இணைந்து வந்தார்கள்- பிரிந்து சென்றார்கள்!!

 

 

 

 

 

 

வடக்கு மாகாண முத­ல­மைச்­சர் சி.வி.விக்­னேஸ்­வ­ர­னின் உரை­கள் அடங்­கிய ‘நீதி­ய­ர­சர் பேசு­கின்­றார்’ என்ற நூல் கடந்த 24ஆம் திகதி யாழ்ப்­பா­ணம்–வீர­சிங்­கம் மண்­ட­பத்­தில் வெளி­யி­டப்­பட்­டது. தமிழ்த் தேசி­யக் கூட்­ட­மைப்­பின் தலை­வர் இரா.சம்­பந்­த­னும் அந்த மேடை­யில் அமர்ந்­தி­ருந்­தார். விக்­னேஸ்­வ­ரன் ஆத­ரவு அணி­யும், கூட்­ட­மைப்­பி ­ன­ரும் சங்­க­மித்த நிகழ்­வாக அது அமைந்­தது.

5ஆண்­டு­கள் அஞ்­சா­த­வா­சம்
கிட்­டத்­தட்ட 5ஆண்­டு­க­ளுக்கு முன்­பாக, 2013ஆம் ஆண்டு வடக்கு மாகாண சபைத் தேர்­த­லில் வெற்­றி­பெற்ற மாகாண சபை உறுப்­பி­னர்­க­ளின் பத­வி­யேற்பு வைப­வ­மும் வீர­சிங்­கம் மண்­ட­பத்­தி­லேயே நடை­பெற்­றி­ருந்­தது. வீர­சிங்­கம் மண்­ட­பத்­தில் விக்­கி­யும், சம்பந்­த­னும் அன்று சங்­க­மித்­தி­ருந்­தார்­கள். 5 ஆண்­டு­கால இடை­வெ­ளி­யின் பின்­னர் மீண்­டும் கடந்த ஞாயிற்­றுக்­கி­ழமை இவர்­கள் இரு­வ­ரும் வீர­சிங்­கம் மண்­ட­பத்­தில் இணைந்­தி­ருந்­தார்­கள்.

2013ஆம் ஆண்டு வடக்கு மாகாண சபைத் தேர்­தல் நடை­பெற்­றது. தமிழ்த் தேசி­யக் கூட்­ட­மைப்­பின் முத­லா­வது பரப்­பு­ரைக் கூட்­டம் வீர­சிங்­கம் மண்­ட­பத்­தில் 2013ஆம் ஆண்டு ஓகஸ்ட் மாதம் 25ஆம் திகதி நடை­பெற்­றது. வடக்கு மாகாண முத­ல­மைச்­சர் சி.வி.விக்­னேஸ்­வ­ரன், தமிழ்த் தேசி­யக் கூட்­ட­மைப்­பின் தலை­வர் இரா.சம்­பந்­தன் இரு­வ­ரும் இந்த மண்­ட­பத்­தில் முதன்­மு­த­லில் இணைந்­தது அன்­று­தான். அன்­றைய கூட்­டத்­தில் தமிழ்த் தேசி­யக் கூட்­ட­மைப்­பின் ஏனைய பங்­கா­ளிக் கட்­சி­க­ளின் தலை­வர்­க­ளான சுரேஷ் பிரே­ம­சந்­தி­ரன், சித்­தார்த்­தன், செல்­வம் அடைக்­க­ல­நா­தன், ஆனந்­த­சங்­கரி ஆகியோர் கூட மேடை­யே­றி­யி­ருந்­தார்­கள்.

 

