ஜனவரி 27 ஆம் திகதி உள்ளூராட்சி தேர்தல்

ஜனவரி 27 ஆம் திகதி உள்ளூராட்சி தேர்தல்

 

கட்­சித்­த­லை­வர்களின் கலந்­து­ரை­யா­டலில் இணக்கம்; வர்த்­த­மானி அறி­வித்தல் அடுத்த வாரம்
(ஆர்.ராம்)

இரண்டு வரு­டங்­க­ளுக் கும் அதி­க­மாக தாம­தப்­பட்டு வந்த உள்­ளூராட்சி மன்­றங்­க­ளுக்­கான தேர்தலை எதிர்­வரும் ஜன­வரி மாதம் 27ஆம் திகதி நடத்­து­வ­தற்கு அர­சியல் கட்­சி­களின் தலை­வர்­க­ளு­ட­னான கலந்­து­ரை­யா­டலில் இணக்கம் காணப்­பட்­டுள்­ளது.

இதற்­கான வர்த்­த­மானி அறி­வித்தல் மாகாண சபை

கள் மற்றும் உள்ளூ­ராட்சி மன்­றங்­க­ளுக்­கான அமைச்சர் பைஸர் முஸ்­தபாவினால் அடுத்­த­வாரம் வெளியி­டப்­ப­ட­வுள்­ளது.

அதற்கு அடுத்­த­ப­டி­யாக தேர்­தல்கள் ஆணைக்­குழு­

வா­னது வேட்­பு­மனு கோரல் மற்றும் தேர்தல் நடத்­தப்­ப­டு­வ­தற்­கான திக­தியை அறி­விக்­க­வுள்­ளது. கட்­சித்­த­லை­வர்கள் கலந்­து­ரை­யா­டலில் தேர்­தலை நடத்­து

­வ­தற்கு இணக்கம் காணப்பட்ட திக­தி­யையே தேர்­தல்கள் ஆணைக்­குழு பெரும்­பாலும்

 இறுதி செய்­ய­வுள்­ள­தாக உயர்­மட்ட வட்­டா­ரங்­க­ளி­லி­ருந்து அறிய முடி­கின்­றது.

கூட்டு எதிர்க்­கட்­சியின் பாரா­ளு­மன்றக் குழு தலைவர் தினேஷ் குண­வர்த்­தன எம்.பி கடந்த வியா­ழக்­கி­ழமை பாரா­ளு­மன்ற அமர்வு நடை­பெற்­ற­போது, உள்­ளு­ராட்சி மன்­றங்­க­ளுக்­கான தேர்தல் தொடர்ந்தும் கால­தா­ம­தப்­ப­டு­வது குறித்து பிர­தமர் ரணில் விக்­கி­ர­ம­சிங்­க­வி­டத்தில் கேள்வி எழுப்­பி­யி­ருந்தார்.

இதன்­போது நிறை­வேற்­றப்­பட்ட உள்­ளு­ராட்சி தேர்தல் சட்­டங்­களில் சிங்­கள, ஆங்­கில மொழி­களில் காணப்­படும் சில வேறு­பா­டு­களின் கார­ண­மாக வர்த்­த­மானி அறி­வித்தல் காலம் தாழ்த்­தப்­ப­டு­வ­தா­கவும் அவற்றில் சில திருத்­தங்­களை மேற்­கொள்ள வேண்­டி­யி­ருப்­ப­தோடு அதற்­காக சட்ட மா அதி­பரின் ஆலோ­சனை பெற­வேண்­டி­யுள்­ள­தா­கவும் குறிப்­பிட்ட பிர­தமர் ரணில் விக்­கி­ர­ம­சிங்க நுவரெலியா, அம்­ப­க­முவ பிர­தேச சபை­களை பிரிப்­பது போன்ற சில விடங்கள் நிறை­வேற்­ற­வேண்­டி­யுள்­ள­தா­கவும் எவ்­வா­றா­யினும் இவ்­வி­டயம் குறித்து கட்­சித்­த­லை­வர்­க­ளுடன் கலந்­து­ரை­யா­ட­லொன்றை மேற்­கொள்­ள­வுள்­ள­தா­கவும் அறி­வித்­தி­ருந்தார்.

