அவளுடைய வாழ்வில் மறக்க முடியாத ஒரு இனிய நாளாக இருந்திருக்க வேண்டியநாள். ஆனால் மாறாக அந்தநாள் அவள் வாழ்வில் ஒரு பயங்கரமான நாளாகிப் போனது.

திருமணம் நடந்து ஒரு மணித்தியாலத்தில் இதயத்தில் இரத்தம் உறைந்து போனதால் அவளது கணவன் மரணித்துப் போனான்.  அமெரிக்காவின் நெப்ராஸ்கா மாநிலத்தில் இந்தச் சம்பவம் நிகழ்ந்திருக்கிறது.

Johnnie Mae Davis, Toraze († 48) இருவரும்  அன்று மிகவும் மகிழ்ச்சியாக இருந்தார்கள். அவர்கள் முகங்களில் புன்னகைகள் பூத்திருந்தன. இருவரதும் குழந்தைகள், உறவினர்கள், நண்பர்கள் பலர் அவர்களுக்கு வாழ்த்துகளையும் மகிழ்ச்சிகளையும் தெரிவிப்பதற்காக தேவாலயத்தில்  கூடி இருந்தார்கள். 

அருட்தந்தையிடம் திருமணத்துக்கு “சரி” என்று இருவரும் ஒப்புக் கொடுத்ததன் பின்னர்  புகைப்படங்கள் எடுத்துக் கொண்டிருந்த போது  Toraze திடீரென சரிந்து விழுந்தான். சில வினாடிகள்தான் அவனது இதயம் நின்று விட்டது. 

ஏற்கனவே Johnnie அவளது தந்தையையும் இன்னுமொரு நெருங்கிய உறவினரையும்  இதே போன்று இதய நோயால் இழந்திருக்கிறாள். இப்பொழுது மூன்றாவதாக அவளது கணவன்.

Johnnie க்கு உதவுவதற்காக அவளின் நண்பரான Miller இணையத்தினூடாக அன்பளிப்புகளை நாடினார். ஐந்து நாட்களில் 16,800 அவரால் திரட்ட முடிந்தது. Toraze இன் இறுதி நிகழ்வு 5ந் திகதி யூலையில் நடைபெற இருக்கிறது.

Foto: Johnnie Mae Drummer-Davis/Facebook

Edited June 25, 20232 yr by Kavi arunasalam
எழுத்துப் பிழை திருத்தம்

On 26/6/2023 at 03:44, Kavi arunasalam said:

அவளுடைய வாழ்வில் மறக்க முடியாத ஒரு இனிய நாளாக இருந்திருக்க வேண்டியநாள். ஆனால் மாறாக அந்தநாள் அவள் வாழ்வில் ஒரு பயங்கரமான நாளாகிப் போனது.

உண்மைதான்.

Johnnieயின் விதி என இலகுவாக மற்றவர்கள் கடந்துவிடக்கூடும் ஆனால்  இந்த மாதிரி சம்பவங்கள் எங்களுக்கோ அல்லது எங்களது நெருங்கிய உறவுகளுக்கோ நடந்திருந்தால்தான் அதன் தாக்கம் தெரிந்திருக்க வாய்ப்புண்டு. 

தாங்கமுடியாத சோகம் ........ அடுத்து என்ன நடக்கும் என்று தெரியாது அதற்குள் எவ்வளவு ஆட்டம் போடுகிறோம் ........!