முள்­ளி­வாய்க்­கால் நினை­வேந்­தலை நடத்­து­வது என்று நாம் திட்­ட­மிட்­ட­தன் பிர­கா­ரம் மக்­கள் கனவை நிறை­வேற்­றியே தீரு­வோம். இதற்­கான கலந்­து­ரை­யா­டல் நாளை வெள்­ளிக்­கி­ழமை காலை 10.30 மணி­ய­ள­வில் யாழ்ப்­பாண பல்­க­லைக்­க­ழ­கத்­தில் இடம்­பெ­றும்.

பல்­க­லைக்­க­ழக அனைத்­துப்­பீ­டங்­க­ளின் மாண­வர் பிர­தி­நி­தி­கள், சிவில் சமூக அமைப்­புக்­க­ளின் பிர­தி­நி­தி­கள், தொழில்­நுட்ப கல்­லூ­ரி­க­ளின் மாணவ பிர­தி­நி­தி­கள் மற்­றும் கோப்­பாய் மற்­றும் பலாலி ஆசி­ரி­யர் கலா­சாலை மாணவ பிர­தி­நி­தி­க­ளும், கூட்­டு­ற­வுச் சங்­கங்­க­ளின் பிர­தி­நி­தி­க­ளும் கலந்து கொள்­வார்கள் என்­ப­தைத் தெரி­வித்­துக் கொள்­கின்­றோம்.

இவ்­வாறு யாழ்ப்­பாண பல்­க­லைக்­க­ழக மாண­வர் ஒன்­றி­யம் நேற்­றி­ரவு விடுத்­துள்ள ஊடக அறிக்­கை­யில் தெரி­விக்­கப்­பட்­டுள்­ளது. அதில் மேலும் தெரி­வித்­துள்­ள­தா­வது:

தமிழ் இனத்­தின் ஒற்­று­மையை உல­குக்கு எடுத்­துக் காட்ட வேண்­டும் எனும் உயர்ந்த நோக்­கம் கொண்ட சூழ்­நி­லையை உரு­வாக்க வேண்­டும் என்­ப­தற்­கா­கவே மாண­வர்­க­ளும் பொது மக்­க­ளும் இணைந்து முள்­ளி­வாய்க்­கால் நினை­வேந்­தல் ஏற்­பா­டு­களை செய்த வண்­ணம் உள்­ளோம்.

ஆனால் குறிப்­பிட்ட சில அர­சி­யல்­வா­தி­கள் தமது அதி­கா­ரத்தை வைத்­துக்­கொண்டு மாண­வர்­க­ளின் தூர­நோக்­கு­ட­னான செயற்­பா­டு­க­ளுக்கு தடை­களை ஏற்­ப­டுத்த முனை­கின்­றமை மாணவ சமூ­கம் முன்­னின்று நடத்­து­வ­தா­னது தமது சுய­லாப அர­சி­ய­லுக்­கும் இளைய சமு­தா­யம் அர­சி­யல் விட­யங்­க­ளி­லும் உணர்வு பூர்­வ­மான விட­யங்­க­ளி­லும் நுழைந்து விடக்­கூ­டாது என்று மாண­வர் சமு­தா­யத்­தி­ன­தும் பாதிக்­கப்­பட்ட சமூ­கத்­தி­ன­தும் வேண்­டு­கோளை ஏற்­றுக்­கொள்ள மறுக்­கின்­ற­னர்.

நாம் ஏன் நடத்­து­கின்­றோம்
வடக்கு -– கிழக்கு பல்­க­லைக்­க­ழக மாண­வர்­கள் ஏன் இந்த முள்­ளி­வாய்க்­கால் நினை­வேந்­தலை பொறுப்­பேற்க வேண்­டும் என்று சிலர் கேட்­க­லாம்.

சாத்­வீகப் போராட்­டங்­களை இரும்­புக் கரங்­க­ளால் அரசு நசுக்கி விட்­டது. இந்த நிலை­யில் தான் தமி­ழீழ விடு­த­லைப் புலி­க­ளி­னால் ஆயு­தப் போராட்­டம் ஆரம்­பிக்­கப்­பட்டு விசு­வா­ சத்­து­ட­னும் அர்ப்­ப­ணிப்­பு­ட­னும் தமிழ் பொது­மக்­களை ஒரே தமி­ழி­ன­மாக ஒன்று திரட்டி தமிழ் மக்­க­ளின் உரி­மைக்­காகப் போரா­டி­னார்­கள்.

இதற்­காக அர­சி­யல்­வா­தி­க­ளை­யும் கட்சி வேறு­பா­டின்றி ஒன்­றி­ணைத்து பன்­னாட்டு ஆத­ர­வை யும் பெறத்­தக்­க­வ­கை­யில் போராட்­டத்தை நகர்த்திச் சென்­றி­ருந்­தார்­கள்.