அதற்­க­மை­வாக பிர­தமர் ரணில் விக்­கி­ர­ம­சிங்க தலை­மையில் நேற்று செவ்­வாய்க்­கி­ழமை அல­ரி­மா­ளி­கையில் கட்­சித்­த­லை­வர்கள் பங்­கேற்ற விசேட கலந்­து­ரை­யா­ட­லொன்று நடை­பெற்­றது. இக்­க­லந்­து­ரை­யா­டலில் மாகாண சபைகள் மற்றும் உள்­ளு­ராட்சி மன்­றங்­க­ளு்­கான அமைச்சர் பைஸர் முஸ்­தபா, ஐக்­கிய தேசியக் கட்­சியின் சார்பில் அக்­கட்­சியின் செய­லா­ளரும் அமைச்­ச­ரு­மான கபீர் கசீம், அமைச்சர் லக்ஸ்மன் கிரி­யெல்ல, ஸ்ரீலங்கா சுதந்­தி­ரக்­கட்சி சார்பில் அமைச்சர் நிமல் சிறி­பல டி சில்வா, துமிந்த திசாநாயக்க, மஹிந்த அமரவீர,தமிழ் முற்­போக்கு கூட்­டணி சார்பில் அதன் தலை­வரும் அமைச்­ச­ரு­மான மனோ­க­ணேசன், அமைச்சர் ப.திகாம்­பரம், மக்கள் விடு­தலை முன்­ன­ணியின் சார்பில் அதன் தலைவர் அநு­ர­கு­மார திஸ­நா­யக்க எம்.பி, ஸ்ரீலங்கா முஸ்லிம் காங்­கி­ரஸின் தலைவர் அமைச்சர் ரவூப் ஹக்கீம், அகில இலங்கை மக்கள் காங்­கி­ரஸின் தலைவர் அமைச்சர் ரிஷாட் பதி­யூர்தீன், ஈழ­மக்கள் ஜன­நா­யக கட்­சி­யின செய­லாளர் நாயகம் டக்ளஸ் தேவா­னந்தா எம்.பி ஆகியோர் பங்­கேற்­றி­ருந்­தனர்.

இக்­க­லந்­து­ரை­யா­டலில் தமிழ்த் தேசியக் கூட்­டமைப்பு பங்­கேற்­றி­ருக்­க­வில்லை என்­ப­தோடு கூட்டு எதிர்க்­கட்­சியின் பாரா­ளு­மன்ற குழுக்­களின் தலைவர் தினேஷ் குண­வர்த்­தன எம்.பிக்கு அழைப்பு விடுக்­கப்­ப­ட­வில்லை என அவ­ரது தரப்பு தக­வல்கள் தெரி­விக்­கின்­றன.

தேர்­த­லுக்­கான வலி­யு­றுத்து

இவ்­வா­றான நிலையில் நடை­பெற்ற இக்­க­லந்­து­ரை­யா­டலின் போது உள்­ளு­ராட்சி மன்­றங்­க­ளுக்­கான தேர்­தலை ஜன­வ­ரிக்கு பின்­னரும் காலம்­தாழ்த்­தக்­கூ­டாது என அனைத்து தரப்­பி­னர்­க­ளாலும் வலி­யு­றுத்­தப்­பட்­டது. குறிப்­பாக இரண்டு ஆண்­டு­க­ளுக்கு அதி­க­மாக தேர்தல் தாம­தப்­ப­டுத்­தப்­பட்டு வரு­கின்­றது. தற்­போது அனைத்து தரப்­பி­னர்­களும் தேர்­தலை நடத்­த­வேண்டும் என வலி­யு­றுத்­து­கின்­றனர். ஆகவே அதில் காணப்­படும் தாம­தங்­களை உட­ன­டி­யாக நீக்­கு­வ­தற்­கு­ரிய நட­வ­டிக்­கைகள் மேற்­கொள்ள வேண்டும் எனக் குறிப்­பிட்­டனர்.

சட்­டமா அதிபர் மீது சாடல்

இதன்­போது உள்­ளு­ராட்சி மன்­றங்­க­ளுக்­கான தேர்தல் திருத்தச் சட்­டங்கள் நிறை­வேற்­றப்­பட்­டுள்ள போதும் சிங்­கள, ஆங்­கில மொழி­களில் சில வேறு­பா­டுகள் காணப்­ப­டு­வதால் அவற்றில் திருத்­தங்கள் மேற்­கொள்­ளப்­பட வேண்­டி­யுள்­ள­தாக அமைச்சர் பைஸர் முஸ்­தபா குறிப்­பிட்­டுள்­ள­தோடு சட்­டமா அதி­பரின் ஆலோ­சனை பெற­வேண்­டி­யுள்­ள­தா­கவும் குறிப்­பிட்­டுள்ளார்.

