பரந்தனில் கடும் விமானத் தாக்குதல்

பரந்தன் சந்தியை ஆக்கிரமிக்க கடும் முயற்சிகளை எடுத்துவரும் சிறீலங்கா, நேற்று அப்பகுதிகளில் கடும் விமானத் தாக்குதல்களை நடத்தியுள்ளது. இதன்போது ஏற்பட்ட சேத விபரங்கள் குறித்து உடனடியாக தகவல் எவையும் கிடைக்கப்பெறவில்லை.

இதேவேளை, பரந்தன் நகரப் பகுதி மீது சிறிலங்கா படையினர் நடத்திய எறிகணைத் தாக்குதலில் மூன்று பொதுமக்கள் படுகாயமடைந்துள்ளனர். கத்தோலிக்க தேவாலயம் தேசமடைந்துள்ளது. பரந்தன் நகர் மற்றும் சந்திக்கு அருகாமையில் நேற்று திங்கட்கிழமை பிற்பகல் சிறிலங்கா படையினர் செறிவான எறிகணைத் தாக்குதல் நடத்தினர்.

இத்தாக்குதலின் போது வீதியால் சென்று கொண்டிருந்த பரந்தன் 18ம் ஒழுங்கையைச் சேர்ந்த புவனேசலிங்கம் துஸ்யந்தி (28) இவரின் சகோதரியான புவனேசலிங்கம் துஸ்யந்திதேவி (20) மற்றும் முழங்காவிலைச் சேர்ந்த ஞானம் (39) ஆகியோர் காயமடைந்தனர். காயமடைந்த மூவரும் தருமபுரம் கிளிநொச்சி பொது மருத்துவமனையில் அனுமதிக்கப்பட்டுள்ளனர். இந்த எறிகணைத் தாக்குதலில் திருக்குடும்ப கன்னியர் மடம்-பரந்தன் அந்தோனியார் தேவாலயம், தொண்டு நிறுவன அலுவலகம் ஆகியன சேதமடைந்துள்ளன.

நன்றி சங்கதி இணையம்