இலங்கை பிரச்சினைகளை வெளிநாடுகளுக்கு சென்று கூறும் செயல் மஹிந்தவை முன்னுதாரணமாக கொண்டே செயல்படுகிறேன்.

'மாக்ஸ்' தனியார் தொலைக்காட்சி நிறுவத்தின் 'நான்காவது மாடி' என்னும் நிகழ்ச்சியில் மே.ம.மு. தலைவர் மனோ கணேசனை சென்ற 28ம் திகதி பேட்டி கண்ட வேளையிலே மனோ மேற்படி கருத்தைத் தெரிவித்திருந்தார்.

இலங்கையில் நடைபெறும் மனித உரிமை மீறல்களை தடுத்து நிறுத்தும் படி வெளிநாடுகளுக்குச் சென்று அழுத்தம் கொடுப்பதில் மஹிந்வை முன்னோடியாகக் கொண்டே செயல்படுகிறேன்.

1988-1990 காலப்பகுதியில் தெற்கில் சிங்கள இளைஞர்கள் ஆயிரக்கணக்கில் அன்றைய அரசினால் கொன்றொழிக்கும் போது அன்றைய அரசுக்கெதிராக எதிர்க்கட்சியிலிருந்த மஹிந்த கட்டுநாயக்காவுடாக ஜெனிவா நோக்கிச் சென்று ஐ.நாவின் மனித உரிமைகளுக்கான அமைப்பில் முறையிட்டதை மனோ கணேசன் நினைவுபடுத்தினார்.

அதுபோல் 'அம்னாஸ்டி இன்டர்நஷனல்', 'ஹியூமன் ரைட் வொச்' போன்ற, மஹிந்தவின் அரசினாலும் அதே போல் ஜே.வி.பியினரின் எதிர்ப்பிற்கும் அவமதிப்பிற்கும் உட்பட்டிருக்கும் அமைப்புக்களை இந்நாட்டிற்குள் வருகை தந்து மனித உரிமைகள் மீறல் சம்பந்தமாக விசாரிப்பதற்கும், கண்காணிப்பதற்கும் இடமளித்ததும் மஹிந்தவின் அரசே என்று கூறிய மனோ தொடர்ந்து, அக்காலத்தில் தமது இயகத்திற்கெதிரான மனித உரிமை மீறல்களை இவ்வமைப்புக்களிடமே ஜே.வி.பியினர் சென்று முறையிட்டதையும் நினைவுகூர்ந்தார்.

எப்படியிருப்பினும் மஹிந்தவின் அச் செயலுக்கு தாம் மிகவும் மதிப்பளிப்பதாகவும், இன்று தமிழ் மக்கள் மீது கட்டவிழ்த்து விடப்பட்ட மனித உரிமை மீறல்கள் தொடர்பாக வெளிநாட்டு மனித உரிமைகள் அமைப்புக்களிடம் முறையிட மஹிந்தவின் அன்றைய அச் செயலே தனக்கு முன்னுதாரணமாக இருந்ததாகவும் மீண்டும் குறிப்பிட்டார்.

இலங்கையைப் பற்றிய தப்பபிப்பிராயங்களை வெளிநாடுகளுக்குத் தெரிவிப்பது தேசத்துரோகக் குற்றம் என்றும் அப்படிப்பட்ட தேசத் தூரோக செயல்களில் தாங்கள் ஈடுபடுவது ஏன் என்று அவரிடம் கேட்கப்பட்ட கேள்விக்கு பதிலளிக்கும் போது,

இலங்கை பற்றிய தப்பபிப்ராயம் நாட்டினுள் நடைபெறும் மீறல்களை வெளிநாட்டு அமைப்புக்களிடம் கூறுவதனால் அல்ல, அப்படிப்பட்ட மீறல்கள் நாட்டினுள் நடைபெறுவதினாலேயே தப்பபிப்பிராயம் நிலவுகிறது. வெளிநாடுகளின் அபகீர்த்தியிலிருந்து நாட்டை மீட்டெடுக்க அப்படியான செயல்கள் தொடர்ந்தும் நடக்காது தடுக்க வேண்டும் எனவும் அவர் பதிலளித்தார்.

அன்று மஹிந்த தெற்கு சிங்கள இளைஞர்கள் கொல்லப்படுவதையும், கடத்தப்படுவதையும் ஜெனிவாவில் முறையிட்ட போது அன்றைய அரசினால் மஹிந்தவின் மீது சாட்டப்பட்ட குற்றச்சாட்டையே இன்றைய மஹிந்த அரசு தன்மீது சுமத்துகின்றது. ஆனால், அப்படி ஜே.வி.பி இயக்க உறுப்பினர்கள் மீது கட்டவிழ்த்து விடப்பட்ட மனித உரிமை மீறல்களை மனித உரிமைகள் அமைப்புகளுக்கு தெரிவித்த போது அன்றைய அரசு மஹிந்தவை ஜே.வி.பி உறுப்பினா என குற்றம் சாட்டவில்லை. ஆயினும் இன்று தமிழர்களின் உரிமைகளை, அவாகள் மீது கட்டவிழ்த்து விடப்படும் அநியாயங்களை எடுத்துரைக்கும் போது தன்னை விடுதலைப் புலி ஆதராவாளன் எனக் கூறுவது எந்த விதத்தில் நியாயமானது என கேள்வி எழுப்பினார்.

மேலும் அன்று மஹிந்தவின் செயலை தவறாக தேசத்துரோகமாக கருதவில்லை. ஆனால் தான் தமிழ் இளைஞர்கள் சார்பாக செயல்படுவதால் தேசத்துரோகியாக சித்தரிப்பது நான் தமிழன் என்ற ஒரே காரணத்தினாலா? என கேள்வி எழுப்பினார்.

13வது சட்டமூலம் தமிழரின் பிரச்சனைக்கு முடிவல்ல என்றும் அச் சட்டமூலம் முழுத் தமிழ் மக்களாலும் நிராகரிக்கப்பட்ட ஒன்று என்றும் சுட்டிக் காட்டினார். எனினும் அச்சட்டமூலம் அரசியலமைப்புக்குற்பட்டதென்