திங்கள் 11-02-2008 10:04 மணி தமிழீழம் [சிறீதரன்]

வவுனியா, மன்னாரில் இருவெறு கிளைமோர் தாக்குதல்கள்

இன்று காலை வவுனியா, மன்னார் ஆகிய பகுதிகளில் இருவேறு கிளைமோர் தாக்குதல் சம்பவங்கள் இடம்பெற்றுள்ளதாக தெரியவருகிறது.

இதன்போது உதவி காவல்துறை பரிசோதகர் (சப் இன்ஸ்பெற்றர்) மற்றும் ஒரு காவல்துறையினர் கொல்லப்பட்டுள்ளதாகவும் ஒரு காவல்துறையினர் காயமடைந்துள்ளதாகவும் தெரியவருகிறது.

பதிவு

மன்னார் கிளேமோர் தாக்குதல் இரு பொலிஸார் பலி

2/11/2008 11:06:10 AM

வீரகேசரி இணையம் - மன்னார், வவுனியா பிரதான வீதியில் இன்று காலை 7.50 மணியளவில் கிளேமோர் தாக்குதல் இடம்பெற்றுள்ளது.குறித்த பகுதியில் வீதி சோதனை நடவடிக்கையில் ஈடுப்பட்டிருந்த பொலிஸாரை இலக்கு வைத்து இக்கிளேமோர் தாக்குதல் மேற்கொள்ளப்பட்டுள்ளது.

இதில் இரு பொலிஸார் பலியாகியுள்ளனர்.

இதனையடுத்து குறித்த பகுதியில் பொலிஸார் தேடுதல் மேற்கொண்டு வருகின்றனர்.அதேவேளை இன்று காலை 8 மணியளவில் மன்னார்,மதவாச்சி பிரதான வீதியின் மல்லவராயன் கட்டடையண்டம்பன் பகுதியில் வீதி சோதனையில் ஈடுப்பட்டிருந்த பொலிஸார் மீது துப்பாக்கி பிரயோகம் மேற்கொள்ளப்பட்டுள்ளது.இதில் பொலிஸ் கான்ஸ்டபிள் காயமடைந்துள்ளானர்.

வவுனியா - மன்னாரில் பொலிசார் மீது கிளேமோர்த் தாக்குதல்.

11.02.2008 / நிருபர் எல்லாளன்

மன்னார் வவுனியா பகுதிகளில் இன்று காலை இடம்பெற்ற கிளேமோர்த் தாக்குதலில் உதவி பொலிஸ் அத்தியட்சகர் உட்பட இரு பொலிசார் கொல்லப்பட்டுள்ளனர். மேலும் ஒரு பொலிசார் காயமடைந்துள்ளார்.

செங்கலடியில் கைக்குண்டு வீச்சு: படையினர் காயம்.

11.02.2008 / நிருபர் சங்கிலியன்

மட்டக்களப்பு மாவட்டம் ஏறாவூர் செங்கலடிப்பகுதியில் வீதி ரோந்து நடவடிக்கையில் ஈடுபட்டிருந்த சிறிலங்காப் படையினர் மீது நடததப்பட்ட கைக்குண்டுத் தாக்குதலில் படையினர் ஒருவர் படுகாயமடைந்துள்ளார்.

இத்தச்சம்பவம் கடந்த சனிக்கிழமை இடம்பெற்றுள்ளது.

காயமடைந்த படையினர் பொலநறுவை சைத்தியசாலையில் சிகிச்சைக்காக அனுமதிக்கப்பட்டுள்ளார்.

கைக்குண்டுத் தாக்குதலை அடுத்து அப்பகுதியில் மேலதிக படையினர் குவிக்கப்பட்டு தேடுதல் நடாத்தப்பட்டுள்ளது.

மட்டக்களப்பு நகரிலிருந்து செங்கலடி 15 கிலோ மீற்றர் தொலைவில் உள்ளமை குறிப்பிடத்தக்கது.

sankathi.com