ஐ.நாவை அரசு கணக்­கில் எடுக்­கி­றதா?

இலங்­கைக்கு வருகை தந்த ஐக்­கிய நாடு­கள் சபை­யின் சிறப்பு அறிக்­கை­யா­ளர் பப்லோ டிகி­ரிப் தனது பய­ணத்­தின் முடி­வில் கொழும்பு அ ரசுக்கு ஓர் எச்­ச­ரிக்­கையை விடுத்­துச் சென்­றி­ருக்­கி­றார்.

இறு­திப் போரில் இடம்­பெற்­ற­போர்க் குற்­றங்­கள், மனித உரிமை மீறல்­கள், மனித குலத்­திற்கு எதி­ரான குற்­றங்­கள், பன்­னாட்­டுப் போர்ச் சட்ட மீறல்­கள் தொடர்­பில் பொறுப்­புக்­கூ­று­வ­தற்­குக் கொழும்பு தவ­று­மாக இருந்­தால், அத்­த­கைய பொறுப்­புக்­கூ­றல் செயற்­பா­டு­கள் இலங்­கைக்கு வெளியே உள்ள நாடு ஒன்­றில் முன்­னெ­டுக்கப்­ப­டு­ வ­தற்­கான வாய்ப்­பு­கள் அதி­கம் உள்­ளன.

எனவே, அத்­த­கைய ஒரு நிலை தோன்­று­வ­தற்கு முன்­னர் முறை­யான நீதிப் பொறி­முறை ஒன்றை ஏற்­ப­டுத்த வேண்­டி­யது கொழும்­பின் பொறுப்பு என்று அவர் எச்­ச­ரித்­துள்­ளார்.

பப்லோ மட்­டு­மல்ல, இதற்கு முன்­னர் ஐக்­கிய நாடு­கள் மனித உரி­மை­கள் ஆணை­யா­ள­ரும் இதே­போன்­ற­தொரு எச்­ச­ரிக்­கையை விடுத்­தி­ருந்­தார். போர்க்­குற்ற விசா­ர­ணை­க­ளைக் கொழும்பு நடத்­தத் தவ­றி­னால், வேறு வழி­க­ளில் அந்த விசா­ர­ணையை நடத்த வேண்­டிய அவ­சி­யம் ஏற்­ப­டும் என்று அவர் எச்­ச­ரித்­தி­ருந்­தார்.

ஆனால், கொழும்பு இந்த எச்­ச­ரிக்­கை­கள் தொடர்­பில் அலட்­டிக் கொண்­ட­தாக இல்லை.

ஐ.நா. மனித உரி­மை­கள் ஆணை­யா­ளர் சயிட் – அல் ஹுசை னின் எச்­ச­ரிக்கை கடந்த மாதம் வெளி­யா­ன­தன் பின்­னர்­கூட, அரசு பொறுப்­புக் கூறல் தொடர்­பில் எது­வும் அலட்­டிக்­கொண்­ட­தா­கத் தெரி­ய­வில்லை.

அந்த விட­யத்­தில் காரி­யங்­கள் இம்­மி­ய­ள­வும் நக­ர­வில்லை. போர்க் குற்­றங்­கள் தொடர்­பில் விசா­ரிப்­ப­தற்கு வெளி­நாட்டு நீதி­ப­தி­கள் மற்­றும் விசா­ர­ணை­யா­ளர்­களை உள்­ள­டக்­கிய கலப்பு நீதி­மன்­றம் ஒன்று அமைக்­கப்­ப­டும் என்று அறி­விக்­கப்­பட்­ட­போ­தும் அது தொடர்­பில் எந்த நகர்­வும் இடம்­பெ­ற­வில்லை.

அதற்­கும் மேலாக அத்­த­கைய கலப்பு நீதி­மன்­றம் ஒன்று அமைக்­கப்­ப­ட­மாட்­டாது, படை­யி­னர் நீதி­மன்­றத்­தின் முன்­னால் நிறுத்­தப்­ப­ட­மாட்­டார் கள் என்று அரச தலை­வர்­கள் பகி­ரங்­க­மா­கக் கருத்­துத் தெரி­வித்து வரு­கி­றார்­கள்.

இந்த விட­யத்­தை­யும் பப்லோ தனது பய­ணத்­தின் இறு­தி­யில் சுட்­டிக்­காட்­டி­யுள்­ளார்.