விக்கிக்காகப் புறக்­க­ணிப்பு
இவ்­வாறு ஒன்­றாக மேடை­யே­றி­ய­வர்­கள், வடக்கு மாகாண சபைத் தேர்­தல் முடிந்து உறுப்­பி­னர்­க­ளின் பத­வி­யேற்­புக்கு இடை­யி­லேயே பிள­வு­பட்­டார்­கள். 2013ஆம் ஆண்டு ஒக்­ரோ­பர் மாதம் 11ஆம் திகதி வீர­சிங்­கம் மண்­ட­பத்­தில் கூட்­ட­மைப்­பின் மாகா­ண­சபை உறுப்­பி­னர்­க­ளின் பத­வி­யேற்பு இடம்­பெற்­றது. வடக்கு மாகாண சபைக்­குத் தெரிவு செய்­யப்­பட்ட கூட்­ட­மைப்­பின் 30உறுப்­பி­னர்­க­ளில் 9பேர் பங்­கேற்­க­வில்லை. கூட்­ட­மைப்­பின் பங்­கா­ளிக் கட்­சி­க­ளான ஈ.பி.ஆர்.எல்.எவ், புளொட், ரெலோ மூன்று கட்­சி­க­ளும் நிகழ்­வைப் புறக்­க­ணித்­தன. வடக்கு மாகாண முத­ல­மைச்­சர் சி.வி.விக்­னேஸ்­வ­ரன், அப்­போ­தைய அரச தலை­வர் மகிந்த ராஜ­பக்ச முன்­பா­கப் பத­வியேற்றறதைச் சுட்­டிக்­காட்டி இந்­தப் புறக்­க­ணிப்பை மூன்று கட்­சி­க­ளும் மேற்­கொண்­டி­ருந்­தன. அந்­தக் கட்­சி­க­ளைப் பிர­தி­நி­தித்­து­வப்­ப­டுத்­திய மாகாண சபை உறுப்­பி­னர்­க­ளும் பத­வி­யேற்­பில் பங்­கேற்­க­வில்லை.

ஒற்­று­மைக் கோசம்
2013ஆம் ஆண்டு ஒக்­ரோ­பர் 11ஆம் திகதி நடந்த அன்­றைய கூட்­ட­மும், 2018ஆம் ஆண்டு ஜூன் 24ஆம் திகதி நடந்த நிகழ்­வும் தாங்கி நின்ற கோசம் ‘ஒற்­றுமை’. 2013ஆம் ஆண்டு எழுப்­பப்­பட்ட ஒற்­று­மைக் கோசம் கூட்­ட­மைப்­பின் பங்­கா­ளிக் கட்­சி­க­ளுக்­கா­னது. 2018ஆம் ஆண்­டில் பேசப்­பட்ட ஒற்­று­மைக் கோசம் விக்­கிக்­கா­னது.

2013ஆம் ஆண்டு, தந்தை செல்வா நினை­வுத் தூபி­யி­லி­ருந்து தமிழ்த் தேசி­யக் கூட்­ட­மைப்­பின் தலை­வர் இரா.சம்­பந்­தன், நாடா­ளு­மன்ற உறுப்­பி­னர் மாவை.சேனா­தி­ராசா, வடக்கு மாகாண முத­ல­மைச்­சர் சி.வி.விக்­னேஸ்­வ­ரன் ஆகி­யோர் மேள­தா­ளங்­க­ளு­டன் வீர­சிங்­கம் மண்­ட­பத்­துக்கு ஒன்­றாக அழைத்து வரப்­பட்­டார்­கள். 2018ஆம் ஆண்­டில் நடந்த முத­ல­மைச்­ச­ ரின் புத்­தக வெளி­யீட்­டில், வீர­சிங்­கம் மண்­ட­பத்­துக்கு நேர காலத்­து­டன் வந்­தி­ருந்த முத­ல­மைச்­சர் விக்­னேஸ்­வ­ரன், எதிர்க்­கட்­சித் தலை­வர் சம்­பந்­த­னுக்கு மாலை­யிட்டு வர­வேற்­றார்.

வடக்கு மாகாண சபை உறுப்­பி­னர்­க­ளின் பத­வி­யேற்­பின்­போது வீர­சிங்­கம் மண்­ட­பம் நிறைந்­தி­ருந்­தது. முத­ல­மைச்­ச­ரின் புத்­தக வெளி­யீட்­டின்­போது அரங்­கின் அரை­வா­சிப் பகுதி வெறு­மை­யா­கவே கிடந்­தது. 2013ஆம் ஆண்டு பத­வி­யேற்­பின்­போது, மண்­ட­பத்­தில் அரை­வாசி இடத்­தைப் பிடித்­தி­ருந்­த­ வர்­கள் மாகா­ண­சபை உறுப்­பி­னர்­க­ளின் உற­வு­கள். முத­ல­மைச்­ச­ரின் நூல் வெளி­யீட்­டில் ஒரு பகுதி இடத்­தைப் பிடித்­தி­ ருந்­த­வர்­கள், சிறப்­புப் பிரதி வாங்க வந்­தி­ருந்த வர்த்­த­கர்­க­ளும், முத­ல­மைச்­ச­ரின் அமைச்­ச­கப் பணி­யா­ளர்­க­ளும்.

