யுத்தத்தின் வெற்றி ராஜபக்ஷ குடும்பத்தின் இருப்புக்கான வர்த்தக அரசியல் நாடகம் - மங்களசமரவீர:

யுத்தத்தின் வெற்றி ராஜபக்ஷ குடும்பத்தின் இருப்புக்கான வர்த்தக அரசியல் நாடகம் - மங்களசமரவீர:

http://www.globaltamilnews.net/tamil_news....=2249&cat=1

யுத்தத்தின் வெற்றி ராஜபக்ஷ குடும்பத்தின் இருப்புக்கான வர்த்தக அரசியல் நாடகம் என்பது நேற்று நாடாளுமன்றத்திற்குள் மீண்டும் நிரூபணமாகி இருப்பதாக ஸ்ரீலங்கா சுதந்திரக் கட்சியின் மக்கள் பிரிவின் தலைவர் மங்கள சமரவீர தெரிவித்துள்ளார்.

உயிர் தியாகங்கள் மூலம் பெற்றுக்கொள்ளும் வெற்றிகளை குறைத்து மதிப்பிடவில்லை. எனினும் மோசடியான பலவந்த குடும்ப அதிகாரத்தை உறுதிப்படுத்தி கொள்ள கேவலமான அரசியலுக்காக மோதல்களில் உயிரிழக்கும் படையினரின் நற்பெயரையும் கௌரவத்தையும் விற்பனை செய்வதை தாம் வன்மையாக கண்டிப்பதாகவும் சமரவீர குறிப்பிட்டுள்ளார்.

இராணுவ வெற்றிகளைக் கொள்ளையிட்டு அரசாங்கம் தேர்தல் நடவடிக்கைகளில் ஈடுபட்டுள்ளது என அவர் விடுத்துள்ள அறிக்கை ஒன்றில் தெரிவித்துள்ளார்.படையினரின் பூநகரி வெற்றியைக் கொள்ளையிட்டே மகிந்த ராஜபக்ஷ அரசாங்கம் 2009 ஆம் ஆண்டுக்கான வரவு செலவுத் திட்டத்தின் இரண்டாவது முறை வாசிப்பின் மீதான வாக்கெடுப்பில் நேற்று வெற்றிப்பெற்றது.

வரவு செலவுத் திட்டத்தை மக்கள் மத்தியில் நியாயப்படுத்த ராஜபக்ஷ அரசாங்கத்திற்கு வேறு வழிகள் இருக்கவில்லை. நாட்டின் அபிவிருத்திற்கோ மக்களின் நலனுக்கான நீண்டகால அடிப்படையிலான விடயங்கள் இந்த வரவு செலவுத் திட்டத்தில் இருக்கவில்லை.மக்களின் எதிர்காலம் குறித்து பேசக்கூடிய எந்த விதமான நன்மைகளும் அதில் உள்ளடங்கி இருக்கவில்லை. இதனால் இதுவரை ராஜபக்ஷ அரசாங்கம் மேற்கொண்டது போல் இதற்கும் இராணுவ வெற்றியை பயன்படுத்தி கொண்டதாக மங்கள கூறியுள்ளார்.