குடாநாட்டில் தலைவிரித்தாடும் வன்முறைக்கலாசாரம்

யாழ்.குடா­நாட்­டில் முன்­னெப்போ­தும் இல்­லாத அள­வுக்கு அண்­மைக்­கா­ல­மாக குற்­றச் செ­யல்கள் வகை தொகை­யின்றி அதி­க­ரித்த வண்­ண­முள்­ளன.

தமக்­குக் கிட்­டும் தக­வல்­க­ளின் அடிப்­ப­டை­யில் அச்சு ஊட­கங்­க­ளும் சரி, இலத்­தி­ர­னி­யல் ஊட­கங்­க­ளும் சரி இத்­த­கைய குற்­றச்­செ­யல்­கள் குறித்த தக­வல்­களை பொது­மக்­க­ளுக்கு அறி­யத்­தந்­தா­லும், குறித்த ஊட­கங்­ளுக்கு எட்­டாத் தக­வல்­க­ளா­க­வும் சிற்­சில குற்­றச்­செ­யல்­கள் யாழ்.குடா­நாட்­டின் பல்­வேறு பகு­தி­க­ளி­லும் இடம் பெறவே செய்­கின்­றன.

போர் இடம்­பெற்ற கால­கட்­டத்­தில் கூட, பாது­காப்­புப் படை­யி­ன­ரது கெடு­பிடி நட­வ­டிக்­கை­க­ளால் அச்­சம், பதற்­றம் மிகுந்த சூழ­லில் குடா­நாட்டு மக்­கள் தமது அன்­றாட வாழ்க்­கையை முன்­ன­கர்த்திச் சென்­றி­ருக்­கி­றார்­க­ளே­யொ­ழிய, இன்­றைய நாள்­க­ளைப் போன்று இரவு வேளை­க­ளில் எந்­த­நே­ரம் திருட்டுக் குழு வீட்­டுக் கத­வைத் தட்­டுமோ என்று குடும்­பத்து வளர்ந்த உறுப்­பி­னர்­கள் அஞ்­சும் நிலை ஏற்­பட்­ட­தில்லை.

அதே­ச­ம­யம் அண்­மைக்­கா­ல­மாக குடா­நாட்­டின் பல பகு­தி­க­ளில் இடம்­பெ­றும் வன்­மு­றைச் சம்­ப­வங்­கள் குறித்­துச் சிந்­தித்­துப் பார்க்­கும்­போது, ஏதோ­வொரு கண்­ணுக்­குப் புலப்­ப­டாத, திட்­ட­மிட்டு இவ்­வா­றான வன்­மு­றைச் சம்­ப­வங்­க­ளைத் தூண்­டி­வி­டும் ஒரு சக்தி குடா­நாட்டில் செயற் படு­வ­தா­கவே கருத வேண்­டி­யுள்­ளது.

அன்­றைய நாளின் தமது குடும்­பத்­துப் பொரு­ளா­தா­ரத் தேவை­களை ஈடு­செய்­யும் பொருட்டு பற்­பல விதங்­க­ளி­லான சிர­மங்­க­ளை­யும் பொருட்­ப­டுத்­தாது பகல் பொழுது முழு­வ­தும் பாடு­பட்­டு­ழைக்க வேண்­டிய சூழல் இன்று நில­வு­கி­றது.

குடும்­பத்து ஆண்­கள் மட்­டு­மென்­றல்­லாது, இன்­றைய நாளில் பெரும் எண்­ணிக்­கை­யி­லான பெண்­க­ளும் கூட தாம் தொழில் செய்­யும் இடங்­க­ளி­லி­ருந்து மாலை வேளை­க­ளில் தத்­தம் வீடு­க­ளுக்­குத் திரும்பி தமது பிள்­ளை­கள், பெற்­றோர், உடன் பிறந்­தோர் போன்ற குடும்­பத்து ஏனைய உற­வி­னர்­க­ளு­டன் சுக துக்­கங்­க­ளைப் பகிர்ந்து, இரவு உணவை ஒன்­றா­கக் கூடி உண்டு களைப்­புத் தீர ஆழ்ந்த உறங்க முடி­கின்­றதா? மடி­யில் கனம் இருந்­தால்­தானே வழி­யில் பயம்? என்ற கேள்­வி­யு­டன் எங்­கள் வீட்­டில் நுழைந்து எதைத்­தான் திரு­டப் போகி­றார்­கள்? என்ற மனப்­பாங்­கில் திரு­டர் பயம் எது­வு­மின்றி தத்­தம் இர­வு­பொ­ழு­தைக் கழிக்­கும் குடும்­பங்­கள் பல யாழ்.குடா­நாட்­டில் இல்­லா­ம­லில்லை.