ஆன்மிக அர­சி­யல்
2013ஆம் ஆண்டு வடக்கு மாகாண சபை உறுப்­பி­னர்­கள் பத­வி­யேற்பு நிகழ்­வில் ஆன்மி­க­வா­தி­கள் மேடை­யி­லி­ருந்­தார்­கள். அன்­றைய சூழ­லில் கூட்­ட­மைப்­பின் நிகழ்வு ஒன்­றில் ஆன்மிகத் தலை­வர்­கள் மேடையை அலங்­க­ரித்­தி­ருந்­தது பெரும் ஆச்­ச­ரி­யத்­து­டன் பார்க்­கப்­பட்­டது. நீண்ட இடை­வெ­ளி­யின் பின்­னர் ஆன்மிகத் தலை­வர்­கள் அந்த மேடை­யில் அர­சி­யல் பேசி­னார்­கள். ‘ஒற்­றுமை’ கோசத்தை அவர்­க­ளும் அன்று வலி­யு­றுத்தத் தவ­ற­வில்லை.

முத­ல­மைச்­ச­ரின் புத்­தக வெளி­யீட்­டில் ஆன்மிகத் தலை­வர்­க­ளில் ஒரு­சா­ரர் மாத்­தி­ரம் அழைக்­கப்­பட்­டி­ருந்­த­னர். அவர்­கள் மேடை­யே­றி­னர். ஆனால் அர­சி­யல் பேச்­சுக்­க­ளுக்கு முன்­பா­கவே அங்­கி­ருந்து அவர்­கள் வெளி­யே­றி­விட்­ட­னர். வடக்கு மாகாண சபை உறுப்­பி­னர்­க­ளின் பத­வி­யேற்பு நிகழ்­வில், எதிர்­கட்­சித் தலை­வர் இரா.சம்­பந்­த­னுக்­கும், வடக்கு முத­ல­மைச்­சர் சி.வி.விக்­னேஸ்­வ­ர­னுக்­கும் கிரீ­டம் சூட்டி அழ­கு­பார்த்­த­னர் தமி­ழ­ரசு ஆத­ர­வா­ளர்­கள். விக்­கிக்கு வேலும் கொடுத்­த­னர். ஆனால் புத்­த­க­வெ­ளி­யீட்­டில், விக்­கிக்கு மாத்­தி ­ரமே ஆன்மி­கத் தலை­வர்­கள் பொன்­னாடை போர்த்­தி­னர்.

மாறிய காட்சி
2013ஆம் ஆண்டு நிகழ்­வில் விக்­கி­யு­டன் முரண்­பட்டு சுரேஷ்­பி­ரே­ம­சந்­தி­ரன் பத­வி­யேற்­பில் பங்­கேற்­க­வில்லை. அவ­ரது தம்­பி­யா­ரும் அன்­றைய நிகழ்­வில் கலந்­து­கொள்­ள­வில்லை. முத­ல­மைச்­ச­ரின் புத்­த­க­வெ­ளி­யீட்­டி­லும் சுரேஷ்­பி­ரே­ம­சந்­தி­ரன் பங்­கேற்­க­வில்லை. இன்று முத­ல­மைச்­ச­ ரு­டன் ஊடாட்­டம் நன்­றாக இருந்­தா­லும், புத்­தக வெளி­யீடு நடந்த தினத்­தன்று வவு­னி­யா­வில் நடை­பெற்ற தியா­கி­கள் தினத்­தில் பங்­கேற்­ற­தால் சுரேஷ்­பி­ரே­ம­சந்­தி­ரன் பங்­கு­கொள்­ள­வில்லை. அன்று அமைச்­சுப் பதவி கிடைக்­கா­மை­ யால் பங்­கேற்­காத சுரேஷ்­பி­ரே­ம­சந்­தி­ர­னின் சகோ­த­ரர் சர்­வேஸ்­வரன், இன்று அமைச்­சர் பத­வி­யைப் பெற்­ற­தால், தியா­கி­கள் தினத்­தில் பங்­கேற்­கா­மல் முத­ல­மைச்­ச­ரின் புத்­தக வெளி­யீட்­டில் முன்­வ­ரி­சை­யில் அமர்ந்­தி­ருந்­தார்.

