுத்து நிறுத்துவதே எமது பொது இலக்கு

மகிந்த தரப்பின் முக்கிய புள்ளி பசில் ராஜபக்ச தெரிவித்தார்

 

மகிந்த அலை­யின் மூலம் உரு­வான சிறி­லங்கா பொது­ஜன முன்­ன­ணி­ யின் திரைக்­குப் பின்­னால் இருந்து செயற்­ப­டும், மகிந்த தலை­மை­யி­லான முன்னாள் அர­சில் அமைச்­ச­ரொ­ரு­வ­ரா­கச் செயற்­பட்ட மகிந்த ராஜ­பக்­ச­வின் இளைய சகோ­த­ர­ரான பசில் ராஜ­பக்­ச­வு­ட­னான நேர்­கா­ண­லில், தங்­க­ளது எதிர்­கால அர­சி­யல் செயற்­பாடு கள் தொடர்­பாக பசில் ராஜபக்சவால் வெளிப்­ப­டுத்­தப்­பட்ட கருத்­துக்­கள் கீழே தொகுத்துத் தரப்­ப­டு­கின்­றன.

 

கேள்வி: எதிர்­வ­ரும் ஜன­வரி மாதத்­தில் நடத்­தப்­ப­டு­மெ­னக் கூறப்­ப­டும் உள்­ளூ­ராட்சி மன்­றங்­க­ளுக்­கான தேர்­த­லுக்கு உங்­களை நீங்­கள் தயார்ப்­ப­டுத்­திக் கொண்­டுள்­ளீர்­களா?

பதில்: நடத்­தப்­ப­டு­மெ­னக் கூறப்­ப­டும் உள்­ளூ­ராட்சி மன்­றங்­க­ளுக்­கான தேர்­தல் உரிய வேளை­யில் நடத்­தப்­பட்­டால் அதனை எதிர்­கொள்ள நாம் தயா­ரா­கவே உள்­ளோம்.

கேள்வி: அதா­வது சிறி­லங்கா சுதந்­தி­ரக் கட்சி இரண்­டா­கப் பிள­வு­ப­டும் என்­பது உறு­தி­யா­கி­றது. அப்­ப­டித்­தானே?

பதில்: சுதந்­தி­ரக் கட்­சியை இரண்­டா­கப் பிள­வு­ப­டுத்­து­ வதோ, அல்­லது அத­னைப் பாது­காத்­துக் கொள்­வதோ நிச்­ச­ய­மாக கட்­சி­யின் தலை ­வர் உட்­பட்ட ஏனைய தலை­வர்­க­ளது பொறுப் பா­கும்.
எமது சிறி­லங்கா பொது­ஜ­ன­முன்­னணி நிச்­ச­ய­மாக இந்­தத் தேர்­த­லில் போட்­டி­யி­டும். நாம் வாக்­கு­களை பிரிப்­ப­தற்காக என் றில்லாமல் வெற்­றி­யீட்­டும் நோக்­கி­லேயே போட்­டி­யி­ட­வுள்­ளோம்.

கேள்வி: அத்­த­கைய அணு­கு­மு­றை­யூ­டா­கத் தேர்­த­லில் வெற்­றி­யீட்ட முடி­யு­மென நம்­பு­கி­றீர்­களா?

பதில்: ஆம்; நாம் நினைத்­த­தை­விட வர­வர எமது நம்­பிக்கை வலுப்­பெ­று­கி­றது. இந்­தத் தேர்­தல் அர­சுக்­கெ­தி­ரான சகல குற்­றச்­சாட் டுக்­க­ளுக்­கும் நாட்டு மக்­கள் பதி­ல­ளிக்­கக் கிட்­டி­யுள்ள ஒரு வாய்ப்­பா­கும். விசே­ட­மாக, அர­ச­மைப்பு, வாழ்க்­சைச் செலவு உயர்வு, நாட்­டின் அபி­வி­ருத்­திச் செயற்­பா­டு­ கள் முடங்கியிருத்தல், அரச நிர்­வா­கம் பின்­ன­டைவு கண்­டுள்­ளமை, ஊழல் மோச­டி­கள் மற்­றும் ஜன­நா­யக உரி­மை­யான தேர்­தல் கள் பிற்­போ­டப் பட்டுள்­ளமை போன்ற குற்­றச்­சாட்­டுக்­க­ளுக்குப் பதி­ல­ளிக்க நாட்டு மக்­கள் சந்­தர்ப்­ப­மொன்­றுக்­கா­கக் காத்­தி­ருக்­கின்­ற­னர். இது உண்­மை­யில் அதற்­கான பொருத்­த­மான வாய்ப்பு என்­ப­தில் சந்­தே­க­மில்லை.

