யாழ் குடாவில் நீச்சல் தடாகம் அமைக்கிறார் மகிந்தவின் உத்தம புத்திரன்

யாழ் குடாநாட்டில் நீச்சல் தடாகம் இல்லாத குறையை போக்குவதற்கு மகிந்த ராஜபக்ஸ அரசாங்கம் தீர்மானித்துள்ளது. இதற்கமைவாக அவரின் புதல்வர் நாமல் ராஜபக்ஸவினால் இயக்கப்படும் இளைஞர்களுக்கான நாளை எனப்படும்

அமைப்பினால் இந்த திட்டம் இன்று உத்தியோகபூர்வமாக சமய நிகழ்ச்சிகளுடன் ஆரம்பிக்கப்பட்டுள்ளது. யாழ் நகரின் மத்தியில் உள்ள மத்திய கல்லு10ரியில் இந்த நீச்சல் தடாகம் அமைக்கப்படவுள்ளது.

கடுமையான உயர் பாதுகாப்பிற்கு மத்தியில் இன்று இடம்பெற்ற இந்த வைபவத்தில் யாழ் நகர தளபதி பிரிகேடியர் குலதுங்க, மேலதிக அரசாங்க அதிபர், மேலதிக கல்விப் பணிப்பாளர், மற்றும் பாடசாலைகளின் அதிபர்கள், புளுவோற்றர் சிஸ்ரம் நிறுவனத்தின் உயர் அதிகாரிகள் உள்ளிட்டோர் கலந்து கொண்டுள்ளனர். யாழ் குடாநாட்டில் நீச்சல் தடாகம் அமைக்க உள்ளதாக கடந்த ஒருவருடமாக பிரச்சாரம் செய்யப்பட்டு வரும் நிலையில் இன்று இதற்கான பணிகள் ஆரம்பிக்கப்பட்டுள்ளன.

எனினும் இந்தப் பாடசாலையில் நீச்சல் தடாகம் அமைக்கும் அளவிற்கு நீர் வசதிககள் போதுமானவை அல்ல என பாடசாலைத் தரப்புத் தகவல்கள் தெரிவிக்கின்றன.

http://www.tamilskynews.com/