பொதுநலவாய கூட்டமைப்பு நாடுகளில் உச்சி மாநாட்டை பிரித்தானிய மகாராணி ஆரம்பித்து வைத்துள்ளார்

பொதுநலவாய கூட்டமைப்பு நாடுகளில் உச்சி மாநாட்டை பிரித்தானிய மகாராணி எலிசபெத் பக்கிங்காம் அரண்மனையில் இன்று தொடங்கி வைத்துள்ளார். தனக்கு பின்னர் இளவரசர் சார்ள்ஸ் பொதுநலவாய கூட்டமைப்புக்கு தலைமை தாங்குவார் என அவர் தெரிவித்துள்ளார்.

 

பொதுநலவாய கூட்டமைப்பில் உறுப்பினராக உள்ள 53 நாடுகளின் தலைவர்கள் இந்த மகாநாட்டில் பங்கேற்றுள்ளனர். மாநாட்டில் உரையாற்றிய 91 வயதான எலிசபெத் மகாராணி பொதுநலவாய கூட்டமைக்கு தனக்கு பின்னர் இளவரசர் சார்ள்ஸ் தலைமை தாங்குவார் எனவும் அவரது தலைமைக்கு உறுப்பினர்கள் ஒத்துழைக்க வேண்டும் எனவும் கோரிக்கை விடுத்துள்ளார்.

உறுப்பு நாடுகளின் ஒப்புதல் பெற்ற பின்னரே தலைமை பொறுப்புக்கு சார்ள்ஸ் வரமுடியும் என்பதனால் அதற்கான பணிகள் நாளை இடம்பெறும் எனவும் தெரிவிக்கப்பட்டுள்ளது

http://globaltamilnews.net/2018/75695/

காமன்வெல்த் உச்சிமாநாடு: தலைவர் பதவியில் இளவரசர் சார்லஸை நியமிக்க ராணி கோரிக்கை

 

• இதை பகிர ஃபேஸ்புக்கில்
•  
• இதை பகிர டுவிட்டரில்
•  
• இதை பகிர Messenger
•  
• இதை பகிர மின்னஞ்சல்
•  
• பகிர்க

தனக்கு பிறகு காமன்வெல்த் அமைப்பின் தலைவராக தனது மகனான இளவரசர் சார்லஸை நியமிக்க வேண்டுமென காமன்வெல்த் நாடுகளின் தலைவர்களை இங்கிலாந்து ராணி கேட்டுக்கொண்டார்.

படத்தின் காப்புரிமைPA

லண்டனில் நடைபெற்றுவரும் காமன்வெல்த் நாடுகளின் அரசுத்தலைமை கூட்டத்தை (CHOGM) தொடக்கிவைத்த ராணி, எதிர்காலத்தில் காமன்வெல்த் அமைப்பின் தலைவர் பதவியில் இளவரசர் சார்லஸ் அமர்வது தனது உண்மையான விருப்பம் என்று கூறினார்.

காமன்வெல்த் அமைப்பின் தலைவர் பதவி பாரம்பரியம் சார்ந்தது இல்லையென்பதால், ராணியின் மரணத்துக்கு பிறகு இயல்பாக வேல்ஸ் இளவரசருக்கு இந்த பதவி கிடைக்காது

பக்கிங்ஹம் அரண்மனையில் குழுமியுள்ள 53 நாடுகளின் தலைவர்களும் தாங்கள் வெள்ளிக்கிழமையன்று சந்திக்கும்போது இது தொடர்பான ஒப்பந்தத்தில் கையெழுத்திடுவார்கள் என்று எதிர்பார்க்கப்படுகிறது.

காமன்வெல்த் அமைப்பின் உறுப்பினர் நாடுகளுக்கு இந்த அமைப்பின் தலைவர் சுழற்சி முறையில் தரப்பட வேண்டும் என சில ஆலோசனைகள் கூறப்பட்டுள்ளதாக பிபிசியின் ஜேம்ஸ் லேண்டேல் தெரிவிக்கிறார்.

படத்தின் காப்புரிமைIMAGE COPYRIGHTREUTERS

முக்கிய பிரமுகர்கள், ராஜ குடும்பத்தினர் மற்றும் பிரதமர் ஆகியோர் அடங்கிய கூட்டத்தில் உரையாற்றிய ராணி, ''எனது இல்லத்துக்கு இந்த கூட்டத்துக்காக வருகை புரிந்துள்ள அனைவரையும் நான் வரவேற்கிறேன்'' என்று வரவேற்றார்.

''உங்களுக்காக பணியாற்றுவது மற்றும் சேவைபுரிவது எனக்கு மிகவும் மகிழ்ச்சி மற்றும் கெளரவம்'' என்று அவர் கூறினார்.

மேலும், அவர் கூறுகையில், ''எதிர்காலத்திலும் காமன்வெல்த் அமைப்பு ஸ்திரதன்மையோடு செயல்படவேண்டும் என்பதும், தொடர்ந்து இந்த அமைப்பு சிறப்பாகவும், ஆக்கப்பூர்வமாகவும் பணியாற்ற வேண்டும் என்பது எனது உண்மையான விருப்பம்'' என்று குறிப்பிட்டார்.

''காமன்வெல்த் அமைப்பு தொடர்பாக எனது தந்தை 1949-ஆம் ஆண்டு தொடங்கிவைத்த முக்கிய பணியை வேல்ஸ் இளவரசர் தொடர வேண்டும் என்பதை எதிர்க்களத்தில் முடிவுசெய்யவேண்டும்'' என்று இஞ்சில்நாடு ராணி மேலும் குறிப்பிட்டார்.

காமன்வெல்த்ட நாடுகள் இடையே கடல் பாதுகாப்பு, சைபர் பாதுகாப்பு மற்றும் வர்த்தகம் உள்ளிட்ட அம்சங்கள் இந்த இரண்டுநாள் காமன்வெல்த் உச்சிமாநாட்டில் விவாதிக்கப்பட்டு வருகின்றன.

https://www.bbc.com/tamil/43833542