ஆணைக்­கு­ழு­வுக்கு ஒரு சபாஷ்!

உள்­ளூ­ராட்­சித் தேர்­த­லைப் பிற்­போட எடுக்­கப்­பட்ட அனைத்து முயற்­சி­க­ளை­யும் முறி­ய­டித்து திட்­ட­மிட் டது போன்றே எதிர்­வ­ரும் தை மாதத்­தில் அரை­வா­சித் தேர்­த­லை­யா­வது நடத்­து­வ­தில் தேர்­தல்­கள் ஆணைக்­குழு பிடி­வா­தத்­து­டன் நடந்­து­கொண்­டுள்­ளது. 93 உள்ளூ­ராட்சி சபை­க­ளுக்­கான தேர்­தல் நடக்­க­வுள்­ளது.

ஜன­நா­யக நாட்­டில் தேர்­தல்­கள் மக்­க­ளின் அடிப்­படை உரிமை, அதனை அர­சி­யல்­வா­தி­கள் தமது தேவைக்­காக ஒத்­திப்­போ­டு­வது ஏற்­பு­டை­யது அல்ல என்ற நிலைப்­பாட்­டைத் தொடர்ந்து வெளிப்­ப­டுத்தி வந்­தி­ருக்­கும் தேர்­தல்­கள் ஆணைக்­குழு, தனது கொள்­கையை நிலைநிறுத்­தும் வகை­யில் செயற்­பட்­டி­ருப்­பது பாராட்­டுக்­கு­ரி­யது.

தேர்­த­லைப் பின்­போ­டு­வ­தற்கு எடுக்­கப்­பட்ட அனைத்து முயற்­சி­க­ளை­யும் தாண்டி, அர­சி­யல் நோக்­கங்­க­ளுக்கு அடி­ப­ணி­யாது தேர்­தலை நடத்­து­வ­தில் உள்ள தனது அர்ப்­ப­ணிப்பை அது உறு­திப்­ப­டுத்­தி­யி­ருப்­ப­தும் வர­வேற்­கத்­தக்­கது.

உள்ளூ­ராட்­சித் தேர்­த­லைப் பிற்­போ­டு­வ­தில் சிறி­லங்கா சுதந்­தி­ரக் கட்­சியே முனைப்­பு­டன் இருப்­ப­தான குற்­றச்­சாட்டு ஒன்­றுண்டு.

கட்சி மைத்­திரி அணி மகிந்த அணி என்று இரண்­டா­கப் பிள­வு­பட்­டுக் கிடப்­ப­தால் இப்­போது தேர்­தலை எதிர்­கொள்­வது தமது கட்­சிக்­குப் பாத­க­மா­க­வும் ஐக்­கிய தேசி­யக் கட்­சிக்­குச் சாத­க­மா­க­வும் மாறி­வி­டும் என்­கிற அச்­சம் கார­ண­மா­கவே சுதந்­தி­ரக் கட்சி இத்­த­கைய நிலைப்­பாட்டை எடுத்­துள்­ளது என்­றும் கூறப்­ப­டு­கின்­றது.

மைத்­திரி, மகிந்த அணி­க­ளுக்கு இடை­யி­லான பேச்­சுக்­கள் ஓர் இணக்­கத்தை எட்­டும் வரைக்­கும் தேர்­த­லைத் தள்­ளிப்­போடுவதற்கான உள்ளூ­ராட்சி மற்­றும் மாகாண சபை­கள் அமைச்­ச­ரும் சுதந்­தி­ரக் கட்­சி­யின் முக்­கிய பிர­மு­க­ரு­மான பைசர் முஸ்­த­பா­வின் திட்­டத்தை தேர்­தல்­கள் ஆணைக்­கு­ழு­வும் புரிந்­து­கொண்­டி­ருந்­த­தால், அதற்கு இட­ம­ளிப்­ப­தில்லை என்­ப­தில் அது உறு­தி­யோடு நடந்­து­கொண்­டுள்­ளது.