சேமிப்­புப் ப­ழக்­கம் தமி­ழர் 
வாழ்­வு­டன் ஒட்­டிக் கொண்ட ஒன்று

தத்­த­மது பொரு­ளா­தா­ரச் சிர­மங்­களை ஈடு­செய்­து­கொள்ள இய­லாத நிலை­யில், உழைப்­புக்கு மிஞ்­சிய தேவை­கள் கொண்ட குடும்­பத்­த­வர்­கள் பலர் எம் மத்­தி­யில் வாழ்ந்து வரு­வது உண்­மையே.

ஆனால் அண்­மைய நாள்­க­ளில் வெளி­வ­ரும் பத்­தி­ரி­கைச் செய்­தி­க­ளின்­படி, அத்­த­கைய தரப்­பி­னர்­கள்கூட, அங்­கிங்­கெ­னா­த­படி எங்­கும் நிறைந் துள்ள சக்தி எனக் கொள்­ளத்­தக்க வழிப்­பறிக் கோஷ்­டி­க­ளி­டம் வகை­யாக மாட்­டிக் கொண்டு காதில் கழுத்­தில் மின்­னும் ஒன்­றி­ரண்டு தங்க நகை­க­ளைக்கூடப் பறி­கொ­டுக்க நேர்ந்து விடு­கின்­றதே?

என்­ன­தான் பொரு­ளா­தா­ரச் சுமை­யு­டன் வாழ்ந்­தா­லும் எம்­ம­வர்­க­ளில் பெண்­கள் பெரும்­பா­லும் கழுத்­தில் ஒரு தங்­கச் சங்­கி­லி­யா­வது அணி­யாது வெளி­யில் செல்­வ­தில்­லையே? வாயைக் கட்டி வயிற்­றைக்­கட்­டித் தமது மனைவி மற்­றும் பெண்­பிள்­ளை­க­ளுக்கு கழுத்­தில் அணிய ஏதா­வ­தொரு பெறு­ம­தி­யில் குறைந்­த­
தா­யி­னும், தங்க நகை­யொன்­றை­யா­வது அணிய வைக்க எமது குடும்­பத் தலை­வர்­க­ளில் பெரும் பா­லோர் பின்­னிற்­ப­தில்­லையே?

அது­வு­மன்றி அரச மற்­றும் தனி­யார் துறை­க­ளில் தொழில் செய்­யும் இளம்­பெண்­கள் தத்­த­மது மாதாந்­தச் சம்­ப­ளத்­தி­ல் இ­ருந்து சிறு­கச் சிறு­கச் சேமித்து தமக்­கான அத்­தி­யா­வ­சிய தங்க நகை­களை வாங்கி அணிந்து மகிழ்­கி­றார்­களே!

