ஜனா­தி­பதி கோத்­த­பாய ராஜபக் ஷ வெற்றி பெற்றால் தமிழ் மக்கள் பழிவாங்­கப்­ப­டுவர் என ஜனா­தி­பதித் தேர்தல் காலத்தில் போலித்­த­ன­மா­னதும் விஷ­மத்­த­ன­மா­ன­து­மான பிர­சாரம் மேற்­கொள்­ளப்­பட்­டது. ஆனால்,  கோத்­த­பாய ராஜபக் ஷ வெற்றி பெற்றும் தமிழ் மக்­க­ளுக்கு எதி­ராக எவ்­வித அசம்­பா­வி­தமும் இடம்­பெ­ற­வில்லை.



மாறாக சக­ல­ருக்­கு­மான பாது­காப்பு  உறு­திப்­ப­டுத்­தப்­பட்­டுள்­ளது என்று ஸ்ரீலங்கா சம­ச­மாஜக் கட்சி பொதுச்­செ­ய­லா­ளரும் ஆளு­ந­ரு­மான பேரா­சி­ரியர் திஸ்ஸ விதா­ரண தெரி­வித்தார். ஜனா­தி­பதித் தேர்­தலின் பின்­ன­ரான நிலை­மைகள் தொடர்பில் கருத்­து­ரைக்­கை­யி­லேயே மேற்­கண்­ட­வாறு தெரி­வித்தார்.

அவர் மேலும் கருத்து தெரிவிக்கையில்,

ஜனா­தி­பதித் தேர்தல் பிர­சாரக் காலத்­தின்­போது தமிழ்த் தேசியக் கூட்­ட­மைப்பும்  ஐக்­கிய தேசியக் கட்­சியும் இணைந்து கோத்­த­பாய ராஜபக் ஷ வெற்­றி­பெற்றால் வெள்ளை வேன் கலா­சாரம் உரு­வாகும் என்று போலித்­த­ன­மா­னதும் விஷ­மத்­த­ன­மா­ன­து­மான பிர­சா­ரங்­களை மேற்­கொண்­டனர்.

அது மட்­டு­மல்­லாமல், முன்னாள் அமைச்சர் ராஜித சேனா­ரத்ன ஊட­க­வி­ய­லாளர் மாநா­டொன்றை நடத்தி இரண்டு நபர்­களை அழைத்து வந்து கோத்­த­பாய ராஜ­ப­க் ஷவின் உத்­த­ரவின் பேரி­லேயே வெள்ளை வேனில் தமிழ் மக்­களை கடத்­திச்­சென்று கொலை செய்­த­தாகக் கூறப்­பட்­டது.

தற்­போது அது பொய் என நிரூ­பிக்­கப்­பட்­டுள்­ளது. மேலும் அதன் சார­திகள் என சந்­தே­கத்தின் பேரில் இரண்டு நபர்கள் கைது செய்­யப்­பட்டு விசா­ர­ணைக்கு உட்­ப­டுத்­தப்­பட்டு வரு­கின்­றனர். விசா­ர­ணை­களின் இறு­தியில் உண்மை தெரி­ய­வரும்.

கோத்­த­பாய ராஜபக் ஷ இன­வாதி அல்ல. தான் எதிர்­பார்த்­த­ளவு தமிழ் மக்கள் வாக்­க­ளிக்­க­வில்­லை­யென்­றாலும் அம்­மக்­களை அர­வ­ணைத்து நாட்டை அபி­வி­ருத்தி செய்வேன் என அவர் பதவியேற்ற தினத்தில் கூறி­யது வர­வேற்­கக்­கூ­டிய விடயம். எதிர்வரும் பொதுத்தேர்தலில் ஐ.தே.கட்சி மூன்று பிரிவுகளாக செயற்படுவதால் பொதுஜன முன்னணி அதிக ஆசனங்களைக் கைப்பற்றும். எனவே தமிழ் மக்கள் சிந்தித்து செயலாற்ற வேண்டும் என்றார். 

https://www.virakesari.lk/article/71821

வெள்ளை வேன் விவகாரம் : விசாரணைகள் நடத்தப்பட வேண்டுமே தவிர ராஜிதவை கைது செய்வது ஏற்புடையதல்ல :  த.தே .கூ

'வெள்ளை வேன்' விவகாரம் என்பது நேற்றோ அல்லது அதற்கு முன்னைய நாளோ பேசுபொருளான விடயமொன்றல்ல. இவ்விடயம் தொடர்பில் கடந்த 10 வருடங்களுக்கும் அதிகமான காலமாக எமது சமூகத்தில் உள்ளவர்கள் அறிந்திருக்கிறார்கள்.