என­வே­தான் உயர் நீதி­மன்­றத்­தில் தாக்­கல் செய்­யப்­பட்­டுள்ள வழக்­கோடு தொடர்­பு­பட்­டுள்ள உள்ளூ­ராட்சி சபை­கள் மற்­றும் சிறு சிக்­கல்­கள் கொண்ட சபை­கள் தவிர்ந்த 93 சபை­க­ளின் தேர்­தலை நடத்­து­வ­தற்கு ஆணைக்­குழு முடிவு செய்­துள்­ளது.
இலங்­கை­யில் 336 உள்ளூ­ராட்சி சபை­கள் உள்­ளன.

நீதி­மன்­றத்­தில் தொட­ரப்­பட்ட வழக்­கி­னால் அவற்­றில் 203 சபை­க­ளுக்கு தேர்­தலை நடத்த முடி­யாத நிலை தோன்­றி­யி­ருந்­தது. எஞ்­சிய 133 சபை­க­ளில்­கூட 40 சபை­க­ளுக்கு தேர்­தலை நடத்­து­வ­தில் சிறு தடங்­கல் இருக்­கி­றது.

தொகுதி வாரி­யான தேர்­தல் முறைமை அறி­மு­கப்­ப­டுத்­தப்­பட்­ட­தன் பின்­னர் , உள்ளூ­ராட்சி சபை­கள் மற்­றும் தொகு­தி­கள் தொடர்­பில் 2016ஆம் ஆண்டு விடுக்­கப்­பட்ட வர்த்­த­மானி அறி­வித்­த­லில் சில தொகு­தி­க­ளின் பெயர்­கள் தவ­றாக அச்­சி­டப்­பட்­டமை போன்ற சிறு சிக்­கல் கார­ண­மாக இந்த 40 சபை­க­ளி­ன­தும் திருத்­தப்­பட்ட வர்த்­த­மானி அறி­வித்­தல் வெளி­யி­டப்­ப­ட­வேண்­டி­யுள்­ளது.

உள்ளூ­ராட்சி அமைச்சே இந்­தத் திருத்­தங்­களை உட­ன­டி­யா­கச் செய்ய முடி­யும். அப்­ப­டித் திருத்­தப்­பட்ட வர்த்­த­மானி அறி­வித்­தல் வெளி­வந்­து­விட்­டால் 133 சபை­க­ளுக்­கு­மே­கூட தேர்­தலை நடத்­தி­விட முடி­யும்.

ஆனால், தேர்­த­லைப் பிற்­போ­டு­வ­தற்கு இதன் மூல­மும் ஏதா­வது தில்­லு­முல்­லு­கள் அரங்­கேற்­றப்­ப­டுமோ என்­கிற அச்­சம் கார­ண­மாக, இந்த 40 சபை­க­ளின் திருத்­தப்­பட்ட வர்த்­த­மானி அறி­வித்­தல் விடுக்­கப்­ப­டும் வரை காத்­தி­ருக்­கக்­கூட தேர்­தல்­கள் ஆணைக்­குழு மறுத்­து­விட்­டது.

அமைச்­சின் வர்த்­த­மானி அறி­வித்­த­லுக்­குக் காத்­தி­ருக்­கா­மல்93 சபை­க­ளுக்­கும் மட்­டும் தேர்­தலை அறி­வித்­தி­ருக்­கி­றது தேர்­தல்­கள் ஆணைக்­குழு.

மாற்­றம், நல்­லாட்சி, நேர்­மை­யான அர­சி­யல் என்று கூறிக்­கொண்டு பத­விக்கு வந்த அரச தலை­வர் மைத்­தி­ரி­பால சிறி­சே­ன­வுக்­கும், அவ­ரது கட்­சிக்­கும், கூட்டு அர­சுக்­கும் இதை­விட வேறு அவ­மா­னம் இருக்­க­மு­டி­யாது.

முழக்­கங்­கள் எல்­லா­வற்­றுக்­கும் மாறா­கவே இந்த ஆட்­சி­யில் செயல்­கள் அரங்­கே­று­கின்­றன என்­பதை தேர்­தல்­கள் ஆணைக்­குழு பறை­சாற்­றி­யுள்­ளது.