இத­னை­ய­டுத்து கட்­சிப்­பி­ர­தி­நி­திகள், சட்ட மா அதிபர் தரப்பில் பலத்த தாம­தங்கள் நில­வு­கின்­றன. குறிப்­பாக அத்­தி­ணைக்­க­ளத்தின் செயற்­பா­டுகள் நத்தை வேகத்­தி­லேயே செல்­கின்­றன என்ற தொனிப்­ப­ட­லான கருத்­துக்­களை பிர­த­மரின் கவ­னத்­திற்கு கொண்டு வந்­துள்­ளனர்.

துரி­த­மாக மேற்­கொள்ள வேண்டும்

இத­னை­ய­டுத்து பிர­தமர் ரணில் விக்­கி­ர­ம­சிங்க, உள்­ளு­ராட்சி தேர்தல் திருத்­தச்­சட்­டங்­களில் காணப்­படும் சிறு திருத்­தங்­களை துரி­த­மாக மேற்­கொள்­வ­தற்­கு­ரிய அறி­வுத்­தல்­களை வழங்­க­வுள்­ள­தா­கவும் தேர்­தல்கள் ஆணைக்­கு­ழ­வா­னது தேர்­தலை நடத்­து­வ­தற்­கு­ரிய முதற்­கட்ட தயார்ப்­ப­டுத்­தல்­களை மேற்­கொள்ள ஆரம்­பித்­துள்­ள­மையையும் குறிப்­பிட்டார்.

கூட்­ட­மைப்­புக்கு தொலை­பேசி அழைப்பு

இத­னை­ய­டுத்து நடை­பெற்ற கலந்­து­ரை­யா­டல்­களில் தேர்­தலை ஜன­வரி மாதம் எத்­த­கைய காலப்­ப­கு­தியில் வைப்­பது என்­பது தொடர்பில் கவனம் செலுத்­தப்­பட்­டது. முதலில் ஜன­வரி மாதம் 20ஆம் திகதி தேர்­தலை நடத்­து­வத்­து­தெ­னவும் அதற்கு முன்­ன­தாக சட்­ட­ரீ­தி­யான மற்றும் ஏனைய விட­யங்­களை முன்­னெ­டுத்து விரைந்து வர்த்­த­மானி அறி­வித்­தலை வெளியி­டு­வது என்று தீர்­மா­னிக்­கப்­பட்­டது.

அத­ன­டிப்­ப­டையில் பிர­தமர் ரணில் விக்­கி­ர­ம­சிங்க தமிழ்த் தேசியக் கூட்­ட­மைப்பின் ஊட­கப்­பேச்­சா­ள­ரான எம்.ஏ.சுமந்­திரன் எம்.பியை தொலை­பே­சியில் தொடர்பு கொண்டு 20ஆம் திகதி உள்­ளு­ராட்சி மன்­றங்­க­ளுக்­கான தேர்­தலை நடத்­து­வதில் தங்­க­ளுக்கு ஏதா­வது பிரச்­சி­னைகள் இருக்­கின்­றதா? என வின­வி­யுள்ளார்.

தொலை­பேசி உரை­யா­டலின் பின்னர் கட்சி தலை­வர்­க­ளி­டத்தில் பிர­தமர் கூறு­கையில், தமிழ்த் தேசியக் கூட்­ட­மைப்பு அத்­தி­க­தியில் தேர்­தலை நடத்­து­வ­தற்கு எவ்­வி­த­மான எதிர்ப்­புக்­க­ளையும் தெரிவிக்கவில்லை. அவர்­களும் விரைந்து தேர்­தலை நடத்த வேண்டும் என்ற நிலைப்­பாட்­டி­லேயே இருக்­கின்­றனர் என்றார்.

ஈற்றில் இறு­தி­யான ஜன­வரி 27

இவ்­வா­றான நிலையில் தொடர்ச்­சி­யான கலந்­து­ரை­யாடல் இடம்­பெற்­றது. இத­ன­டிப்­ப­டையில் ஜன­வரி மாதம் 20ஆம் திகதி தேர்­தலை நடத்­து­வ­த­னையும் பார்க்க ஜன­வரி மாதத்தின் கடைசி வாரத்தில் அதா­வது 27ஆம் திகதி தேர்­தலை நடத்­து­வதே சிறந்­த­தாக அமையும் என்ற யோசனை கூட்­டத்தில் இருந்­த­வர்­களால் முன்­மொ­ழி­யப்­ப­டவும் விட­யத்­திற்கு பொறுப்­பான அமைச்சர் பைஸர், பிர­தமர் ரணில் உட்­பட அனைத்து தரப்­பி­னரும் அத்­தி­க­தியில் தேர்­தலை நடத்­து­வ­தற்கு இணக்கம் வெ ளியிட்­டனர்.

