புலம் பெயர்ந்து வாழும் எம் தமிழ் உறவுகளிடம் ஓர்

அவசரவேண்டுகோள்!!!

எம் தமிழ் உறவுகளே!

வன்னிப்பெரு நிலப்பரப்பில் உள்ளக வாரியாக இடம் பெயர்ந்து வாழும் எம்தமிழ் உறவுகளுக்கு உறுதுணையாக நின்று, அவர்களுக்கு உதவிய 90க்கு மேற்பட்ட அரசசார்பற்ற தன்னார்வத் தொண்டு நிறுவனங்கள் அனைத்தையும் உடனடியாக வன்னியை விட்டு வெளியேற சிங்கள அரசாங்கம் நிர்ப்பந்திப்பதன் மூலம் வன்னியில் வாழும் எம் தமிழ் உறவுகளை பட்டினிச்சாவுக்குள் தள்ள முழுமூச்சுடன் செயற்பட்டு வருகின்றது.

இந்நிலையில் தன்னார்வத் தொண்டு நிறுவனங்கள் செய்த பணியை நாம் மேற்கொண்டு யேர்மனியிலுள்ள அரசசார்பற்ற நிறுவனங்கள் ஊடாக எம் தொப்புள்கொடி உறவுகளுக்கு வேண்டிய உதவிகள் யாவையும் செய்ய வேண்டிய பாரிய பொறுப்பை காலம் பெயர்ந்த தமிழ் மக்களாகிய எம்மிடம் தந்துள்ளது.

எனவே எம்தமிழ் உறவுகளே! உங்களால் இயன்ற உணவு,உடை,மருந்து , சிறுவர்களுக்கான பால்மா , புதிய ஆடைகள் மற்றும் கூடாரம் இன்னும் எமது மக்களுக்கு பயன் தரும் பொருட்கள் யாவற்றையும் உங்கள் வீடு தேடிவரும் எம் தமிழ் உறவுகளிடம் கையளிக்குமாறு அன்புடன் வேண்டுகின்றோம்.

உங்களிடம் நாம் சேகரிக்கும் பொருட்கள் தொடர்பான விபரங்கள் வருமாறு:

1.அரிசி,மா , சீனி,மைசூர்ப்பருப்பு , நூடில்ஸ் , கடலை, சோயா,எண்ணை , மீன்ரின், தேயிலை, கோப்பி.

2.பெண்களுக்கான புதிய ஆடைகள்(சேலை தவிர்த்து தாயகத்துக்கால நிலையை கருத்திற்கொண்டு உடைகளை தெரிவு செய்யவும்)

3.ஆண்களுக்கான சாரம்,பாதணிகள்.

4.குழந்தைகளுக்கான பால்மா,பிஸ்கட், சூப்பி,சூப்பிப்போத்தல் , சிறுவர்களுக்கான புதிய ஆடைகள்,சிறுவர்களுக்கான பாதணிகள்.

5.தலையிடி காய்ச்சலுக்கான மருந்துகள் உதாரணம்:டிஸ்பிரின்,பனடோல்.

6.நுளம்பு கடிக்கு பாவிக்கும் மருந்து,சிரங்கு கடிக்கு பாவிக்கும் மருந்து.

7.நுளம்புவலை,கூடாரம்,படுக்கை விரிப்பு,கூடார மேல் விரிப்பு.

முக்கிய குறிப்பு:- நீங்கள் வழங்கும் எம்தமிழ் உறவுகளுக்கான உணவுப்பொருட்கள்,மருந்து வகைகளின் பாவனைக்காலம் ஆறு மாதங்களுக்கு மேற்பட்டதாக இருத்தல் வேண்டும்.

நன்றி.

வன்னித்தமிழ் உறவுகளுக்கான உதவிக்குழு.

இது எந்த நாட்டில் செகரிக்கப்படுகிறது ?????

எம் உறவுகள் மீதான உங்கள் குழுவின் அக்கறைக்கு தலைவணங்கும் அதே நேரம்!

இதில் இருக்க கூடிய நடைமுறைச்சிக்கலை சம்பந்தப்பட்டவர்கள் புரிந்து கொள்ளல் நன்று என நினைக்கிறேன். இங்கு சேகரிக்கப்படும் பொருட்கள், மக்களை சென்றடையும் என்பதற்க்கு யாராலும் உத்தரவாதம் வழங்க முடியாது. காரணம் வவுனியா வரை கொண்டு செல்லும் இப்பொருட்களை வன்னியின் தமிழீழ நிர்வாக பகுதிகளுக்கு சிறிலங்கா அரசு அனுமதிக்கும் என்று எதிர்பார்ப்பது முட்டாள்த்தனம்.

மக்களும் ஆர்வத்தில் பொருட்களைத் தருவார்கள் ஆனால், அவற்றை கொண்டு சென்று சேர்க்க முடியாத பட்சத்தில் சேகரித்த உங்கள் மீதே குற்றம் சொல்லுவார்கள். அங்கிருந்த அரச சார்பற்ற தொண்டு நிறுவனங்களே வெளியேற்றப்பட்டுள்ள போது ஜேர்மனில் உள்ள அரசசார்பற்ற நிறுவனங்களால் என்ன செய்ய முடியும் என்பதும் கேள்விக்குறியே!

இவற்றை விடுத்து இன்று தாயக மக்களுக்கான பணியிலீடுபட்டிருக்கும் தமிழர் புனர்வாழ்வுக்கழகத்துடன் எம் கரங்களை கோர்த்து அவர்களை வளப்படுத்துவதன் மூலம் எம் மக்களின் துயரில் பாதியையாவது துடைப்பது நன்று.

சம்பந்தப்பட்டவர்கள் கவனத்தில் எடுத்தால் இதில் பெருந்தொனை நேரத்தை செலவு செய்யப் போகும் உங்களின் நேரமும், மக்களின் பொருட்களும் மிகுதியாகும்...!

சத்தியமாய்.. உங்கள் கடமையுணர்வை கொச்சைப்படுத்த எழுத வில்லை மாறாய் உங்கள் அவசரமான இந்த முடிவே உங்கள் மீது மக்கள் கொண்டிருக்கும் நன்நம்பிக்கையை குழப்பிடலாம் என்ற அக்கறையில் எழுதுகின்றேன்...!

இதுவரை காலமும் ஏதாவது கசப்புணர்வுகள் இருந்தாலும் அவற்றையெல்லாம் உதறித்தள்ளி எமது தாயக மக்களுக்காக இந்த இறிதிப்போரில்(சிங்கள அரசுக்கு) ஈழத்தமிழ்மக்களின் ஒரே பிரதிநிதிகள் தமிழீழ விடுதலைப்புலிகள் என்பதை உலகிற்கு எடுத்தியம்பி புலத்தில் எடுக்கின்ற எல்லாவிதமான முயற்சிகளுக்கும் அணிதிரண்டு ஆதரவு தரவேண்டும். அப்படிச்செய்கின்ற ஆதரவு நிச்சயம் பயனளிக்கும்.

எங்கோ இருக்கின்ற இந்திய மீனவர்கள் உயிரைக்குடுக்கிறார்கள். எம்மால் இந்த உதவியைத்தன்னும் செய்யமுடியாதா?

இது எனது சொந்தக்கருத்தே.