நியூயோர்க் நகரம் புதைந்து கொண்டிருக்கிறது! ஆய்வில் தகவல்

அமெரிக்காவில் உள்ள நியூயோர்க் நகரம் ஆண்டுக்கு சராசரியாக 1 முதல் 2 மிமீ வரை புதைந்து வருவதாகவும், சில பகுதிகள் ஆண்டுக்கு 4.5 மிமீ அளவில் புதைந்து வருவதாகவும் சமீபத்திய ஆய்வில் தெரியவந்துள்ளது.

நகரம் முழுவதும் கட்டப்பட்டுள்ள கட்டிடங்களின் எடையும், மனித நடவடிக்கைகளால் ஏற்படும் பருவநிலை மாற்றமும் நியூயார்க் நகரத்தை மூழ்கடித்துள்ளதாக ஆய்வை நடத்திய ஆய்வாளர்கள் தெரிவித்துள்ளனர்.

ஆராய்ச்சியாளர்கள் மற்ற 99 நகரங்களில் இருந்து தரவுகளை ஆய்வு செய்தனர் மற்றும் இது நியூயார்க் நகரத்திற்கு மட்டுமேயான பிரச்சனை இல்லை என்று கண்டறிந்துள்ளனர். இந்தோனேசியாவின் ஜகார்த்தா நகரம் மிக வேகமாக மூழ்கி வருவதாகவும், இதன் காரணமாக வேறு இடத்தில் புதிய நகரத்தை அமைப்பதில் கவனம் செலுத்தப்பட்டுள்ளதாகவும் ஆராய்ச்சியாளர்கள் தெரிவித்துள்ளனர்.

இந்த ஆய்வை நடத்திய குழு, நியூயோர்க் நகரம் முழுவதும் உள்ள 1,084,954 கட்டிடங்களின் நிறை அளவை அளந்து, நியூயோர்க் நகரம் முழுவதும் உள்ள கட்டிடங்களின் மொத்த நிறை 762 பில்லியன் கிலோகிராம் என முடிவு செய்துள்ளனர்.

ஏற்கனவே கடலோர வெள்ள அபாயத்தை எதிர்கொள்வதில் உலகளவில் 3வது இடத்தில் இருக்கும் நியூயோர்க் நகரம், அட்லாண்டிக் பெருங்கடலில் இருக்கும் மற்ற பகுதிகளை காட்டிலும் 3 முதல் 4 மடங்கு கடல் மட்ட உயர்வு பிரச்சினையை அதிகம் சந்தித்து வருகிறது.

இந்நிலையில் வானளாவிய கட்டிடத்தின் அழுத்தம் காரணமாக ஏற்படும் இந்த மாற்றம் அந்நகரவாசிகளுக்கு மேலும் அச்சத்தை ஏற்படுத்தியுள்ளது. அதேபோல, உலகில் உள்ள மற்ற கடற்கரையோர நகரங்களும் இந்த விசயத்தை கவனத்தில் கொள்ள வேண்டிய அவசியம் ஏற்பட்டுள்ளது குறிப்பிடத்தக்கது.

ஆண்டுக்கு சராசரியாக 1 முதல் 2 மில்லிமீட்டர் வரை கடல் மட்ட உயர்வு இரட்டிப்பாக்கப்படுவதாலும், நியூயார்க் நகரம் மூழ்குவதாலும் காலநிலை மாற்றத்தைக் கையாள்வதில் நியூயார்க் நகரம் எதிர்காலத்தில் பல சிக்கல்களைச் சந்திக்கும் என்று ஆய்வுக் குழு காட்டியுள்ளது.

https://thinakkural.lk/article/255383