இத்­த­னை­யை­யும் ஒரு சில கொள்­ளிக் கண்­கள் நோட்­ட­மிட்டு, தரு­ணம் பார்த்து எங்கோ ஆகா­யத்­தில் உய­ரப் பறந்­தா­லும் கீழே நிலத்­தில் தாய்க்­கோ­ழி­யு­டன் இரை­தே­டும் கோழிக்­குஞ்­சு­க­ளைத் தனது பார்­வை­யால் நோட்­ட­மிட்டு, தக்க தரு­ணம் பார்த்­துக் கீழி­றங்கி வந்து பக்­கெ­னத் தூக்­கிச் சென்­று­வி­டும் பருந்து போன்று, நாளும் பொழு­தும் பாதை­யில் தனித்­துப் பய­ணிக்­கும் பெண்­க­ளின் கழுத்­தில் மின்­னும் நகை­க­ளைக் குறி­வைத்து அங்­கு­மிங்­கும் இரண்டு மூன்று தட­வை­கள் தம­து­மோட்­டார் சைக்­கிள்­க­ளில் வட்­ட­மிட்டு சங்­கி­லியை இறாஞ்­சிச் செல்­லும் ‘ஹீரோக்­கள்’ எம் மத்­தி­யில் இன்று அதி­க­ரித்­து­விட்­ட­னரே?

அரங்­கே­றும் சின்­னத்­திரை
அடா­வ­டித்­த­னங்­கள்

பகல் பொழு­தின் சிர­மங்­கள் காரணமான உடற் சோர்வினின்றும் விடு­பட ஆழ்ந்த உறக்­கத்­தில் இருக்­கும் குடும்­பத்­த­வர்­களை கையில் வாள்­கள், பொல்­லு­க­ளு­டன் வரும் ‘ஹீரோக்­கள்’ கத­வைத் தட்டி எழுப்­பு­கி­றார்­கள்.

இப்­போ­தெல்­லாம் எம்­ம­வர்­க­ளில் பலர் திரு­டர்­கள் குறித்த எச்­ச­ரிக்கை உணர்­வில், வீட்­டுக்­க­த­வு­கள், அத்­த­னைக்­கும் திறப்­புக­ளு­டன் கூடிய விலை­யு­யர்ந்த பூட்­டுக்­கள் போட்டு, போதா­தென்று ஒவ்­வொரு கத­வு­க­ளின் உட்­பு­ற­மும் திறாங்­கு­கள் பொருத்தி ‘பார்க்­கட்டை’ போட்டு பாது­காப்பு ஏற்­பா­டு­கள் கன­கச்­சி­த­மா­கத்­தான் செய்து கொள்­கி­றார்­கள்.

ஹீரோக்­க­ளது அட்­ட­கா­சத்­துக்கு அஞ்சி வீட்­டார் கூக்­கு­ர­லிட்டு அண்டை அய­லா­ரின் உத­வி­கோ­ரிச் சத்­த­மிட்­டா­லும், ஒரு சில துணிச்­சல்­கா­ரர், மனச்­சாட்­சி­யுள்ள அண்டை அய­லார்­தான் அச்­ச­மின்றி தத்­தம் வீடு­களை விட்டு வெளி­யில் வந்து ஹீரோக்­கள் கோஷ்­டி­களை பின்­வாங்­கித் தலை­ம­றை­வாகி ஓடித் தப்ப வழி செய்­கின்­ற­னர்.

ஏனைய பெரும்­பா­லான சந்­தர்ப்­பங்­க­ளில், அச்­சத்­தின் கார­ண­மாக, வாள்­வெட்டு, கொட்­டன் தாக்­கு­தல்­க­ளுக்கு உள்­ளாக நேரி­டுமோ என்ற அச்­சம் கார­ண­மாக அண்டை அய­ல­வர்­கள் உத­விக்­குச் செல்­லத் தயங்­கு­வ­துண்டு, அல்­லது தாம­திப்­ப­துண்டு.
அத்­த­கைய நிலை­யில் ‘ஹீரோக்­க­ளால்’ வாசல் கதவு உடைத்­துத் திறக்­கப்­ப­டும்.

உத­வி­கள் கிட்­டாத நிலை­யில் அச்­சத்­தில் உறைந்­து­போ­கும் குடும்­பத்­த­வர்­களை மிரட்­டியோ, மிரட்­டல்­க­ளுக்கு மசி­யாத குடும்­பத்­த­ வர்­க­ளைத் தாக்­கியோ, அந்­தக் குடும்­பத்­த­வர்­கள் வச­மி­ருக்­கும் தங்க நகை­கள், பணம் என்­ப­வற்­றை­யெல்­லாம் வாரிச் சுருட்டி எடுத்­துக் கொண்டு ‘நம்ம ஹீரோக்­கள்’ ‘எஸ்­கேப்’ ஆகி­வி­டு­கி­றார்­கள்.