ஆயு­தப் பேராட்­டம் பயங்­க­ர­வாத முத்­திரை குத்­தப்­பட்டு பன்­னாட்­டுச் சமூ­கத்­தின் உத­வி­யு­டன் பேரி­ன­வா­தம் மேற்­கொண்ட கொடிய போரின் விளை­வாக முள்­ளி­வாய்க்­கால் மண்­ணில் மௌனிக்­கப்­பட்­டது.

தமி­ழீழ விடு­த­லைப் புலி­க­ளுக்கு நிக­ராக மக்­களை ஒன்று திரட்ட மக்­களைத் தலைமை தாங்க அது­வும் குறிப்­பாக இந்த முள்­ளி­வாய்க்­கால் பேர­வ­லத்தை ஒழுங்­க­மைத்து நடத்­தவோ, தலைமை தாங்­கவோ நீங்­கள் தகு­தி­யு­டை­ய­வர்­களா என்று ஒவ்­வொரு தமிழ் அர­சி­யல்­வா­தி­க­ளும் குறிப்­பாக வடக்கு மாகாண சபை அங்­கத்­த­வர்­க­ளும், உங்­கள் மன­ச்சாட்­சியைக் கேட்­டுக்­கொள்­ளுங்­கள்.

அர­சி­யல் லாபம் தேடு­கி­றார்­கள்
முள்­ளி­வாய்க்­கால் நினை­வேந்­த­லில் தமது உற­வு­களை இழந்து பல வலி­க­ளைச் சுமந்த தமிழ் மக்­க­ளுக்கே முன்­னு­ரிமை வழங்­கப்­பட வேண்­டும் என்­பது மாண­வர் சமூ­கத்­தின் வேண்­டு­கோ­ளா­கும். மக்­க­ளின் அர­சி­யல் பிர­தி­நி­தி­க­ ளான தாங்­கள் குறிப்­பாக வடக்கு மாகா­ண­சபை, கிழக்கு மாகாண சபை சார்ந்த அர­சி­யல்­வா­தி­கள் மாண­வர்­க­ளால் ஏற்­பாடு செய்­யப்­ப­டு­கின்ற இந்த முள்­ளி­வாய்க்­கால் பேர­வல நினை­வேந்­த­லில் மக்­க­ளோடு சேர்ந்து கலந்து கொள்­ளுங்­கள். மாறாக மக்­க­ளின் பேர­வ­லத்தை சந்­தித்த முள்­ளி­வாய்க்­கால் மண்­ணில் அர­சி­யல் லாபத்தைத் தேட முயற்சி செய்­யா­தீர்­கள்.

தமி­ழர்­க­ளின் ஒற்­று­மையை தமிழ் மக்­களை எந்­த­வித வேறு­பா­டு­க­ளு­மின்றி ஒன்­றி­ணைந்து முள்­ளி­வாய்க்­கால் நினை­வேந்­தலை நிகழ்த்­து­வ­தன் மூலம் பன்­னாட்­டுச் சமூ­கத்­துக்கு ஓர் செய்­தியை எடுத்­துக்­கூற வேண்­டும். அர­சி­யல் கலப்பு இன்றி புனி­த­மாக இந்த அவல நாளை நினை­வுகூர வேண்­டும். மக்­க­ளின் இழப்­பில் எவ­ரும் அர­சி­யல் செய்­யவோ பத­வி­கள் பெறவோ இட­ம­ளிக்­கக் கூடாது.

என்ன கார­ணத்­துக்­காக தமி­ழி­னம் இந்த முள்­ளி­வாய்க்­கால் மண்­ணில் பேரி­ழப்பைச் சந்­தித்­ததோ அந்த உரி­மையை பெறு­வ­தற்கு அந்த புனி­த­நா­ளில் எந்த களங்­க­மும் ஏற்­பட்­டு­வி­டக்­கூ­டாது. இவற்றை கருத்­திற்­கொண்டு யாழ்­பல்­க­லைக்­க­ழக மாண­வர் ஒன்­றி­யம் தற்­போ­தைய சூழ்­நி­லை­யில் தனது தார்­மீகப் பொறுப்பை உணர்ந்து கொள்­கி­றது.

