வரலாற்று சிறப்பு வாய்ந்த சிலாபம் முன்னேஸ்வரம் முன்னைநாதஸ்வாமி ஸ்ரீ வடிவாம்பிகை  ஆலயத்தின் வருடாந்த மஹோற்சவம் கொடியேற்றத்துடன் இன்று (17) ஆரம்பமாகியது.

கொடிச்சீலை யானையில் சுமந்த வண்ணம் ஆலயத்தைச் சுற்றி வீதி வழியாக எடுத்து வரப்பட்டு ,பின்னர் கொடி ஏற்றப்பட்டது.

கொடித்தம்பத்திற்கு அபிஷேகமும் இடம்பெற்றது.  

'இந்நிகழ்வில்  பெருந்தொகையான பக்த அடியார்கள் கலந்து கொண்டு அம்பாளின் அருளைப் பெற்றுக் கொண்டனர்.

முக்கிய நிகழ்வுகளாக தீ மிதிப்பு உற்சவம் செப்டெம்பர் 08 ஆம் திகதியும், வேட்டைத் திருவிழா செப்டெம்பர் 11 ஆம்திகதியும் தேர்த்திருவிழா செப்டெம்பர் 12 ஆம் திகதியும் தீர்த்தோற்சவம் செப்டெம்பர் 13 ஆம் திகதியும் இடம்பெறவுள்ளது

-உடப்பு குறூப்  நிருபர் -

http://www.thinakaran.lk/2019/08/17/இந்து-மதம்/38861/சிலாபம்-முன்னேஸ்வரம்-கொடியேற்றம்

Monday, August 19, 2019 - 11:44am

சிலாபத்திலிருந்து வடக்கே, குருநாகல் பாதையில், மூன்று மைல் தூரத்தில் அமைந்துள்ளது முன்னேஸ்வரம் சிவன் கோவில். ஐந்து ஈஸ்வரங்களில் இதுவும் ஒன்ற. வரலாறு படைத்த கோயில். இலங்கையில் உள்ள ஐந்து ஈஸ்வரங்களில் முன்னேஸ்வரம் முதல் தோன்றியதால் முன்னேஸ்வரம் என்ற நாமம் பெற்றது என்பது பலர் கருத்து. இந்நாட்டுக்கு விஜயன் வருகை தருவதற்கு முன்பே ஐந்து பெரும் சிவஸ்தலங்கள் இருந்ததாக வரலாற்று நெறியாளரான சேர் போல் பீரிஸ் தெரிவித்துள்ளார். மகா தீர்த்தத்தில் திருக்கேதீஸ்வரமும், சாலவத்தை (சிலாபம்) யில் முன்னேஸ்வரமும் கோட்டையாற்றில் திருக்கோணேஸ்வரமும் கீரிமலையில் நகுலேஸ்வரமும் இருந்ததாக தெரிவிக்கிறாா்கள்.கும் வரலாற்று நெறியாளர் ஐந்தாவது சிவஸ்தலம் பற்றி தெரிவிக்காது உள்ளார். 

கி.மு. 543ம் ஆண்டு இந்நாட்டுக்கு வருகைத் தந்த விஜயன் இந்நாட்டை முப்பத்தெட்டு வருடங்கள் ஆட்சி புரிந்துள்ளான். இவனது ராஜதானியின் நான்கு வாசல்களிலும் சிறப்புடன் விளங்கிய நான்கு சிவாலயங்களை புனருத்தாரணம் செய்தான் என பழைய இலங்கைச் சரித்திர நூல் (அமெரிக்கன் மிஷன் பதிப்பு) தெரிவிக்கிறது. முன்னேஸ்வரம் ஆலயம் பல்வேறு சிறப்புக்களைக் கொண்டது.  

ரிஷி முனிவரினால் இக்கோயில் தோற்றுவிக்கப்பட்டதால் முனிஈஸ்வரம் ஸ்ரீ முன்னேஸ்வரம் எனப்பெயர் வந்ததாகக் கதையுண்டு. யுத்தத்தில் இராவணனையும் ஆயிரக்கணக்கான வீரர்களையும் கொன்று இராமன் தன் மனைவி சீதை சகிதம் புஸ்பக விமானத்தில் இந்தியா திரும்பும்போது பிரம்மஹத்தி தோஷம் நீங்க இத்தலத்துக்கு விஜயம் செய்து, சிவலிங்கப் பிரதிஷ்டை செய்து, பூஜை செய்தார் எனத் தக்ஷண கைலாச மகாத்மீயம் கூறுகிறது. இக்கோயில் விஜயகுமாரனால் புணர்த்தனம் செய்யப்பட்டதாக வரலாறு கூறுகிறது. சோழர்கள் இலங்கையை ஆண்டபோது இக்கோயில் அவர்களால் பரிபாலிக்கப்பட்டது.

பாண்டிய மன்னனின் ஆட்சிக் காலத்தில் இவ் ஆலயம் அமைக்கப்பட்டு இருக்கலாம் என்று எண்ணத் தோன்றுகிறது. மகா மண்டபத்தின் மேல் பகுதியும் தனி கருங்கல்லேயாகும். இக் கல்லில் சதுரமாக செதுக்கப்பட்ட பகுதியில் நான்கு மீன்கள் செதுக்கப்பட்டுள்ளன.

இதனை கொண்டும் மகா மண்டபத்தில் உள்ள கல்தூண்களின் ஓவியங்களைக் கொண்டும் பாண்டிய மன்னனின் ஆட்சிக் காலத்தில் இவ் ஆலயம் அமைக்கப்பட்டு இருக்கலாம் என்பதை அடிப்படையாகக் கொண்டு  எண்ணத் தோன்றுகிறது.

குளக்கோட்டு மன்னன் முன்னேஸ்வர ஆலயத்திற்குரிய பூமியை 64 கிராமங்களாக பிரித்து ஒவ்வொரு கிராமத்துக்கும் இடுகுறி காரணப் பெயர்கள் இட்டான். இக்கிராமங்களில் சோழநாட்டிலிருந்து அழைத்து வரப்பட்ட தொழிலாளர்களை குடியிருக்க வைத்தான்.   ஸ்ரீ பராக்கிரமபாகு எனப்படும் ஆறாவது பராக்கிரமபாகு மன்னன் (கி.பி.1410-1462) கி.பி. 1448ம் வருடம் முன்னேஸ்வரம் ஆலயத்திற்கு யாத்திரை மேற்கொண்டான். ஆலயத்தின் இடிந்த பகுதிகளை திருத்தி பல கிராமங்களை மானியங்களாக ஆலயத்திற்கு அளித்தான். இவனது இம் மானியத்தை கல்வெட்டு சாசனமாக செய்வித்தான். இன்னும் இக்கல்வெட்டை ஆலயத்தின் கர்ப்பக்கிருகச் சுவரின் பின்பகுதியில் காணலாம்.  

உடப்பு குறூப்  நிருபர்

http://www.thinakaran.lk/2019/08/19/உள்நாடு/38921/முன்னேஸ்வரம்