அதிஷ்­டக்­கா­ரன்
மாகா­ண­சபை உறுப்­பி­ன­ரா­கத் தெரி­வான பங்­கா­ளிக் கட்­சித் தலை­வ­ரான சித்­தார்த்­தன் பத­வி­யேற்பு நிகழ்­வில், பங்­கா­ளி­க­ளு­டன் கூட்­டுச் சேர்ந்து புறக்­க­ணித்­தி­ருந்­தார். இப்­போது எந்­தப் பக்­கம் நிற்­பது என்ற குழப்­பத்­தில் இருக்­கும் அவர், முத­ல­மைச்­ச­ரின் புத்­த­க­வெ­ளி­யீட்­டில் முன்­வ­ரி­சை­யில் அமர்ந்­தி­ருந்­தார். ஆனால் நேர காலத்­து­டன் போய்­விட்­டார். நீர்­வே­லிச் சவா­ரித் திட­லில் நடை­பெற்ற மாட்­டு­வண்­டிச் சவா­ரியை ஆரம்­பித்து வைப்­ப­தற்­கா­கவே அவர் அங்­கி­ருந்து வெளி­யே­றி­யி­ருந்­தார்.

பங்­கா­ளிக் கட்­சித் தலை­வர்­கள் வரி­சை­யில் ‘அதிஷ்­டக் காரன்’ செல்­வம்­அ­டைக்­க­ல­நா­தன் மட்­டுமே. 2013ஆம் ஆண்டு பத­வி­யேற்­பி­லும் முதல்­வ­ரிசை, இன்­றைய புத்­த­க­வெ­ளி­யீட்­டி­லும் முன்­வ­ரிசை. தனது கட்சி பத­வி­யேற்பு நிகழ்­வைப் புறக்­க­ணித்­த­போ­தும், அந்த நிகழ்­வில் பங்­கேற்று தமிழ் அர­சுக் கட்­சி­யின் விசு­வா­சி­யாக அடை­யா­ளப்­ப­டுத்­தப்­பட்­டி­ருந்­தார். முதல்­வர் விக்­கிக்கு நெருக்­க­மா­ன­வ­ராக இருப்­ப­தாலோ என்­னவோ புத்­தக வெளி­யீட்­டில், தமிழ் அர­சுக் கட்­சிக்­கா­ரர்­க­ளுக்கு எதிர்ப் பக்­கத்­தில் அவ­ருக்கு ஆச­னம் ஒதுக்­கப்­பட்­டது. அல்­லது அவர் அந்த ஆச­னத்­தைத் தேடிக் கொண்­டார்.

அமைச்­ச­ரா­ன­தால் வந்த நிலை
ஈ.பி.ஆர்.எல்.எவ். சார்­பாக மாகா­ண­சபை உறுப்­பி­ன­ரான ஐங்­க­ர­நே­சன், அமைச்­சுப் பத­வியை ஏற்­ற­தால் பத­வி­யேற்பு நிகழ்வை அவ­ரது கட்சி புறக்­க­ணித்­த­போ­தும் அவர் பங்­கேற்­றார். அமைச்­சுப் பதவி பறிக்­கப்­பட்ட பின்­ன­ரும் முத­ல­மைச்­ச­ரின் அர­வ­ணைப்­பால் புத்­த­க­வெ­ளி­யீட்­டில் அவர் பங்­கேற்­றார். அன்று ஈ.பி.ஆர்.எல்.எவ். உறுப்­பி­ன­ராக இருந்­த­தால் பங்­கேற்­காத முல்­லைத்­தீவு மாவட்ட மாகா­ண­சபை உறுப்­பி­னர் து.ரவி­க­ரன், இன்று தமிழ் அர­சுக் கட்சி உறுப்­பி­ன­ராக இருந்­தும் விக்­கி­யின் புத்­தக வெளி­ யீட்­டில் பங்­கேற்­றார்.