 

அர­சுக்­கும் மகிந்த தரப்­புக்­கும் 
இடை­யில் மத்­தி­யஸ்­த­ரா­கச் 
செயற்­பட்­ட­தா­கக் குற்­றச்­சாட்டு

கேள்வி : கூட்டு எதி­ரணி ‘மகிந்­த­வு­டன் எழு­வோம்’ வேலைத் திட்­டத்­தி­னூ­டாக அர­சுக்கு எதி­ராக செயற்­பட்ட வேளை, நாட்­டி­லி­ருந்து வெளி­யேறி அமெ­ரிக்கா சென்ற நீங்­கள் நாடு திரும்பி அந்த எதிர்ப்­புத் திட்­டத்­துக்கு மத்­தி­யஸ்­தம் வகித்­தீர்­கள். நீங்­கள் அர­சு­டன் தொடர்பு பேணு­வ­தாக அந்­தச் சம­யத்­தில் உங்­கள் மீது குற்­றச்­சாட்­டப் பட்­டது. அந்­தக் குற்­றச்­சாட்டு தவ­றென உங்­க­ளால் நிரூ­பிக்க முடிந்­ததா?

பதில்: அந்­தக் குற்­றச்­சாட்­டில் ஒப்­புக் கொள்ள எது­வு­மில்லை. ஏனெ­னில் நான் அவ்­வித நோக் கில் செயற்­பட்­ட­தில்லை. சுதந்­தி­ரக் கட்­சி­யின் இன்­றைய பொதுச் செய­லா­ளர், கடந்த அரச தலை­வர் தேர்­த­லின்­போது ஐ.தே.கட்சி சார்­பில் செயற்­பட்ட ஒரு­வரே. எனவே கட்­சி­யைப் பிள­வு­ப­டுத்­தி­ய­ தற்­கான பொறுப்பை தற்­போ­துள்ள கட்­சித் தலை­வர்­க­ளே­ஏற்­றாக வேண்­டும்.

கேள்வி: மைத்­தி­ரி­பால சிறி­சேன உள்­ளிட்ட தரப்­பி­னர்­கள் மகிந்­த­வுக்கு எதி­ராக அணி­தி­ரண்­ட­தற்­குக் கார­ணம் நீங்­கள் தானே?

பதில்: இல்லை; என்­னு­டன் எந்த விதப் பிரச்­சினை எழ­ எந்­த­வொரு கார­ண­மும் இருக்­க­வில்லை. நான் ஒரு­போ­தும் அரச தலை­வர் பத­ விக்கு போட்டி போடச் சிந்­தித்­த­ தில்லை. எனக்கு எமது குடும்­பத்­தில் எவ­ரி­ட­மும் எவர் மீதும் கோபமோ, வைராக் கியமோ இருந்­த­தில்லை.

இலங்கை இரா­ணு­வத்தினர் போர்க்­குற்­றம் புரிந்­த­னர் என்று தெரிவித்ததாகக் குற்­றச்­சாட்டு

கேள்வி: நீங்­கள் யாழ்ப்பாணத்­துக்­குச் சென்ற சந்­தர்ப்­பத்­தில் அங்கு வைத்து ‘இலங்கை இரா­ணு­வத்­தி­னர் போர்க்­குற்­றத்­தில் ஈடு­பட்­டனர் எனத் தெரி­வித்­துள்­ளீர்­கள்.

பதில்: நான் அவ்­வி­தம் ஒரு­போ­தும் தெரி­வித்­த­தில்லை. இலங்கை இரா­ணு­வத்­தி­னர், போர் தீவி­ர­மாக இடம்­பெற்ற வேளை­யில் போர்க் குற்­றங்­க­ளில் ஈடு­பட்­ட­தான குற்­றச்­சாட்­டுத் தொடர்­பாக இரா­ணு­வத்­தி­ன­ருக்­குச் சார்­பாக அப்­போ­தைய அரச தலை­வர் மகிந்த உட்­பட்ட இலங்கை அரச தரப்பினர் முற்று முழு­தாக அதற்கு மறுப்­புத் தெரி­வித்­த­னர்.