பிற­கென்ன? சினி­மாக்­காட்­சியோ, சின்­னத்­தி­ரைக் காட்­சியோ காட்சி மாறு­வ­து­போன்று பொலி­ஸில் முறைப்­பாடு, பொலி­ஸார் சம்­பவ இடத்­துக்கு வந்து துரு­வித்­து­ருவி ஆராய்வு, நகை­கள், பணத்­தைப் பறி­கொ­டுத்­தோ­ரி­டம் சலிப்பு ஏற்­ப­டும் அள­வுக்கு விசா­ரணை, வாக்­கு­மூ­லப் பதிவு என்­ப­வற்­றோடு தொட­ரும் காட்­சி­கள், சந்­தே­கத்­தின் பேரில் சிலர் கைது, பொலி­ஸார் திருட்­டுக் கோஷ்­டி­யி­னரை நெருங்­கி­விட்­ட­னர்.

ஓரிரு தினங்­க­ளில் திருட்­டுக் கோஷ்­டி­யி­னர் கைதா­வர் என்ற பர­ப­ரப்­பு­டன் தொடர்ந்து, மேலும் சில நாள்­க­ளில் பர­ப­ரப்­புத் தானா­கவே அடங்­கி­வி­டும்.

தமது வியா­பார நிலை­யத்­தில் மாலை­வே­ளை­யில் கடைக்கு வரும் வாடிக்­கை­யா­ளர்­க­ளது தேவை­களை நிறை­வேற்­றிக் கொடுப்­ப­தில் கண்­ணும் கருத்­து­மாக இருக்­கி­றார் வியா­பார நிலைய உரி­மை­யா­ளர். கடை­யில் வேலை செய்­யும் உத­வி­யா­ளர்­க­ளும் தம்­பாட்­டுக்­குச் சுறு­சு­றுப்­பாக இயங்­கிக் கொண்­டி­ருக்­கின்­ற­னர்.

இருந்­தாற்­போ­லி­ருந்து திடு­திப்­பென மூன்று, நான்கு மோட்­டார் சைக்­கிள்­க­ளில் வந்­தி­றங்கி கடைக்­குள் புகும் இளை­ஞர் கோஷ்­டி­யொன்று, கடை­யி­லுள்ள சாமான்­கள் அனைத்­தை­யும் உடைத்­தெ­றிந்து கடை உரி­மை­யா­ள­ரை­யும் அவ­ருக்கு உதவ வரும் ஊழி­யர்­க­ளை­யும் தத்­த­மது கைக­ளி­லுள்ள வாள்­க­ளால் வெட்­டி­யும், பொல்­லு­க­ளால் தாக்­கி­யும் படு­கா­யப்­ப­டுத்­தி­விட்டு கண்­ணி­மைக்­கும் நேரத்­தில் அங்­கி­ருந்து தப்­பிச் சென்று விடு­கின்­ற­னர்.

இத்­த­னைக்­கும் இத்தகைய தாக்­கு­தல்­களை மேற்­கொண்­டோர் தம்மை அடை­யா­ளம் தெரி­யாத அள­வுக்கு முகங் களைக் கறுப்­புத் துணி­க­ளால் மறைத்­துக் கொண்­டி­ருந்­த­தாக சம்­ப­வங்களை நேரில் பார்த்­தோர் தெரி­வித்துள்ளனர். சரி, பொ­லி­ஸார் வரு­கி­றார்­கள்; வழ­மை­போன்று விசா­ர­ணை­கள்; சாட்சி யப் பதி­வு­கள், பத்­தி­ரி­கை­கள் சம்­ப­வத்தை விவ­ரித்து செய்­தி­கள் பிர­சு­ரிக்­கின்­றன.

