தற்­போ­தைய அர­சின் காலத்­தி­லும் தமிழ் இளை­ஞர்­கள் தடுப்­புக் காவ­லில் வைக்­கப்­பட்டு சித்­தி­ர­வ­தை­க­ளுக்­கும், பாலி­யல் துன்­பு­றுத்­தல்­க­ளுக்­கும் உள்­ளாக்­கப்­ப­டு­கி­றார்­கள் என்­கிற குற்­றச்­சாட்டு மீண்­டும் எழுப்­பப்­பட்­டுள்­ளது.

‘அசோ­சி­யேட் பிரஸ்’ பன்­னாட்டு ஊட­கம் இது தொடர்­பாக அண்­மை­யில் அறிக்­கை­யிட்­டி­ருந்­தது. அதில் புலம்­பெ­யர் நாடு­க­ளில் தஞ்­ச­ம­டைந்த இளை­ஞர்­கள் பல­ரது உடல் க­ளில் காணப்­பட்ட காயங்­க­ளும் ஆதா­ர­மாக முன்­வைக்­கப்­பட்­டி­ருந்­தன.

இந்த விட­யம் பூதா­கா­ர­மா­கக் கிளம்­பி­யதை அடுத்து அப்­ப­டிப்­பட்ட எந்­த­வொரு குற்­றங்­க­ளும் நடக்­க­வில்லை என்று இலங்கை அரச தரப்­பி­லி­ருந்து மறுப்பு வெளி­யி­டப்­பட்­டுள்­ளது.

படை­யி­னர் பாலி­யல் வன்­முறை மற்­றும் சித்­தி­ர­வ­தை­க­ளில் தொடர்ந்து ஈடு­பட்டு வரு­கின்­ற­னர் என்று வெளி­யான குற்­றச்­சாட்­டுக்­கள் அடிப்­படை ஆதா­ரங்­கள் அற்­றவை என்று பாது­காப்பு அமைச்­சின் செய­லா­ளர் கபில வைத்­தி­ய­ரட்ன மறுத்­தி­ருந்­தார்.

அந்­தச் செய்­திக்­கான ஆதா­ரங்­க­ளா­கக் காட்­டப்­பட்ட இளை­ஞர்­க­ளின் உடல்களில் காணப்­பட்ட காயங்­கள் அவர்­க­ளின் நண்­பர்­க­ளால் ஏற்­ப­டுத்­தப்­பட்­ட­வை­யாக இருக்­கும் என்­று­கூறி அத்­த­கைய குற்­றச்­சாட் டுக்­களை இல­கு­வாக அவர் மறுத்­தி­ருந்­தார்.

பாலி­யல் வன்­முறை, சித்­தி­ர­வ­தை­கள் போன்­ற­வற்றை அடி­யோடு ஏற்­றுக்­கொள்­வ­தில்லை என்­ப­து­தான் அர­சின் கொள்கை என்­றும் அவர் தெரி­வித்­தி­ருக்­கி­றார்.

எழுந்­த­மா­ன­மான, முறை­யான விசா­ர­ணை­கள் ஏது­மற்ற அவ­ரது கருத்து கண்­டிக்­கத்­தக்­கது. யதார்த்­தத்­துக்கு எந்­த­வ­கை­யி­லும் நெருங்­கி­வர முடி­யா­தது.

இலங்கை அர­சு­கள் கொண்­டி­ருக்­கும் கொள்­கைக்­கும் உண்­மைக்­கும் இடையே மிகப் பெரும் இடை­வெளி இருக்­கும் என்­பதை வைத்­தி­ய­ரத்ன அறி­யா­த­வ­ரல்­லர்.

