மனித உரிமைகளைப் பேணத் தவறியதால் இலங்கைக்குக் கிடைத்த முதல் தண்டனை பிரிட்டன் நிதி முடக்கம்

கொழும்பு, மே 5

""இலங்கைத் தமிழர்களினதும் ஏனைய இன மக்களின தும் அடிப்படை உரிமைகளை இலங்கை அரசு மீறிவரு வதன் காரணமாகவே பிரிட்டன் இலங்கைக்கான அதன் நிதி உதவியை முடக்கியுள்ளது. இலங்கை அரசின் மனித உரிமை மீறல் நடவடிக்கைக்காக சர்வதேச நாடுகள் இலங்கை அரசுக்கு வழங்கவிருக்கும் தண்டனையின் முதல் கட்டமே இந்த நிதி உதவி முடக்கம்.''

இவ்வாறு ஐக்கிய தேசியக் கட்சியின் நாடாளுமன்ற உறுப்பினர் லக்ஷ்மன் கிரியெல்ல, இலங்கைக்கான நிதியுதவியை பிரிட்டன் முடக்கியமை தொடர்பாக நேற்றுக் கருத்துத் தெரிவித்தார்.

அவர் மேலும் கூறியதாவது:

இலங்கையில் மனித உரிமை மீறல்கள் அதிகரித்துள் ளன என்பதையும் இலங்கை அரசே இந்நடவடிக்கையில் நேரடியாக ஈடுபட்டு வருகின்றது என்பதையும் சர்வதேச நாடுகள் தெளிவாக விளக்கியுள்ளன.

அந்நாடுகள் மனித உரிமை மீறல்களைத் தடுத்து நிறுத்து வதற்கான நடவடிக்கையில் தற்போது ஈடுபட்டுள்ளன. அதன் முதற்கட்டமாகவே பிரிட்டன் இலங்கைக்கு வழங்க விருந்த நிதியுதவியை முடக்கியுள்ளது. மனித உரிமை மீறல்கள் முற்றாக நிறுத்தப்பட்டால் மாத்திரமே அந்நிதி வழங்கப்படும் என்றும் பிரிட்டன் தெரிவித்திருக்கின்றது.

இது இலங்கைக்கு விழுந்த பாரிய அடியாகும். பிரிட்ட னைத் தொடர்ந்து ஏனைய நாடுகளும் இலங்கைக்கான நிதி உதவிகளை நிறுத்தலாம்.

இலங்கையில் மனித உரிமைகளைப் பாதுகாப்போம் என்று சர்வதேச நாடுகளுடன் இலங்கை அரசு ஒப்பந்தம் ஒன்றைச் செய்தது. அந்த ஒப்பந்தத்தை மீறிவிட்டே மனித உரிமை மீறல்களில் அரசு ஈடுபடுகின்றது.

இலங்கை அரசின் இந்தச் செயற்பாடு தொடருமேயா னால் அனைத்து நாடுகளும் நிதியுதவிகளை நிறுத்திவிடும். அந்நிலைமை ஏற்பட்டால் நாட்டின் பொருளாதாரம் வீழ்ச்சி யடைந்துவிடும்.

அது மாத்திரமின்றி சுற்றுலாத்துறை வளர்ச்சியிலும் வெளி நாட்டு முதலீடுகளிலும் வீழ்ச்சி ஏற்படுவதை எவராலும் தடுக்க முடியாது.

இந்த நாட்டு மக்களை இருண்ட யுகத்தினுள் தள்ளிவிடா மல் நாட்டை அபிவிருத்தி செய்வதற்கு ஏதுவான வகையில் மனித உரிமை மீறல்களை இலங்கை அரசு உடனடியாக தடுத்து நிறுத்தவேண்டும் எனக் கூறினார். (சி)

உதயன்