போர் நிறுத்த மீறல்கள், கள நிலைமைகளை உள்ளடக்கிய விசேட அறிக்கையொன்றை இணைத்தலைமை நாடுகளின் கூட்டத்திற்கு சமர்ப்பித்துள்ளதாக இலங்கை போர்நிறுத்த கண்காணிப்பு குழு தெரிவித்துள்ளது.

போர் நிறுத்த மீறல்கள், கள நிலைமைகளை உள்ளடக்கிய விசேட அறிக்கையொன்றை இணைத்தலைமை நாடுகளின் கூட்டத்திற்கு சமர்ப்பித்துள்ளதாக இலங்கை போர்நிறுத்த கண்காணிப்பு குழு தெரிவித்துள்ளது.

நாட்டில் அதிகரித்துச் செல்லும் போர் நிறுத்த மீறல்கள் மற்றும் கள நிலைமைகளின் உண்மைத் தன்மையை உள்ளடக்கிய அறிக்கையொன்றை இணைத்தலைமை நாடுகளின் கூட்டத்திற்கு சமர்ப்பித்துள்ளதாக இலங்கை போர்நிறுத்த கண்காணிப்பு குழு தெரிவித்துள்ளது.

இது தொடர்பாக கருத்து தெரிவித்த போர் நிறுத்த கண்காணிப்புக் குழுவின் பேச்சாளர் தொபினோர் மேர்ஸன் மேலும் கூறியதாவது:

நோர்வே தலைநகர் , ஒஸ்லோவில் எதிர்வரும் 25,26 ஆம் திகதிகளில் நடைபெறவுள்ள இலங்கைக்கு உதவி வழங்கும் இணைத்தலைமை நாடுகளின் கூட்டத்தில் பரிசீலிப்பதற்காக விசேட அறிக்கையொன்றை நாம் சமர்ப்பித்துள்ளோம்.

அதில் அதிகரித்துச் செல்லும் போர்நிறுத்த ஒப்பந்தம் மீறல்கள், வன்முறைச் சம்பவங்களால் பொதுமக்கள் அடையும் பாதிப்புக்கள் தொடர்பாக விளக்கப்பட்டுள்ளது.

மேலும் வன்முறைச்சம்பவங்கள் போர் நிறுத்த ஒப்பந்த மீறல்கள் தொடர்பாக கண்காணிப்புக்குழுவின் அவதானிப்புக்களும், கள நிலைமைகள் தொடர்பான விடயங்களும் அவ்வறிக்கையில் இடம் பெற்றுள்ளது என்றார்.

அதே வேளை போர்நிறுத்த கண்காணிப்பு குழுவின் தலைவர், நோர்வியின் சர்வதேச அபிவிருத்தி அமைச்சரும் இலங்கைக்கான விசேட சமாதான தூதுவருமான எரிக் சொல்ஹெய்மை கடந்தவாரம் சந்தித்துப் பேசியுள்ளார்.

இதன் போது தற்போதய சூழ்நிலையில் போர் நிறுத்த கண்காணிப்பு குழு எதிர்நோக்கும் சவால்கள் , நிலைமையை சுமூகமாக்குவதற்கு இணைத்தலைமை நாடுகள் மேற்கொள்ளக்கூடிய நடவடிக்கைகள் குறித்து விவாதிக்கப்பட்டுள்ளதாக தெரிவிக்கப்படுகின்றது.

போர் நிறுத்த கண்காணிப்பாளர்களின் எண்ணிக்கையை அதிகரித்தல் உட்பட்ட சில கோரிக்கைகளை கண்காணிப்பு குழு சொல்ஹெம்மிடம் முன்வைத்ததாகவும் தெரிவிக்கப்படுகின்றது.

http://www.tamilwin.com/