தென்னிலங்கையில் இருந்து வடக்கு நோக்கி சென்ற வான் கொக்காவிலில் விபத்து – ஸ்தலத்திலேயே நால்வர் பலி

குளோபல் தமிழ் செய்தியாளர்

கிளிநொச்சி கொக்காவில் பகுதியில் இன்று இரவு இடம்பெற்ற ஹயஸ் வாகன விபத்தில் சம்பவ இடத்தில் நால்வர் உயிரிழந்துள்ளனர்.

கொழும்பில் இருந்து யாழ் நோக்கி சென்ற ஹயஸ் ரக வாகனம் கொக்காவில் பகுதியில் கண்டி நெடுஞ்சாலையில் நிறுத்தி வைக்கப்பட்ட கனரக வாகனத்துடன் மோதி விபத்துக்கு உள்ளாகியுள்ளதாக தெரிவிக்கப்படுகின்றது.

குறித்த விபத்தில் ஹயஸ் ரக வாகனத்தில் பயணித்த நால்வர் சம்பவ இடத்திலையே உயிரிழந்துள்ளனர். விபத்து குறித்து காவல்துறையினர் மேலதிக விசாரணைகளை மேற்கொண்டு வருகின்றனர்.

 

http://globaltamilnews.net/2018/60501/

• கொக்காவிலில் கோர விபத்து – நால்வர் சம்பவ இடத்தில் சாவு!!

 

கொக்காவிலில் கோர விபத்து – நால்வர் சம்பவ இடத்தில் சாவு!!

பாரவூர்தியுடன் மோதியது ஹைஏஸ்

வீதியோரம் நிறுத்தப்பட்டிருந்த பாரவூர்தியுடன் ஹையேஸ் வாகனம் மோதியது. ஹையேஸ் வாகனத்தில் பயணித்த 4 பேர் சம்பவ இடத்திலேயே உயிரிழந்தனர். ஒருவர் காயமடைந்துள்ளார்.

இந்தக் கோர விபத்து கிளிநொச்சி, கொக்காவில் சந்திக்கு அருகில் இன்று இரவு நடந்துள்ளது. விபத்தில் சிக்கியவர்கள் யாழ்ப்பாணம், நெல்லியடியைச் சேர்ந்தவர்கள் என்று கூறப்படுகின்றது.

பழுதடைந்து வீதியோரம் நிறுத்தப்பட்டிருந்த பாரவூர்தியில் ஹையேஸ் வாகனம் மோதியுள்ளது. ஹையேஸ் வாகனம் முற்றாகச் சிதைந்தது.

 

படுகாயமடைந்தவர் கிளிநொச்சி மருத்துவமனைக்குக் கொண்டு செல்லப்பட்டார்.

பொலிஸார் விசாரணைகளை மேற்கொண்டுள்ளனர்.

http://newuthayan.com/story/61739.html