எந்­த­வொரு அப்­பா­விப் பொது­ம­க­னை­யும் கொல்­வ­தில்லை என்­கிற அறி­விக்­கப்­பட்ட கொள்­கை­யு­டன் முன்­னெ­டுக்­கப்­பட்ட இறு­திப் போரில் 40 ஆயி­ரம் முதல் 70 ஆயி­ரம் வரை­யான பொது­மக்­கள் கொல்­லப்­பட்­டி­ருக்­க­லாம் என்று ஐக்­கிய நாடு­கள் சபை­யும், அரச புள்­ளி­வி­வ­ரங்­க­ளின் அடிப்­ப­டை­யில் ஒரு லட்­சத்து 40 ஆயி­ரம் பேர் வரை­யா­னோர் கொல்­லப்­பட்­டி­ருக்­க­லாம் என்று தன்­னார்வ அமைப்­பு­க­ளும் தக­வல் தரு­வதை அவர் அறி­யா­த­வ­ரு­மல்­லர்.

எனவே அறி­விக்­கப்­பட்ட கொள்­கைக்­கும் இலங்­கை­யின் கள யதார்த்­தத்­துக்­கும் என்­றுமே தொடர்­பு­கள் இருந்­த­தில்லை. தடுப்­புக் காவ­லில் இருப்­போர் மீதான சித்­தி­ர­வ­தை­க­ளும் வன்­மு­றை­க­ளும்­கூட அப்­ப­டிப்­பட்­ட­வைதான்.

முன்­னைய அர­சின் காலத்­தில் தமிழ் மக்­க­ளை­யும் அவர்­க­ளின் விடு­த­லைப் போராட்­டத்­தை­யும் அடக்கி ஒடுக்­கு­வ­தற்­கான திட்­ட­மிட்ட பொறி­மு­றை­யாக சித்­தி­ர­வ­தை­ க­ளும் பாலி­யல் வன்­மு­றை­க­ளும் பயன்­ப­டுத்­தப்­பட்டு வந்­தன.

வடக்கு – கிழக்கு வாழ் ஒவ்­வொரு தமி­ழ­னும் அதற்­குச் சாட்சி. அந்­தப் பொறி­மு­றைக்­குள் வாழ்ந்து, பயிற்­றப்­பட்டு, பழக்­கப்­ப­டுத்­தப்­பட்டு, வளர்த்­தெ­டுக்­கப்­பட்டு இருப்­ப­வர்­களே இன்று வரை­யி­லும் படை­யி­ன­ரா­க­வும் பொலி­ஸா­ரா­க­வும் தமிழ் மக்­கள் வாழும் பகு­தி­க­ளில் கட­மை­யாற்­று­கி­றார்­கள்.

2015ஆம் ஆண்­டில் ஆட்சி மாற்­றம் ஏற்­பட்ட பின்­னர் இந்­தத் திட்­ட­மிட்ட சித்­தி­ர­வ­தைப் பொறி­மு­றைக்­குள் இருந்து அவர்­களை வெளியே கொண்­டு­வ­ரு­வ­தற்­கான பயிற்­சி­களோ, முறை­யான உள­வ­ளத்­து­ணையோ, சித்­தி­ர­வதை உத்­திக்­குப் பதி­லீ­டான மேம்­பட்ட தொழில்­நுட்ப அறி­வுப் புகட்­டலோ பெரி­ய­ள­வில் படை­யி­னர் மற்­றும் பொலி­ஸா­ருக்கு வழங்­கப்­ப­ட­வில்லை என்­னும்­போது, அவர்­கள் தொடர்ந்­தும் சித்­தி­ர­வதை மற்­றும் பாலி­யல் வதையை தமது விசா­ரணை நுட்­ப­மாக, உத்­தி­யா­கப் பயன்­ப­டுத்­து­வ­தைக் கைவி­டு­வ­தற்கு எந்த முகாந்­தி­ர­மும் இல்லை. உண்­மை­யும் அது­தான்.

பொலி­ஸா­ரி­னா­லும் சில படைத்­து­றைப் புல­னாய்­வா­ளர்­க­ளா­லும் கைது செய்­யப்­பட்­டுத் தடுப்­புக்­கா­வ­லில் வைக்­கப்­ப­டு­ப­வர்­கள் சித்­தி­ர­வ­தை­க­ளுக்­கும் பாலி­யல் வதை­க­ளுக்­கும் உள்­ளா­கி­றார்­கள் என்­பது மறுக்­க­மு­டி­யாத உண்மை. அந்­தப் பொறி­முறை தொடர்­கின்­றது. அதில் கடந்த 2 வரு­டங்­க­ளில் எந்த வித மாற்­ற­மும் ஏற்­ட­வில்லை.