ஓரிரு நாள்­கள் அந்­தச் சம்­ப­வம் பத்­தி­ரி­கைள் மத்­தி­யி­லும், பொது­மக்­கள் மத்­தி­யி­லும் பேசு­பொ­ரு­ளா­கி­றது. பொலி­ஸார் தரப்பை பத்­தி­ரி­கை­கள் கிண்­டிக் கிளறி விசா­ரித்­தா­லும், சம்­ப­வம் குறித்­துப் பொலி­ஸார் தீவிர கவ­னம் செலுத்தி வரு­கின்­ற­னர் என்ற வழமையான பதி­லோடு விட­யம் மட்­டுப்­ப­டுத்­தப்­ப­டு­கி­றது.
தாக்­கு­த­லுக்கு உள்­ளான கடை உரி­மை­யா­ள­ரும் ஊழி­யர்­க­ளும் வைத்­தி­ய­சா­லை­யில் சிகிச்சை பெற்­றுத் திரும்­பிய சில நாள்­க­ளில் வழ­மை­போன்று அந்த வியா­பார நிலை­யம் இயங்க ஆரம்­பிக்கின்றது.

முன்­பகை கார­ண­மாக எவ­ரா­வது தூண்­டி­விட்டு இத்­த­கைய வன்­மு­றைக் கும்­ப­ல் களைப் பயன்­ப­டுத்தி தாக்­கு­தலை மேற்­கொள்­வித்­தார்­களா? என்று தெரிந்­து­கொள்ள பாதிக்­கப்­பட்ட தரப்­பி­னர்­க­ளது வாயைக் கிண்டி ஏதா­வது தெரிந்­து­கொள்ள முடி­கி­றதா என்று முயன்று பார்த்­தால், எவ­ரா­லுமே அந்­தச் சம்­ப­வத்­துக்­கான அடி­மு­டி­யைத் தெரிந்­து­கொள்­ளக் கூடிய அள­வுக்­குப் பதி­ல­ளிக்க முடி­ய­ வில்லை.

இந்த நிலை­யில் குறித்த சம்­ப­வம் குறித்து மேல­திக தேடு­தலை விடுத்து விட­யத்துக்கு முற்­றுப்­புள்­ளி­யிட்டு முடித்­துக் கொள்­வ­தைத் தவிர வழி­யே­து­மில்லை.

முன்­னைய பயங்­கர யுகத்தை 
நினை­வூட்­டும் படு­கொ­லைச் 
சம்­ப­வங்­கள்

இதே­போன்று குடாநாட்­டில் அண்­மைக் காலத்­தில் இடம்­பெற்ற படுகொ­லைச் சம்­ப­வங்­கள் சில­வற்­றில் பாது­காப்­புத் தரப்­பி­னர்­கள் சம்­பந்­தப் பட்­டி­ருக்­கக்­கூ­டும் என்று சந்­தே­கம் நிலவி வந்­தது. அதனை உறு­திப்­ப­டுத்­தும் வித­மாக சில நாள்­க­ளுக்கு முன்­னர் இடம்­பெற்ற படு­கொ­லைச் சம்­ப­வ­மொன்று தொடர்­பாக பாது­காப்­புத் தரப்­பைச் சேர்ந்த இரண்டு அதி­கா­ரி­கள் சந்­தே­கத்­தின் பேரில் கைது செய்­யப்­பட்­டுள்­ள­னர் என்று தெரி­விக்­கப்­ப­டு­கி­றது.

இந்த நிலை­யில் யாழ் குடா­நாடு இத்­த­கைய சீர்­கேட்­டுக்கு உட்­பட நேர்ந்­த­மைக்­கான கார­ணம் தொடர்­பில் நோக்­கு­த­லும் பய­னு­டைத்து.

குடா­நாட்டு இளை­ஞர்­கள் மத்­தி­யில் வேலை வாய்ப்­பின்மை அதி­க­ரித்­துள்­ளது. இத­னால் அவர்­கள் மன விரக்­திக்கு உட்­பட்­டுள்­ள­னர். இதன் கார­ண­மா­கவே எமது இளை­ஞர்­கள் இத்­த­கைய போக்­கில் நடந்­து­கொள்­கின்­ற­னர் என்று நான் கரு­து­கி­றேன் என்று ஓய்­வு­பெற்ற ஆசி­ரி­யர் ஒரு­வர் கருத்­துத் தெரி­வித்­தார்.