ரெலோ­வின் மாகாண சபை உறுப்­பி­னர் எம்.கே.சிவா­ஜி­லிங்­கம் அன்று பத­வி­யேற்­பைப் புறக்­க­ணித்­தி­ருந்­தார். புத்­த­க­வெ­ளி­யீட்­டில் இரண்­டா­வது வரி­சை­யில் அமர்ந்­தி­ருந்­தார். பத­வி­யேற்­பைப் புறக்­க­ணித்த மாகாண சபை உறுப்­பி­னர் ஜி.குண­சீ­லன், இன்று அமைச்­சர் என்­ப­தால் முதல்­வ­ரின் புத்­தக வெளி­யீட்­டில் முதல்­வ­ரி­சை­யில் அமர்ந்­தி­ருந்­தார். பத­வி­யேற்­பில் முத­ல­மைச்­ச­ரு­டன் நெருக்­க­மாக இருந்த அவைத் தலை­வர் சி.வி.கே.சிவ­ஞா­னத்தை, புத்­த­க­வெ­ளி­யீட்­டில் காணக்­கி­டைக்­க­வில்லை.

புது­மு­கங்­கள்
அன்­றைய பத­வி­யேற்பு நிகழ்­வில் அழைக்­கப்­ப­டாத தமிழ்த் தேசிய மக்­கள் முன்­ன­ணி­யின் செல்­வ­ராஜா கஜேந்­தி­ரன், ஈ.பி.டி.பியின் செய­லர் டக்­ளஸ் தேவா­னந்தா, சந்­தி­ர­கு­மார், எதிர்க் கட்­சித் தலை­வர் தவ­ராசா என்று சிலர் புத்­தக வெளி­யீட்­டில் புது­மு­கங்­க­ளா­கப் பங்­கேற்­றி­ருந்­தார்­கள்.

அர­சி­யல் தலை­வர்­கள் சில­ருக்­குப் புத்­த­க­வெ­ளி­யீட்­டுக்­கான அழைப்­பி­தழ்­கள் அனுப்­பப்­ப­ட­வே­யில்லை. ஆனால், அரச அதி­கா­ரி­கள் பல­ருக்­கும் அழைப்­பி­தழ்­கள் வலிந்து அனுப்பி வைக்­கப்­பட்­டன.

வடக்கு மாகாண முத­ல­மைச்­சர் வேட்­பா­ள­ராக மாவை.சேனா­தி­ரா­சவே கள­மி­றங்­கு­வார் என்று 2013ஆம் ஆண்டு எதிர்­பார்ப்பு இருந்­தது. ஆனால் சடு­தி­யாக எல்­லாம் மாறி விக்­னேஸ்­வ­ரன் கள­மி­றக்­கப்­பட்­டார். இத­னால் மாவைக்­கும் விக்­கிக்­கும் இடை­யி­லான அந்­நி­யோன்­னி­யம் அன்­றைய பத­வி­யேற்­பி­லும் குறை­வாக இருந்­தது.

இன்­றும் அவ்­வா­றா­ன­தொரு சூழலே இருக்­கின்­றது. மாவை கூட்­ட­மைப்­பின் முத­ல­மைச்­சர் வேட்­பா­ளர் என்று அவ­ரின் கட்­சி­யி­னர் கூறிக் கொண்­டி­ருக்­கின்­ற­னர். முதல்­வர் விக்­னேஸ்­வ­ர­னும் கூட்­ட­மைப்­பில் இடம் கிடைத்­தால் கள­மி­றங்­கத் தயார் என்ற நிலை­யி­லேயே இருக்­கின்­றார்.

இந்­தப் புத்­த­க­வெ­ளி­யீட்­டில் விக்கி–மாவை இடையே பகைமை கொப்­ப­ளித்­துக் கொண்­டி­ருந்­தா­லும், முகத்­துக்­கா­ கப் புன்­ன­கைத்­துக் கொண்­ட­னர்.

கைதட்­ட­லும் விசி­ல­டிப்­பும்
பத­வி­யேற்பு நிகழ்­வில் விக்­கிக்கு நெருக்­க­மாக இருந்த அவ­ரது மாண­வ­னும் நாடா­ளு­மன்ற உறுப்­பி­ன­ரு­மான எம்.ஏ.சுமந்­தி­ரன், புத்­த­க­வெ­ளி­யீட்டு நிகழ்­வில் முன்­வ­ரிசை விருந்­தி­னர் மாத்­தி­ரமே. தன் மாண­வன் மீது தனக்­கி­ருக்­கும் ‘காய்ச்­சலை’ தனது உரை­யில் விக்கி வெளிப்­ப­டுத்­தி­யும் இருந்­தார். பத­வி­யேற்பு நிகழ்­வில் விக்­னேஸ்­வ­ரன் உரை­யாற்­றும்­போது விசி­ல­டி­யும் கைதட்­ட­லும் என்று வீர­சிங்­கம் மண்­ட­பம் அதிர்ந்­தது. புத்­த­க­வெ­ளி­யீட்­டி­லும் அது தொடர்ந்­தது. அன்று கைதட்டி விசி­ல­டித்­த­வர்­கள் தமிழ் அர­சுக் கட்­சிக்­கா­ரர்­கள். இன்று கைதட்டி விசி­ல­டித்­த­வர்­கள் தமிழ் அர­சுக்கு எதி­ரா­ன­வர்­கள்.

