சீனாவின் தரமற்ற இயற்கை உர ஏற்றுமதி ஏற்படுத்தியுள்ள தாக்கம்

இலங்கைக்கு தரமற்ற மற்றும் அசுத்தமான இயற்கை உரத்தை ஏற்றுமதி செய்வதற்கு முற்பட்டதன்; மூலம் பெறப்பட்ட 6.3 மில்லியன் டொலர்களை திருப்பிக் கொடுப்பதில் சீனா தயக்கம் காட்டி வருகிறது.

அதுமட்டுமன்றி இலங்கை அரசாங்கம் சீனாவிடமிருந்து நிதியை மீட்பதற்கு முயற்சிக்கையில், உலகளாவிய வர்த்தகத்தில் கடுமையான கட்டுப்பாடுகள் மற்றும் பொறுப்புக்கூறல் ஆகியவற்றின் அவசியத்தை நிலைமை எடுத்துக்காட்டுகிறது.

இலங்கையானது தனது விவசாயத்துறைக்கு கரிம உரங்கள் மிகவும் அவசியமான நிலையில் சீனாவுடன் வர்த்தக உடன்படிக்கை செய்து கொண்டது. இதில் இருந்து தான் பிரச்சினை ஆரம்பமானது.

சீனாவிடமிருந்து இறக்குமதிக்காக வருவிக்கப்பட்ட உரத்தொகையின் மாதிரி பெறப்பட்டு பரிசோதிக்கப்பட்ட போது அது குறைவான தரம் வாய்ந்தமை, பயிர்கள் மற்றும் சுற்றுச்சூழலுக்கு குறிப்பிடத்தக்க அபாயங்களை ஏற்படுத்தும் தீங்கு விளைவிக்கும் உள்ளடக்கங்களைக் கொண்டிருந்தது.

இந்த விடயத்தில் சர்வதேச அழுத்தங்கள் இருக்கின்றபோதிலும், நிலைமையை சரிசெய்வதில் சீனா முழுமையாக ஒத்துழைக்கத் தயங்குகிறது. சீன அரசாங்கத்தின் பதில் தாமதங்கள், மறுப்புக்கள் மற்றும் தப்பிக்கும் தந்திரோபாயங்களால் குறிக்கப்பட்டுள்ளது.

இதனால் இலங்கை ஒரு ஆபத்தான நிலையிக்குள் தள்ளப்பட்டுள்ளது. இலங்கை தனது நிதியை திருப்பித் பெறுவதில் காணப்படுகின்ற தாமதமான நிலைமை இரு நாடுகளுக்கும் இடையிலான இராஜதந்திர உறவுகளை மேலும் சீர்குலைத்து, எதிர்கால இருதரப்பு வர்த்தக உறவுகளை பாதிக்கும் சூழலை தோற்றுவித்துள்ளது.

அதேவேளை, உலகளாவிய வர்த்தக கூட்டாண்மைகளில் வலுவான தரக்கட்டுப்பாட்டு வழிமுறைகளின் முக்கியத்துவத்தை இச்சம்பவம் அடிக்கோடிட்டுக் காட்டுகிறது.

அத்துடன், இலங்கை போன்ற நாடுகளில் ஏற்றுமதிச் செயற்பாட்டுக்கான டொலர்கள் கையிருப்பில் இல்லாததால், அத்தியாவசியப் பொருட்களுக்கான அவசரத் தேவைகளை நேர்மையற்ற நிறுவனங்கள் பயன்படுத்திக் கொள்ளும் நிலை ஏற்படடுள்ளது.

எதிர்காலத்தில் இதுபோன்ற நிகழ்வுகளைத் தடுக்க, ஏற்றுமதி மற்றும் இறக்குமதி செய்யும் நாடுகள் இரண்டும் பொருட்களின் தரம் மற்றும் பாதுகாப்பை உறுதிப்படுத்த விரிவான வழிகாட்டுதல்கள் மற்றும் ஆய்வு நடைமுறைகளை நிறுவ வேண்டும்.

கூடுதலாக, எல்லை தாண்டிய வர்த்தகத்தில் நாடுகள் தங்கள் நடவடிக்கைகளுக்கு பொறுப்புக்கூறும் கட்டமைப்பை உருவாக்க சர்வதேச அமைப்புகள் ஒன்றிணைந்து செயற்பட வேண்டும்.

இலங்கையைப் பொறுத்தவரை, இந்த சம்பவம் அதன் வர்த்தகக் கொள்கைகளை மீள்மதிப்பீடு செய்வதற்கும், தரம் மற்றும் நிலைத்தன்மைக்கு முன்னுரிமை அளிக்கும் பல்வகைப்பட்ட கூட்டாண்மைகளைத் தேடுவதற்குமான நிலைமையை உருவாக்கியுள்ளது.

அத்துடன், வர்த்தக நடைமுறைகளின் உயர் தரத்தை நிலைநிறுத்தும் நாடுகளுடன் கூட்டுகளை ஏற்படுத்திக்கொள்வதன் மூலம், இலங்கையானது இத்தகைய நெறிமுறையற்ற நடைமுறைகளுடன் தொடர்புடைய அபாயங்களைக் குறைக்க முடியும்.

சீனா-இலங்கை உர சர்ச்சையானது உலக அரங்கில் வெளிப்படையான மற்றும் பொறுப்பு வாய்ந்த வர்த்தக நடைமுறைகளுக்கான அழுத்தமான தேவையை வெளிச்சம் போட்டுக் காட்டியுள்ளது.

நியாயமான மற்றும் நெறிமுறையான வர்த்தகத்தில் நாடுகள் தங்கள் பொறுப்புகள் மற்றும் கடமைகளை நிலைநிறுத்துவதை உறுதிசெய்ய வலுவான சர்வதேச ஒத்துழைப்பின் முக்கியத்துவத்தையும் அது எடுத்துக்காட்டுகிறது.

இந்தச் சம்பவத்திற்குப் பிறகு இரு நாடுகளும், எதிர்காலத்தில் இதுபோன்ற சூழ்நிலைகள் ஏற்படாமல் தடுக்கும் வலுவான வழிமுறைகளை உருவாக்க சர்வதேச சமூகம் ஒத்துழைக்க வேண்டியது அவசியமாகின்றது.

https://athavannews.com/2023/1341839