இன்­றைய இயந்­தி­ர­மய வாழ்க்­கைச் சூழ­லில் இயங்க நேர்ந்­த­தன் கார­ண­மா­க, பெற்­றோர்­கள் பல­ரும் தமது பிள்­ளை­க­ளது நடத்­தைக் கோலங்­க­ளைக் கண்­கா­ணிக்க வேண்­டிய வேளை­ க­ளில் வேண்­டிய அறி­வு­ரை­க­ளைக்­கூறி சரி­யான பாதை­யில் வழி­ந­டத்­து­வ­தில் இய­லாத் தன்­மைக்கு உட்­பட்­ட­தன் கார­ண­மா­கவே எமது இளைய சமு­தா­யத்­தி­னர் இவ்­வி­தம் தவ­றான பாதை­யில் பய­ணிக்­கக் கற்­றுக்­கொண்­டுள்­ள­னர் என்று ஆவே­சத்­து­டன் கருத்து வெளி­யிட்­டார் சமூ­கத்­தொண்­டில் ஆர்­வம் காட்­டிச் செயற்­ப­டும் பிரமுகரொருவர்.

எமது ஈழத்­த­மி­ழி­னம் தனக்­கென வகுத்து, பல்­லாண்­டு­கள் கால­மாக பேணிக் காத்து கடைக்­கொண்­டு­வந்த தனித்­து­வ­மான பண்­பாட்டு விழு­மி­யங்­க­ளை­யும், பழக்க வழக்­கங்­க­ளை­யும் இந்த அள­வுக்­குப் பிறழ்­வு­பட வைத்­தவை தமிழ் நாட்­டுச் சினி­மாத் து­றை­யும் சின்­னத்­திரை நிகழ்ச்­சி­க­ ளுமே என்று கடும் தொனி­யில் குற்­றம்­சாட்­டி­னார் சம­ய­வா­தி­யொ­ரு­வர். போதா­த­தற்கு இலத்­தி­ர­னி­யல் ஊட­கங்­க­ளை­யும் அவர் விட்­டு­வைக்­க­ வில்லை.

குற்­றச்­சாட்­டைக் கேட்­ட­தும் என்­னு­டன் கூடவே வந்­தி­ருந்த, பல்­க­லைக் கழ­கத்­தில் கல்­வி­கற்­கும் இளை­ஞ­ரொ­ரு­வர் ‘‘ஐயா! உல­கமே இன்று கடும் வேகத்­தில் மாற்­றம் கண்டு வரு­கி­றது. ஊரோடு ஒத்­து­ஓடு என்­பது எம்­ம­வர்­கள் சொல்­லிச்­சென்ற முது­மொழி. இந்த நிலை­யில் இன்­றைய தொழில்­நுட்ப யுகத்­தில் நாமும் உலக ஓட்­டத்­துக்கு ஏற்ப மாறித்­தானே ஆக­வேண்­டும்’’ என வாதிட்­டார்.

பல்­கலை மாண­வ­னின் வாதத்தை கணக்­கில் எடுக்­காத அந்தச் சம­ய­வாதி, ‘‘எதை­யா­வது செய்­யுங்­கள், எப்­ப­டி­யா­வது மாறிக்­கொள்­ளுங்­கள். ஆனால், பொறு­மை­யை­யும், அமை­தி­யை­யும், நிம்­ம­தி­ யான வாழ்க்­கை­யை­யும் விரும்­பும் எம்மவர்கள் மீது சமூ­க­வி­ரோத வன்­மு­றைக் கலா­சா­ரத்­தைத் திணிக்க முய­லா­தீர்­கள்’’ என வேண்­டிக்­கொண்­டார்.

