அவுஸ்திரேலியா அரசு 5.25 மில்லியன் டொலர்களை இலங்கைக்கு வழங்குகிறது.

இலங்கையில் ஏற்பட்டுள்ள உக்கிரமான மோதல்களின் விளைவாக பாதிக்கப்பட்டுள்ள மக்களுக்கு உதவும் பொருட்டு தமது அரசு 5.25 மில்லியன் டொலர்களை வழங்க முன்வந்துள்ளதாக அவுஸ்திரேலிய வெளிவிவகார அமைச்சர் அலெக்சாண்டர் டெளணர் தெரிவித்துள்ளார்.

அவுஸ்திரேலிய வெளிவிவகார அமைச்சர் விடுத்துள்ள அறிக்கையில் மேலும் தெரிவித்துள்ளதாவது:

இந்த நிதியானது சுய சேவைகள் மற்றும் அவசர மனிதாபிமான சேவைகள் போன்றவற்றிற்கு பயன்படுத்தப்படும்.

முதற்கட்டமாக உலக உணவுத் திட்ட அமைப்பினுடாக நாம் 3 மில்லியன் டொலர்களை வழங்க உள்ளோம். இது அங்குள்ள 400,000 இடம்பெயர்ந்த மக்களின் அவசர உணவுத் தேவைகளுக்கும் வடக்கு - கிழக்கில் உள்ள 390,000 மக்களின் உணவுக்கான வேலை என்னும் சமூகத் திட்டத்திற்குமான உதவியாகும்.

அத்துடன் ஒரு மில்லியன் டொலர்களை அனைத்துலக மனிதாபிமான விதிகளுக்கு அமைய பொதுமக்களின் பாதுகாப்பு, தடுப்புக்காவலில் உள்ளவர்களை சென்று பார்வையிடுதல், காணாமல் போனோரின் குடும்பங்கள் தொடர்பான செயற்பாடுகளுக்கு உதவுதல் போன்றவற்றிற்கு உதவும் பொருட்டு அனைத்துலக செஞ்சிலுவைச் சங்கத்திற்கு வழங்க உள்ளோம்.

மேலும் நாம் 1.25 மில்லியன் டொலர்களை இடம்பெயர்ந்த மக்கள் மற்றும் பிரிந்த குடும்பங்கள் ஆகியவற்றில் உள்ள சிறுவர்களின் பாதுகாப்பு, 30,000 குடும்பங்களுக்கான குடிநீர், கழிவுநீர் அகற்றல் போன்ற செயற்பாடுகளுக்காக யுனிசெஃப் அமைப்புக்கு வழங்க தீர்மானித்துள்ளோம்.

இந்த மனிதாபிமான நிறுவனங்கள் இலங்கையில் அனுபவங்களை கொண்டுள்ளதுடன், முக்கியமான உதவிப் பணிகளை செயற்திறனுடன் ஆற்றிவருகின்றன. எமது இந்த பங்களிப்பு 2006-2007 ஆம் ஆண்டுக்களுக்குரிய இலங்கைக்கான மனிதாபிமான உதவிகளின் தொகையை 17.8 மில்லியன் டொலர்களாக உயர்த்தியுள்ளது.

இலங்கையில் உள்ள மனிதாபிமான நெருக்கடிகளை தீவிரமடைந்த மோதல்கள் மேலும் மோசமாக்கி உள்ளது. இதில் குறிப்பாக வடக்கு - கிழக்கு பகுதிகள் பாதிக்கப்பட்டுள்ளன. மோதல்களானது பாதிக்கப்பட்ட பகுதிகளில் உள்ள மக்களிடம் உணவுப் பற்றாக்குறை மற்றும் மனிதாபிமான தேவைகள் போன்றவற்றை ஏற்படுத்தியுள்ளது.

நீதிக்கு புறம்பான கொலைகள், கடத்தல்கள், பலவந்தமான படைச்சேர்ப்பு போன்றன தினசரி நடக்கின்றன. மோதல்களில் ஈடுபடும் எல்லாத் தரப்பினரும் அனைத்துலக மனிதாபிமான விதிகளை தொடர்ச்சியாக மீறி வருகின்றனர்.

இலங்கையில் அதிகரித்து வரும் வன்முறைகள், மனித உரிமை மீறல்கள் போன்றவற்றை அவுஸ்திரேலியா அரசு கவனத்தில் எடுத்து வருகின்றது. மோதலில் ஈடுபட்டு வரும் எல்லாத் தரப்பினரும் தாமதமின்றி அமைதிப் பேச்சுக்கு திரும்பி எல்லா மக்களின் அபிலாசைகளையும் பூர்த்தி செய்யக் கூடிய தீர்வை காணவேண்டும் என நாம் கேட்டுக்கொள்கின்றோம்.

-Puthinam-

யுத்தத்தால் பாதிக்கப்பட்ட மக்களின் மனித நேயப் பணிகளுக்கு அவுஸ்ரேலியா நிதியுதவி.

சிறீலங்காவின் வடக்கு - கிழக்கில் யுத்த முன்னெடுப்புக்களால் பாதிக்கப்பட்ட மக்களின் மனித நேயப் பணிகளுக்காக 52 இலட்சத்து 50 ஆயிரம் டொலர்களை வழங்க அவுஸ்ரேலியா அரசுமுன்வந்துள்ளது.

30 இலட்சம் டொலர்களை ஐக்கிய நாடுகள் சபையின் உலக உணவுத் திட்ட அமைப்புக்கும், 10 இலட்சம் டொலர்களை அனைத்துலக செஞ்சிலுவைச் சங்கத்திற்கும், ஐக்கிய நாடுகள் சபையின் சிறுவர் நிதியத்திற்கு 10 இலட்சத்து 50 ஆயிரம் டொலர்களையும் வழங்கவுள்ளதாக அவுஸ்ரேலியா அரசால் விடுக்கப்பட்ட அறிக்கையில் தெரிவிக்கப்பட்டுள்ளது.

இதேநேரம் தற்போது ஏற்பட்டுள்ள மோதல்களுக்கு முடிவகட்டி அனைந்து சமூகங்களின் அபிலாசைகளையும் பூர்த்தி செய்யும் வகையில் தீர்வு அமைக்கப்பட வேண்டும் என அழைப்பு விடுத்துள்ளது

-Pathivu-

நல்ல முயற்சி. உதவி பாதிக்கப்படவர்களை அடையவேண்டும்.

சிலோன் அரசாங்கத்துக்கு இந்தப்பணம் தமிழர்களை அழிக்க தேவையான ஆயுதங்களை வாங்க உதவியாக இருக்கும்.என்ன இருந்தாலும் அமெரிக்காவுக்கு அடிக்கழுவுற நாடுதானே அவுஸ்திரேலியா B)