2013ஆம் ஆண்டு சுரேஷ்­பி­ரே­ம­சந்­தி­ரன் தனது தம்­பிக்கு வடக்கு அமைச்­ச­ர­வை­யில் அமைச்­சுப் பதவி கேட்­டி­ருந்­தார். அது அவ­ருக்கு வழங்­கப்­ப­ட­வில்லை. இந்த நிலை­யில் தனது உரை­யில் முத­ல­மைச்­சர், ‘‘பொது­வாழ்­கை­யில் வலி­யு­றுத்­தப்­ப­டும் ஏழு கொள்­கையை இந்­தத் தரு­ணத்­தில் எடுத்­தி­யம்­பு­வது உசி­தம் என்று நான் கரு­து­கின்­றேன். முத­லா­வது சுய­ந­ல­மின்மை.

அதா­வது பொது­வாழ்க்­கை­யில் நுழை­ப­வர்­கள் எப்­பொ­ழு­துமே பொது­ந­லம் கரு­தியே முடிவு எடுக்­க­வேண்­டும். தமக்கோ தமது குடும்­பத்­தா­ ருக்கோ, தமது நண்­பர்­க­ளுக்கோ, தமது தம்­பி­மார்­க­ளுக்கோ நிதி சார்­பான அல்­லது வேறு­வ­கை­யான நன்­மை­கள் பெறக் கரு­தியோ முடி­வு­கள் எடுக்­கக் கூடாது’’ என்று குறிப்­பிட்­டி­ ருந்­தார். இந்த உரை­யாற்­றும்­போது, ‘‘தமது தம்­பி­மார்­க­ளுக்கோ’’ என்ற வச­னத்தை அழுத்தி இரண்டு தட­வை­கள் குறிப்­பிட்­டி­ருந்­தார் முத­ல­மைச்­சர். இந்த உரை­யின்­போதே அரங்­கில் விசில் சத்­த­மும், கைதட்­டல்­க­ளும் காதைப் பிளந்­தன.

புத்­தக வெளி­யீட்­டில் முத­ல­மைச்­சர் உரை­யாற்­றும்­போது, தமிழ் அர­சுக் கட்­சியை மறை­மு­க­மா­கக் குத்­திக் காட்­டிப் பேசும்­போதே விசி­ல­டி­யும், கைதட்­ட­லும் அரங்­கில் ஒலித்­தது. இந்­தச் சத்­தங்­கள் எழுந்­த­போது தனது உரையை நிறுத்தி அந்­தச் சத்­தங்­கள் அடங்­கும் வரை அமைதி காத்­தார் முதல்­வர். இவற்றை முதல்­வர் இர­சித்­தாரா இல்லை, அங்­கி­ருந்த தனது தற்­போ­தைய பகை­யா­ளி­க­ளுக்­குத் தனது ‘பவர்’ என்ன என்­ப­தைக் காட்ட முனைந்­தாரா என்­பது புரி­ய­வில்லை.

ஏன் வந்­தார்­கள்?
வடக்கு மாகாண சபை­யின் அதி­கா­ரி­கள் பல­ரும் 2013ஆம் ஆண்டு முதன் முறை­யா­கக் கூட்­ட­ மைப்­பின் நிகழ்­வில் பங்­கேற்­றி­ருந்­தார்­கள். புத்­த­க­வெ­ளி­யீட்­டின்­போது அங்­கொன்­றும் இங்­கொன்­று­மாக அரச அதி­கா­ரி­க­ளைக் காண முடிந்­தது. புத்­த­க­வெ­ளி­யீட்டு நிகழ்வை முழு­வ­து மாக ஏற்­பாடு செய்து, வந்­தோ­ரைக் கவ­னித்­துக் கொண்­ட­வர்­கள் அரச பணி­யா­ளர்­கள். முத­ல­மைச்­ச­ரின் அமைச்­ச­கத்­தில் பணி­யாற்­று­ப­வர்­களே அங்கு நின்­றி­ ருந்­தார்­கள். அரச அதி­கா­ரி­கள் முத­ல­மைச்­ச­ரின் தனிப்­பட்ட நிகழ்­வில் பங்­கேற்­றது சரியா? என்ற கேள்­வி­யும் எழா­மல் இல்லை. முத­ல­மைச்­சர் மீதான அன்­பால் வந்­தார்­களா? அல்­லது கட்­ட­ளை­யால் வந்­தார்­களா? என்­ப­தும் தெரி­ய­வில்லை.

