பிரதமரின் உரையில் சொல்லப்பட்ட அனைத்தும் நிஜமாக அமுலாகின்றன என்றால் நல்லதே – மனோ!

 

 

     by : Benitlas

பிரதமரின் உரையில் சொல்லப்பட்ட அனைத்தும் நிஜமாக அமுலாகின்றன என்றால் நல்லதே என முன்னாள் நாடாளுமன்ற உறுப்பினர் மனோ கணேசன் தெரிவித்துள்ளார்.

தனது முகப்புத்தகத்தில் பதிவிட்டுள்ள பதிவிலேயே அவர் இந்த விடயத்தினைக் குறிப்பிட்டுள்ளார்.

“பிரதமர் நேற்று ஆற்றிய உரையில் சொல்லப்பட்ட அனைத்தும் நிஜமாக அமுலாகின்றன என்றால், நல்லதே! நிவாரண கொடுப்பனவுகள், இன, மத, பேதங்கள் இல்லாமல் வழங்கப்படுகின்றன என்றும் அவர் சொன்னார்.

கொரோனா நோய் தடுப்பு, நோய் நிவாரணம் ஒருபுறம் இருக்க, இந்த முழு அடைப்பால் பாதிக்கப்பட்டுள்ள மக்களுக்கு வழங்கப்படும் வாழ்வாதார உதவிகள் என்ற அடிப்படையில், ஐந்து மில்லியன் மக்களுக்கு நேரடியாக கொடுப்பனவுகள் வழங்கப்பட்டுள்ளன என்று அவர் கூறினார்.

சமூர்த்தி பயனாளிகள் மற்றும் சமூர்த்தி பட்டியலில் சேர்க்ப்படுவதற்காக காத்திருப்போர் என மொத்தம் 23 இலட்சம் பேர் அடங்குவர் என்றும்,

இதற்கப்பால், சமூக ரீதியாக கர்ப்பிணி தாய்மார்கள், போஷாக்கற்ற குழந்தைகள், முதியோர், மாற்றுத்திறனாளிகள், சிறுநீரக நோயாளர், ஓய்வூதியர்கள் என்றும், தொழில்ரீதியாக மீனவர்கள், விவசாயிகள் என்றும்,

ஒட்டு மொத்தமாக இந்த ஐந்து மில்லியன் தொகை வருவதாகவே பிரதமரின் உரை அமைந்திருந்தது.

கொரோனா முழு அடைப்பால் பாதிக்கப்பட்டு வாழ்வாதாரம் இழந்த நீங்கள் அனைவரும், மேல் சொல்லப்பட்ட இந்த பட்டியல்களில் உள்வாங்கப்பட்டு இந்த வாழ்வாதார உதவிகளை பெறுகின்றீர்களா? என இந்நாட்டில் வாழும் மக்கள், தேடிபார்த்து, கூற வேண்டும்“ என அவர் பதிவிட்டுள்ளார்.

http://athavannews.com/பிரதமரின்-உரையில்-சொல்லப/

3 hours ago, nunavilan said:

“பிரதமர் நேற்று ஆற்றிய உரையில் சொல்லப்பட்ட அனைத்தும் நிஜமாக அமுலாகின்றன என்றால், நல்லதே! நிவாரண கொடுப்பனவுகள், இன, மத, பேதங்கள் இல்லாமல் வழங்கப்படுகின்றன என்றும் அவர் சொன்னார்.

சொன்னது ஒன்டும் இதுவரை நடந்தமாதிரி தெரியல்ல, இனியாவது நடக்குமா என்டு பாக்கிறம் என்டு நேரடியா உண்மைகளை சொல்லும் திராணி மனோவுக்கு இல்லை.