அவ்வாறிருக்கையில் அதுகுறித்து இருவர் சில வெளிப்படுத்தல்களைச் செய்யும்போது அவை தொடர்பில் விசாரணைகள் மேற்கொள்ளப்பட வேண்டுமே தவிர, அந்த ஊடகவியலாளர் சந்திப்பை ஏற்பாடு செய்த ராஜித சேனாரத்னவை சட்டத்திற்குப் புறம்பாகக் கைது செய்ய முயற்சிப்பது ஏற்புடையதன்று.

இத்தகைய செயற்பாடுகளைத் தமிழ்த் தேசியக் கூட்டமைப்பு வன்மையாகக் கண்டனம் செய்கிறது என்று தமிழ்த் தேசியக் கூட்டமைப்பின் பேச்சாளரும், யாழ்மாவட்டப் பாராளுமன்ற உறுப்பினருமான எம்.ஏ.சுமந்திரன் தெரிவித்தார்.

ஐக்கிய தேசியக் கட்சியின் தலைமையகமான சிறிகொத்தாவில் இன்று  ஏற்பாடு செய்யப்பட்டிருந்த விசேட ஊடகவியலாளர் சந்திப்பிலேயே அவர் இவ்வாறு குறிப்பிட்டார்.

அங்கு அவர் மேலும் கூறியதாவது:

பாராளுமன்ற உறுப்பினர் ராஜித சேனாரத்னவை கைது செய்வதற்கு உத்தரவு பிறப்பிக்கப்பட்டுள்ள நிலையில் அதுகுறித்து எமது நிலைப்பாடுகளை வெளிப்படுத்தும் விதமாக அனைத்துக் கட்சிகளினதும் பிரதிநிதிகளையும் உள்ளடக்கியதாக ஏற்பாடு செய்யப்பட்டுள்ள இந்த ஊடகவியலாளர் சந்திப்பில் கலந்துகொள்ளுமாறு எமக்கு அழைப்பு விடுக்கப்பட்டது.

'வெள்ளை வேன்' விவகாரம் என்பது நேற்றோ அல்லது அதற்கு முன்னைய நாளோ பேசுபொருளான விடயமல்ல. இவ்விடயம் தொடர்பில் கடந்த 10 வருடங்களுக்கும் அதிகமான காலமாக எமது சமூகத்தில் உள்ளவர்கள் அறிந்திருக்கிறார்கள்.

வெள்ளை வேன் என்று கூறினாலும் கூட, அதன் பின்னணியின் என்ன கதை இருக்கிறது என்பதையும் அறிந்திருக்கிறார்கள்.

அவ்வாறிருக்க இருவர் வந்து நாங்கள் தான் வெள்ளை வேனின் சாரதிகள் என்றும், அவ்விவகாரம் தொடர்பில் நன்கு அறிவோம் என்றும் கூறும்பட்சத்தில் அதுகுறித்து முறையான விசாரணைகள் மேற்கொள்ளப்பட வேண்டும்.

அவர்கள் கூறுவது உண்மையா? பொய்யா? அத்தகைய சம்பவங்கள் எங்கு நடைபெற்றது? அவற்றுக்கு வேறு சாட்சிகள் உள்ளதா? என்று ஆராயப்பட வேண்டும். உண்மையில் கடந்த காலத்தில் 'வெள்ளை வேன் கடத்தல்' சம்பவங்கள் நடைபெற்றன என்று எம்மனைவருக்கும் தெரியும். உதாரணத்திற்கு நானே இத்தகைய சம்பவங்கள் தொடர்பான வழக்குகள் பலவற்றில் சட்டத்தரணியாக ஆஜராகியிருக்கின்றேன் என அவர் இதன்போது தெரிவித்தார்.

https://www.virakesari.lk/article/71872