அது­மட்­டு­மன்றி இரா­ ணு­வத்­தி­னரது பாது­காப்பு மற்­றும் தேவை­களை நாம் நிறை­வேற்றி வைத்­தோம். இன்று எனக்கு எதி­ராக புனை­க­தை­களை முன் வைப்­போர், ஜெனீவா சென்று இரா­ணு­வத்­தி­ன­ரை­யும் நாட்­டை­யும் காட்­டிக்­கொ­டுத்­தார்­கள். எனது கருத்­துக்­க­ளுக்­குத் தவ­றான அர்த்­தங்­க­ளைக் கற்­பித்­துள்­ளார்­கள்.

கேள்வி : அவ்­வா­றா­னால் நீங்­கள் போர்க்­குற்­றங்­கள் குறித்­துக் கூறிய கருத்­துக்­கள் தானென்ன?

பதில்: குற்­றங்­கள் முன்­னர் இடம்­பெற்­றி­ருந்­தி­ருக்­க­லாம். தற்­போ­தும் இடம்­பெ­றக்­கூ­டும். எதிர்­கா­லத்­தி­லும் இடம்­பெ­ற­லாம். குற்­றங்­கள் என்­பதும் போர்க் குற்­றங்­கள் என்­ப­தும் வெவ்­வே­றா­னவை. குறித்த சில நபர்­கள் சிற்­சில குற்­றங்­களை மேற்­கொண்­டி­ருக்­க­லாம் என்றே நான் தெரி­வித்­தி­ருந்­தேன். நான் அத்­த­கை­யோர் இரா­ணு­வத்­தி­னரே என்ற சொல்­லைப் பயன்­ப­டுத்­தி­ய­தில்லை.

கேள்வி: தென்­ப­குதி சிங்­கள மக்­க­ளுக்கு ஒரு கருத்­தும் வட­ப­கு­தித் தமிழ் மக்­க­ளுக்கு வேறொரு கருத்­தும் வௌியி­டு­வது அர­சி­யல் வாதி­க­ளது வழக்­க­மாகி விட்­ட­தல் வவா?
பதில்: இல்லை. நான் தென் பகு­தி­யி­லும் வட பகு­தி­யி­லும் ஒரே கருத்­தையே தெரி­வித்து வந்­துள்­ளேன்.

இரா­ணுவ முகாம்­களை 
அகற்ற வேண்­டு­மென 
யாழ்ப்­பா­ணத்­தில் வைத்து தெரி­வித்ததா­கக் குற்­றச்­சாட்டு

கேள்வி: இரா­ணுவ முகாம்­களை நீக்கி அந்த இடங்­க­ளைத் தமிழ் மக்­க­ளி­டம் ஒப்­ப­டைக்க வேண்­டு­மென நீங்­கள் யாழ்ப்­பா­ணத்­தில் வைத்துக் கூறி­யுள்­ளீர்­கள்.

பதில்: உண்­மை­தான். பொது மக்­க­ளுக்­குச் சொந்­த­மான காணி­களை எந்த விதத்­தி­லும் கைய­கப்­ப­டுத்தி வைத்­தி­ருக்க எந்­த­வித உரி­மை­யும் கிடை­யாது. மகிந்­த­வின் ஆட்­சி­யில் மனி­தா­பி­மான செயற்­பா­டு­களே முன்­னெ­டுக்­கப்­பட்­டன. எந்­த­வொரு நிலத்­தை­யும் நாம் கைய­கப்­ப­டுத்­த­வில்லை.
அதி பாது­காப்பு வல­யத்­துள் இருந்த இடங்­கள், எமக்கு முன்­னர் ஆட்­சி­யில் இருந்த அர­சு­கள் கைய­கப்­ப­டுத்­தி­யி­ருந்த நிலங்­களே. அவ்­வி­தம் அர­சின் வச­மி­ருந்த பொது மக்­க­ளது நிலங்­க­ளில் 80 வீத­மா­ன­வற்றை நாம் மக்­க­ளி­டம் மீண்­டும் மீள­ளித்­துள்­ளோம். மீத­மாக இருந்த 20 வீத காணி­க­ளில் மிதி­வெ­டி­கள் அகற்­றப்­ப­ட­வேண்­டி­யி­ருந்­தன.