தற்­போ­தைய கூட்டு அர­சின் காலத்­தில் பொலி­ஸா­ரின் தடுப்­புக் காவ­லில் வைக்­கப்­பட்­டி­ருந்த தமிழ் இளை­ஞர் சித்­தி­ர­வதை செய்­யப்­பட்­டுக் கொல்­லப்­பட்­டார். அதற்­காக பொலிஸ் அதி­காரி உட்­பட ச் சில பொலி­ஸார் நீதி­மன்­றத்­தால் குற்­ற­வா­ளி­கள் என்று அறி­விக்­கப்­பட்டு தண்­டனை பெற்­றுள்­ளார்­கள் என்­பதே அதற்­கான சான்று.

அரச படை­யி­ன­ரின் இது­போன்ற குற்­றங்­கள் தொடர்­பில் தொடர்ந்து குற்­றச்­சாட்­டுக்­கள் உள்­ளு­ரில் வந்­து­கொண்டே இருக்­கின்­றன. வைத்­தி­ய­ரத்ன சொல்­வ­தைப் போன்று புலம்­பெ­யர்ந்து தஞ்­சம் பெறு­வ­தற்­காக யாரோ ஒரு சிலர் தம்­மைத் தாமே காயப்­ப­டுத்­திக் கொள்­வ­தும் நடக்­கத்­தான் செய்­கி­றது. அதை­யும் மறுப்­ப­தற்­கில்லை.

ஆனால் அந்த ஒன்­றி­ரண்டு உதா­ர­ணங்­க­ளுக்­காக அரச கட்­ட­மைப்­பில் திட்­ட­மிட்டு இயங்­கும் சித்­தி­ர­வ­தைப் பொறி­மு­றையை இல்லை என்று சாதிப்­பது முழுப் பூசணிக்­காயை சோற்­றுக்­குள் மறைக்க முயற்­சிப்­ப­தற்கு ஒப்­பா­னது.

எனவே இது­போன்ற குற்­றச்­சாட்­டுக்­கள் எழுப்­பப்­ப­டும்­போது விரி­வான விசா­ர­ணை­களை நடத்­து­வ­தற்கு அரசு முன்­வ­ர­வேண்­டும், குற்­ற­வா­ளி­க­ளைத் தண்­டிக்­க­வேண்­டும். அதன் மூலம் மட்­டுமே திட்­ட­மிட்ட சித்­தி­ர­வ­தைப் பொறி­மு­றையை உடைக்க முடி­யும் இந்த அர­சால்.

அவ்­வா­றில்­லாமல் எந்­த­வி­சா­ர­ணை­யும் இன்றி எழுந்­த­மா­ன­மாக மறுப்­பது ஏற்­பு­டை­ய­தல்ல. கொழும்பு அர­சின் இத்­த­கைய போக்­கால்­தான் உள்­ளுர் விசா­ர­ணைப் பொறி­மு­றை­கள் மீது தமிழ் மக்­கள் எப்­போ­தும் நம்­பிக்கை வைப்­ப­தில்லை. உண்­மைக்­கும் நீதிக்­கு­மான பன்­னாட்டு அமைப்­பின் தலை­வர் யஸ்­மின் சூக்கா மிக அழ­கா­கச் சொல்­லி­யி­ருக்­கி­றார்.

“அறிக்கை வெளி­யாகி ஒரு­வா­ரத்­திற்­குள் நம்­ப­கத்­தன்­மை­யுள்ள விசா­ரணை ஒன்றை இலங்கை அரசு நடத்­தி­யி­ருக்­கும் என்­பதை ஏற்க முடி­யாது. நீதிப் பொறி­முறை குறித்த இலங்கை அர­சின் இத்­த­கைய நிலைப்­பா­டு­கள் கார­ண­மா­கத்­தான் போரி­னால் பாதிக்­கப்­பட்­ட­வர்­கள் எந்­த­வொரு உள்­ள­கப் பொறி­மு­றை­யை­யும் நிரா­க­ரிக்­கி­றார்­கள்.”