லண்டனில் அரசுக்கு எதிராக சுற்றுசூழல் ஆர்வலர்கள் போராட்டம்

லண்டனில் பருவ நிலை மாற்றத்தை கட்டுப்படுத்த நடவடிக்கை எடுக்காததாக கூறி அரசுக்கு எதிராக போராட்டம் நடத்திய 21 பேர் கைது செய்யப்பட்டனர்.

லண்டனில் கடந்த இரு வாரத்துக்கும் மேலாக, கார்பன் மோனாக்ஸைட் என்ற நச்சுவாயு வெளியேற்றத்தை அரசு கட்டுப்படுத்த வலியுறுத்தி சுற்றுசூழல் ஆர்வலர்கள் போராட்டம் நடத்தி வருகின்றனர்.

கடந்த வாரம் மாபெரும் போராட்டம் நடைபெறவுள்ளதாக வந்த தகவலை அடுத்து, போலீசார் முன்னெச்சரிக்கையாக 10 பேரை கைது செய்திருந்தனர்.

நேற்று செந்நிற உடையணிந்து சுற்றுசூழல் ஆர்வலர்கள் பலர் அங்குள்ள London's Marble Arch பகுதியில் அமைதி பேரணி நடத்தினர்.

தொடர்ந்து இன்று காலையும் பாதுகாப்பு அமைச்சகம் முன் பலர் மனிதசங்கிலி போல் வரிசையாக நின்று போராட்டம் நடத்தினர்.

இதையடுத்து அங்கு வந்த காவலர்கள், போராட்டக்காரர்களில் சிலரை கைது செய்து, அவர்கள் வைத்திருந்த ஏவுகணை போன்ற மாதிரி வடிவத்தையும் எடுத்துச் சென்றனர்.

https://www.polimernews.com/dnews/83732/லண்டனில்-அரசுக்கு-எதிராகசுற்றுசூழல்-ஆர்வலர்கள்போராட்டம்