இன்­றைய அரசு அந்த நிலங்­களை விடு­விப்­ப­தாக வாக்­கு­றுதி வழங்கி ஆட்சி அதி­கா­ரத்­தைக் கைப்­பற்றி விட்டு, அந்த நிலங்­க­ளைப் பொது மக்­க­ளி­டம் கைய­ளிக்­கா­மல் இருப்­ப­து­தான் தவறு. அவை உட­ன­டி­யா­க­பொது மக்­க­ளி­டம் கைய­ளிக்­கப்­பட வேண்­டும்.

கேள்வி: ஆனால் அத்­த­கைய நிலங்­களை மீள­ளிப்­பது தேசிய பாது­காப்­புக்கு அச்­சு­றுத்­தல் எனக் கூறு­வ­தும் கூட்டு எதி­ர­ணித் தரப்­புத் தானே?

பதில்: தேசிய பாது­காப்­புக்கு அச்­சு­றுத்­தல் அல்­லா­த­கா­ணி­கள் விடு­விக்­கப்­ப­ட­வேண்­டும். வட­ப­கு­தி­யில் அபி­வி­ருத்­திப் பணி­க­ளைப் பொறுப்­பேற்று மேற்­கொண்ட நபர் என்ற விதத்­தில் எனது தௌிவான கருத்து, வட­ப­குதி மக்­க­ளது காணி­களை வலோற்­கா­ர­மாக அரசு வைத்­தி­ருக்­கக் கூடாது.
அவை விடு­விக்­கப்­பட வேண்­டும் என்­ப­து­தான். வெவ்­வேறு மதத்­த­வர்­க­ளது வழி­பாட்­டுத் தலங்­கள் பல தற்­போ­தும் விடு­விக்­கப்­ப­டா­துள்­ளன.
அப்­பா­விப் பொது மக்­க­ளது வாழ்­வி­டங்­கள் அவற்­றுள் அடங்­கி­யுள்­ளன. அவை விடு­விக்­கப்­ப­டா­தி­ருப்­ப­தற்கு எந்­த­வொரு கார­ணத்­தை­யும் முன்­வைக்க இய­லாது.

கேள்வி: ஆனால் வட­ப­கு­தி­யின் பாது­காப்பு தற்­போ­தும் சிக்­க­லா­ன­தா­கத் தானே­யுள்­ளது?

பதில்: ஆம் ஆனால் பொது மக்­க­ளது நிலங்­கள் விடு­விக்­கப்­ப­டா­து இருப்­ப­தற்கு அது­வல்ல கார­ணம். அவ்­வாறு நிலங்­களை விடு­விக்கா திருப்­ப­தன் மூலம், நிலம் தொடர்­பான பிரச்­சி­னை­யில் நிலத்­துக்­குக் கான அதி­கா­ரம் எமக்கு அவ­சி­யம் என பொது மக்­க­ளுக்­குக் காட்ட அவர்­கள் விரும்­பு­கி­றார்­கள் என நான் கரு­து­கி­றேன்.
அவற்றை விடு­வித்து விட்­டால் அந்த நிலைப்­பாட்டை உறுதி செய்­து­கொள்ள இய­லாது போய்­வி­டும்.

கேள்வி:நீங்­கள் ‘அவர்­கள்’ என்று யாரைக் குறிப்­பி­டு­கி­றீர்­கள்?

பதில்:வட­ப­ப­கு­தி­யில் உள்ள தமிழ் அர­சி­யல் கட்­சி­க­ளின் தலை­வர்­கள், அவர்­க­ளுக்கு ஆத­ர­வ­ளிக்­கும் சில நாடு­கள் கொழும்பு அர­சு­தான் அவ்­வி­தம் நிலங்­களை விடு­விக்­கா­துள்­ளது. காணி­க­ளுக்­கான அதி­கா­ரம் எமக்­குத் தேவை. அத்­த­கைய அதி­
கா­ரம் இருந்­தால்­தான் காணி தொடர்­பான பிரச்­சி­னைக்­குத் தீர்­வு­காண இய­லு­மென்ற கருத்­துத்­தான் உரு­வாக்­கப்­பட்­டுள்­ளது.

 

கேள்வி: முன்­னைய அர­சின் காலத் தில் தற்­போ­தைய உங்­க­ளது கருத்து நிலை­ப்பாட்­டுக்கு எதி­ராக இருந்­தோர் யார்?

