ராஜபக்ஷ அரசாங்கத்தின் கொலை குழுவினரால், மக்களின் உயிர் ஆபத்தில் - செனவகல மக்கள் ஆர்ப்பாட்டம்:

ராஜபக்ஷ அரசாங்கத்தின் கொலை குழுவினரால், மக்களின் உயிர் ஆபத்தில் - செனவகல மக்கள் ஆர்ப்பாட்டம்:

http://www.globaltamilnews.net/tamil_news....=2301&cat=1

எம்பிலிபிட்டிய செவனகல கொஹூல்ஹார பிரதேசத்தில் காவற்துறையினர் என கூறி ஆயுதம் தாங்கிய நபர்களினால் இரண்டு விவசாயிகள் கடத்திச் செல்லப்பட்டமைக்கு எதிர்ப்பு தெரிவித்து, செனவகல மங்டும பகுதியில் பிரதேச மக்கள் நேற்று ஆர்ப்பாட்டம் ஒன்றில் ஈடுபட்டுள்ளனர்.

ராஜபக்ஷ அரசாங்கத்தின் உத்தியோபூர்மற்ற கொலை குழுவினரால், மக்களின் உயிர் ஆபத்தில், கடத்தப்பட்ட இரண்டு விவசாயிகளை உடனடியாக விடுவிக்குமாறும் ஆர்ப்பாட்டத்தில் கலந்துகொண்ட மக்கள் கோஷங்களை எழுப்பினர்.

ஆர்ப்பர்ட்டத்தில் 350 கிராமவாசிகள் கலந்துகொண்டனர். ஜாதிக ஹெல உறுமய நாடாளுமன்ற உறுப்பினர் ஓமல்பே சோபித தேரரினால், கொஹூல்ஹார பகுதியில் நடத்தப்படும் போதிராஜ மாடுகள் காப்பகம் ஒன்றில் இருந்த இரண்டு மாடுகள் காணாமல் போனமை குறித்து, காவற்துறையினரிடம் முறைப்பாடு செய்யப்பட்டுள்ளது, இதனையடுத்து, கோஹூல்ஹார பிரதேசத்தை சேர்ந்த இருவர் எம்பிலிப்பிட்டிய காவற்துறையினரால் கடந்த 13ஆம் திகதி கைதுசெய்யப்பட்டதாகவும் தெரிவிக்கப்படுகிறது.

விசாரணைகளில் பின்னர் விடுவிக்கப்பட்ட இவர்களை கடந்த 16 ஆம் திகதி காவல்நிலையத்திற்கு சமுகமளிக்குமாறு உத்தரவிடப்பட்டுள்ளனர். இந்த நிலையில் இரவு நேரத்தில் கறுப்பு உடைகளை அணிந்தது சென்ற ஆயுததாரிகள் தம்மை காவற்துறையினர் என கூறி, இந்த இருவரையும் கடத்திச் சென்றுள்ளதாக கிராமவாசிகள் தெரிவிக்கின்றனர்.

கடத்தப்பட்டவர்களின் உறவினர், எம்பிலிப்பிட்டிய உட்பட அருகில் உள்ள 4 பிரதேச காவல் நிலையங்களுக்கு சென்று விசாரித்த போது, அவ்வாறு எவரையும் தாம் கைதுசெய்யவில்லை என காவற்துறையினர் கூறியுள்ளனர். இரண்டு விவசாயிகள் குறித்து இதுவரை தகவல்கள் இல்லாத நிலையில் இந்த ஆர்ப்பாட்டத்தை ஒழுங்கு செய்தாக பிரதேசவாசிகள் தெரிவித்துள்ளனர்.