தொலைந்­து­போன நிம்­ம­தி­நிலை

ஒரு­பெண் அச்­சம் எது­வு­மின்றி தனி­யாக இர­வில் பய­ணிக்­கத்­தக்க சூழ்­நிலை நில­வி­னா­லேயே இந்­திய நாடு சுதந்­தி­ரம் பெற்­று­விட்­ட­தா­கக் கொள்ள முடி­யும் என இந்­தி­யத் தலை­வ­ரொ­ரு­வர் தெரி­வித்­த­தாக சின்ன வய­தில் நூலொன்­றில் வாசித்த ஞாப­க­முண்டு. ஆனால், அத்­த­கை­ய­தொரு நிலை யாழ் குடா­நாட்­டில் ஒரு கால­கட்­டத்­தில் நில­வி­யதை எவ­ரா­லும் மறுத்­து­ரைக்க இய­லாது. எமது ஈழத்­த­மி­ழர் வர­லாற்­றில் இறுக்­க­மாக இடம்­பி­டித்­துள்ள பதி­வு­கள் அவை.

காலச்­சு­ழற்­சி­யில் அயல்­நாடு, மேற்­கு­லக நாடு­க­ளின் சூழ்ச்­சி­யா­லும் சிங்­கள ஏகா­தி­பத்­திய ஆட்­சி­யா­ளர்­க­ளின் நய­வஞ்­ச­கத்­தி­னா­லும் அத்­த­கைய அமை­திச்­சூ­ழல் அழிக்­கப்­பட்டு, தமிழ் மக்­க­ளுக்­கான நீதி நியா­யம் மறுக்­கப்­பட்டு, ,உரி­மை­கள் புறக்­க­ணிக்­கப்­ப­டும் அர­சி­யல் சூழ­லொன்று இன்று தலை­தூக்­கி­யுள்­ளது.

இந்த நிலை­யில் எம்­ம­வர்­க­ளது அமை­தி­யான, சாத்­வீ­க­மான போக்­கைத் திட்­ட­மிட்டு மாற்­றி­ய­மைத்து, எமது இனத்­தின் இளம் சமூ­தா­யத்­தி­னரை வன்­மு­றைக் கலா­சாரத்­துள் மூழ்­க­டிப்­ப­தன்­மூ­லம் இனத்­தின் இருப்­பை­யும், அமைதி நிலை­யை­யும் இல்­லா­தொ­ழித்­திட கண்­ணுக்­குப் புலப்­ப­டாத சக்­தி­யொன்று திட்­ட­மிட்­டுச் செயற்­பட்டு வரு­கின்­றதா என்று எம்­ம­வர்­கள் பல­ரின் மத்­தி­யில் சந்­தே­கம் கருக்­கொண்­டுள்­ளது.

இத்­த­கைய சந்­தே­கம், அண்­மைய நாள்­க­ளில் இடம்­பெ­றும் மேற்­கு­றித்த வன்­மு­றைச் சம்­ப­வங்­க­ளின் மூலம் மேலும் அதி­க­ரித்­துச் செல்­கி­றது.

நாட்­டின் நீதித்­துறை இது விட­யத்­தில் கவ­னம் செலுத்தி தமி­ழி­னத்­த­வர்­கள் தமது நாளாந்த வாழ்க்­கையை பதற்­ற­மின்றி, அச்­ச­மின்றி அமை­தி­யான வழி­யில் முன்­னெ­டுத்­துச் செல்ல உத­விட வேண்­டும். இத்­த­கைய வன்­மு­றைக் கலா­சா­ரம் தலை­வி­ரித்­தாடி, ஏற்­க­னவே நொந்­து­போ­யுள்ள எம்­ம­வர்­களை மேலும் வதைக்­கா­மல் தடுக்க வேண்­டும்.

அடா­வ­டித்தனங்­க­ளில் ஈடு­ப­டு­வோரை தய­வு­தாட்­ச­ணி­யம் இன்றி தண்­டித்­துக் கட்­டுப்­ப­டுத்­து­தல் இன்­றைய காலத்­தின் கட்­டா­ய­மாக ஆகி­யுள்­ளது. இதுவே எம்­ம­வர்­க­ளின் இன்­றைய எதிர்­பார்ப்­பு­மா­கும்.