புத்­த­க­வெ­ளி­யீடு உரிய நேரத்­துக்கு ஆரம்­ப­மா­னா­லும் அது குறிப்­பிட்ட நேரத்­துக்கு முடி­ய­வில்லை. நிகழ்வு ஒழுங்­க­மைப்பு முற்­றா­கச் சொதப்­பி­யி­ருந்­தது. சொதப்­பல்­கள் ஆரம்­பம் முதல் இறு­தி­வரை தொடர்ந்­தன. சிறப்­புப் பிர­தி­கள் பெற்­ற­தும் மண்­ட­பத்­தில் இருந்து டசின் கணக்­கா­னோர் வெளி­யே­றி­னர். சம்­பந்­த­னின் உரை முடிந்­த­தும் மேலும் ஒரு டசின் கணக்­கா­னோர் வெளி­யே­றி­னர். இறு­தி­யில் உரை­யாற்­றிய முத­ல­மைச்­சர், தனது புத்­தக வெளி­யீட்­டி­லேயே தன்னை இப்­ப­டிக் கடை­சி­யாக, பசிக் கொடுமை நேரத்­தில் உரை­ யாற்ற வைத்து விட்­டார்­கள் என்று நொந்து கொண்­டார்.

தாலாட்­டிய பேச்­சா­ளர்­கள்
புத்­தக வெளி­யீட்­டில் முத­ல­மைச்­ச­ருக்கு முன்­னர் பேசிய பேச்­சா­ளர்­கள் பெரும்­பா­லும் மண்­ட­பத்­தில் இருந்­த­வர்­க­ளைத் தூங்க வைத்­து­விட்­டார்­கள். பேரா­சி­ரி­யர் சிற்­றம்­ப­லம் நூல் ஆய்­வுரை என்ற பெய­ரில் புத்­த­கத்தை வாசித்­துச் சலிப்­பூட்­டி­ னார். அவர் தனது உரை­யில், கூட்­ட­மைப்பு மற்­றும் தமிழ் அர­சுக் கட்சி மீது இருக்­கும் கோப­தா­பத்­தை­யும் வெளிப்­ப­ டுத்­தத் தவ­ற­வில்லை. தீர்வு இன்­று­வ­ரும், நாளை வரும் என்று சொல்­லிக் கொண்­டி­ருக்­கின்­றார்­கள் என்று அவர் பேசத் தொடங்­கும்­போதே, கைதட்­டல்­கள் கிளம்­பின.

புத்­தக வெளி­யீட்­டில் பேசிய ஒவ்­வொ­ரு­வ­ரும் முத­ல­மைச்­சரை ஆகா! ஓகோ! என்று புகழ்ந்து தள்­ளி­னார்­கள். பக்­கத்­தி­லி­ருந்த அரச அதி­காரி ஒரு­வர், ‘இது புத்­த­க­வெ­ளி­யீடா? அல்­லது முத­ல­மைச்­ச­ருக்­கான பிரி­யா­வி­டையா?’ என்று புறு ­பு­றுத்­தார். நிகழ்­வின் முடி­வில் முத­லில் சம்மந்­தர் வெளி­யே­றி­னார். அவ­ரு­டன் மாவை.சேனா­தி­ரா­சா­வும் வெளி­யே­றி­னார். இறு­தி­யாக விக்­னேஸ்­வ­ரன் வெளி­யே­றி­னார். தனித் தனி­யா­கப் பிரிந்தே சென்­ற­னர்.

http://newuthayan.com/story/13/இணைந்து-வந்தார்கள்-பிரிந்து-சென்றார்கள்.html

மீண்டும் தோன்றும் நெருக்கம்