தங்கம் விலை சரிவு நீடிக்குமா?

மும்பை: கடந்த எட்டு மாதங்களில் முன் எப்போதும் இல்லாத அளவுக்கு தங்கம் விலை குறைந்துள்ளது.

இனி சற்று உயர்ந்தாலும் இந்த நிலை இன்னும் நீடிக்கும் என்று தங்க வர்த்தகர்கள் நம்பிக்கை தெரிவித்துள்ளனர். தங்கம் விலை குறைவுக்கு தற்போது திருமண காலமோ அல்லது பண்டிகை காலமோ இல்லாததும் ஒரு காரணம் என்று தங்க வர்த்தகர்கள் தெரிவித்துள்ளனர். டில்லியைச் சேர்ந்த தங்க வர்த்தகர் ராஜேஷ் ஜெயின் கூறுகையில், "அண்மைக் காலமாக, சர்வதேச அளவில் தங்கத்தின் உற்பத்தி அதிகரித்துள்ளது.

அதனால், இனிவரும் திருமண சீசனை முன்னிட்டு, தங்கத்திற்கு தேவை அதிகரித்தால் கூட, உள்நாட்டில் எந்த பாதிப்பும் இருக்காது' என்றார்.எனினும், சில வர்த்தகர்கள், " தங்கம் விலை குறைந்துள்ளதால், மக்களுக்கு தங்கம் வாங்க வேண்டும் என்ற ஆர்வம் அதிகரிக்கும். அதனால், விலை ஏறுவதற்கு வாய்ப்புள்ளது' என்றனர். தங்கம் இறக்குமதி செய்வது அதிகரித்துள்ளதால், தங்க வர்த்தகத்தை பொறுத்தவரை இந்த ஆண்டு "சிறந்த ஆண்டாக' இருக்கும் என்று வர்த்தகர்கள் மகிழ்ச்சி தெரிவித்துள்ளனர்.

நேற்று முன்தினம் மும்பைச் சந்தையில் பத்துகிராம் ரூ. 8,600 என்றும் லண்டன் சந்தையில் ஒரு அவுன்சு தங்கம் 644 டாலர் என்று இருந்ததும் விலைக் குறைவைப் பற்றிப் பேசக் காரணமாக அமைந்தது.உலக தங்க கவுன்சில் வெளியிட்டுள்ள புள்ளி விவரத்தில், "கடந்த ஜனவரி முதல் மார்ச் வரையில், 211 டன் தங்கம் இந்தியாவில் இறக்குமதி செய்யப்பட்டுள்ளது. கடந்த ஆண்டு இதே காலத்தில் இறக்குமதி செய்ததை விட 50 சதவீதம் அதிகம். கடந்த 2006ல், மொத்தம் 715.5 டன் தங்கம் இறக்குமதி செய்யப்பட்டது. இது, அதற்கு முந்தைய ஆண்டை விட ஒரு சதவீதம் மட்டுமே அதிகம்' என்று கூறப்பட்டுள்ளது.

சர்வதேச அளவில் தங்கம் விலை அதிகரிக்காததும், டாலருக்கு நிகரான மாற்று மதிப்பில் ரூபாய் மதிப்பு உயர்ந்ததும் இவ்விலைக் குறைவுக்கு மற்றுமொரு காரணமாகும். தவிரவும் இந்த விலைக் குறைவைப் பயன்படுத்தி ஆசிய நாடுகளில் தங்கம் இருப்பு வைத்திருந்த வர்த்தகர்கள் முதலிலேயே லாபம் பார்த்து விட்டனர். அதே நேரத்தில் அமெரிக்க டாலர் மதிப்பு சந்தையில் மதிப்புக் கூடும்போது இருப்பு வைத்திருப்பவர்கள் தங்கத்தை வெளியிட வேண்டிவரும் என்பதாலும் அதிக அளவு விலை உயர்வுக்கு வாய்ப்பு இல்லை என்றும் கூறப்படுகிறது.

தினமலர்

.

கப்பி அக்காவுக்கு தங்கம் என்றா விருப்பமோ

:P

கப்பி அக்காவுக்கு தங்கம் என்றா விருப்பமோ

:P

தங்கம் மேல விருப்பம் இல்லாட்டியும் நாலு நகை கட்டாயம் தேவையாயிற்றே.

தங்கம் மேல விருப்பம் இல்லாட்டியும் நாலு நகை கட்டாயம் தேவையாயிற்றே.

ஏனுங்கோ நாலு நகை ஒன்று காணும் தானே

:P

ஏனுங்கோ நாலு நகை ஒன்று காணும் தானே

:P

புன்னகையோ ?

புன்னகையோ ?

அதே தான்