இது குறித்து மாகாண சபைகள் மற்றும் உள்­ளு­ராட்சி மன்­றங்­க­ளுக்­கான அமைச்சர் பைசர் முஸ்­தபா ஊட­கங்­க­ளுக்கு கருத்து வெளியி­டு­கையில்,

உள்­ளூ­ராட்சி மன்­றங்­க­ளுக்­கான தேர்­தலை நடத்­து­வ­தற்­கு­ரிய இணக்­க­பா­டுகள் எட்­டப்­பட்­டுள்­ளன. இதற்­கான வர்த்­த­மானி அறி­வித்தல் அடுத்த வாரம் வெளியி­டப்­படும். அதற்கு முன்­ன­தாக திருத்­தச்­சட்­டத்தில் காணப்­படும் குறை­பா­டு­களை நீக்­கு­வ­தற்­கு­ரிய நட­வ­டிக்­கைகள் முன்­னெ­டுக்­கப்­ப­ட­வுள்­ளன. இதே­வேளை நுவரேலியா, அம்­ப­க­முவ தொடர்­பாக முன்­வைக்­கப்­பட்ட கோரிக்­கைக்­கான இணக்­கப்­பாடும் எட்டப்பட்டுள்ளது. அது தொடர்­பி­லான நட­வ­டிக்­கை­களும் மேற்­கொள்­ளப்­ப­ட­வுள்­ளன என்றார்.

அமைச்சர் லக்ஷ்மன் கிரி­யெல்ல தெரி­விக்­கையில்,

ஜன­வரி இறுதி வாரத்தில் உள்­ளு­ராட்சி மன்­றங்­க­ளுக்­கான தேர்­தலை நடத்­து­வ­தற்கு இணக்கம் ஏற்­பட்­டுள்­ளது. ஐக்­கிய தேசியக் கட்சி ஏற்­க­னவே இந்த நிலைப்­பாட்­டி­லேயே இருந்­தது. ஆகவே ஐக்­கிய தேசியக் கட்சி மீது வீணாக குற்­றச்­சாட்­டுக்­களை சுமத்­தி­னார்கள். ஐ.தே.க என்­றுமே தேர்­த­லுக்கு அஞ்­ச­வில்லை. எந்­நே­ரத்­திலும் தேர்­த­லுக்கு முகங்­கொ­டுப்­ப­தற்கு தயா­ரா­கவே உள்ளது என்றார்.

இதே­வேளை ஈழ­மக்கள் ஜன­நாயக் கட்­சியின் சார்பில் கலந்து கொண்ட அக்­கட்­சியின் செய­லாளர் நாயகம் டக்ளஸ் தேவா­னந்தா எம்.பி,

வட­மா­கா­ணத்தில் மரு­தங்­கேணி, கண்­டா­வளை, ஒட்­டி­சுட்டான், மடு இந்த நான்கு பிர­தே­சங்­களும் மிகப் பெரி­யவை மற்றும் மிகவும் பின்­தங்­கி­ய­வை­யாகும். இங்கு அபி­வி­ருத்தி நட­வ­டிக்­கை­க­ளுக்­காக உள்­ளுா­ராட்சி சபைகள் ஏற்­ப­டுத்­தப்­பட வேண்டும்.

கிளி­நொச்சி, முல்­லைத்­தீவு, மானிப்பாய், சுன்னாகம். சங்­கானை, நெல்­லி­யடி ஆகி­ய­வற்­றுக்­கான நகர சபைகள் உரு­வாக்­கப்­ப­ட­வேண்டும். கிளி­நொச்சி ஒரு மிகவம் பெரிய நக­ரமாகும். இது சுமார் 4 கிமீ தூரம் பரந்தன் முதல் முறி­கண்­டி­வரை பரந்து உள்­ளது. இது கரைச்சி பிர­தேச சபையால் நிர்­வ­கிக்­கப்­ப­டு­கி­றது. இந்த சபையால் கிளி­நொச்சி நக­ரத்தின் தேவை­களை புர்த்­தி­செய்ய முடி­யாமல் உள்­ளது.

