புதுக்கோட்டையில் கல்லூரி மாணவி ஆணவக்கொலை?- காதலன் கண்ணீருடன் எஸ்.பியிடம் புகார்

இருவருக்கும் திருமண வயது பூர்த்தியடையாததால், இருவரும் திருமணம் செய்துகொள்ள முடியாது என்று போலீஸார் கூறியுள்ளனர்.

புதுக்கோட்டை அருகே தோப்புக்கொல்லையைச் சேர்ந்தவர் ராஜேந்திரன் மகன் விவேக் (20). பெயின்டர் வேலை செய்து வருகிறார். திருவரங்குளத்தைச் சேர்ந்தவர் நாகேஸ்வரன் என்பவரது மகள் சாவித்திரி (19). இவர் புதுக்கோட்டை அரசுக்கல்லூரியில் பட்டப்படிப்பு படித்து வந்தார். விவேக்கும், சாவித்திரியும் கடந்த 5 ஆண்டுகளுக்கும் மேலாக ஒருவரை ஒருவர் காதலித்து வந்துள்ளனர். இவர்களின் காதல் விவகாரம் சாவித்திரியின் பெற்றோர்கள் மற்றும் உறவினர்களுக்குத் தெரியவந்தது. இருவரும் வெவ்வேறு சமூகத்தைச் சேர்ந்தவர்கள் என்பதால், குறிப்பாக, சாவித்திரியின் வீட்டார் காதலுக்குக் கடும் எதிர்ப்பு தெரிவித்துள்ளனர். தொடர்ந்து, சாவித்திரிக்கு வேறு ஒருவருடன் திடீர் திருமண ஏற்பாடுகளையும் செய்துள்ளனர். வேறு ஒருவரைத் திருமணம் செய்வதற்குப் பிடிக்காத சாவித்திரி உடனே விவேக்கிடம் போனில், இங்கிருந்து தன்னை எங்காவது அழைத்துச் சென்று உடனே திருமணம் செய்துகொள்ளும் படி கூறியுள்ளார்.

 

இதையடுத்து, வெளியூர் சென்று திருமணம் செய்துகொள்ளலாம் என்று முடிவு செய்த இருவரும், நண்பர்கள் உதவியுடன் வீட்டிலிருந்து கடந்த 7ம் தேதி வாடகைக் கார் எடுத்து கோயம்புத்தூர் புறப்பட்டனர். கோயம்புத்தூரில் திருமணம் செய்துகொள்ளவும் திட்டமிட்டனர். இந்த நிலையில்தான் கார், கரூர் மாவட்டம் குளித்தலை வழியாகச் சென்ற போது அங்கு வாகனத் தணிக்கையில் ஈடுபட்டிருந்த போலீஸார் இவர்களின் காரை சோதனை செய்து விசாரித்தனர். இதில், விவேக்கிற்குத் திருமண வயது பூர்த்தியடையவில்லை என்பது தெரியவந்தது. இருவருக்கும் திருமண வயது பூர்த்தியடையாததால், இருவரும் திருமணம் செய்துகொள்ள முடியாது என்று போலீஸார் கூறியுள்ளனர். இருவரையும் காவல் நிலையத்திற்கு அழைத்துச் சென்று, இருவரின் பெற்றோரையும் வரவழைத்து, பேச்சுவார்த்தை நடத்தி, இருவரையும் தனித்தனியாகப் பிரித்து அனுப்பிவைத்தனர். அப்போது,சாவித்திரி போலீஸாரிடம், என்னைப் பெற்றோருடன் அனுப்பிவைத்தால், கொலை செய்துவிடுவார்கள் என்று கூறியதாகக் கூறப்படுகிறது

https://www.vikatan.com/news/crime/pudukottai-college-student-suspicious-irks-controversy

 

 

மோடி மற்றும் அமிர்தசா போன்ற முதலாளித்துவத்தின் ஏவலாளர்களும்,  எடப்பாடியாரும்   உலகவல்லரசுக் கனவுக்கு முன் முதலில் இந்தக் கொடுமைகளை கட்டுப்படுத்த  கடுமையான சட்டவரைபுகளை அமுலாக்க முயலுவதே இதுபோன்ற ஆணவக்கொலைகளைத் (இந்தச் சொல்லைக் கூட நான் விரும்பவில்லை.) தடுக்கமுடியும். குறிப்பாக  விரைந்து நடவடிக்கை  எடுத்து சாவொறுப்புத் தண்டனை  வழங்கப்பட வேண்டும். யாருடைய உயிரையும் யாருக்கும் பறிக்கும் உரிமை இல்லை என்பது எவளவு சரியோ, அதேபோன்று இந்த உயிரை எடுத்த கொலைகாரனுக்கும் அந்த உரிமை இல்லை என்பது ஏனையோருக்குத் தெரியவேண்டும்.