“படை­யி­னரை நீதி­மன்­றத்­தில் நிறுத்­த­ மாட்­டோம் என்று எவரும் கூற­மு­டி­யாது. நீதி­மன்­றமே அத­னைத் தீர்­மா­னிக்­க­வேண்­டும். படை­யி­ன­ரைப் பாது­காப்­ப­தா­கக் கூறு­வது சுயா­தீன நீதித்­து­றையின் பண்­பு­களை மீறு­வ­தைப் போன்­ற­தா­கும். பொறுப்­புக்­கூ­றல் பொறி­மு­றை­யைத் தொடர்ந்தும் தாம­திக்­க­வேண்­டாம். இல்­லா­வி­டின் பொறுப்­புக்­கூ­றும் கடப்­பாட்டை உறு­திப்­ப­டுத்­து­வ­தற்கு உள்­நாட்­டிலோ அல்­லது வெளி­நாட்­டிலோ உரிய நட­வ­டிக்கை எடுக்­கப்­ப­டும்“ என்­றார் பப்லோ.

பப்லோ சொல்­வ­தைப் போன்று படை­யி­னரை நீதி­மன்­றத்­தில் நிறுத்த மாட்­டோம் என்­ப­தைத்­தான் திரும்­பத் திரும்ப அரச தலை­ வர்­கள் கூறி­வ­ரு­கின்­றார்­கள்.

அதே­நே­ரத்­தில் தமிழ் அர­சி­யல் கைதி­க­ளின் வழக்கை அனு­ரா­த­பு­ரம் நீதி­மன்­றத்­தில் இருந்து வவு­னி­யா­வுக்கு மீண்­டும் மாற்­றும்­படி கேட்­டால், நீதித்­துறை விவ­கா­ரத்­தில் தலை­யி­ட­மாட்­டோம் என்­றும் அதே தலை­வர்­கள் கூறு­வார்­கள். இது­தான் இலங்­கை­யின் நிலமை.

பாதிக்­கப்­ப­டு­ப­வர்­கள் தமி­ழர்­க­ளா­யின் நீதித்­து­றை ­யில் இந்­தத் தலை­வர்­கள் தலை­யி­ட­மாட்­டார்­கள். அதுவே பாதிக்­கப்­ப­டு­ப­வர்­கள் சிங்­க­ள­வர்­க­ளாக இருந்­தால், எந்­தத் தலை­யீட்­டைச் செய்­ய­வும் அவர்­கள் தயங்­க­மாட்­டார்­கள்.

ஆண்­டாண்டு கால­மா­கத் தொட­ரும் இந்த நிலையை எதிர்த்­துத்­தான் தமி­ழர்­கள் போரா­டி­னார்­கள், போரா­டிக்­கொண்­டி­ருக்­கி­றார்­கள்.

இது­போன்ற நிலை­க­ளில் பன்­னாட்­டுச் சமூ­கம் தலை­யிட்டு நீதியை, நியா­யத்தை ஏற்­ப­டுத்த முயன்­றால், அந்­தச் சக்­தி­க­ளைத் திருப்­திப்­ப­டுத்­து­வ­தற்­காக அதைச் செய்­கி­றோம் இதைச் செய்­கி­றோம் என்று வாக்­கு­று­தி­களை வழங்­கி­விட்டு, பின்­னர் அவற்றை நிறை­வேற்­றா­மல் விட்டு காலத்­தைக் கடத்தித் தப்­பிக்­கொள்­வ­து­தான் கொழும்­பின் இரா­ஜ­தந்­தி­ர­மாக எப்­போ­தும் இருந்து வரு­கி­றது.

இப்­போ­து­கூட, பப்­லோ­வின் பரிந்­து­ரை­களைச் செயற்­ப­டுத்த வேண்­டிய அவ­சி­யம் இல்லை என்று அவ­ரது வரு­கைக்கு முன்­ன­தா­கவே அர­சின் அமைச்­சர்­கள் கருத்­துத் தெரி­வித்­து­விட்­டார்­கள்.

எனவே பப்­லோ­வின் எச்­ச­ரிக்கை மற்­றும் கருத்­துக்­க­ளைச் செவி­ம­டுத்து கொழும்பு அரசு நல்­ல­வி­த­மான நட­வ­டிக்­கை­களை எடுக்­கும் என்று சொல்­ல­மு­டி­யாது.

ஏனெ­னில் ஐக்­கிய நாடு­கள் மனித உரி­மை­கள் கூட்­டத்­தொ­ட­ ரில் இலங்கை விவ­கா­ரம் பேசு பொருள் ஆகும்­போது தவிர, மற்­றைய நேரங்­க­ளில் ஐ.நாவை அரசு கணக்­கில் எடுக்­கி­றதா என்­கிற கேள்வி இருக்­கி­றது. அது எந்த அர­சாக இருந்­தா­லும் என்ன, நிலமை ஒன்­றே­தான்.