கரைச்சி பிர­தேச சபை கண்­டா­வளை பிர­தேச செய­ல­கத்­தையும் நிர்­வ­கிக்­க­வேண்டி உள்­ளது. 1991ஆம் ஆண்­டுக்கு முன்னர் கிளி­நொச்சி நகர சபை­யா­கவே இயங்கி வந்­தது. மேலும் கிளி­நொச்சி நகர்தான் கிளி­நொச்சி மாவட்­டத்தின் நிர்­வாக நகர். இது விவ­சாய, வர்த்­தக, நிதி மற்றும் கல்வி துறை­க­ளுக்கு வட­மா­கா­ணத்தில் உள்ள ஒரு மைய­மாகும்.

முல்­லைத்­தீவு நகரும் முல்­லைத்­தீவு மாவட்­டத்தின் நிர்­வாக நக­ராகும். இதுவும் 1991ஆம் ஆண்­டிற்கு முன்னர் நக­ர­சபை அந்­தஸ்தை அனு­ப­வித்­தது. இதே போல் மானிப்பாய், சுன்ன­ாகம், சங்­கானை, நெல்­லி­யடி நகர்­களும் 1991ஆம் ஆண்­டிற்கு முன்னர் நக­ர­சபை அந்­தஸ்தைக் கொண்­டி­ருந்­தன.

இவை­யாவும் இன்று நன்கு வளர்ச்­சி­ய­டைந்­துள்­ளன. இங்­கெல்லாம் நகர சபை நிர்­வாகம் அமை­யா­ததால் நக­ரங்­களின் தேவை­களும் சேவை­களும் மிகவும் பின்­தங்கிக் காணப்­ப­டு­கின்­றது. எனவே இங்கு மேலே கூறப்­பட்ட பிர­தேச சபை­களை வர­வுள்ள தேர்­த­லுக்கு முன் தரம் உயர்த்தி நகர சபை­க­ளாக மேம்­ப­டுத்த வேண்டும்.

யாழ். நக­ரமே வட­மா­கா­ணத்­தி­லுள்ள ஒரே­யொரு மாந­கர சபை­யாகும். ஆதலால் இத்­த­ரு­ணத்தில் மிகவும் வேக­மாக வளர்ந்து வரும் மற்றும் சகல துறை­க­ளிலும் அபி­வி­ருத்தி கண்­டு­வரும் வவு­னியா நகரை மாந­கர சபை­யாக தரம் உயர்த்த வேண்­டு­கின்றேன். இத் தர­மு­யர்த்தல் இந் நகரை மேலும் வளர்ச்­சி­ய­டையச் செய்யும். அங்­குள்ள மக்­களும் மிக உயர்ந்த சேவை­களைப் பெற­மு­டியும்.

கிழக்கு மாகா­ணத்தில் மாகாணத் தலை­ந­க­ரான திரு­கோ­ண­ம­லையை மாந­கர சபை­யாகத் தரம் உயர்த்­து­வ­தோடு செங்­கல்­லடி, கள­வாஞ்­சிக்­குடி, மூதூர், கிண்­ணியா போன்ற பிர­தேச சபை­களும் நகர சபை­க­ளாக தரம் உயர்த்­தப்­பட வேண்டும். மட்­டக்­க­ளப்பு மாவட்­டத்தில் கோர­ளைப்­பற்­று-­மத்தி, கோர­ளைப்­பற்று (வாழைச் சேனை), ஆகிய பிர­தேச செய­ல­கங்­க­ளுக்கு பிர­தேச சபைகள் இன்னும் கிடைக்­கப்­பெ­ற­வில்லை. இங்கே பிர­தேச சபைகள் இன்­மையால் உள்­ளுா­ராட்சி சேவைகள் மிகவும் முடங்கிக் காணப்­ப­டு­கின்­றது.

கல்­முனை நகரில் சாய்ந்த மருது பிர­தேச மக்­களின் பிரச்­ச­னை­க­ளுக்குத் தீர்வு காணும் வேளையில் அங்­குள்ள தமிழ்ப் பிர­தேச மக்­களின் பிரச்­ச­னை­க­ளுக்கும் தீர்வு காணப்­பட வேண்டும். இந்தத் தமிழ் மக்­களின் பிரச்­ச­னை­களும் துன்­பங்­களும் நீண்ட காலமாகவே தீர்க்கப்படாமல் உள்ளது என்று வலியுறுத்தியுள்ளார்.