பதில்: எவ­ரும் எதிர்ப்­புத் தெரி­விக்­க­வில்லை. ஆனால் நடை­மு­றைச் சிக்­கல்­கள் பல இருந்­தன. 80 வீத­மான நிலங்­கள் குறு­கிய காலத்­துள் விடு­விக்­கப்­பட்ட போதி­லும், மீத­முள்ள 20வீத நிலங்­க­ளில் மிதி­வெ­டி­கள் அகற்­றப்­ப­ட­வேண்­டி­ருந்­தன.
பாது­காப்பு வல­யத்­தைப் பின்­ந­கர்த்த வேண்­டி­யி­ருந்­தது.
அதற்­கான கட்­டு­மா­னங்­களை மேற்­கொள்ள வேண்­டி­இருந்­தது. அத­னா­லேயே மீத­
மி­ருந்த நில­வி­டு­விப்பு மேற்­கொள்­ளப்பட­வில்லை.

தென் பகு­தி­யில் தான் அரச நிலங்­கள் வெறு­மை­யாக இல்லை.ஆனால் வட­ப­கு­தி­யில் அர­சுக்­குத் தேவை­யான அளவு அரசு நிலங்­கள் உள்­ளன.
ஏன் அந்த இடங்­க­ளில் படை­மு­காம்­களை நிறுவ இய­லாது?சீனா­வுக்கு 15ஆயி­ரம் ஏக்­கா் நிலத்தை வழங்­க­மு­டி­யு­மா­னால், இந்­திய நிறு­வ­னங்­க­ளுக்கு நிலங்­களை வழங்க இய­லு­மா­னால் ஏன் இந்த நாட்டு மக்­க­ளுக்கு வழங்க இய­லா­துள்­ளது?

பொருத்­த­மா­ன­தொரு 
அரசை உரு­வாக்­கு­வதே எதிர்காலத் திட்­ட­மெ­னத் தெரி­விப்பு

கேள்வி :மேற்கொண்டு அரசியலில் என்ன செய்வதற்கு எதிர்பார்க்கிறீர்கள்?

பதில். எமக்­கென ஒரு வேலைத்­திட்­டத்தை வகுத்­துள்­ளோம்.எமது முன்­னைய ஆட்­சி­யில் தவ­று­கள் இருந்­தி­ருக்­கு­மா­னால், அவற்றை நோ்சீா் செய்து இன்­றைய புதிய சமூ­கத்­துக்கு,இளை­யோா் பரம் ப­ரைக்குப் பொருத்­த­மா­ன­தொரு அரசை உரு­வாக்க வேண்­டி­யுள்­ளது. அதற்­காக அர்ப்­ப­ணிப்­பு­டன் செயற்­ப­ட­வுள்­ளோம்.

 

கேள்வி.விமல் வீர­வன்ச உட்­பட்ட தரப்­பி­னா் அரச தலை­வா் மைத்­திரிபால­வைச் சந்­தித்­துள்­ள­னரே?

பதில்அ:ண்­மை­யில் பல கட்­சி­களை ஒன்­றி­ணைத்­துத்­தான் நாம் செயற்­ப­டு­கின்­றோம்.
நாடா­ளு­மன்­றத்­தில் உறுப்­பி­னரொரு­வா் கூட்டு எதி­ரணி சார்பில் செயற்­ப­டு­கி­றாா்.நாடா­ளு­மன்­றத்­தில் அங்­கத்­து­வம் பெற்­றி­ராத கட்­சி­கள் மகிந்­த­வின் தலை மை­யில் ஒன்­றி­ணைந்­துள்­ளன.அந்­தந்­தக் கட்­சி­கள் வெவ்­வேறு
கொள்கை நிலைப்­பா­டு­களைக் கொண்­டுள்­ளன.ஆனால் எல்­லோ­ருக்­கும் முக்­கிய இலக்கு ஒன்­றுண்டு.நாட்­டுக்குத் தீங்கு விளை­விக்கவல்ல புதிய அர­ச­மைப்பு நிறை­வேறாமல் தடுத்து நிறுத்துவதே எமது பொது இலக்­கா­கும்.அது தொடா்­பாக முன்­னெ­டுத்த ஒரு நட­வ­டிக்­கை­தான் விமல் வீர­வன்ச உட்­பட கட்­சி­யின் தலை­வா்­கள் அரச தலை­வ­ரைந் சந்­தித்­த­மை­யா­கும்.