மாண­வர்­களே அக்­க­றை­யா­ன­வர்­கள்
தமிழ் மக்­க­ளின் அர­சி­ய­லில் ஏற்­ப­டும் முடி­வு­க­ளில் பெரும் தாக்­கத்தை செலுத்­தத்­தக்க வகை­யில் மாண­வர் ஒன்­றி­யத்­தின் செயற்­பா­டு­கள் காலம்­கா­ல­மாக இருந்து வரு­கின்­றன. தற்­போது இருக்­கும் மந்­த­மான அர­சி­யல் போக்­கி­னால் முள்­ளி­வாய்க்­கால் நினை­வேந்­தலை வட­மா­காண சபை­தான் நடத்த வேண்­டும் எனும் முறை­மையை நடை­மு­றைப்­ப­டுத்­தி­னால் அது எதிர்­கா­லத்­தில் தமிழ் மக்­கள் வடக்கு கிழக்கு ரீதி­யாக எழுச்சி கொண்டு தமது உரி­மையை வென்­றெ­டுப்பதை கேள்­விக்­கு­றி­யாக மாற்­றி­வி­டும்.

அர­சி­யல்­வா­தி­க­ளை­விட மக்­கள் பிரச்சி­னை­க­ளில் பல்­க­லைக்­க­ழக மாண­வர்­கள் அதி­க­ளவு கரி­ச­னை­யோடு ஈடு­பாடு கொண்டு அர்ப்­ப­ணிப்­பு­டன் செயற்­பட்டு வரு­கி­றார்­கள். அர­சி­யல் பலம் என்­ப­தற்கு அப்­பால் மாண­வர் சக்தி மாண­வர் ஒன்­று­பட்ட பலத்­தினை கொண்டு மக்­களை ஒருங்­கி­ணைத்து வடக்கு கிழக்கு பல்­க­லைக்­க­ழக மாண­வர்­கள் இணைந்து ஒழுங்­க­மைக்­கும் நினை­வேந்தல் நிகழ்வுக்கு வடக்கு மாகா­ண­சபை இடை­யூறு இல்­லா­மல் ஆத­ரவை வழங்க வேண்­டு­மென்­ப­தற்­காக நாம் இரண்டு தட­வை­கள் அலு­வ­லக ரீதி­யாக முத­ல­மைச்­ச­ரைச் சந்­தித்து அன்­பு­ரி­மை­யோடு கேட்­டி­ருந்­தோம்.

ஆனால் மாண­வர்­க­ளா­கிய எமது கோரிக்­கை­யு­டன் உடன்­ப­டா­மல் நிரா­க­ரித்­துக் கொண்­டார். இதன் தொடர்ச்­சி­யாக கடந்த 7ஆம் திகதி திங்­கட்­கி­ழமை கலந்­து­ரை­யா­டு­வோம் என வரச் சொல்­லி­விட்டு எம்­மோடு எந்­த­வி­தத்­தி­லும் எமது கருத்தை செவி­ம­டுக்­கா­மல் தாம் ஏற்­க­னவே எடுத்­துக் கொண்ட தீர்­மா­னத்தை எமக்குத் தெரி­வித்­த­னர்.

அதன் தொடர்ச்­சி­யாக எமக்கு அவர்­க­ளது தீர்­மா­னத்­தில் உடன்­பாடு இல்­லாத கார­ணத்­தி­னால் நேற்­றுப் புதன்­கி­ழமை நடந்த மாகாண சபை­யின் முள்­ளி­வாய்க்­கால் நினை­வேந்­தல் மாநாட்­டில் நாம் கலந்­து­கொள்­ளா­மல் தவிர்த்­தி­ருந்­தோம்.

ஒத்­து­ழைப்பு வழங்­குங்­கள்
கடந்த காலங்­க­ளில் ஏற்­பட்ட விரும்­பத்­த­காத நிகழ்­வு­கள் நடை­பெ­றா­மல் பார்த்­துக் கொள்­ளவே நாம் வட­மா­காண சபை இதனை பொறுப்­பெ­டுத்து நடாத்­து­வது பொருத்­த­மற்­றது என்று கூறி­வ­ரு­கின்­றோம். பல்­க­லைக்­க­ழக மாண­வர் ஒன்­றி­யத்­தி­னர் இந்த நிகழ்வை ஒழுங்­க­மைக்கக் கேட்­ப­தைப் போல் ஒவ்­வொ­ரு­வ­ரும் வந்து கேட்­க­லாம் என்று கூறு­வது சரி­யான பாதையை மாற்­று­வ­தற்­கான செயற்­பா­டா­கவே நாம் கரு­து­கின்­றோம்.

ஆனால் சம்­பந்­தப்­பட்ட தரப்­பி­னர் உண்­மையை உணர்ந்து மாண­வர்­க­ளால் ஒழுங்­க­மைக்­கப்­ப­டும் மக்­கள் எழுச்­சிக்கு ஆத­ரவு வழங்­கு­வ­தை விடுத்து உண்­மைக்கு மாறான தக­வல்­களை வெளி­யி­டு­வ­தை நிறுத்­திக் கொள்ள வேண்­டும்- என்றுள்ளது. –